CHEF STAGE de Eddy Chu (已結業)

Chef Stage by Eddy Chu, 聞名已久，它有極好的食評，排山倒海般的推介，終於我們來試了。現在搵野食不用盲摸摸，上網乜都睇晒，始終食物是要自己去品味。從來味道都是主觀的，有人覺得好食的亦會有人唔鍾意，沒有絕對。這間餐廳是casual 的， 地方不大，從裝修、座位的擺設、侍應的衣服，你不會覺得拘緊。座位間都幾密，枱子也算細，180度開掦景觀，但多數望大廈頂，唔算good view 食物種類頗全面，看得出餐單設計都花了點心思，不是人有我有果D。有套餐，但唔太啱食所以還是散叫。先來黑松露磨菇湯不是好厚的忌廉湯，比較清的，菇菇打得不是很幼細那種，食到一粒粒，黑松露味淡淡的（好在不濃，不太黑松露味），沒什麼特別。蟹肉煙三文魚沙律原先要吞拿魚腩沙律，但沒有貨，改食呢個。本來是無乜特別的沙律，但伴來一枝松露mousse, 唧出來好像cream, 試第一啖覺得好酸，有DD松露味，怪怪咁，不討好，但食落幾得意，開始接受，我諗應該唔多人喜歡。如果沒有果枝mousse, 呢個只是普通的沙律。呀，D荔枝珠珠幾好味。冬蔭西班牙煙豬腩沙律呢個是送的，份量同正價的差不多（我諗），唔孤寒。呢個反而我

香港既西餐真係遍佈四周，但若果論配合得恰到好處既多國菜西餐又真係唔多，而Chef Stage de Eddy Chu就係當中既表表者。Chef Stage de Eddy Chu 既地理位置都幾就腳，尖東站L5出口行一兩分鐘就到。（架升降機係透明，可以邊望街景，邊上到19樓）入到餐廳，已經清楚見到附近既建築物，而其中兩幢大廈既中間，仲可以見到維港景色。餐廳環境寧靜，枱與枱之中都幾闊落。而牆身用左白色，幾優雅。每張枱都放左盞小藍燈泡，幾有情調。枱上既餐具都整齊放好，望落都幾乾淨。前菜：日本帶子配蜜糖麵豉汁 （＄188）外表看來平平無奇，但估唔到食落口就有另一番體會先黎一口冇點汁既帶子，好鮮甜，口感好清新！細看之下，原來廚師好細心咁戒開每一塊帶子，當我地加蜜糖麵豉汁既時候，就會滲入去預先戒好既帶子空隙當中，汁同帶子好夾，而且個汁非常開胃！（麵豉湯就飲得多，但麵豉汁加蜜糖，今晚真係第一次食，但真係一試難忘）野飲方面，我同朋友一人叫左一杯。我揀左紅甜果酒，個名好長好特別：浸泡着新鮮水果入口香甜（＄58／glass）。原來係紅酒加左唔同既生果黎，紅酒，香醇，甜甜地，酒味唔會太濃，易入口，又有果香

頭盤還可以，海鮮拼盤唔新鮮，生蠔有腥味，主菜嘅味道實在令人食不到一半，法國鴨脾只可說是稔，黑毛豬肉眼冇味之餘肉質鬆散，但有重雪味，環境不錯，服務態度也同茶餐廳一般！甜品也不行！

我一向都係OPENRICE 既忠實fans, 雖然D朋友都話好多打手, 但我次次揾唔到野食我都第一時間會禁個apps望望. 不過打食評我就未試過因為本人比較懶惰, 但今次我覺得有需要作出評論, 唔想再有受害者.好朋友生日, 照舊壽星女選擇喜歡既食店. 今次攪攪新意思選了西餐. 因為人數有八個, 擔心坐位問題同食物portion.  先打電話查詢, 接線生哥哥好好人, 有禮貌有熱誠. 仲記得我響電話再三confirm 我地人數,亦同佢反映擔心食物portion 太細好難share. 佢好有信心同我講話佢地D野食出名大碟. 就咁我就落左搭了. 首先講講個場, 環境燈光暗暗地, 感覺不太差因為始終係西餐,直至我見到我BOOK張枱係由4張二人枱拍埋 (同大家樂差唔多), 最出果張直頭響走廊位, 我當時都打左個突. 見到個場咁細都冇計, 但都循例問問個中年呀叔waiter 有冇辦法個setup 好D. 佢當場黑面同我講冇得改, 係咁架啦.  OK 算, Deposit 已付, 唯有繼續心裡面同自己講可能D食物好掂呢. 首先由餐湯講起, 味道可以不過份量細到不得了. 完全同價錢不成正比, 兩三啖就

