Mimila (已結業)

今日去沙田新城市見客，見到呢間食馬來西亞野，但又唔係連鎖式食店，其實我最唔鍾意食嗰D連鎖式食店，因為D食物一間比一間差。今日食咗個香菇肉脞麵同埋沙嗲魷魚亦，因為今日有D喉嚨痛所以唔食辣嘞，如果唔係梗係食招牌菜啦。好彩無令我失望既係個肉脞麵個湯底真係香濃肉味，未入去坐既時候，介紹個肉脞麵係用新鮮豬肉熬制，都幾正。同埋原來肉脞係解肉碎。個魷魚亦都幾特別，因為平時食多數都係炒細隻魷魚或者魷魚筒，呢個亦真係第一次食，啱啱熟，又滑又爽口。其實新城市太多連鎖式食店，越嚟越求其。呢間食店值得支持.....下次要試招牌菜再同大家分享!!!

D湯麵咸到不得了，食咗簡直危害健康！味精多到不得了，食完口渴到不得了！奶茶得個甜字完全冇茶味！價錢又唔係平，下午茶連加一要＄100！食完有好嬲嘅感覺，相信唔會有下一次！

同朋友食個輕便晚飯，再行街街掃貨，去到新城市七樓呢間新派馬來西亞麵食，上咗佢facebook睇完個J2片上去試下。叫咗一個期間限定既喇沙雞飯，喇沙汁撈飯好正，問咗個侍應個黑醬油點食，佢話正宗馬來西亞食法就係D雞點黑醬油同加蒜嚟食，果然無介紹錯，唔錯唔錯。個朋友就叫咗個辣蝦湯麵加白毛豬，個蝦湯好甜蝦味，佢地話用鮮蝦製作，認真感覺到唔係用粉溝出嚟。辣就見人見智，我朋友就話可以接受，佢仲問可唔可以辣D添?!但個侍應話得一個辣程度....!個白毛豬好特別，黑毛豬就食得多，白毛豬個肉質好特別，好香。雖然係貴D，但物超所值，食到正宗馬來西亞食法，又食到特別既白毛豬。

諗住睇你新開，又喇沙又盛，試下你有幾出奇啦。上檯嗰刻，滿懷歡喜嘅我見到嗰湯望落咁濃郁又香。一擺入口簡直就係荒天下之大伏！我嗰檬粉好似鼻涕咁，又軟又無口感。第一次食到一個麵，麵同湯嘅味道係分開㗎！！真係好犀利好犀利！嗰麵就係白灼，嗰湯係咖喱同喇沙都無味，係呀！係少少味都無呀！食完之後仲會帶多少少苦澀味，強烈推薦大家想試下心情唔好絕對要係到嗌佢嘅喇沙系列。你絕對係可以一秒內係天堂跌落地獄。不期然諗起嗰陣美女廚房個班地獄廚神！查實呢到租都應該唔平，老細考慮下炒曬班廚房喇無人敢擺落口呀！永久blacklist無下次呀真係好少打食評，忍唔住坐係你餐廳上openrice鬧完你先埋單。夠膽死舊幾水一碗麵俾呢啲嘢人食，真係多謝你呀我！

見到有新舖開，雖說馬來西亞野係香港好少有好味的，即管入去試一試先⋯～炸魚蛋：即叫即炸～炸起一食又冇成口油、彈牙的+沙爹醬襯返～炸雲吞：又係即叫即炸+雲吞入面係彈牙大蝦必叫～白胡椒骨：我想話個湯底比我差不多飲曬。胡椒既香味以為自己係馬拉。骨入味又夠淋，重有至愛的軟骨⋯推介～白咖哩喇沙白毛豬：雖然係喇沙，我個人本來唔係好食得辣，但呢個我都食得到⋯如果有蒜蓉包或者薄餅，相信又一個汁可以清曬～～～三蝦撈麵：因為已經有兩個小食有汁，所以叫咗個撈麵。但我忘記影另上的一換湯仔，嗰碗湯仔吊出個蔥油蝦籽，我加咗兩三匙湯，再同撈麵食，蔥油蝦籽完全襯到個麵底，一碗麵有五隻蝦都叫好有良心～貓山王芝士蛋糕：有榴櫣香味、仍有芝士味，但我覺得芝士味偏重。不過又一個榴蓮粉絲要來試下。如果佢地可以有預訂一個既服務⋯⋯相信各榴櫣之友又多個選擇係節日送返比知音人～其實因為佢有兩款榴蓮甜品而吸引咗我入黎試，呢款貓山皇卷蛋蛋糕我本人比較喜歡，因為卷蛋糕層好軟綿綿的，一口咬落去有榴蓮的香味。呢款甜品一定會推介比知音人其實新城市冇乜甜品舖，係到食完咸野再叫個甜品就啱啱好👍🏻唔駛過隔離又排餐成先食嗰十分鐘就要迫人走。之前睇過其他評價

