February

營業中

休息中

趁2月份未完結，是日相約朋友到February食餐二月的晚飯，這餐是朋友請我食的，正好西餐合她的心意，太完美了！餐廳環境很舒服及優雅！！我地加＄38轉套餐，一個選擇沙律，一個選擇蘑菇忌廉湯沙律就普通忌廉湯的質地很稀，但喝下去相當香滑，忌廉味好夠，味道依然濃厚，好正。重點係夠哂熱，好好飲法式芝士芥末羊架（5pcs）＄272羊架size唔大，但勝在夠厚身，所以口感幾好，要了六成熟，烤得剛剛好，肉質好嫩。好欣賞佢個羊架六成熟既感覺都唔太so，夠入味，而且肉汁都仲係入面，唔會好乾，亦唔會太肥，成口油咁！值得食完再食既主菜！！！推介白松露油黑松露雜菌天使麵＄142呢度嘅白松露油黑松露真係冇得頂，雜菌好多，而天使麵分量適中，混合一起是最完美的配搭。幼滑偏軟嘅天使麵煮得岩岩好，好吃又夠飽肚。忌廉味和黑松味十分濃郁，啲雜菌白汁可以浸住個天使麵，同時不會過於軟林。餐飲方面選擇還可以，今次飲了一杯凍檸茶，檸茶味道唔錯，但沒太大驚喜。

老公升職，緊係要慶祝下啦，我地約左係觀塘食晚飯，附近工廈都好多選擇，但因有朋友黎過February 食，覺得好味，所以我地又黎試下。由於好多野都想試下，所以我地散叫，首先當然唔少得招牌菜德國火焰咸豬手啦，另外我地仲叫左拿破崙白酒煮大蜆、卡邦尼意粉、白松露忌廉野菌湯同青蘋果乳酪沙律。續一介紹下先：德國火焰咸豬手，侍應會係你面前睇住倒少少酒係豬手上面，再點火燒著，感覺都幾得意，啲皮外脆內軟，肉就入晒味，點埋汁仲好味，而廚師仲會幫你切成一小份咁食，真係值得推介。拿破崙白酒煮大蜆，都有十幾隻大蜆，蜆好鮮甜，味道又容易入口。卡邦尼意粉依個意粉都好好味呀，熱辣辣，份量適中，鍾意佢味道香濃，一定要熱食至好味。我地跟餐加左個白松露忌廉野菌湯同青蘋果乳酪沙律，個湯好香，忌廉味好重。而沙律配乳酪加青蘋果，個味都幾夾喎。

2月天@February觀塘 駿業街56號中海日升中心2樓A號舖有時間觀念卻沒日子觀念，我就是這樣大刺刺的女生，就什麼紀念日我都沒刻意就也沒心裝載。觀塘是個有回憶的地方，也有2個月沒來，泛起了思念。2月份選定了一間叫February的西餐廳。個環境燈光呈紫色，氣氛籠罩住浪漫。第一道菜式點了$182 bbq ribs，超大份恐怕是2人份吧，切開好肉羊扒厚。個汁好重蒜蓉味，炸起的薯角香脆可口。$122卡邦尼意粉，加$38轉做套餐，會多了沙律或湯與飲品。少爺很多海鮮都不能吃，就點了它啦，這也是少爺仔愛吃的pasta。白汁夠濃郁，雖然是肥用牛油麵粉炒成，有煙肉碎添鹹香。沙律都不欺場，青蘋果雜菜salad, 而 salad dressing 是直接用蘋果打汁。 湯是磨菇忌廉湯，菇是鮮的有誠意，湯不會太杰令人好快就飽滯。轉餐的飲品要了檸檬茶同熱奶茶，但看到茶包沖泡而成，這點就太馬虎了。

