February

營業中

休息中

餐牌美倫美渙的，設計得好靚。其實有二人餐，但就局限左食物的款式，所以決定散叫，叫左個皇牌白松露忌廉野菌湯（$42）好大一碗，有超濃烈松露味噗鼻而來，記憶中是飲過最最最香濃的一個，簡直令人欲罷不能🍲Main dish>>>西班牙黑毛豬鞍架配蕃茄$182🍽呢個黑毛豬厚度目測有5cm左右，但肉質保持到細嫩且有平日吃不到的豬肉香味，另有粗薯條伴碟，二人食到連個鮮茄汁都清曬😱不是扒控都可以吃光光白松露油黑松露什菌天使麵$142🍴🍜首先講佢煮既天使麵，煮得軟硬兼得恰到好處，是最好的熟（溫）度，不會太多汁去掩蓋麵條，且極濃烈味的雙色松露充滿著⋯⋯令人姆指大動稱讚👍🏼😌飲品方面：由於是酒吧餐廳，自然飲品水準也是好高，我叫了杯淺紫色的「burberry乳酪」飲品，由藍莓、紅莓、士多啤梨和乳酪沖調而成，飲落酸酸甜甜的好開胃且風味極佳🍓🍹一定會再來一間充滿城意躲在觀塘2/F的浪漫酒吧，吃到了廚師的用心誠意和老闆用心打造雅緻裝潢✨✨

自從公司搬左去觀塘之後，經常發掘身邊有咩好餐廳，「中海日升中心」就有唔少新餐廳，自然成為我既覓食目標！去中海日升「搵食」既好處，係夜晚人流唔多，唔需要大排長龍之餘，更有好多優惠，好似我呢晚去既「Feburary」咁，Weekdays夜晚光顧有八折 (仲要係加一後先折)，慳左既錢可以食多個甜品！ February擁有一個大大既吧枱，大家夜晚想黎嗒番幾杯都可以。 牛肝菌忌廉湯 (+$38 跟餐)打開餐牌，晚餐選擇頗多，加多$38，可以轉餐要埋餐湯同餐飲。呢晚餐湯係牛肝菌忌廉湯，一上枱已聞到香味，飲一啖，真係好香，而且個湯唔會好creamy，又清又香既感覺唔錯，好快就俾我飲晒。 德國腸拼盤 ($132)朋友鍾意食香腸，於是叫左個拼盤。一共有四款腸，各有不同個性：牛仔腸比較腍身，法蘭克福腸腸衣脆口，芝士腸會爆汁，昆布蘭腸結實有香草，各有優點。 德國火焰鹹豬手 ($282)我地呢D呃like怪，見到餐牌有火焰鹹豬手，即刻點黎睇下。豬手上枱後，侍應會淋酒再加火燒，令到已經燒得脆口既豬皮變得更脆，咬落去先係脆卜卜，再係脂肪既黏口，口感豐富；唔好忘記旁邊既薯蓉，應該加左芥辣去做，酸酸既味道，仲

今日Lunch約左朋友食飯, 又睇Openrice試下新野, 訂左12點45, 唔算好多人, 地方唔算好大, 環境幾好, 坐得幾舒服我叫左西班牙黑毛豬鞍架 $132黑毛豬大大塊好巨型😱好厚身, 煎得香脆又唔鞋口👍有肉汁,好好食 配埋熱辣辣薯條, 唔錯唔錯包飲品- 熱奶茶送上黎係分開上架, 幾好飯後仲有雪糕糯米茲做甜品, 2個人俾3粒好難分下次最好段人頭😂

買左February嘅團購2個4人餐，事前問左12月23-26日不適用。上星期六9個家人去食，雖然話喺觀塘工業區嗰邊，但係其實位置唔差，近APM,而且餐廳位於2樓好方便，出面都好乾淨。扶手電梯正對住就係February，地方不大但氣氛不錯，而且員工服務幾好。我9個人食，552+552+110加一，135蚊一個人好抵!8個蕃茄羅宋湯，有d辣，好足料，好開胃！4盤沙律菜，算幾大盤，落左日本芝麻醬，幾fresh。德國火燄咸豬手，上菜俾你影相，跟住員工會喺表面點火，幾大約5秒就會自己熄，我地有影video,好正!你可以自己切，亦可以叫員工拎入廚房切，我地當然叫員工切啦。咸豬手表面脆bb,份量多，肉質又熱又嫩，咸菜唔太咸我奶奶好like!10oz Angus肉眼扒，肉質燒得有D硬，但味道不錯。西班牙黑毛豬胺架，太多嘢食，我好似無食到呢個我狂食薯條美式慢燒豬肋骨，容易切，入味，老公讚帶子意大利飯，帶子俾人食左，意大利飯好入味。虎蝦意粉，賣相靚，意粉唔乾，沾有蕃茄粒，好味。水牛城雞翼，有8隻，我唔知咩係水牛城，不過佢有濃濃嘅蕃茄醬鋪面，我同老公都話好食。Cheese焗薯茸，其實係薯角，而且Chees

