CHEF STAGE de Eddy Chu (已結業)

今天選了這兒為男友慶祝升職加薪，喜歡這裡的裝修簡單而有情調，服務貼心。食物用材及出品水準之高，更是不用置疑。是晚七時半左右已滿座，幸而我們是一星期前訂位的。餐廳經理細心地為我們推廌菜式及下單。Fleurs ET Clouleurs, Chardonny, 2015, France $58/Gls先來一杯甜度適中的白酒冬陰西班牙煙豬腩沙律 $138帶冬陰公香又不辣的煙豬腩，與黑醋汁蔬菜及一些會爆發清新味道的份子小珠，是個不錯的開場白。松露煮法國原粒蘑菇 $118 蘑菇香氣濃郁，質地爽中帶脆，伴香滑的松露汁，感覺正在吃蘑菇扒。忌廉鮑魚冬陰海鮮湯 $88 湯內有日本鮑魚、日本帶子，海蝦各一隻，都是很鮮甜的。湯質滑而濃稠適中，有冬陰公味道，香而不會過辣。Chateau Groleau 2013 France $298/Bt 有佳餚當然要有美酒。香煎冬陰奄列配西班牙黑毛豬肝 $118隨這道菜附上一支黑松露mousse，帶淡淡黑松露香的幼滑泡沫，可跟個人喜好噴在奄列之上。黑毛豬肝香又滑，以微辣的冬陰味道加上磨菇的香香爽，感覺是清新又和諧的配搭。賣相不但吸引，味道也滿分。燒法國黃油雞扒配松露鮑魚 $

最近,有一位曾為他做紅娘,早前又介紹朋友幫他買樓,令他賺了一點少財.他說一定要請我食飯, 而且還是一間由高級廚師打做的--CHEF STAGE de Eddy Chu!他說--早前因為與顧客傾談生意,是顧客介紹他上來的.他食後感覺很特別, 又聽聞我最近開始不做宅媽, 要做井上蛙, 學人家寫食評,便刻意要帶我過來開眼界.一入到來, 餐廳分開左右兩邊,兩邊都有寬闊大玻璃, 醉人黃昏海景一覽無遺!平實高雅傢俬令人坐得舒服.( 可惜這條恐龍已讓了給別人....可惜!可惜! 真笨!)第一道菜是, 艾廸乳鴿--$98是早一晚用鹵水汁浸醃,然後,當有客人點它便放入焗爐焗熟.雖是乳鴿, 但SIZE並不小,吃落啖啖肉, 而且, 沒有中菜酒家的油膩,更不需要點上淮鹽, 鹵水味剛剛好, 正合不喜歡太濃味的我!香煎鮮蝦冬陰奄列配西班牙黑毛豬--$118配有3種醬料1:長島忌廉( 鹹,酸味 )2:冬陰公醬 (酸, 辣味)3: 印度鹹芝士( 鹹, ,酸,芝士味)這個菜最考起我這個宅媽,因為它們表面看上去, 顏色差不多,但原來材料豐富到不能食出全部內容,有蛋, 蝦, 黑毛豬肉, 麵包,辣味風乾肉腸, 洋蔥,有一個個

今晚OT到八時許，放工與上司到附近的Chef Stage by Eddy Chu吃飯，在此區上班，哪一間餐廳好吃大概都知道，間唔中都有到這裡Lunch。香燒日本吞拿魚腩沙律: 含十餘件吞拿魚腩，魚腩部位油脂較多，味道較香口，配上特製的惹味蜜糖芥末醬，為簡單的沙律生色不少。燒BB鴿: 燒乳鴿並不是中菜的專利，味道與一般紅燒乳鴿相約，調味得宜亦夠入味，皮不脆但整體夠香滑惹味。咖喱蟹肉配薄餅: 蟹肉親子(蟹籽)搭配咖喱醬汁確實相當惹味，咖喱微辛，蟹肉等料亦令咖喱更鮮香。醬汁夠香濃，配香脆鬆軟的薄餅蠻不錯。燒厚切牛舌: 牛舌控難以抵抗，三條超厚牛舌極富肉感，牛味香濃，肉質夠鬆軟幼嫩，滿足! 伴碟的紫薯亦蠻好吃。香燒法國羊腩: 羊腩香羶，富羊肉香而不會太Strong，質素頗佳。羊腩肉質肯肯定是嫩和滑，啖啖肉，最適合食肉獸。蒜香及蜜糖芥末醬汁與其相當匹配。