最近同一位朋友傾下合作計劃，順便傾下閑計，就想搵一間舒適小小嘅西餐廳，又要好味又要價錢合理。想OpenRice一搵就見到排名全尖沙咀區第二嘅西餐廳Chef Stage de Eddy Chu，仲有海景，就那那林上來食個慢活午餐。餐牌嘅價錢如果以高級西餐來講係非常合理，如果每人食一個套餐其實都係百幾蚊，加＄55一位海鮮拼盤生蠔，鮑魚，日本刺身帶子，鮮蝦，聖子生蠔海水味濃郁，非常新鮮。鮑魚磯煮口感彈牙而且有充足嘅香味。刺身嘅帶子就比較林，但調味做得好。鮮蝦當然就係新鮮和爽口。聖子好爽口，但係甜味就比較欠缺。千島木瓜蝦沙律分量不算大，可以留返個肚食主菜，千島醬配搭木瓜和幾隻蝦，估唔到都幾得意，凍得來又開胃，好少見木瓜配搭蝦，人哋話飯前水果其實係增加健康，有個咁嘅前菜都幾唔錯。意大利比吉打雞配香草鮮茄汁＄148吉打雞沒有骨，表皮都不會香脆，反而是比較稔身，基本上就算婆婆都食到，雞味雖然未算出眾但是勝在質感夠滑。仲有最特別嘅就係紫薯，基本上未食過其他餐廳係有呢樣野，如果大家見到其他餐廳嘅話都可以同我講，哈哈！淡蟹肉咖喱配鮮帶子海鮮大會$168海鮮好似有啲重複左海鮮拼盤，不過煮飯係完全唔同嘅，帶子

難得一晚有比較空閒既時間同女朋友放工後，我就搵了一間係尖沙咀高級少少既餐廳，去食餐好，一齊放鬆下🙊呢間chef stage地鐵站行5分鐘就到，都幾易搵到上到去望住佢門口兩邊既櫥窗，哇...獎項、報導滿滿掛係兩邊，未入去已經覺得今晚呢餐應該都幾唔錯！入到去坐係個靠窗邊的位置，餐廳係19樓望出去，景觀好開揚，雖然高樓大廈較多，但中間有個位可以跳望維港景色，都已經好正haha！而餐廳室內既燈光柔和偏暗，配上枱燈和輕音樂，係好舒服同浪漫😄我地最後點左5道菜☺️蟹肉煙三文魚沙律每塊三文魚有成隻碟咁大，而中間蟹肉既份量係非常多，而配上偏身洋蔥粒，同埋好特別地配上酸酸甜甜荔枝爆珠，好適合做開胃菜既頭盤燒乳鴿火喉控制剛好，外皮脆脆，加上乳鴿肉嫩，水準唔錯。同埋貼心在比左張濕紙巾，唔洗污糟🙊黑毛豬肝奄列依個都幾特別，奄列配料幾多，有磨菇，蝦，洋蔥，豬肝味好重，依樣菜就好睇個人口味，如果中意食豬肝會好中意依樣蟹肉白汁海鮮大會依個拼盤有帶子，蜆，蝦，魚，鮑魚，都算幾新鮮，配埋d白汁好夾好味松露煮原粒法國蘑菇😋呢個值得試試，黑松露既汁去左蘑菇既青草味，而汁都帶點Creamy, 食兩舊飲淡水清清口腔再食就更好😄而