在某一團購見到這餐廳有我喜愛的德國鹹豬手，當然要先去openrice做做功課參考吓食評，可是見到先是「好評如潮」，但最近期的卻「怨聲載道」，攪到我十五十六，最後還是忍受不了名菜的誘惑，決定「賭一賭」。星期六去到現場，如果有「食家」認為咁樣的裝修都叫茶餐廳，我就真的好懷疑，究竟佢有冇來過㗎？這個還未夠，佢仲可以話人家冇供應飲用水；我去了一會，冇主動要水，啲侍應主動俾水喎，如果只看食評冇親身去過，真的以為這餐廳咁過份添。仲話主動開戶口來講出不滿，作大作到咁「無中生有」絕對可以算係專家了。回到今次團購的體驗，我認為是物超所值；個2人餐包2個餐湯，1份凱薩沙律，餐湯唔錯，沙律菜新鮮，主菜我當然點了這店的名菜「火焰德國鹹豬手」，而我太太就點了帶子意大利飯，豬手經火及酒一燒，皮脆肉嫩，皮肉中間冇咩肥膏，女士食咗都唔覺肥膩；帶子肉厚好新鮮，意大利飯煮得恰到好處，加埋2杯餐飲及甜品，但只花費3百多元而已，這餐實在大快朵頤！不過問到Set Lunch及Set Dinner，如果不是團購優惠，附近的西餐地舖或樓上舖只是$100以內的午餐及$200以內的晚餐下，這餐廳的定價實在太高了，希望他們能供應一些相宜

星期2去星期2食lunch羊架同意粉意粉無味既😐..........唔知點講，又肚餓都要食無下次但旁邊食豬手好似好好食有機會要試下先！羊架好瘦無乜肉，但味道唔錯既！

官塘區越開越多餐廳，鐘意同朋友飲飲食食ｏ既我就緊係要周圍試菜，可惜發覺最近幾次試ｏ既餐廳都名過其實，忍唔住要開返個Account同大家share!上星期朋友生日,見呢間餐廳咁多人讚,又做官塘區鮮有o既德國菜,就去試下啦,去到門口見到個裝修已經嚇一跳!成間茶餐咁o既?? 不過唔試過又點知呢,就照入座order. 首先請大家注意,呢間餐廳晚飯係唔供應水俾客人(估唔到官塘區都開始玩呢招),都唔緊要, 見你價錢唔係貴, 好飲好食就ok 啦! 點知中晒伏!nachos係我至愛,鐘意佢上面有唔同醬料俾你點,真係yummy yummy! 見呢度有,就叫返碟試,結果係送黎o既係一堆脆片同一碟仔蕃茄醬,收$60,真係火都黎!再叫個柚子魚柳,天啊!點解會難食到咁, 賣相已經唔靚,d醬一pat咁撻o係魚塊上,魚肉係完全無味 (好彩亦都無雪味),但係我俾百幾蚊叫左碟煮得仲衰過茶餐廳o既粟米魚塊,真係嬲到震.至於馳名豬手,我真心唔知點解咁多人讚,價錢又比出名o既餐廳貴,又唔好食,乾爭爭,雖然成餐飯係幾百蚊,但咁o既食物完全交代唔到囉,冇下次!

今日約埋啲朋友去慶祝我辭職，就book左檯去呢間餐廳食。入到去間嘢都幾大間.天花上嘅燈用左馬賽克。感覺好歐陸。餐牌都好簡潔，白底紅字。由落單到上菜算快，先上沙律。初時以為佢會先上酒先。但酒仲遲過沙律上。凱撒沙律，份量都幾大份，食落去索索聲。望落個樣都幾新鮮。但紅洋蔥唔夠洋蔥味。水份唔算太多。德國火焰咸豬手，侍應提我地，會有十秒鐘火燒嘅時間。食落去唔算太咸又唔太老。外皮脆卜卜。芥末醬又唔好辣反而仲甜甜地。我鍾意張咸豬手同酸菜混埋嚟食。食落唔太酸亦唔太溜。其實淨食酸菜都ok.但撈埋嚟食會中和個油膩感覺。德國腸拼盤，：腸有好多種，但質感好唔同似平時我地食果隻顏色嘅，食落去好juicy.比較爽口。另外果無咁爽口，但個味道唔似豬肉味。我地仲叫左hoegarden,個陣仲買二送一，可惜係rose 只得250ml.唯有叫三杯250ml.但都幾好味。

真係食到講粗口都吾過分。觀塘太多餐廳呃飯食。個柚子魚柳特別過分，個醬杰達達，魚無味既，仲差過我岩岩學煮飯，難食到我都吾想比錢，茶餐廳仲好食過佢。最勁係個沙律，難食到好似比人整蠱噤，我以為上左超級無敵獎門人。