最愛的姑媽生日當然要同佢食好d！帶佢嚟到一間我好欣賞既餐廳Chef Stage 廚社。呢間位於亞士厘道既Chef Stage老闆係名西廚Eddy Chu，有咁強勁既背景，餐廳當然唔惹小餐廳唔算好大，但情調十足，較適合情侶、三五知己食飯。餐廳雖然有2人set dinner，但我有太多特別item想order，所以今次我選擇散叫。一餐好既飯點可以無一杯好既飲品襯托呢？姑媽叫左一杯lime soda，味道偏酸，但因為食西餐較膩，正好做一個味道既平衡！我就叫左一杯mystery mocktail，個名好神秘，說穿了係一杯類似紅莓汁的東西，同樣十分開胃食主菜前，先叫一個黑松露湯，呢個湯黑松露味非常非常濃，每一啖伴著blend好的蘑菇茸加強口感！又creamy又香飲完湯，再嚟一個黑松露日本年糕，本身無味既年糕加香到不得了既松露，感覺新鮮之餘，年糕煙煙靭靭好好味，同行姑媽食到無停口！識食既一定會食chef stage既法國焗田螺。以香草同蒜茸調味，再焗至外殼香脆，成個可以連殻食！賣相睇得之外又好味一個出色廚師創意絕對係不可或缺。豬扒包大家應該好熟悉，但用西班牙黑毛豬做既豬扒包大家又試過未呢？廚師用上

本來一早約咗個外國番嚟朋友嚟呢到食飯，因為知道呢到有靚景嘛，所以一早安排咗坐窗口位！但上星期不停落雨，之前仲好驚去嗰時都會落，睇唔到靚景好彩天公做美，我地去嗰時無落雨呀！好好彩睇吓，個天超靚，見到個咁靚嘅景，心情都大好！Set Lunch 款式都唔少，而且只要加多$55，仲可以有個海鮮拼盤添！初頭以為以$55呢個價錢，海鮮質素都應該普普通通！點知呢個海鮮拼盤除咗多料外（有生蠔、蝦，鮑魚、帶子同聖子），每款Size 都比我想像中大隻同鮮甜！睇吓隻生蠔，都真係幾大隻！雖然個自家製sauce 個顏色唔係咁討好，但同海鮮味道異常夾！真係無諗過$55有咁高質食完海鮮拼盤就到沙律啦，呢個係粟米火腿田園沙律，份量唔算好多，食落清新，作為前菜不錯。之後就到呢個南瓜湯啦！上枱時隻碟仲係熱的所以一路飲，啲湯仲係keep住熱，好細心！呢個湯應該係用新鮮南瓜整的，勺起已經見到南瓜蓉，不過我略嫌南瓜湯唔夠甜，如果再甜多少少就好啦！本來Menu上面寫係牛油餐包的，點知嚟到係蒜油牛油多士即時為呢個餐加分！多士即叫即焗，入口鬆脆帶牛油香，不錯。主菜我地揀咗馳名西班牙橡果級別黑毛豬$158，味道同平時食開嘅豬扒真係有啲

細佬請食lunch 尖沙咀閒閒地都要56十蚊食個快飯 細佬簡左呢間高檔野 一個lunch成過百蚊 佢話呢間野夜晚成4舊 嘩 上樓餐廳都咁貴 一定唔小野 原來大廚係某間酒店既大廚 入到餐廳 感覺專業 待應服務都好似致身酒店 叫左個雜扒同牛扒 都會問返要幾成熟 由面包到甜品 食物質素同服務都好好 份量亦唔少 好過好多酒店 雖然價錢貴 但完全物超所值 細佬話夜晚都係食差不多既野 但要成3-4百 所以午餐真係好抵 呢度仲有得集印 一個餐一個印 食滿5個就可以下次買一送一

雖然今日不是什麼大日子，但係辛苦工作後，都仲是想找一間餐廳可以舒舒服服地坐著，靜靜地回想、沈思，又可以與米仔細細心事，在尖沙咀的繁忙地方，有這些地方嗎？答案梗係有啦~~~ 有不錯的果酒、佳餚，簡單靜靜浪漫環境，就是這裡了！一出電梯，就是餐廳的入口，燈光暗暗的，簡單平實的裝橫，不用豪裝的襯托，也可以營造出簡單浪漫的氣氛！白甜果酒靜靜的坐下，先來一杯白甜果酒，就是白酒內浸泡著不同的新鮮水果，水果都是切得細細粒的，水果的味道能滲入白酒之餘，水果又吸收了白酒的味道，入口香甜，很清新，作餐前酒，很不錯呢~~~！Fruit Tea Cooler 果茶特飲一杯果汁雜飲，滿有不同水果的水果碎，很清甜，很fresh！焗法國連殼食田螺這個田螺，是可以連殼一起吃的，為什麼？因為這個田螺殼是食用殼，不用任何其他餐具，就可以整件容易地放入口中品嚐，香濃牛油味，帶著有田螺煙韌，何其享受！紅咖喱蟹肉配熱脆麵包單單只是麵包，都已是很脆卜卜，還是暖暖的！配上紅啖啖蟹肉的紅咖喱，蟹肉鮮味十足，配上紅咖喱，又不會被濃濃的咖喱味淹蓋著，咖喱帶上微辣，很惹味！不要以為紅咖喱蟹肉的份量少呀~~~~ 我把每件麵包都填到滿滿的蟹肉，