觀塘工廈愈開愈多餐廳，身為觀塘人都不時到工廈搵食，今日就俾我搵到呢間食德國餐既February。 雖然呢到唔太大了，但環境似餐吧都幾Relax，不過真係估唔到假日都全場爆，睇黎都應該少名氣。香芒大蝦沙律 $92沙律健唔健康真係好睇個醬，呢到既沙律係用黑醋而且冇咩橄欖油就岩晒我，另外佢既蝦都幾大隻同埋肉質彈牙，仲有佢既芒果真係好甜，整體水準都唔錯。 美式慢燒豬肋骨 $182雖然德國菜必食既係豬手，但因為前排先食完所以決定食燒豬肋骨，呢到既豬肋骨都有番咁上下水準，豬肋骨唔會燒到太乾身，肉質嫩滑，醬汁醃得好入味，同埋我好鍾意佢比平時食到既重香蒜味，令味道更有層次。香煎帶子牛肝菌意大利飯 $142帶子大大粒，同埋個飯充滿牛肝菌既香味，意大利飯本身亦煮得岩岩好，唔會太淋或太硬，不過就略嫌牛肝菌汁收得未夠，宜家有略太水，但味道係唔錯既。呢到Overall 既水準都唔錯，同埋價錢都唔係特別貴，難怪有咁多人支持呢間小鋪啦～其他餐牌：

表妹剛剛過了她的二十歲生日， 身為表姐的我當然要幫她慶祝，上班和屋企都在觀塘的她， 下班後當然不想再到其他地區， 所以上星期五特登到觀塘吃，原來觀塘有間命名為「二月」的餐廳， 所以剛好帶飯這位二月壽星女去慶祝我們點了一個二人餐先來「帶子煙三文魚沙律」份量都幾多，好似主菜般那麼大碟將煙三文魚切條狀， 方便跟菜一起夾起來吃沙律菜用黑醋拌勻， 比起沙律醬， 感覺健康得多「法國麵包蟹肉龍蝦忌廉湯」未飲都已經聞到好香龍蝦味道濃郁，湯入面都有好多蟹肉啖啖都好鮮味「香煎三文魚柳拼拿破崙白酒大蜆」三文魚柳份量都好大件，配埋忌廉汁，食落更香旁邊的白酒煮蜆粒粒個肉都好大粒香濃既拿破崙汁煮出嚟好香，但都無掩蓋過大蜆既腥味「香煎帶子牛肝菌意大利飯」牛肝菌與意大利飯一直以黎我都覺得是絕配牛肝菌令醬汁更香帶子煎得好香，意大利飯軟硬度適中食晒都唔會覺得太膩「奶凍、藍莓芝士、雪米滋」最後食埋甜品作為終結藍莓芝士蛋糕的藍莓醬夠晒豐富可以令芝士蛋糕食落無咁膩士多啤梨奶凍奶味很香濃，整個都粉紅色，很美

是日約了尖子吃晚飯, 來到February. 平日晚上九時多到達, 場內的客人不算多,不用等候便可入座, 真好, 筆者實在很肚餓啊! 店內燈光昏暗, 一格格的半圓形廂卡, 客局有點像酒吧. 哈哈. Menu 的選擇不少, 點選了德國火焰咸豬手(HK$282), 龍蝦汁海鮮意大利飯(HK$152). 等了一會, 侍應送上德國火焰咸豬手, 即席點上火焰, 視覺度和創意度也是滿分. 切開後分量不少, 試一口, 皮帶點香脆, 味道沒有過鹹, 也可以. 龍蝦汁海鮮意大利飯, 賣相不錯. 試一口, 飯粒偏軟身, 龍蝦汁味道濃郁, 意大利飯吸收了醬汁的精華, 也可以. 吃飽飽, 往下一站出發.

中國情人節竟然同屋企人食飯，成件事好似好唔合理但係其實我覺得屋企人都係我上世嘅情人，所以今世都有個機會可以喺埋一齊。好多人都讚好依間餐廳嘅豬手，好似一定要來食，擇日不如撞日，提早book咗枱好彩啱啱好有位。 雖然餐牌選擇好多，我哋諗都冇諗就揀咗鹹豬手，更＄38就可以轉套餐，可以選擇餐湯或者沙律，再加上一個飲品無論冷熱都係同一個價錢。得知今日嘅餐湯係普通蘑菇忌廉湯，雖然都好吸引但係佢哋想試龍蝦忌廉湯多啲，加$22龍蝦忌廉湯！好快就上到來，仲要旁邊有啲蟹肉絲，極具鮮味和口感，而且用龍蝦殼牛仔的龍蝦湯雖然鮮味香濃但係不會膩。 德國火焰鹹豬手＄282首先一隻大大的鹹豬手已經非常奪目，再加上倒上一些火酒，做出火焰吸引眼睛。雖然眼前的火一迅即逝，但也美好。 大大隻鹹豬手裏面的肉超過一般都是嫩滑的，肥膏不多。鹹香十足之外又不會覺得過份，又入味又好吃。外表的皮就好似乳豬皮，黏着一些肥肉極香脆。我旁邊有使用了糖醋弄的黃芥末，不會太過刺激因為不怎辣，就連薯蓉和蘿蔔絲都甜酸甜酸，比想像中味道更豐富。我們很喜歡用乳豬頭或者豬手豬腳煲粥，所以就自行另外打包了一些比較粗糙的肉以及豬手骨。 特濃朱古力心太軟

