Mimila (已結業)

屋企換電視，去左沙田，貪佢舖頭多又集中，仲要位處於商場內，可以歎住冷氣慢慢比較兼格價。買完心頭好先覺得肚餓，上左好多餐廳果層搵食，都幾多選擇。但啱啱出完血，都係食個簡單算了。呢間食麵的，裝修簡潔，似乎不錯。而且唔算多人，十分好坐。餐牌簡潔，以一碗蝦麵作招徠，仲大讚湯底用左好多心機去預備，所以我地都不約而同要試試佢。我叫左馬來辣蝦湯麵，而朋友就試辣蝦白毛豬肉湯麵。麵底可以自選，七種任㨂。有油麵、米粉、河粉、檬粉、銀針粉、粗米粉同埋摻摻 （即係油麵 mix 米粉）。如果想試多幾款餸，可以加 toppings ：話咁快辣蝦麵就上枱，好香呀 ～～其實聞到真係流口水架呢碗係我的辣蝦麵 $88 ，加左魚蛋 +$10。 蝦湯真係好正，味好濃但唔算油膩，唔算辣，D麵吸曬蝦湯 。魚蛋夠大粒，有魚味，食得出多魚肉少粉。蝦係半切的，蝦腸已挑乾淨，好衛生。湯碗好似唔大，但其實好深。底下仲有不少通菜同芽菜，爽口又健康。朋友叫的白毛豬肉辣蝦麵$98， 白毛豬份量不少，唔會得薄薄兩片。而且豬味濃，夠嫰同蝦湯好 match ，性價比高。鐘意食豬的朋友一定要叫呢個。飲品叫左桔子梳打，夠大杯，滋潤好味。上網 searc

位於新城市7樓，一上去就見到Menu 都幾多馬來西亞食品馬來辣蝦湯麵 $88招牌麵緊係要試試喇！湯底重蝦味，原來係經過六小時熬製，唔怪之得雖然濃蝦味但都好清甜湯麵可以揀唔同嘅麵：我就揀咗摻摻，係米粉mix油麵啊～食落有口感啲湯麵仲配埋手切海蝦、通菜、芽菜咖哩喇沙雞飯 $88嘩 好多種味啊，又咖哩又喇沙又雞會唔會啱選擇困難嘅你呢，一次過滿足你想食我都未試過呢個配搭試咗覺得幾新奇有碟菜、醬料飲品比平時茶餐廳嘅特別，所以價格較高，真係想飲翻馬來奶茶，所以照order了美祿可可 $32上面有好多美祿粉，mix埋下面啲凍朱，帶有少少苦甜味馬來奶茶 $32馬來奶茶完全同而家嘅台式唔同唔知係咪物以罕為貴呢，我覺得係好飲好多茶同奶嘅融合唔會掩蓋到大家，茶味係真係有少少澀澀嘅味，奶味唔假

最近NTP真係開左好多新餐廳，咁話晒係沙田友就緊係要遂一試晒佢啦！話說早係Mimila岩岩開個陣就已經想試下，不過略略參考過食評之後決定都係等一排先原因係我相信每間新開張既餐廳都要d時間適應先可以穩定返個水準OK，唔講廢話，講返野食！今次同細妹2個放工諗住shopping，所以快快趣食個麵就OK！本來想去食台灣麵既，不過唔想等…所以就泥左Mimila一上到7樓，竟然！未到半滿！心諗會唔會堅係伏呢？但係都係係為求有d野落肚就去行街就是但啦~我地一入叫左個麵，我加多左條魚肉墨魚卷，食落真係幾好食，仲好大碗，一定夠飽！馬來辣蝦湯麵(油麵)蝦夠多，湯夠味！麵質都唔錯，唔會好快就林晒！好食！咖哩喇沙手撕雞湯麵(檬粉)+魚肉墨魚卷咖哩味夠，不過唔辣手撕雞都唔少，正常份量魚肉墨魚卷好好食！$12有d貴但係都推薦架泥試下！不過由於檬粉好吸湯，食到尾差唔多無晒湯咁滯…總括泥講係唔錯既，不過呢個價錢我又覺得可以食到更好咁lo…

