253
23
12
港鐵觀塘站 A2 出口, 步行約8分鐘 繼續閱讀
電話號碼
22371119
營業時間
今日營業
11:30 - 00:00
星期一至四
11:30 - 00:00
星期五至六
11:30 - 02:00
星期日
17:30 - 01:00
公眾假期
17:30 - 00:00
公眾假期前夕
11:30 - 00:00
付款方式
Visa Master AlipayHK 支付寶 現金 銀聯
其他資料
網上訂座
Wi-Fi
深夜營業
酒精飲品
自帶酒水 詳細介紹
切餅費 詳細介紹
電話訂座
賞訂座積分
加一服務費
電視播放
球賽直播
當面支付
有關獎賞計劃
食評 (304)
等級4 2021-05-27
344 瀏覽
Teammate話想放工搵間餐廳吹吓水relax一下,帶我上左中海日升中心呢間酒吧餐廳!平時對呢一類酒吧餐廳都冇咩期望,估唔到食物真係唔錯喎!見到呢度竟然有乾邑龍蝦湯,當然要叫黎試吓!龍蝦湯乾邑味唔算好重,但係幾鮮甜仲有粒粒龍蝦肉俾你咬到;另外松露惹菌湯做得比平常嘅薄身,咬到打碎左嘅野菌,感覺唔似平時飲到嘅咁漏。 前菜叫咗個芝心蟹肉配芥末沙律醬,切開見到拉絲芝士夠晒開心,食到啖啖蟹肉,配芥末沙律醬冇得輸!同事話呢度火焰豬手好出名,諗諗吓真係好耐冇食德國野,雖然得兩個人,不過試吓都無妨。豬手上枱時侍應會喺表面淋上酒再點火,隨即傳來一陣香味,而且視覺效果一流!侍應等客人慢慢影完相先拎走再切好上枱。豬手外皮烤得非常香脆,最緊要係肉質有咬口但又保持嫩滑,呢點真係好難得,出邊好多豬手都容易燒到乾柴,但係呢隻一啲都唔會,加埋啲骨膠原位,真係越邪惡越好食!出名係有原因的!我地仲叫咗個香煎帶子松露惹菌忌廉意粉,個忌廉汁又香又Rich,食落仲有一種芝士嘅鹹香味道,粒粒帶子都夠晒厚肉,意粉分量夠晒大,下次要叫多個同事過嚟一齊share先得!黎到梗係要叫返兩杯飲品,Feburary 同peach Boom!Boom! 一樣清新有特色,而且賣相靚靚,攞黎打卡一流! 繼續閱讀
(以上食評乃用戶個人意見 , 並不代表OpenRice之觀點。)
今日嚟咗觀塘睇吓傢俬,突然之間口痕好想食啲脆卜卜既野,就搵到呢一間滿有情調嘅小店!👍🏻德國火焰咸豬手配酸椰菜紫薯沙律火焰豬手打卡的確一流,雖然個皮硬左小小,不過肉質咸香,脆卜卜既豬皮口感食個不停 。另外以紫薯作為伴碟,凍冰冰且綿綿既口感好正,亦係健康之選。(餐廳仲會幫你切埋添!超級貼心嘅服務)👍🏻芝士蟹肉配芥末沙律醬擺盤用心,芝士味道幾濃香,而且仲做到好長好長嘅絲效果!蟹肉份量亦唔少,一絲絲的,點上旁邊嘅黑醋汁脆香所帶嚟嘅油膩即時減少。👍🏻香煎帶子配松露野菌忌廉扁意粉大大粒帶子,既新鮮又爽口。配上creamy而夠濃稠既松露忌廉醬,味道可口!特別想讚下佢個意粉(小編本身超鍾意食扁意粉),有口感但不會太硬,做到掛汁。👍🏻松露野菌忌廉湯超大碗,入邊嘅料子非常澎湃。入邊有一粒粒嘅菇肉同松露籽,仲品嚐到小小嘅黑胡椒味!👍🏻飲品Lychee boom boom / February兩杯飲品都加咗爆炸糖,一上枱嘅時候會吱吱聲。除咗賣相一流之外(仲有乾花插喺上面)味道兩杯都唔會太甜而且非常清新,沙冰打得好滑好順口。👍🏻👍🏻所有擺盤都好用心,菜式特別!間隔甚廣,座位好舒適。💡人頭minimum$250就可以訂一幅甜品畫(食之前計定數先,在兩日之前預訂就可以)不過如果四人同行想畫兩幅畫,minimum charge 就會高少少啊! 繼續閱讀
