Mimila (已結業)

平時行開沙田發現新開左間食馬來美食既餐廳。見佢的裝潢好簡潔，朋友又想食清d，我地就入左去Mimila食下馬來西亞美食啦。---見餐牌中的蝦虸撈麵好似好吸引咁，我就點了美國牛肉蝦虸撈麵（$98）。呢個蝦子面以蔥油配上美國牛肉，芽菜和青菜。蝦子面沾上蔥油真係唔錯既配搭，蝦子面真係真材實料，好多蝦子，食落好香，成口都係蝦子味。牛肉分量都ok，因為要突出蝦子面既香味，所以湯底亦較淡。而麵既分量就剛剛好，食完都好飽肚。至於朋友就鐘意食蝦，見招牌馬來辣蝦湯麵（$88）好似唔錯咁，佢就點了呢個湯麵試下。湯麵類可以配搭不同的麵類選擇，分別有油麵、米粉、河粉、檬粉、銀針粉、粗米粉及摻摻。選擇較一般馬來西亞餐廳多。👍🏻詢問了職員的意見後，發現油麵最為適合。湯底微辣，而且飲到有香濃既蝦味，食落頗惹味，如果可以選擇辣度就更好。手切海蝦大粒，芽菜和通菜新鮮。---朋友仲點了榴槤芝士蛋糕（$58）芝士味較榴槤味突出，入口香滑，而且食到榴槤肉絲，幾清新。作為甜點恰到好處。如果榴槤味能再突出點就更好啦！---一般的湯麵店只會象徵式配以極少量的配菜，而Mimila 配菜分量足，十分符合香港人注重健康呢一點。👍🏻 加分！

今日預左下午放假， 於是skip左個lunch, 諗住返到沙田先同姨甥一齊食Tea，但食咩好呢， 姨甥就靜靜雞拉左我嚟呢間馬來西亞餐廳。一聽到馬來西亞菜，我第一時間就想起大蝦麵，問少爺想食咩， 點知佢話唔餓🙄要留肚同朋友食晚飯，不過想少少地點個甜品食下喎，點解個樣咁鬼祟嘅， 再望下個餐牌... 😝我明喇， 因為餐牌甜品得三款，其中兩款都係榴槤xx, 仲要係貓山王添！我身平最憎榴槤嘅，話過榴槤唔準入屋添，不過算啦，係街就準佢點一次啦， 況且我今日有啲感冒，鼻塞塞的都聞唔到啦！飲品佢當然要點美綠可可啦，去親新加坡都係叫呢樣！我就要左檸檬薏米消消暑😉。可能係平日， 人流唔多，食物好快就送上：個蝦麵同新加坡嘅有啲唔同， 呢個湯底比較清甜，飲到陣陣鮮蝦味，我揀左檬粉底，諗住冇咁肥😝，配料當然都係蝦啦，但個麵冇我係當地食開嘅咁辣，可能就左香港人口味， 但如果可以加辣就更好喇🤭。姨甥嘅榴槤芝士蛋糕賣相唔錯只係細件左啲， 冇計啦，貓山王咁矜貴，佢話好好食喎， 我影完張相都未post, 佢兩啖就已經清哂，仲話唔夠喉，問可唔可以encore！🤭答案當然係No啦， 增肥咩！兩杯飲品都係我地每逢去新加坡時必點

沙田城市中心成日都會去因為夠大又多嘢行早2日同屋企人經過決定試下間馬拉麵店我就叫左馬來辣蝦麵佢係用左三十斤鮮甜海蝦 加上8小時手工炒料6小時慢火熬製架湯底好鮮好正我配左銀針粉好好食呀.屋企人試埋個沙嗲都好食 而且好大碗岩曬男士食.加個芒果沙冰一流有果肉又重芒果味

是日同我最愛的lilo睇the avengers, 又可以試下去新戲院睇戲之前就要搵下嘢食先，本身諗住食芽莊，但係安排座位時間較長，咁啱見隔離舖頭啱啱開工，咁就不如試下先嚟小食沙嗲魷魚，灼得爽口，份量二人食用算多，都可以一試，不過沙嗲汁微辣Lilo食豚肉喇沙，豆卜數量驚人，面亦多，不過好似椰奶味太多，同坊間食開嘅喇沙比較冇咩特別我就食咗蝦面，湯味都唔錯，不過唔夠蝦面店咁刺激，揀咗滲滲，份量都多但相對嚟講，都冇特別