見到openrice有咁多評語 一行6人就定左係到食生日飯 ,唉 點知。。。。1. 支水要收錢 可以比d温馨提示 係咪？水都飲左1xx蚊2. 炸魷魚圈，無味個粉漿硬到爆炸3. 巴拿馬火腿 一般貨仔4. 炸魚薯條 可以5. 火焰豬手 得個咸字6. 牛扒 ok7. 豬柳 無味既8. 天使麵 味道可以但份量細9. 黑松露意大利飯 唯一唔錯既食物10. 德國腸拼盤 成盤腸 呀。。。 條條都一樣 無味 真係無下次

又到Happy Friday🎉🎉係香港地要搵間好食既鋪頭唔難但要搵一間又有好西食又有酒飲又可以無限吹水既鋪頭真係唔易😭😭今次試既鋪又係係觀塘 叫February 係食德國野 但老老實實 除左個豬手係德國野 都沒咩feel到呢家野係主打德國野😂😂B U T .......呢間啲豬手係我係香港top 1而且豬手set會贈送250ml 啤酒仲有佢9:00後會有啤酒buy 1 get 1 free 很吸引吧仲有...佢真係任坐唔嬲由8:15吹水到11:30都沒黑我地面但小編覺得可以加多啲啤酒種類 特別係德國啤酒🤔快看圖片介紹吧！

呢日嚟到觀塘食之前買落嘅團購二人餐。個餐包咗餐湯同沙律，一個主菜，一個意粉/飯，一人一杯啤酒/紅酒，仲有個餐後雪糕。沙律: 沙律葉唔算新鮮，紫椰菜太硬而且苦，dressing偏酸，但幾鍾意佢加咗鮮甜嘅芒果。餐湯: 本來望落以為係平淡無味嘅白湯，飲落有驚喜喎，竟然有黑松露味。龍蝦汁海鮮意大利飯:一上枱已經見到佢嗰隻幾大隻嘅大蝦，仲有兩隻青口，飯入面仲有啲鮑片粒。飯煮得比較腍，但依然係粒粒分明嘅。有龍蝦汁嘅味道但整體口味偏淡，味道單一。大蝦同青口都算新鮮。總括嚟講個飯嘅水準不過不失。德國火焰咸豬手: 重頭戲係呢個火焰豬手，侍應點火前會叮囑客人準備好相機。火熄咗仲會問客人想自己切開豬手定交俾廚房切。專業嘅果然切得好整齊。本來擔心搞咗一大輪豬手會唔會唔脆呢，點知個皮依然香脆。豬手唔肥唔瘦啱啱好，仲要啖啖肉，兩隻為食豬都食唔晒。 最啱配住啤酒食。

一行四人的生日飯～芒果大蝦沙律～芒果好甜，再配埋酸酸地醋～好味道～佢將隻蝦一開二咁上，感覺有d衰～水牛城雞翼～個汁唔會好酸同好辣～雞翼好夠熱，雖然佢充滿左汁，但都食到個皮有少少脆～主角之一～火焰豬手～店員一拎上檯～就溫馨提示～可以準備手機～個火大概會係10秒到完～大家準備好😂燒完之後，再拎返入廚房，幫我地切開～肉唔乾同唔鞋，都有豬味～個皮好脆～好食～龍蝦汁大蝦意大利飯～好重龍蝦汁味～個味岩岩好～唔會太濃太淡～隻蝦好大隻～有蝦味，仲好彈～蒜香蟹肉天使面～蒜味唔夠出～要食中蒜片先食到有味～蟹肉唔算好蟹～仲有好多殼～食到每一啖都有～德國腸～雖然食唔出係咩腸😂但白色同啡色果個都好多汁～紅色果個就乾左少少～生日正日有8折仲有蛋糕送～因為本身唔個有蛋糕送，所以買左蛋糕，店員幫忙雪係雪櫃～店員好有禮貌同好有笑容～

同幾個朋友即興去左間新餐廳飲杯嘢坐低一陣見餓餓地，睇餐牌有豬手食仲送一杯啤酒 ，要$282！見隔離枱食緊豬手津津有味，就叫一份些牙~等左十幾分鐘侍應呈上豬手，原來未食得住，要表演燒豬手先。先淋上「酒」再點火，燒嘅時候已溢出香味，表演完畢後就收返豬手 厨房幫我地砌埋再上豬手都算大隻，皮脆肉鬆軟又入味，食嗰陣記住要點蜜糖芥末，簡直絕配 食物質素高之外，服務亦令人滿意，serve我地枱嘅侍應小姐極之有禮，抵讚👍🏻👍🏻下次再嚟試午餐～

今日放工朋友約我去試一間新西餐廳店舖裝修得都好靚好有情調我哋首先叫左個水牛城雞翼酸酸甜甜好開胃好好味跟住叫咗個羊架羊架肉質好好火焰德國鹹豬手聽到個名都好吸引所以一定要叫啦 隻豬超級大隻送啤酒一流呀