(以上食評乃用戶個人意見 , 並不代表OpenRice之觀點。)
約了舊同學聚舊吃飯,順道更新一下他的近況。由於大家也是在九龍東上班,所以就選了一家在觀塘的德國餐廳,最適合我們這些食肉獸🤤🏣餐廳位於中海日升中心,附近也有好幾家餐廳,於午市時經常爆滿排隊,不過可能和地鐵站相距較其他核心地帶遠,所以晚市客户就未算很多,最熱鬧有近3分2入座。在疫市下仍有這個入場率算不錯,食物質素和服務態度也有保證。 佈置頗有情調,很適合和伴侶朋友來歡聚一番,頭上掛著不少土耳其傳統馬賽克燈,柔和燈光令我回憶起也曾在附近的大廈上過工作坊自製土耳其燈,十分有趣。門口旁邊放著木柵欄,後面就是一排空酒瓶,排列得整齊又有美感🎐 📜餐牌上除了套餐外,單點菜單亦非常豐富,由意粉、漢堡、意大利燉飯到傳統德國菜也一應俱全,令人出現選擇困難症。 🍟芝士黑松露薯條 $78 7/10首先上的是小食薯條,上面鋪好了拉絲芝士和香料,肉眼已可見淡淡的焦脆痕跡。口感很香脆,調味偏鹹,很適合配上啤酒,沾上黑松露醬層次感更豐富,作為下酒小食一流🍻 🍖德國火焰咸豬手配酸椰菜 $298 8.5/10餐廳的招牌菜,味道絕佳又有打卡價值。店員先把原隻豬手奉上,然後就開始表演,澆上酒精覆蓋整隻豬手再點火,整隻豬手陷入了火海,非常刺激,熄火後店員把豬手收回廚房切件😝切件大小剛好,我們一兩口就能吃掉,調味不會過鹹,很有滋味。外皮很酥脆,整塊肉油脂感不重,只感受到滿溢的膠質和嫩嫩的豬手肉。酸椰菜絲份量很足,對解膩很有幫助,還有紫薯蓉作為配菜,甜甜的味道與咸香的豬手形成很好的對碰。 🌭德國腸拼盤 $168 7.5/10又是一道經典的德國菜,碟上鋪滿各式香腸,有法蘭克福腸、香草白腸和司華力腸等,有些比較香和帶點點辛味,有些不太鹹充滿肉味,最推薦的是香草白腸,因為保留清香又帶有豬肉香味😋 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-14
412 瀏覽
觀塘臥虎藏龍都有唔少隱世餐廳,呢日去到呢間西餐廳February,點解臥虎藏龍?因為呢度有個畫畫高手😮成日幫客人畫靚靚嘅甜品畫,細緻度超高!嚟同朋友慶祝生日就啱晒。餐廳擺放咗啲土耳其燈,幾有特色。呢度嘅西餐除咗a lar carte仲有一人餐、四人餐同六人餐,人均二百幾蚊已經有餐湯、前菜、主菜、甜品同飲品,好豐富。法式龍蝦湯、松露野菌忌廉湯野菌忌廉湯好香松露味,飲落有好多粒粒蘑菇好足料,龍蝦湯就好濃郁creamy。挪威煙三文魚凱撒沙律先叫個經典嘅煙三文魚沙律清一清,打個底,沙律仲有少少芝麻醬伴碟。芝心蟹肉配芥末沙律醬蟹肉餅好食😋😋香脆嘅蟹餅入面夾雜咗好多一絲絲蟹肉,夠足料,仲有芝士做到超強嘅拉芝效果好吸睛🤩底下配咗芥末沙律醬,芥末味唔強烈,比較老少咸宜。