新城市廣場出名多人，想搵間餐廳舒舒服服食野真係唔易呢間店店仔細細，成日逼滿人，食物選擇唔太多，但就成日都逼滿人商場店黎講，$70到一碗麵尚算合理咖哩雞絲檬粉，個湯底黃薑粉味好重，鍾意既朋友唔好錯過，豆卜吸晒湯既精華，重跟左兩塊魚片，雞絲好瘦招牌菜辣蝦麵，蝦既份量都幾多，食得出唔係發粉好勁果d塑膠蝦，蝦肉結實，湯底唔會死咸，有淡淡既蝦味貓山王芝士蛋糕，榴槤味未算太重，芝士味濃郁，口感比紐約芝士蛋糕冇咁硬山，但又比平時既慕士蛋糕硬仲有特飲添😊

沙田新城市廣場越嚟越多新餐廳進駐, 如果唔係朋友帶我嚟我都唔知依度開咗間專賣馬來西亞麵嘅餐廳。 今次嚟嘅呢間餐廳叫做mimila, 係馬來西亞「麵」嘅意思 。 餐廳裝橫有南洋的風味， 以湖水藍色做主調， 都可以容納到幾多人。另一邊 有一個小小嘅開放式廚房， 客人亦都可以選擇坐吧枱， 一路食住麵一路睇住廚師去煮其他野食。今日同朋友呢叫咗兩款麵， 一款係馬來西亞辣蝦麵， 另一款係 西班牙黑毛豬蔥油蝦子麵, 最後仲叫左榴槤芝士蛋糕做甜品tim!馬來西亞辣蝦麵每窩麵 都用了30斤蝦以上去熬製， 除了有蝦頭蝦殼都有亦都有各種香料煮成，湯底先辣後甜， 喝得出濃郁的鮮蝦味道， 鮮甜之中亦都帶有微微的辣味， 味道豐富， 最適合就是在天氣悶熱的時候，喝一口濃郁微辣的蝦湯可以醒腦提神。唯一美中不足的是炸乾蔥比較少，多一點的話會更好味。摻摻分量都幾多, 食完都夠晒飽。西班牙黑毛豬撈麵最欣賞就係老闆用矜貴嘅西班牙黑毛豬來代替普通嘅豬肉， 撈麵嘅底下有秘製醬汁同蔥油， 加左蔥油的蝦子麵非常惹味， 醬汁嘅味道亦都好出色，麵條也不會煮得過淋，不錯。榴槤芝士蛋糕質地軟滑， 綿綿可口，比平時的芝士蛋糕多一層榴槤的口味，

前兩日同friend去行新城市廣場，行到肚餓，睇吓有乜食先！原來7樓開咗間馬來野喎，入去試下先。原來依度主打辣蝦湯麵，好！整返碗先，我要摻摻面底（即係米粉加油麵）之後我再加左白毛豬肉同糖心蛋～我個friend就要左咖喱喇沙牛肉湯摻摻。　登登登登，依碗就係我碗辣蝦湯麵！湯底睇落好清，但原來極重蝦味，飲落去好甜好鮮味，最重要係佢唔油又唔膩，我飲晒啲湯都唔覺得口渴。啲蝦大大隻，仲細心挑埋蝦腸，讚！白毛豬肉浸落蝦湯入面入哂味！好食！雖然加埋要過百蚊一碗，但絕對值回票價，下次一定會再嚟！

沙田真係多左好多野食 今次揀左呢間係食馬來西亞美食既餐廳 入面都幾多人 好彩唔駛等位咋 〰️馬來辣蝦湯麵〰️$88呢個湯底聞起上黎好似好辣 但係其實唔係好辣而且仲有d蝦既鮮甜味 麵底就係油麵 感覺上有d車仔麵feel 蝦肉分開成8片 咁樣食既蝦肉雖然比平時冇咁彈牙 但係就吸左湯底既精華 仲有幾條通菜添呀〰️咖哩喇沙手撕雞湯麵〰️$88呢個咖哩係有淡淡既椰汁味 所以又係唔算好辣 手撕雞既份量都多 佔左差唔多半個碗面架 仲有魚片同豆卜做配菜 食完都飽晒〰️美綠可可〰️$32其實杯野最吸引就係面頭個一大堆美綠粉啦 甜甜地好好味 就咁嗒下嗒下又得 或許撈埋入杯野飲都好正 〰️檸檬薏米水〰️$32清熱解暑 感覺都有益健康d 好過成日飲凍檸茶個d