沙田新城市有好多好野食，今日我地來一間新開既馬來西亞餐廳食晚飯，餐廳主打蝦麵，咖哩喇沙，撈麵，咖哩喇沙正正是我至愛。我們點了招牌馬來辣蝦河粉（$88）餐廳每日嚴選三十斤鮮甜海蝦，用六小時慢火熬制，所以湯底非常鮮甜，侍應送到上來，已經聞到濃濃的蝦味，湯底是有少許微辣，但不會蓋過蝦味，而且蝦肉份量亦不少，非常爽口彈牙，最後我們連湯都埋飲，最緊要飲完不口渴呢。咖哩喇沙牛肉湯（$98）咖哩喇沙湯底非常濃郁，湯底帶有微辣，不吃辣的人都可以吃到。我選擇了油麵，配料都非常豐富，有美國牛肉，芽菜，通菜，魚片，豆卜，豆卜吸晒湯，好好味，而芽菜和通菜都頗多，美國牛肉略嫌太靭了。美國牛肉蝦籽撈麵（$98）配料有美國牛肉，芽菜，通菜，麵身每條都掛上蝦籽和蔥油，醬汁非常好味，囡囡成碗食晒。馬來咖啡（$32）

今晚心急如焚的我，放工後飛咁快去沙田 Apple 維修我壞了的手提電話，那時我就偷到時間醫肚咖哩喇沙牛肉湯麵 摻摻 ，現到餐牌有寫可選擇「摻摻」，好奇下向職員查問原來係米線溝米粉，湯底濃陏，很香咖哩味有五大塊牛肉，淥得剛好，唔 un「慘慘」口感幾特別，咖喱喇沙湯底可以掛在麵條上喝啖「桔子梳打」嘅清新由解喝干撈炸雲吞很脆，有少少辣，還新鮮炸起店舖還有吧枱比客人選擇簡單的裝修給人一種舒服的感覺用某一款信用卡仲有九折優惠

星期天的中午來點南洋風情我們三人點了三碗湯麵先來的是馬來蝦湯油麵招牌蝦麵湯底有濃濃的蝦味就像大量蝦頭的精華旁邊配有數隻已開邊的蝦蝦味超鮮甜油麵彈牙絲毫沒有討厭的鹼水味再來的是胡椒肉骨撈麵撈幼麵上伴有鮮香的蝦籽三大條肉排骨有很濃胡椒味類似肉骨茶的排骨非常入味最後是咖哩喇沙牛肉河粉味道頗重咖哩味很香濃最後呷一口薑汁奶茶茶香中夾雜著淡淡的薑味感覺特別味道討好這裡食物有風味服務也好偶爾來一點馬來風味也不錯

一直都很喜歡吃喇沙、上次去新加坡好像連續數天也在吃喇沙、愛它濃郁惹味、百吃不厭。今天來到新城市逛街、見到新開的Mimila、又自自然然走進去了。說真的我不太能說出新加坡跟馬來西亞的喇沙分別在哪、記憶中馬來西亞喇沙味道較酸而已。咖喱喇沙手撕雞$88麵條要了掺掺、原來是米粉油麵、吃下去較有口感。咖喱喇沙湯底好濃郁、有少少辣、好惹味！魚片爽滑彈牙👍🏻香菇肉脞湯麵$78看似清淡、加入西班牙白毛豬肉碎、原來湯味道幾香甜。豬肉丸同樣爽滑、通菜算鮮嫩、整體很不錯啊！現在很多餐廳都會在薏米水加入檸檬、滋潤之餘味道更清爽。友人點的芒果沙冰、喝了一口、好多芒果蓉、喝出以新鮮芒果汁打成、十分解渴。

今日經過沙田新城市廣場，黎到呢間馬來西亞嘢！Mimila😻👍👍一坐低，就叫左香菇肉燥湯麵，香菇肉燥牛𦟌湯麵，同三蝦撈麵，二個撈麵蝦米非常之香，蒜蓉味炒得好好，同埋佢俾我哋撈嘅汁同埋油及麵都分量充足，呢個覺得值得一試！👍👍👍👍佢啲面嘅款式都有好多唔同嘅選擇，不過我哋就只係叫咗銀針粉，佢有其他油面，河粉等等。果兩個香菇面我就覺得分量都OK多，但係啲牛𦟌就好硬，難d入口。而最後我哋叫咗個榴槤蛋糕，佢榴槤味都好重，麵粉都做得好鬆軟，大家都不妨一試！😻😻😻😻