這晚與友人慶生，特地在CHEF STAGE de Eddy Chu訂了枱，好好享受前星級酒店及高級會所的總廚Eddy Chu的手藝。餐廳的捧場客非常多，我們來到的時候已差不多滿座。餐廳位於高層位置，可以飽覽香港夜景。友人曾到此用膳數次，所以這晚都是點他喜歡的佳餚。我們先享用蟹肉煙三文魚沙律配荔枝珍珠，沙律的色彩繽紛，賣相十分吸引！沙律的份量和用料都十分豐富，雪白的蟹肉與特製沙律醬，加上三文魚，令整個沙律味道鮮甜開胃！沙律菜、小蕃茄、芒果等用料新鮮，創新地加入荔枝爆爆珠，口感特別。然後吃友人最愛的紅咖哩蟹肉配熱脆麵包，紅咖哩上枱時發出陣陣濃香味，引誘著我們舉叉快吃麵包每片都是偏薄的，但卻出乎意料地外脆內鬆軟，很有功架！令我這個麵控很滿意微辣的紅咖哩入口香滑，味道濃郁，但又不至於搶去蟹肉的鮮甜味。把紅咖哩加上麵包來吃，實在是一大享受。剛才點餐的時候，已奇怪餐牌上有中式美食，友人說餐廳有「西餐大棑檔」之稱，會供應中西式料理。友人說可以試試艾迪乳鴿，是其中一款他在外國留學時會想念的美食。乳鴿皮薄，肉質滑嫩，實在不錯！真想多吃一點來滿足口腹之慾。但我們還是理智地把胃口留給下一碟佳餚，我期待的蟹肉

今日同朋友去I Square 睇完戲，順便一齊食晚飯，上網搵到間西餐廳非常吸引，決定試試。 店內環境優美，非常適合情侶約會的地方。乳酪鮮蝦芒果雜菜沙律（$158） 有4大隻鮮蝦肉質爽口，配合芒果和芒果乾粒 非常美味，沙律菜配上乳酪醬非常開胃，酸甜味道得宜，作餐前小食一流！ 黑松露蘑菇湯（$68） 蘑菇湯非常足料，粒粒蘑菇切成碎粒，每啖都是松露和蘑菇的香味，每口都是香濃的滋味。艾迪乳鴿（$98） 這個艾迪乳鴿是店內招牌，難怪幾乎是每枱必點之物。乳鴿一開四份，size比起平常的大一點，吃上來超多肉汁，勁juicy！肉質方面，入口超嫩滑，味道又夠香，真正做到齒頰留香的味道。松露煮法國原粒蘑菇（$98） 蘑菇厚肉大隻，入口鮮甜多汁，一份有7隻， 松露加埋忌廉再加埋炒香左的洋蔥超級creamy 不面頭仲有幾粒腸仔，好yummy!橡果級黑毛豬（$498） 黑毛豬是店內main menu的推介之選，黑毛豬選肉了橡果級數，質素與價錢絕對成正比。 黑毛豬肉質鮮嫩美味，不像外面吃到的，這裡的像質較嫩滑和香口，旁邊伴碟的還有紫薯和露荀。Sparking juice有汽的Spa

Chef Stage de Eddy Chu....一家在尖沙咀已2年的Fusion菜。三人選了一個2人餐加一個沙律和一支红酒。Fusion嘛所以湯的選項是木瓜豬骨湯或是黑松露蘑菇湯…好濃的蘑菇湯，蠻香的海鲜拼盤…要赞的!水準很高!生蠔，帶子和蝦均很好黑松露年糕…雖然很香，有一點太rich. 焗田螺…太咸了單點的芒果蝦沙律…很好吃!甜甜清爽合夏天吃!黑毛猪…有肉味，材料很好 慢煮肉眼扒。。很嫩，牛味濃，配菜是露筍，茄瓜和蕃薯。跟餐的2杯酒白酒，多送了一杯给我們。是合女生的甜甜白酒。朋友點了一支300多的 比較dry的红酒。不錯!餐的甜點是2件绿茶蛋糕。因為同行者生日，店家就送了一件choco cake並寫了Happy birthday! 綠茶蛋糕普通，反而朱古力蛋糕比較好!座位很迫，空調不夠但海鲜拼盤而来!