西餐大排檔已經系我心目中的高質素的西餐廳，當知道尖沙嘴也是eddy chu主廚經營，當然要去嘗一嘗新口味chef stageset lunch$138-$178~~千島木瓜蝦沙律～開胃沙律，爽甜蒜蓉包～香脆可口蘿蔔蓉清雞湯～蘿蔔蓉口感豐富甜美，獨特的味道紐西蘭羊鞍$168～五成熟剛剛好，肉味濃一點也不羶，黑椒汁更惹味分量相當大，抵食燒美國肉眼$178～男友也是要五成熟，沒有血水的，剛好合乎我們的要求肉味濃郁，沒有雪味，配菜的紫薯非常好味 chocolate Mousse ~跟餐的甜品也喜出望外，軟軟幼滑的mousse,入口溶化凍咖啡～不過不失吧凍檸茶～

同事Farewell lunch，特登黎呢間望到海景嘅餐廳。中午的set lunch價錢為$148-178。慶祝同事找到份理想工作，就加$55點埋個海鮮拼盤。頭盤沙律係千島木瓜蝦沙律 - 蝦身腍，蕃茄仔開邊，有生菜、木瓜粒海鮮拼盤鮑魚中間部分有糖心，我和同事邊食邊話好甜 😄日本帶子以小玻璃杯盛著，有少少醬汁襯托生蠔同蝦新鮮椰菜花海鮮湯海鮮湯內有啲蝦仔、蜆肉，飲到一粒粒椰菜花口感；配埋蒜蓉包香口紐西蘭羊鞍每件都有兩條骨，羊鞍七成熟，軟腍入味。下面墊底的燒翠玉瓜、紫薯蓉也十分滋味藍莓芝士蛋糕也是跟餐的，餅底脆，芝士部分入口順滑

最近知道有朋友唔開心工作唔太順利，就約出來傾下計食lunch輕鬆下。我地選擇黎Chef Stage，因為環境一流，可以睇到九龍同香港的樓景，食物相片又吸引我地12:40pm黎到，未算多人。我地揀左窗邊的二人座位，可以睇下風景。今日藍天白雲好好天餐廳有個open area 午餐有八款都幾多選擇喎加＄55可以有海鮮拼盤見到已經好吸引，都忍唔住嗌左兩份試下至於午餐我哋就叫左一個雜扒同原條鲜魚是日鮮魚係倉魚作為好鍾意食魚嘅我，魚當然係非我莫屬，仲要係一條喎一黎到已經好吸引，全部海鮮都好鮮甜，蠔夠曬大隻，仲有鮑魚同帶子添冇諗過加＄55就可以食到鮮味嘅海鮮，值得推介。沙律都唔錯喎，青瓜絲配埋甜甜地嘅豆腐，簡直絕配味道唔錯，仲可以食到蘿蔔蓉雜扒拼海鮮: 大蝦、魚柳、牛肉眼、黑毛豬勁豐富，可以試不同的肉同海鮮。用料新鮮，又煮得好好味，完全係5星級的質素。薯菜方面有芋頭蓉、西蘭花、紅蘿蔔。芋頭蓉係甜甜的，成個main course 可見廚師用心之作，有誠意條魚係巨型到成支餐刀咁長，完全無諗過會大到咁，好誇張魚係我的至愛，當然興奮到傻咗🤣好鮮味，肉質好滑呢個魚餐仲可以配埋螺絲粉或飯正正常常嘅茄汁味螺絲粉。

因為有個best friend喺外國返嚟，所以特登帶佢食好啲！問過同事，話尖沙咀依間chef stage de eddy chu好正，而且有一位出名既名廚主理，一於去試下！一上到去真係「嘩」一聲，因為個海景真係冇得彈！未食嘢已經覺得值回票價！對住個維港食嘢，胃口都零舍好！menu花多眼亂，揀唔落手之下唯有問下店員有咩推介!好快揀左兩個main course~先嚟咗個蟹肉煙三文魚沙律，平時出面嘅沙律通常得啲菜，依個沙律就絕不欺場，蟹肉同三文魚絕對比蔬菜份量多好多！而且沙律好新鮮，唔會係喺雪櫃岩岩出晒倒汗水咁！先黎兩個湯，分別係黑松露磨菇同忌廉鮑魚冬陰湯。因為share食，所我可以試晒兩個！黑松露嗰個就有啲似西餐廳嘅菜湯，飲落有啲磨菇粒，幾有口感！另一個呢就有大大隻鮑魚，好足料，不過可能因為係忌廉冬陰味，飲落有啲似冬陰汁多過冬陰湯。waiter推薦我地試牛脷熱脆包同乳鴿!牛脷脆包入面有少少芥末醬，啱晒我口味！而且個包真係焗到脆卜卜，好鬼好食，我地兩條友三兩下就食晒！另外一個係乳鴿，依個比較普通，好食的，不過同全晚嘅嘢食比就未係最出色！Main course就叫咗慢燒牛肉眼同薯菜鴨脾。一直都

