影片
更多
2017-08-15
182 瀏覽
為左慶祝朋友搵到份好工 我地特登揀返間高質素既餐廳慶祝 食返餐好既～要搵有質素又有格調既餐廳 尖沙咀係一個不二之選 又有氣氛又唔會太遠或者要過海～ 重點係 朋友返工既地點就係尖沙咀 所以我地約埋食個豐富既lunch～呢間餐廳既裝潢設計雖然走簡約風 但簡單得黎又不失貴氣 如果坐近窗邊 仲可以睇到美麗既海景 夜晚黎既話 一定可以睇埋維港夜景 😍佢地好似每日都有唔同既菜式 佢地既餐牌有好幾款 輪流出現 所以連續幾日上黎食都可以食到新款菜式～ 我同朋友一人點左一個lunch set 再加兩份海鮮拼盆 分量十足！每一個set lunch 都有餐包、餐湯、主食、飲品同埋甜品～海鮮拼盆 $55海鮮拼盆如果連午餐點既話 一份就係$55 有鮑魚、帶子、生蠔、鮮蝦同埋象拔蚌 另外仲配有一個醬汁啲海鮮刺身都非常新鮮 生蠔充滿海水味 而且肥美多汁 鮑魚亦都比我想像中鮮美 食落仲爽口彈牙 口感十足添 😋 帶子一向都係我既最愛～ 當然冇得彈 食得出佢有一定既質素 鮮嫩細滑 佢入面有甜甜地既醬料 食落帶點麻醬既香氣～ 😋蒜蓉餐包 🍞新鮮出爐既蒜蓉包～片麵包啱啱烘完新鮮滾熱辣 個皮焗得好香脆🍞～ 餐包外脆內軟 蒜蓉味
呢間餐廳既裝潢設計雖然走簡約風 但簡單得黎又不失貴氣 如果坐近窗邊 仲可以睇到美麗既海景 夜晚黎既話 一定可以睇埋維港夜景 😍
佢地好似每日都有唔同既菜式 佢地既餐牌有好幾款 輪流出現 所以連續幾日上黎食都可以食到新款菜式～
我同朋友一人點左一個lunch set 再加兩份海鮮拼盆 分量十足！每一個set lunch 都有餐包、餐湯、主食、飲品同埋甜品～
海鮮拼盆 $55
海鮮拼盆如果連午餐點既話 一份就係$55 有鮑魚、帶子、生蠔、鮮蝦同埋象拔蚌 另外仲配有一個醬汁
啲海鮮刺身都非常新鮮 生蠔充滿海水味 而且肥美多汁 鮑魚亦都比我想像中鮮美 食落仲爽口彈牙 口感十足添 😋
帶子一向都係我既最愛～ 當然冇得彈 食得出佢有一定既質素 鮮嫩細滑 佢入面有甜甜地既醬料 食落帶點麻醬既香氣～ 😋
蒜蓉餐包 🍞
新鮮出爐既蒜蓉包～片麵包啱啱烘完新鮮滾熱辣 個皮焗得好香脆🍞～
餐包外脆內軟 蒜蓉味道岩岩好 唔會太濃 又唔會太淡 食完都唔會有口氣 名副其實既香脆味美～
日式青瓜蟹籽沙律 🥒🦀🥗
日式青瓜既口感非常特別 佢唔似平時食開既青瓜咁硬 佢比較軟身 而且食落既咬口似爽口彈牙但比較硬身既麵條 同脆脆地既蟹籽好襯 再加上甜甜地既腐皮 酸酸甜甜既番茄同埋好fresh 既生菜 食完之後好開胃 ☺️
Soup of the day
當日既餐湯係粟米濃湯🌽 好香好甜 我個人本身就好中意粟米 呢個粟米湯仲好似加左少少忌廉 飲落香滑 帶點黏稠 口感好得意～ 另外 佢仲加左牛肉 所以味道更鮮更香 😋🐮
燒美國牛肉眼 $178
頂級美國牛肉眼扒🐮我地點左五成熟 牛排表面燒到深啡色 一上枱已經聞到好香～表皮好脆 但裡面啲牛肉好鮮嫩多汁 十分juicy～我好中意牛排邊緣有啲牛筋 好有唧頭😆 切一片牛肉 再沾燒汁 非常惹味🤤
馳名西班牙橡果級別黑毛豬 $158
呢塊黑毛豬排好正 冇諗過係咁腍咁好味 一切開啲肉汁慢慢留出 再加上煎到勁香 配埋牛油香既薯菜 完全係味覺既享受 😋
雖然有少部分係肥肉 但我覺得好香口 所以冇理到照食 連朋友都覺得幾唔錯☺ 睇下隔離既配菜就可以知道大廚喺炮製呢道菜既時候 應該都花左唔少心思 😍
是日甜品 🍰
我地飲完茶之後 店員就為我地上左一道甜品～ 分量唔係好多 所以好容易就可以清曬 😜 呢個應該係焦糖栗子蛋糕 我最中意就係栗子蛋糕 覺得佢清甜香口 就算加埋焦糖 都係甜而不膩 😊
餐廳除左美食之外 服務態度亦都好親切～店員不斷為我地加水同埋更換乾淨既餐具 我同朋友都覺得好滿意～價錢都合理 有曬前菜、餐包、餐湯、主菜同餐飲 係聚會既好地方 👍🏼 我地仲見到好多上班一族黎捧場添～
張貼