沙田新城市廣場七樓開左新鋪，平時上到來大多系食芽莊，見到新野又心思思走左去試。餐廳裝修色調柔和，以粉藍色做為主色調，舒適美觀。餐牌比較簡單，有湯面撈面，可自選搭配不同粉面，我地揀左辣蝦河粉同手撕雞摻摻，即系米粉+油面。湯底系鮮甜既，碎蒜米另上，好惹味，有特色既，河粉糸我至愛，食落感覺舒服。有南洋特色。手撕雞摻摻（米粉+油面）有南洋特色，手撕雞好特別，搭配豆卜，魚片，芽菜。美中不足糸咸左...老巴剎雞翼，一份四件，外酥內嫩，好入味。

今日去沙田行街, 行到攰攰哋睇下有咩食先.可能因為假期沙田到處都好多人 , 我記得7樓有餐廳, 咁就同朋友一齊上去! 呢到有間食馬來西亞嘅 餐廳叫做mimila, 之前未食過, 我見佢個餐牌都吸引, 都係食馬來西亞面為主. 我見佢餐喺上面個招牌菜係馬來喇虾湯麵, 咁我就試下啦 , 呢個面要88蚊價錢唔算平 , 等咗10 分鐘個麵就嚟啦 !上面有七至八隻己經mok 了殼的蝦, 啲蝦都幾鮮甜嘅. 當然第一件事要試下個湯底好唔好飲先 . 個湯底都好鮮喎 , 睇佢個menu寫話 用咗好長時間去敖嘅 , 都交足貨!整體上味道不錯, 湯底好飲, 食完不會口乾.麵底都算弹牙, 麵上面的通菜好好食, 同個麵好夾. 份量就啱啱好, 不大也不算小. 如果大食d可能唔夠飽．至於環境方面, 餐廳雖然不大, 但座位0k舒適的. 侍應也有禮貌, 下次會再來!

沙田行完街上左7樓食野，開𨋢見到呢間鋪新開，門口排咗唔少人，見佢主打賣馬來西亞風味蝦麵、叻沙、肉骨茶、咖喱，一向都好鐘意食，決定一試！看到餐牌上啲料都好似幾豐富下。個人認為價錢方面都算係公道，同一間商場幾間麵店都係差不多咁上下價錢。坐下時向店員落單，叫咗個招牌菜馬來辣蝦湯麵油麺、咖喱叻沙牛肉湯麵及凍薏米茶我食馬來辣蝦湯麵油麺配手切海蝦十芽菜和通菜，另外十多個花枝墨魚丸，下單後速度好快，不過可能晚飯比較繁忙預先整定嘅關係，湯底唔係好熱。入面用料都算新鮮，湯底味道濃，同出面食既湯底有啲分別，入味好快食完同飲完凍薏米茶粒粒薏米有口感咖喱叻沙牛肉湯麵配牛肉，魚片，芽菜和豆腐卜，湯底嚟講，椰香濃郁，後帶紅油辣勁，不會過於油膩，非常惹味。質感亦夠稠身！摻摻（米粉加油面)麵條煮得硬度剛好，條條分明，索哂湯好入味，但又不會過淋，仍然保留咬口出色。我最中意就係牛肉，浸落湯嘅牛肉肥美、大啖肉，同樣索滿叻沙精華。另外同樣幾中意嘅就係魚片十分彈牙。

幾時都話 約朋友係沙田食飯真係好方便今晚就約左朋友係新城市廣場個度食晚飯其實一路都未諗到食咩 都係係行行下上左7樓見到間新開既食店 我地就異話不說入左去喇門面光猛 坐落仲幾舒服 呢度主打馬來西亞湯粉麵岩哂我朋友口味 我地一人叫左個麵 我就另外叫多左杯野飲馬來西亞辣蝦湯麵送到上黎時 第一口緊係試左個湯底先喇好有馬拉風味 個湯底試得出好足料蝦肉都幾入味 俾左嗎朋友食 朋友都好buy西班牙栗飼白毛豬撈朋友唔食得辣 所以叫呢個就岩哂數朋友個個麵底係蝦子麵 同我個個唔同我都拎左少少黎食 蝦子味幾夠 麵身都幾好咬口豬肉肉質都幾所以唔食辣既朋友都可以一試桔子梳打天時暑熱 唔叫返杯都對唔住自己喇！