為左慶祝朋友搵到份好工 我地特登揀返間高質素既餐廳慶祝 食返餐好既～要搵有質素又有格調既餐廳 尖沙咀係一個不二之選 又有氣氛又唔會太遠或者要過海～ 重點係 朋友返工既地點就係尖沙咀 所以我地約埋食個豐富既lunch～呢間餐廳既裝潢設計雖然走簡約風 但簡單得黎又不失貴氣 如果坐近窗邊 仲可以睇到美麗既海景 夜晚黎既話 一定可以睇埋維港夜景 😍佢地好似每日都有唔同既菜式 佢地既餐牌有好幾款 輪流出現 所以連續幾日上黎食都可以食到新款菜式～ 我同朋友一人點左一個lunch set 再加兩份海鮮拼盆 分量十足！每一個set lunch 都有餐包、餐湯、主食、飲品同埋甜品～海鮮拼盆 $55海鮮拼盆如果連午餐點既話 一份就係$55 有鮑魚、帶子、生蠔、鮮蝦同埋象拔蚌 另外仲配有一個醬汁啲海鮮刺身都非常新鮮 生蠔充滿海水味 而且肥美多汁 鮑魚亦都比我想像中鮮美 食落仲爽口彈牙 口感十足添 😋 帶子一向都係我既最愛～ 當然冇得彈 食得出佢有一定既質素 鮮嫩細滑 佢入面有甜甜地既醬料 食落帶點麻醬既香氣～ 😋蒜蓉餐包 🍞新鮮出爐既蒜蓉包～片麵包啱啱烘完新鮮滾熱辣 個皮焗得好香脆🍞～ 餐包外脆內軟 蒜蓉味

朋友一直推介呢間餐廳午餐好抵食，今日終於帶我嚟食。星期六嘅中午，上到嚟到已經見到九成滿座。好好彩被安排坐喺窗邊位置，出面天氣晴朗，望住呢個VIEW享用美食真係感覺特別舒心。百幾蚊一份午餐，已經包左沙律、湯、多士、主菜、甜品、餐飲。如果平日嚟仲要唔收加一!加$55可以有一客海鮮拼盤 ，叫左兩客! 平時去高級餐廳$55都食唔到一隻生蠔，呢度竟然有一客海鮮拼盤，有生蠔、鮑魚、日本刺身帶子、鮮蝦、聖子刺身，我哋都好鍾意食海鮮，當然係必點之選。生蠔不算大，但係好新鮮，海水味後一陣甜味。磯煮鮑魚，係熟鮑魚，用日本醬油同昆布炆嘅，兩種材料啲甜味入晒個鮑魚度，變左有三重鮮甜味，正!日本帶子刺身用杯仔裝住，放入蜜糖麵豉汁，呢個做法幾特別，比起單單日本帶子刺身，咁做味道更出更好味。    鮮蝦同聖子刺身都係爽口彈牙!日式青瓜蟹子沙律，仲有生菜同甜腐皮，幾開胃。餐包係蒜蓉多士，夠熱夠脆。椰子清雞湯，呢個好驚喜，一般餐湯都係羅宋湯或者忌廉湯，呢度竟然係清湯。有洋蔥粒、紅蘿蔔粒、椰子粒、雞絲，個湯真係好甜好清，我超級鍾意!燒美國牛肉眼餐$178，份量適中，幾有牛味，多肉汁，軟腍無根。香煎原條今日鮮魚餐$158，