為了家裡添置新的傢具...係假日既時候走了沙田一圈..密密行了一個下午...選購完成之後當然是搵野食啦，新城市廣場7樓有好多餐廳...行在一圈之後，我地選擇在一間馬來西亞餐廳試下先....白胡椒湯肉骨..有濃濃胡椒味道...肉骨都好淋香菇肉脞牛展湯麵...份量都有好多、一個人是食唔晒...😯而麵類選擇在摻摻...即係米粉加油麵...呢種食法我都係第一次嘗試，都幾特別！牛展是厚厚一塊的...味道有香濃的牛肉味，一點也不遜色！三蝦撈麵...賣相已經覺得唔錯..而裡面是蔥油蝦籽撈麵，配上海蝦同青菜....如果有多少少蝦籽會更加好（這是我個人喜好）😝

今天又來到沙田區工作，和朋友一起吃午餐，當然首選新城市廣場，網路上搜尋到的這𥚃，便來到一試。這裡地方不算太大，裝修清新帶點創新，座位約叁拾個。我們點了馬來辣蝦湯配摻摻($88)，白胡椒肉骨撈麵($98)，kopi 馬來冰咖啡($32)，菠蘿梳打($38)。馬來辣蝦湯配摻摻($88)，摻摻是馬來西亞食法，將油麵混合米一起吃，粗中帶幼，幼中帶粗。辣蝦湯是每日用三十斤海蝦，八小時手工炒料，六小時慢火熬製，怪不得鮮甜中帶點辣味，很有馬來西亞的風味。白胡椒肉骨撈麵($98)，肉骨帶點白胡椒的香味，肉質不會太腍太硬。撈麵是用蝦籽麵，配上香蔥油，我朋友話這個好吃，她吃了大部分，其實我都覺得好食，不過她吃得比我快。kopi 馬來冰咖啡($32)，咖啡味道濃郁，甘香中帶點澀味，是我最喜歡的。菠蘿梳打($38)，朋友覺得味道十分好，非常適合炎熱的夏天飲用。

這天在沙田 新城巿廣場看完戲，到晚飯時間我們就選了這裏7樓新開的一間專吃馬來西亞蝦麵的新店試吓，這店裝修用的顏色頗搶眼是粉藍色，乘電梯一上7樓就找到了。我們坐下來看看餐牌，餐牌的選擇不算多，主要有蝦麵，撈麵，一些小食和榴槤甜品等，感覺是他們要做到很專的原故，要吃地道的馬來西亞蝦麵就在這裏。我們點了馬來辣蝦湯麵和咖喱喇沙手撕雞湯麵，餐牌最下面還有幾款不同的湯麵底可任君選擇，因我們想吃正中的馬來西亞麵所以二人都選了摻摻(米粉和油麵)做麵底，貪其有特式之餘口感也比較豐富。先端上來的是馬來辣蝦湯麵，看上去和他們的相片一樣賣相不錯，蝦是大蝦一開二的平放在麵上，隔離還有芽菜和通菜等，先喝一口湯，湯的蝦味濃郁帶有小小辣，喝了另人非常回味，很是喜歡。蝦肉咬落有質感再配上獨特的馬來掺掺麵，可能米粉和油麵是不同質地的關係夾起掛了湯的蝦麵一起吃，特別好吃。另外的咖喱喇沙手撕雞湯麵，咖喱喇沙味好像比雞湯味較重，湯麵上有雞絲外還有幾片魚片，芽菜和豆卜，口感也很豐盛。雖然兩碗麵的份量已不少足夠飽肚，但我們還是叫了一個炸雲吞的小食，雲吞咬落卜卜聲，都能做到外脆内軟，希望下次再來試吓他們其它款式。

今日同朋友去咗沙田新城市廣場睇超人特攻隊2，睇完戲之後好肚餓，所以就行咗上7樓睇吓有咩食，一上電梯就見到呢一間馬來西亞菜，就即管試一試。我哋去嘅時候已經下午茶時段，下午茶就會包埋嘢飲，價錢平少少。我就嗌咗一碗馬來辣蝦湯河，超級足料，會有一字排開既蝦，啲蝦勁鮮甜，唔會有蝦腸，湯底勁有蝦味，係意想唔到咁入味。另外一碗就係沙嗲牛肉喇沙湯面，比較辣，沙嗲牛肉浸住啲喇沙，好入味。另外，野飲方面。就嗌咗一杯馬來奶茶，有少少似泰式奶茶，同香港奶茶唔同，冇咁甜，啱晒女仔口味。同埋桔子可樂，意想唔到桔子同可樂可以咁夾，有啲中和左可樂嗰陣甜味，十分新奇，好飲！