朋友介紹呢間德國菜餐廳，冇介紹錯，店裡環境很舒服，食物水準很好! 今次只是放工後一聚，所以我們只是叫了德國咸豬手，水牛雞翼和白汁煮青口咸豬手是這裡招牌菜! 炸到外脆內軟，上菜亦會點火讓食客欣賞一下。味道不太咸剛剛好! 好味雞翼唔辣，反而偏甜，怕辣朋友可以一試，好易入口。雞翼奄得很入味，而且外脆內軟 !白汁煮青口味道也很好，個汁煮得好好味，但份量少左D ，好想再 encore lei ~呢間店好味呀，我會推介，而且我自己都會再來! 係個好地方

今晚同媽咪過生日，因為佢鍾意食德國豬手，聽到同事推介就打黎booking 位啦，未黎之前都有上op 睇下，都見到有d 不好平，不過本住試下啦，就黎到囉，我地計埋mami 有4個人 點左個 4人火炎豬手餐，重有支紅酒送，真係好底食，個餐有豬手啦，有兩個主菜比你簡，有香腸，有湯，有甜品有一支紅酒，有餐飲，同埋份糧唔算細碟，食到超飽囉，重有服務員好好丫，我地冇買旦糕佢都有得幫我係心太軟寫字丫，真係直得推介一下呢間鋪！！！！

2016-06-23曾寫過一個好評俾呢間餐廳，當時係用正價二百幾蚊食左個火焰豬手。https://www.openrice.com/zh/hongkong/review/%E7%81%AB%E7%87%92%E8%B1%AC%E6%89%8B-e260821811月份見到團購有套餐，二百幾有成個餐，仲包括火焰豬手，即刻就團左。諗住帶好朋友黎食。12月份專登約朋友入黎觀塘，中午到達觀塘後就致電預約。女店員接廳: 我地起碼要早一日BOOK位架喎。我: 你地團購冇寫喎，只係話預約。女店員將電話交俾個男店員(自稱負責人)，男店員好冇禮貎話: 係呀，我地規定要起碼早一日BOOK架喎。我仍堅持: 你地團購冇寫喎，只係話預約。男店員: 我地叫左GROUPON寫，佢冇寫，係GROUPON錯!! **其實我唔知你地邊個錯，你地冇寫清楚條款，將個責任拋俾人，都好唔負責。 個團購唔係應該得到你地店方認同先會刋登出黎架咩? 但你錢就識照收。既然條款你地做唔到，都好應該修改個條款丫，但到而家個團購仲賣緊，亦冇話要早一日BOOK位。**因為同朋友專登搭左一個鐘車入黎食，我就再問，咁今次可唔可以安排到呢?男店員話:

今晚約咗一位老朋友見面，當然要揀一間比較好嘅餐廳。第一次黎February，個人覺得餐廳面積雖然唔係好大，但係勝在環境舒服，因為座位都係沙發櫈，軟綿綿，而且餐廳掛滿好特別嘅吊燈，燈光較暗淡，啱曬傾計加食野。由於我哋兩個人食，所以我哋叫咗兩份主食，包括德國火焰鹹豬手及白松露油黑松露野菌天使麵，其中一份加左＄38轉為晚餐套餐，多咗一份沙律同一杯飲品。起初以為套餐嘅沙律唔會太大份，但原來唔係，份量似單點沙律咁，我哋兩個人一齊食都可以。沙律醬汁係黑醋，偏甜嘅醋味配合新鮮雜菜，作為餐前沙律夠開胃，而且仲有兩塊煙鴨胸添。至於德國火焰豬手，因為係呢間餐廳嘅主打菜式，當然做得好出色。不論視覺同味覺都能夠滿足到我哋。侍應將剛剛烤好嘅豬手放到餐枱上，然後淋上冧酒，再點火，達致火焰嘅效果。欣賞完火焰嘅效果，侍應就拎豬手入廚房，將佢分成小件，然後再呈上俾我哋慢慢享用。豬手外皮鬆脆，好似食緊乳豬皮咁，味道亦啱啱好，配合酸菜一齊食完全唔覺得油膩。白松露油黑松露野菌天使麵，雖然份量唔算太大碟，但勝在白松露油嘅香味同洋蔥嘅香味非常夾，配埋野菌粒，令天使面食入口，口腔充滿各種香味。天使麵嘅質地亦夠彈牙，不會太軟身。兩個

招牌德國火焰鹹豬手四人套餐 $782 德國火焰鹹豬手極度吸睛😍店員會係你面前淋酒再點火大家要準備好手機影低呀🔥 👀表皮燒過之後更加香脆同埋香味濃郁豬手亦都非常好食肉質彈牙鮮嫩 而且有少少肥膏咁配以酸菜同埋點mustard食真係好正💕香煎帶子牛肝菌意大利飯賣相精美💛醬汁略多 不過味道好香濃帶子雖然大隻 不過只有一粒但整體個套餐係非常抵食😍德國香腸拼盤亦都好多款式表皮香脆 食落亦都好惹味仲有埋甜品作結 真係幾抵食奶凍香滑 奶味濃郁

男朋友為左睇波既關係，就同左我去食呢間餐廳，呢間餐廳有得睇波岩哂佢！之後只係叫左d啤酒1664~食下小食咁樣，叫左個南瓜芝士餅，味道唔太特出~無乜味道！外邊炸既關係，都有d油膩感。。食落feel到即刻起「飛滋」咁既感覺。員工態度麻麻......唔太welcome d客咁！見到我地唔夠水又唔主動供應！要叫先識得比我地。。環境普通！台面感覺唔太乾爭，有dd痴笠笠既情況。但男朋友只係為睇波咩都唔理！我無聊地先發現呢d細節！

今晚同一個好耐冇見嘅朋友諗住去觀塘食飯， 上網search下有邊一間餐廳好。。。 之後就發現咗一間西餐廳叫做february, 我哋就walk-in入咗去食晚飯。我同朋友兩個人入到去，餐廳唔多人！ 我同朋友坐低之後，店員竟然只係畀一份menu我哋睇~我個friend睇得menu之際我又冇得睇！之後問佢有什麼推介，女店員又冇耐性地解釋， 對我哋好唔耐煩解釋又唔清楚！ 最後我哋揀咗一個豬手！ 個豬手一黎到份量非常小，得一個拳頭仔咁大~食落口感一般！而且又唔熱！只係微暖！影響哂口感。d肉質燒到乾乾地總括黎講真係錯哂！唯一就係無乜人静静地可以傾下計。

去觀塘探朋友順便食埋飯，佢就帶左我去係觀塘中海日升中心既february食西餐，佢之前食過話幾好，所以今次帶我黎！叫左2人餐！沙津係煙三文魚帶子沙津，雖然只係煙三文魚但都幾鮮味，一d雪氣味都冇！至於個帶子表層煎到幾香脆！入面就剛好熟透！細緻綿綿，加埋個沙津菜真係好鮮味~蟹肉龍蝦忌廉湯~超濃郁既龍蝦香味！唔係水稀稀咁款！差唔多每飲一啖湯都會食到蟹肉！真係幾足料~蟹肉無霉既感覺！仲索哂d湯味~超正！主菜係三文魚柳拼拿破崙白酒大蜆，蜆肉大隻而鮮甜！一d沙都冇！個汁醬令到個蜆更惹味！之後個三文魚柳又好大塊，切開中間都唔會乾爭爭！好味~仲有個龍蝦汁海鮮意大利飯！！今餐勁多海鮮~全部都咁正！個意大利飯入哂味！有埋隻大蝦同d青口~彈牙爽口！夠哂滿足。