一碗喇沙$100元已經貴，吾好食，餸又小, 無味道,地方其實好細,只是遞碗麵係枱上比你,水都無一杯,無服務可言，仲要收加一，埋單要求用支付寶減$5,舖的QR code 支援吾到,無理你! 差差差!

環境都唔錯，燈光幾光猛，適合影相，係通道有啲窄，體驗到香港地少人多碗美國牛肉蝦子撈麵我另外再加左白胡椒肉骨同魚肉墨魚卷，啲配料都幾好食。個麵係用蝦子麵撈，佢用左啲蔥油同啲汁撈完真係幾好食，我誠意推介。桔子梳打，飲落去好正，不過可能因為我頸渴。女朋友食呢個咖喱喇沙雞飯真心好食，不過食完冇影相，唯有影返餐牌補數，呢個雞飯個飯真係勁香勁好食，佢落左啲蒜頭落啲飯都去整，真心剩係食個飯都好夠味，不過加埋個喇沙汁，掂!同埋啲雞夠滑，而且佢原來個餐送一碟通菜，感覺唔錯。

食物味道行先就更架啦，可惜真係好一般湯底，配菜量少都算，個面底仲少過日式拉麵，兩片牛扮上菜？就甘已經$88. 吾怪得甘細地方可以有十個員工! 其實老闆係米交哂租金？明白大商場消費者係俾得起，但都吾係甘離譜個量至於到甘既地步，食品味道普通就預左，但都吾該俾人食飽d。成餐精髓黎啦，叫左杯$2x 凍奶茶，應該都會有反d東南亞风味，其它國既拉茶都好出名。點知尼杯越飲越覺係“港式節永“味道，即係大家飲開茶仔，M 記個d. 真係有點失望。

見沙田難得有新野食 緊係要lunch試試佢！等位都等左一陣 因為店鋪唔大 加上啲店員安排坐位不太合適 搞到浪費左好多吉位係到～anyway 成功排到我地食！呢到係無午市套餐既 野食同野飲都係散叫 我叫左蔥油白胡椒肉骨蝦子撈麵 大家估下佢值幾多錢？ 係開估前講下食評先 白胡椒味有 可惜啲肉有啲鞋同硬 蝦子麵同蔥油就唔錯既 通菜都好味價錢$98 仲未計加一 抵唔抵就見仁見智啦 我就覺得唔抵 仲要無野飲另外兩位朋友分別嗌左A1同B1 （各$88）實在係記唔到個名 記到英文number都ok啦🤣朋友對食物味道都無大評價 但大家都覺得完全唔抵 感覺俾盡六七十蚊連野飲先會多回頭客 加埋一收成一百蚊左右 但間鋪細坐既環境唔舒服 更加覺得唔值 真心建議可考慮調低價錢