今日行完新城市想食下午茶，偶爾發現一間馬拉麵館，低得一試!平時既星馬泰菜都係晚飯菜館，好少有呢一類輕型麵食我要左碗馬來辣蝦麵，遠遠已聞到陣陣香濃辣蝦湯按個人喜好，仲可以加炸蒜，但我想試佢既原味，所以冇另外加配料蝦湯非常清但濃郁甜味，而且帶少少辣非常惹味菜有少少似泰國通菜，菜味一般，但都吸到皺湯既甜味，食落幾甜蝦球開邊鋪得滿滿，合返埋應該都有隻，食落唔算彈牙，但好甜蝦味，似平時食開既麻蝦麵底有唔同選擇，我要左摻摻，即係米粉加油麵原來馬拉既油麵幼身d，兩隻麵都好吸湯，食落啖啖麵都有濃郁既蝦湯味。呢款蝦湯應該配其他麵都一樣咁好食! 可惜冇得加底要多麵朋友要左份白胡椒肉骨撈蝦子麵，同樣有驚喜!!麵已經幫你撈好，佢既蔥油味道較得超香口，而且食落唔太油膩，愈食愈開胃!可惜蝦子麵唔夠彈牙，如果唔係就perfect了~肉骨超重胡椒味，食落覺得有點過濃~但肉質腍滑，質感幾好相比之下，撈麵配既豬骨湯遜色不少，豬骨味唔算濃，比起蝦湯顯得淡口另外點左份老巴殺雞翼，究竟用左咩香料!??真係唔係好食得出用左咩香料，應該未食過呢種，但香料味道淡，並唔係濃味香料雞翼夠大隻，食落夠juicy，唯一美中不足係唔知食緊咩味

今日同女友行完沙田，就揾左一間食馬來西亞菜的餐廳。馬來辣蝦湯麵($88)雖然我唔係好食得辣，但侍應講俾我聽話唔係太辣，所以都算易入口。麵的份量很足夠，就算我肥仔一名都可以夠飽。而且配料都十足，有好多隻蝦食，特別適合愛蝦之人。我個人認為佢個湯底好重蝦味，我好鍾意。香菇牛展湯銀針粉($88)湯底未有蝦麵咁出色，但湯則較為清淡，牛展厚厚，而且都幾軟身，味道唔錯。另外仲有魚片做配料，不過女友食量比較少，所以差少少先食得晒Ｄ粉。芒果沙冰($34)天氣迫人，唔飲凍野，我一定會熱死>.<。芒果沙冰都算幾好飲，而且仲有芒果的果肉在內，都算好飲。不過如果可以平多少少會更好。

說實話, 每次去沙田都衝衝而過。。。 真係好怕新城市滿街自由人。。。就係咁。。。其實沙田有咩好食我都唔知道。。。今日同老媽子行街, 餓餓地搵野食。。。知道七樓有幾間食肆, 就上去望下啦。。。見呢間Mimila新裝修又幾闊落, 就試試啦。。。原來 Mimila係食馬來西亞菜, 由於我未去過馬來西亞, 所以佢地既食物對我黎講都幾特別。馬來辣蝦白毛豬肉湯麵＄98＋五香牛𦟌$15湯底係師傅用試三十斤鮮甜海蝦去殼、挑蝦腸、煎蝦、切片，加上八小時手工炒料，同六小時慢火熬製，味道鮮甜，微辣，十分惹味。鮮蝦人手切片，半隻半隻可沾上更多湯汁。白毛豬肉味也很濃。另加既五香牛𦟌十分入味，好食！我揀左掺掺，即係油麵加米粉～感覺好飽肚！另外仲有炸蒜～美國牛肉蝦子撈麵＄98牛肉份量OK，菜和蔥份量也很多，不過麵較少。蝦子麵真的有蝦子，真材實了～麵本身都有味道，若覺得不夠可自行加湯。