最喜歡和同事在午餐時間把尖沙咀區都吃遍。今日去了一直想去，位於阿士厘道的CHEF STAGE de Eddy Chu。餐廳已經滿座，幸好我們先行訂位。一幅大的玻璃窗，把尖沙咀的陽光與維景都盡入眼簾。午餐價錢由$138-$178， 共8個選擇。在尖沙咀區算不便宜。但午餐有沙律，湯， 主食，甜品， 餐茶。沒有加一。另加$55還有海鮮拚盤，我們加了一客同吃，生蠔、鮑魚、帶子、鮮蝦、聖子刺身各一份，帶子用甜甜的汁醃浸了，多了重甜甜的味道。而鮑魚最好吃，不會硬身，有點柔軟煙靱，配上甜甜的醬汁，更加令味道特別。先上的蒜蓉包還是熱呼呼出煙的。而且塗滿滿的蒜蓉牛油， 顏色金黃又夠香，香草也很多， 味道很豐富。接下來上的是餐湯南瓜蟹肉湯。 喝了一口， 南瓜湯很甜美，輕輕把湯攪拌，底部的蟹肉才混和南瓜湯，而蟹肉超多, 另湯頭變得有蟹肉的海鮮鮮味。而這種蟹肉的味道濃郁，都是第一次吃這麼濃味的蟹肉。沙律的蔬菜新鮮，還配上了厚火腿，增加風味。香燒原條燒倉魚，$158主菜來了，原條倉魚有手臂般長，魚皮煎得香脆。魚腔已清理好，所以魚肚附近，充滿魚脂的部份最好吃。馳名西班牙橡果級別黑毛豬，$158豬扒的豬味不濃郁，怕

星期六同朋友仔去完尖沙咀游水想搵個好地方食晏及吹水，這個地方一定是好推介。位於亞士厘道真心説地點很方便。   對出全是維港景，居高林下十分舒服。我們order 二個lunch set。分別是燒美國牛肉眼$178 and 燒牛脷配蝦仔磨菇汁$148。  我們每人另加$55食了個海鮮拼盤，真係包羅萬有，生蠔新鮮、蝦彈牙、帶子鮮甜、聖子刺身爽、鮑魚有海水味，我們十分享受這個海鮮拼盤。 飲白酒食海鮮是多麼寫意！（跟餐加28元）  蝦仔田園沙律，份量剛好，好Fresh!  南瓜香草湯沒有加cream不會容易濟，是開胃前菜。  蔬菜及肉類嘅比例剛剛好，一碟有三片牛脷非常足夠。牛脷煎到非常香口，我一口氣食完全碟已好飽，蘑菇汁香濃。  肉眼扒剛好煎熟，入面切開仲有紅色，多汁不韌非常美味。  最後是日甜品是朱古力慕絲蛋糕，甜度適中，有精美嘅伴碟，美味😛。

唔洗煩食咩好😌 仲有海景夜景😳————————————————————〖香港豬扒包〗 HKD88✔️👅：8/10✏️ 真係好鍾意呢個包😍 以脆包夾住黑毛豬好似三文治咁 食落去鬆化帶肉汁 絕對唔會dry！再加上菠蘿帶微酸做為前菜岩曬😌 西餐同大排檔元素（港式）都可以好夾😙〖艾迪乳鴿〗 HKD98✔️👅：7.5/10✏️ 以店名為名 可見應該係正既😜 乳鴿肉質非常鮮嫩 係經過複雜既程序而製（Sorry唔記得左🤣） 所以絕對同出面果d味道唔同😗〖燒西班牙黑毛豬肋條肉〗 HKD188✔️👅：7.5/10✏️ 好鍾意呢個肋條肉既texture 帶少少咬口 而且肉汁豐盈又唔會韌 好難得食到豬肉既脂香 大讚！伴碟既紫薯蓉份量好足🤤 一定好飽肚～〖燒美國牛肉眼配茄汁扁意粉〗 HKD188✔️👅：7.5/10✏️ 係粉嫩嫩既肉眼😋 咬落去絲離緊扣 係略嫌肉味有少少淡左d 但原來重點係下面既扁意粉！唔會過硬或稔 配搭重口味鮮茄汁係無敵好味😛 夾！⭐️ Book定位啦要！