能找到心目中的舞台是一件很幸福的事， 你找到了嗎？今晩，筆者帶著寶貝前來識飲識食小K 介紹的Chef Stage by Eddy Chu，欣賞他的演出。甫進餐廳時，立刻看到半開放式廚房，在此能欣賞大廚Eddy大顯身手。餐廳空間不算太大，座位與座位較近。當晚進入餐廳平日晚上七時半，除了筆者預訂的兩個座位，其餘座無虛席，氣氛熱鬧。食客可從窗外遠眺維多利亞港兩岸景緻，如想坐窗邊位置必須提前預訂。Mystery Cocktail ($58)這杯以香檳杯呈上的特飲，給人高雅而甜蜜的感覺，士多啤梨、藍妹、蘋果、橙、切成均勻的小方粒，為特飲帶來陣陣果香，非常淸新。Mandy's Cure ($58)紅莓、西柚和青檸汁調製而成，酸酸甜甜，透心涼的感覺，非常適合夏天享用。乳酪鮮蝦芒果雜菜沙律 ($158) 新鮮大蝦肉嫩甘甜，翠綠的爽脆沙律菜、果香十足的芒果，令人驚喜的是，竟然放了一些荔枝乳酸爆珠和台灣炸菇。爆珠的酸度平衡了整道菜，炸菇口感像粟米條，菌味豐富，這道揭開序幕的頭盤沙律的確精彩。艾迪乳鴿 （$98）艾迪乳鴿是用茶薫煮法，鴿肉保存嫩滑，肉汁豐富，油香四溢。米酒煮活青口 （$188）青口份量多，肉

係上個月尾，家姐話帶我去一間佢想去左好耐嘅餐廳，原來就係呢間，我聽就聽過，不過自己又真係未去過，所以今次都好期待睇下個Menu，個精選二人晚餐都好似幾好選擇，有頭盤，主菜，湯同甜品。不過我哋都想自己叫啲嘢食呢個係黑松露年糕，味道好香，黑松露味好重。年糕煮得煙煙韌韌，同忌廉味好配合，再加埋啲黑松露更加香呢個係慢燒美國牛肉眼，牛肉好嫩滑，能夠鎖住肉汁，但有唔失去牛肉鮮味。而且仲配左啲芋頭蓉，一般都係會配薯蓉嘅，芋頭蓉好香呢個係燒牛肉芝士焗飯，芝士味好香燒牛肉都好香，好嫩又有牛肉味，芝士好惹味，配埋飯食好配合呢個係紐西蘭蟶子扁意粉，炒得好香好入味。意粉煙煙韌韌，好入味，忌廉汁好香。聖子好爽口煙韌，意粉唔係太油膩， 仲有啲蕃茄仔，酸酸甜甜好開胃甜品方面呢個係綠茶蛋糕，有好香嘅綠茶味，蛋糕最怕就係甜，但係呢個只係有少少甜，而且仲有好香嘅綠茶香味細細件，唔會怕太流又唔怕食唔晒整體來講， 嘅氣氛同環境都好好，係19樓可以見到對面中環嘅景色，仲可以睇埋香港嘅夜景添！食物味道又唔錯，真係好啱情人嚟食，有好浪漫嘅氣氛

男朋友出左糧帶左我黎尖沙咀食西餐，環境唔錯，因為樓層高，望到海景幾浪漫🙈。一望餐牌，發覺食物幾特別，明明有d係大排檔既食材，但就呢道用左西式方法去煮，中西合璧fusion 菜👍首先叫左個eddy's baby pigeon,總共分開咗四分，肉質鮮嫩而且香氣無比，乳鴿即點即炸, 色澤光亮,皮脆肉滑,肉汁亦夠哂juicy,正!清酒煮蜆，雖然無大排檔既炒蜆禁有獲氣，但清酒煮食落令蜆肉更加鮮甜，呢道既蜆大大隻，粒粒都有肉，很甜美，而清酒都好香，唔會過份濃郁而遮左蜆既鮮，不錯！香脆牛脷包， 包用上薄薄的脆皮，帶點煙韌口感，配上厚切牛脷，牛脷爽彈柔嫩，用左微微芥末醬更添風味，店家仲配埋菠蘿及薄荷葉，除自己心意夾埋一齊食，可增添胃口同時去膩😋平時鋸扒一定係會食牛，但今次選擇店鋪最出名既橡樹黑毛豬，黎到個樣以為好普通，但我同男友食完第一口就愛上左黑毛豬，黑毛豬肉質很嫩（估唔到係比高級和牛更嫩更好食），肉汁亦都好JUICY。味道烤得剛好, 皮帶點焦脆要講多次🤣估唔到豬都可以禁好食！真係必點！！！而配菜竟然用左大熱紫薯茸，食落香甜更健康，呢個都會跟小許菠蘿比我地去膩，真係好細心。最後叫左紐西蘭蟶子扁意粉，