小弟第一次開Post寫食評一定要搵間好野介紹。假期跟幾個朋友去了沙田新城市食嘢，最後揀咗一間喺7樓食馬來菜叫做MiMila嘅麵店。 店鋪不大裝修一般，朋友嗌咗三蝦撈麵食，雖然個麵係平時屋企整嘅蝦子麵但味道好唔同，都幾好食，另外朋友嗌咗咖哩喇沙手撕雞湯麵，都幾得意，因為佢係咖哩溝喇沙唔同出面一般淨係喇沙既味道，一般人可能認為湯底唔係太濃但係幾適合香港人嘅口味。我女朋友就嗌咗馬來辣蝦麵$88而我就嗌咗馬來辣大蝦麵$168，湯底一樣但蝦大小不同。其實識食緊係唔係食蝦而係飲個湯底，結果令人滿意，食得出是用新鮮蝦嚟淆製出來的，鮮甜的又不是太辣，總會有人話不夠辣但我就啱啱好，每人都不同口味吧! 總括來說 shopping mall來講平均人頭消費是ok的，食物係我喜歡嘅味道 ，我覺得可以再返去食嘅一間食肆。

There is an abundance of Singaporean food in HK but not many options for Malaysian food.Discovered this place as I was in Shatin. What led me here was the escalator that is a travelator to begin with before it ascends into an escalator.As I was curious, I took them and it led me right into Mimila as it is the first shop that greets you when you get off the escalator.I loved the baby blue theme and bar by the kitchen.Mimila is a Modern Malay noodle joint according to the menu and the desserts wer

在新城市廣場覓食超過20年，呢間餐廳令我最震撼。$88馬來辣蝦麵，只有幾條通菜芽菜和4隻蝦仁。（我冇講錯係4隻蝦仁，四隻咁細嘅蝦仁都仲要開邊上碟，絶過食神。而且既然開邊，竟然唔清蝦腸...失敗中嘅失敗。）新張期間贈送單餸，他們介紹我點了魚肉墨魚卷（正價+＄15）食過紀文出品，就知乜嘢味。湯底蝦味唔夠濃，味道沒有層次又唔夠辣。$98 白胡椒肉骨撈麵，彷似煲到乾晒嘅肉渣，一點油潤也沒有🤮。又係新張期間贈送單餸，我點了帶子，佢真係俾兩粒白烚急凍4S帶子😅蝦子麵就似屋企煮的蠔油蝦子麵，他有碗湯跟，放落碗麵沖淡些蠔油，食落無咁咸，濕濕地易入囗。最後食晒的麵和兩粒帶子，卻剩下肉骨。場地細小枱多多，不幸地坐正中間，不停讓路，食都唔安樂☹️

心思思想食馬拉嘢見到沙田有一間餐廳係食馬拉湯麵要左一碗咖喱喇沙手撕雞湯麵就係叫咗一碗咖喱叻沙湯白豬肉湯兩款味道偏鹹 喇沙更沒有椰香人哋啲豆卜多數索完湯之後會好夠味佢索完湯後係冇味手撕雞肉又鞋 不過有樣嘢幾特別嘅係 佢可以揀雙拼面油面加米粉 不過其實食落都怪怪的面嘅口感都唔係特別好可以再多多改進碗麵食到一半 已經好口渴真係非常口渴跟住叫咗杯野飲味道一般不過價錢偏貴 三十幾蚊一杯最後埋單二百幾蚊下次應該都唔會再嚟食

星期一 勞工假假期前訂到位 就試下 一行8位入到去 麵只有幾款 有個3蝦撈麵 就問下係米3蝦 就攞个圖片我自己睇 咖啡難飲 奶茶唔夠冰冬菇豬肉麵 湯底好難食問攞水俾小朋友 好不願意侍應多過食客 我地早去無乜人 上菜亂放 問係什麼麵 又答唔出，收走又放底都答唔出，4人大人 食餐廳每款一個麵，無一个好食，食完張枱好似打扙都唔執。完全唔明點解有人推介差差差

MIMILA是新派南洋風麵店，新店的三蝦撈麵及沙嗲咖喱肥牛麵一試難忘，大大隻虎蝦，非常鮮甜和爽脆，少許辣味更開胃及惹味！掛住食，冇影到相😭😭😭甜品有極具人氣的貓山皇卷蛋糕，卷蛋糕內有仲有榴槤果肉，非常香濃；強烈推介貓山皇芝士蛋糕，滿足芝士控的自己，味道不會太漏太甜！