今日同呀媽去沙田睇樓，個樓市火辣辣，真是要吃個tea休息吓冷靜吓。不過，唔知是否太熱，突然間想食辣嘢。想起沙田之友推介的Mimila「馬來辣蝦湯麵」($88)。老公常常話湯麵最重要是個湯底。「馬來辣蝦湯麵」的湯底，是由他們每天嚴選三十斤鮮甜海蝦，八小時手工炒料，六小時慢火熬制的，果然不錯。我選了河粉，麵的餸有手切海蝦、芽菜和通菜 。呀媽話唔餓，只想食小吃，我選了班蘭戚風蛋糕 ($58), 但太好賣 sold out 了。最後選了猫山王卷蛋糕 ($58)，這個不太甜適合呀媽。飲品方面，呀媽選了消暑的檸檬意米 $28 (Hot)，而我選了潤喉的桔子蜜飲 $28 (Hot)，喝了喉嚨很舒服。

話哂我屋企都有幾個係馬拉人，所以小妹對馬拉野食都有少少研究。最令小妹再三回味既係當地既福建蝦麵，個湯底濃度完全贏哂，蝦味極度濃郁，據說仲會將原隻蝦攪碎，所以D湯先會咁濃。係馬拉食完之後真係返唔到轉頭，因為個湯底真係會令人著迷。呢間餐廳既馬來湯麵好似都幾正，所以捉埋愛人一齊馬來辣蝦白毛豬肉湯河粉 ＄98呢個價錢當然貴過馬拉食喇，但如果個湯好味，小妹相信都會有唔少人會鍾意。飲咗啖湯，的確好有蝦味又有少少辣，都幾好味。每隻蝦都有一陣陣炭火燒過既味，不過肉質就唔太爽，可能雪得比較耐。白毛豬肉片小妹覺得比較乾身唔夠Juicy，不過河粉加埋個濃湯小妹都覺得好足夠，因為食麵既人都知道最緊要係個湯底同麵咖喱喇沙雞飯 ＄88愛人就鍾意食飯，所以佢諗都唔諗都叫咗呢個飯。上枱時都有少少驚喜，因為會配埋一碗通菜同雞醬，一D都唔求奇。唔好以為係俾碗白飯，碗飯係雞油飯，真係好好味。咖喱喇沙有一陣陣椰漿味而且雞件都有好多，誠意十足貓山王芝士蛋糕 ＄58有貓山王芝士蛋糕點可以唔試，小妹好鍾意食榴槤可惜愛人唔多Like所以少機會食，今次有蛋糕當然唔可以放過喇！切件蛋糕比較細件，但食落有榴槤果肉，真材真料但奶味比較濃有點

今日放假，所以同老公入左沙田行街，真係好多好多年冇入去啦，新城市廣場真係變左好多😝，多左好多餐廳，行到去7樓比呢一間餐廳吸引著，馬來西亞菜，價錢又唔係好貴👍🏻，所以決定入去試一試😝，其實環境唔算好大，但裝修都唔錯，環境舒適，服務員好好禮貌，1）馬來辣蝦麵，個湯真係好濃郁👍🏻，帶有少少辣味，而d虾入晒味，個湯最後係比我同老公飲晒😋😋誠意之作，值得一試👍🏻👍🏻，2）沙嗲魷魚亦，食落有好濃郁嘅沙嗲味👍🏻，魷魚亦都唔會太靱，煮得啱啱好👍🏻，3）貓山王芝士蛋糕🍰，唔會太甜，食落之後有一陣淡淡的榴槤味，都會食到少少嘅榴槤肉，唔錯，4）桔子蜜飲🍊，酸酸甜甜，好開胃，5）kopi 馬來凍咖啡☕️，好creamy，不太甜，好香咖啡味😍，我個人非常喜歡，整體來講，值得一試，個人推介，馬來辣蝦麵及kopi馬來凍咖啡👍🏻👍🏻👍🏻