香煎帶子配松露野菌忌廉扁意粉好creamy掛汁嘅意粉,松露味同樣係好香,有唔少雜菌,帶子煎得啱啱好,肉質彈牙又大隻👍🏻香煎美國頂級西冷西冷好大塊又厚肉,食肉獸都可以餵飽🤣🤣煎到差唔多7成熟左右,入面都仲保留到啲肉汁,肉味都夠。另外配菜有打到軟滑嘅紫薯蓉,甜甜地,作為澱粉類配牛扒冇咁heavy。Fiesta Fizz、House Wine飲品我就叫咗Fiesta Fizz呢杯Mocktail,朋友就試咗呢度嘅house wine,mocktail加咗芒果汁、青檸汁同tonic water,青檸嘅澀加埋tonic water,唔會甜,好refreshing。法式焦糖燉蛋去到甜品環節,呢度如果提早幾日order可以俾埋圖睇下甜品師可唔可以畫🖌,如果唔係仲可以叫甜品師發辦,雖然係用朱古力筆等材料去畫,但真係可以真嘅畫,好細緻,影相就啱晒~人均消費:$250推介指數(10分為滿分):7.5分 繼續閱讀
(以上食評乃用戶個人意見 , 並不代表OpenRice之觀點。)
每年男朋友生日諗餐廳都諗爆頭,好在今次搵到哩間德國菜餐廳,無論係環境定係食物,男朋友都表示好滿意👦🏻餐廳環境舒適,有我好鍾意既土耳其燈,而且座位寬闊,坐得舒服。餐廳最特別嘅地方係可以訂生日畫,圖案用白朱古力繪畫,畫得好靚,打完卡仲可以食埋落肚。餐牌上面既選擇亦非常多,今次我就揀左一個一人餐同埋餐廳最有特色既火焰豬手🔥🎈德國火焰鹹豬手配酸椰菜。薯仔沙律 $298哩個真係必點推介❗️一上檯舊豬手係未切既,超大嚿,店員會俾我地影左相先,影完之後先開始燒豬手,燒既過程已經聞到勁香,燒完之後店員會拎入去幫手切開,真係一條龍服務。豬手既皮超級香脆,入口咸香,而且肥瘦適中,唔會覺得油膩,真係好好食😋而薯仔沙律用既竟然係紫薯,超香甜。Set Dinner🎈前菜:芝士流心蟹肉配芥末沙律醬蟹餅真材實料,裏面有唔少蟹肉,芝士可以拉絲,配埋芥末沙律醬味道勁夾,旁邊仲有點點黑醋,酸酸甜甜好開胃。🎈湯:法式龍蝦湯(+$20)麵包香脆,龍蝦湯味道超濃郁,飲到蝦膏既香味,而且份量好多,兩個人都夠飲。🎈主菜:香煎帶子配松露野菌忌廉扁意粉$208帶子新鮮好味,而且好大粒,入口勁彈牙,意粉好香松露同忌廉味,非常濃稠,而且仲有好多野菌。🍸Strawberry Freeze $62(Strawberry,apple juice)係天然既士多啤梨味,完全唔似藥水,質感有啲似沙冰,甜度適中。🍹Lychee Boom Boom $62(Lychee, Lime juice, Popping candy)味道清新,荔枝味濃。🍮焦糖布丁$58(免費畫甜品畫🖌️)蛋味香濃,質地滑溜,有淡淡既雲尼拿味,甜而不膩。整體黎講,哩間餐廳既食物真係高質同埋睇得出係用心製作,好適合特別日子既時候去食,火焰豬手同埋甜品畫一定比到另一半或者朋友驚喜。🌟溫馨提示🌟如果想訂甜品畫,記得預早兩日通知餐廳,人均消費滿$250以上,就可以免費加嫁啦!複雜啲既人像畫都畫到,只要send相比餐廳就ok,我自己就只係提前左一日,所以淨係畫到豬仔,不過我覺得都畫得好cute,如果大家想畫人像,記得預早啲啦! 繼續閱讀
(以上食評乃用戶個人意見 , 並不代表OpenRice之觀點。)