影片
更多
2017-02-07
134 瀏覽
今晚約咗一位老朋友見面，當然要揀一間比較好嘅餐廳。第一次黎February，個人覺得餐廳面積雖然唔係好大，但係勝在環境舒服，因為座位都係沙發櫈，軟綿綿，而且餐廳掛滿好特別嘅吊燈，燈光較暗淡，啱曬傾計加食野。由於我哋兩個人食，所以我哋叫咗兩份主食，包括德國火焰鹹豬手及白松露油黑松露野菌天使麵，其中一份加左＄38轉為晚餐套餐，多咗一份沙律同一杯飲品。起初以為套餐嘅沙律唔會太大份，但原來唔係，份量似單點沙律咁，我哋兩個人一齊食都可以。沙律醬汁係黑醋，偏甜嘅醋味配合新鮮雜菜，作為餐前沙律夠開胃，而且仲有兩塊煙鴨胸添。至於德國火焰豬手，因為係呢間餐廳嘅主打菜式，當然做得好出色。不論視覺同味覺都能夠滿足到我哋。侍應將剛剛烤好嘅豬手放到餐枱上，然後淋上冧酒，再點火，達致火焰嘅效果。欣賞完火焰嘅效果，侍應就拎豬手入廚房，將佢分成小件，然後再呈上俾我哋慢慢享用。豬手外皮鬆脆，好似食緊乳豬皮咁，味道亦啱啱好，配合酸菜一齊食完全唔覺得油膩。白松露油黑松露野菌天使麵，雖然份量唔算太大碟，但勝在白松露油嘅香味同洋蔥嘅香味非常夾，配埋野菌粒，令天使面食入口，口腔充滿各種香味。天使麵嘅質地亦夠彈牙，不會太軟身。兩個
由於我哋兩個人食，所以我哋叫咗兩份主食，包括德國火焰鹹豬手及白松露油黑松露野菌天使麵，其中一份加左＄38轉為晚餐套餐，多咗一份沙律同一杯飲品。
起初以為套餐嘅沙律唔會太大份，但原來唔係，份量似單點沙律咁，我哋兩個人一齊食都可以。沙律醬汁係黑醋，偏甜嘅醋味配合新鮮雜菜，作為餐前沙律夠開胃，而且仲有兩塊煙鴨胸添。
至於德國火焰豬手，因為係呢間餐廳嘅主打菜式，當然做得好出色。不論視覺同味覺都能夠滿足到我哋。侍應將剛剛烤好嘅豬手放到餐枱上，然後淋上冧酒，再點火，達致火焰嘅效果。欣賞完火焰嘅效果，侍應就拎豬手入廚房，將佢分成小件，然後再呈上俾我哋慢慢享用。豬手外皮鬆脆，好似食緊乳豬皮咁，味道亦啱啱好，配合酸菜一齊食完全唔覺得油膩。
白松露油黑松露野菌天使麵，雖然份量唔算太大碟，但勝在白松露油嘅香味同洋蔥嘅香味非常夾，配埋野菌粒，令天使面食入口，口腔充滿各種香味。天使麵嘅質地亦夠彈牙，不會太軟身。
兩個人食$500左右就食到超飽又滿足，絕對係開心嘅一餐！
張貼
