CHEF STAGE de Eddy Chu (已結業)

唔係朋友介紹都唔會知道亞士厘道17號上面有間西餐廳!呢道環境夠靜,望住個靚景真係好Chill 呀!!呢道下午茶有2款揀, TEA SET & SPECIAL TEA SET見到個SPEACIAL 有海鮮拼盤, 好正呀!所以就2個SET 都叫,再SHARE食!TEA SET $68蒜香牛油法包、雙蛋配煙三文魚、香草雞扒通粉SP TEA SET $128蒜香牛油法包、雙蛋配火腿、海鮮拼盤(生蠔/鮮花螺/日本帶子/鮮蝦/聖子刺身)、香燒黑毛豬湯意粉個蒜香牛油法包一定要趁熱食呀! 相機食先既話, 就無咁好食! 個法包好脆呀, 仲有好香既蒜香味道!個海鮮拼盤真係好新鮮! 肥美既生蠔 配上特製既香草醬汁!好正呀!好想encore!隻蝦又好鮮甜,唔洗點汁就咁食都好好味! 呢個日本帶子真係一流呀! 大大粒, 肉質又柔軟! 個聖子切薄片,好爽脆!😋以為呢到既火腿係一片片既, 點知黎到係大大粒既火腿! 食落去好有口感呀!個雞扒好juicy 仲好滑添!👍🏻香燒黑毛豬湯意粉又係勁好食! 個黑毛豬燒到勁香, 仲有d肉汁滲出黎! 個意粉係扁意粉黎, 好有咬感!👍🏻👍🏻

Since Sunday is here, we decided to pick a place where we can relax and have a perfect brunch. We picked Eddy Chu since it’s OpenRice top search in TST and it’s also overlook the harbor view which is perfect for the weekend. We arrived at around 3:30pm, which is perfect for their afternoon tea menu option! We picked both set to give it a try.The sets include the appetizer which was quite fresh and tasty. My personal favorite was the shrimp and scallops. The first starter came which was two sunny

放假瞓到自然醒，然後出街食brunch是常識吧!之前朋友黎食過讚口不絕，話環境舒服，野食又好味....今日終於可以親嚐了！平平地$68就有豐富既茶餐，仲環對著維港景色，真係好寫意呢！茶餐有炒蛋、煙三文魚及蒜蓉包，單單賣相就已經令人垂涎三尺🤤炒多生熟適中，蛋汁非常正！蒜蓉包勞得金黃香脆，蒜味幾濃啊！配上地道既港或奶茶，夠哂醒神！吉列魚柳配通粉...廚師好細心將炸魚柳同沙通粉分開上，魚柳唔怕會浸稔了！魚柳即叫即炸，入口勁香脆，沒有多餘既油份，唔會很油膩！最愛既係芥末醬非常嗆鼻，通鼻塞一流呀！另一份點了特餐，同樣有蒜蓉包，煙三文魚及蛋！不同的是這份特餐點了煎蛋，煎蛋都好有水準呢！特餐與別不同之處道係多左碟海鮮拼盤，有蠔、鮮蝦、鮮花螺及聖子刺身，非常豐富呢！海鮮一點都不馬乎，很鮮甜呢！ 豬頸肉配湯意粉這個fusion 很特別，很夾呢！豬頸肉煎得很香，肉質軟稔，好好味！

每次到chef stage食午餐，下午茶，晚餐其實我都唔想介紹俾人食，怕會來太多人我book唔到位，但又想多點人知道這個餐廳的好餐廳不算太大，但坐位舒適，跟三五知己或是情人進餐都是不錯的選擇下午茶有分2種，我跟朋友來就各要了1份等待食物的時間就享受一下美景吧～前菜到啦～這個是吸引我一直光顧的海鮮拼盤，一邊吃一邊有幸福的感覺，工作完的辛苦都會一掃而空到加一杯白酒人生啊！炒蛋拼火腿，一粒粒的火腿我眼看還以為是牛粒夠口感~太陽蛋~有一邊爆了不要味道很好~原諒廚師的不小心吧黑毛豬通粉，想不到味道還滿不錯，很配魚柳湯意粉超大塊魚柳，還要炸得很鮮，旁邊有個醬可以點來吃，味道很特別，一定要試試餐飲是咖啡跟茶，不過就是西式那種，我比較偏愛港式奶茶，咖啡很香~心滿意足啦

最近生日，好友同我去CHEF STAGE de Eddy Chu 慶祝~望望MENU 好多野都想食，由於生日關係朋友話咩都可以叫，我就叫左幾個小食...因為款款都好吸引!!先有煙三文魚蟹肉雜菜沙律，賣相好得，顏色配搭得好靚，加上荔枝珍珠，蟹肉同三文魚份量多，整體唔錯，而且食落好開胃～之後有個松露煮法國原粒磨菇，呢個真心OK, 大大粒磨菇好爽口，而且咬落好juicy，估唔到同黑松露汁咁配合；而辣肉腸都唔錯！另外點左個牛脷包，入面d 牛脷相當多，而且都幾厚身，但食落肉質幾滑，肉絲緊緻.旁邊擺左Ｄ菠蘿，可以中和下d 肉膩感.之後一人一碗湯，有松露蘑菇湯，湯入面係打碎既蘑菇肉，啖啖蘑菇送入口好好味，好有誠意既湯；而另一個湯係湯忌廉鮑魚冬陰海鮮湯，飲落唔覺得好辣，呢個湯都非常正，入面有飽魚、帶子等海鮮，超級推介～點左2個MAIN，一個係燒黑毛豬頸肉，燒得岩岩好，唔會話熟得滯，而份量勁多，肉質爽口，唔錯。另一個MAIN 係牛肉扁意粉，意粉煮得剛好，口感煙韌，份量適中，食落有少少汁，唔會creamy!之後已經飽到食唔到甜品...唯有下次再黎過啦~

今日同朋友係尖沙咀行完街，見到呢間餐廳好多正評就去試下!下午茶既特餐($128)連埋海鮮拼盤，有齊晒生蠔、鮮蝦、帶子、聖子刺身。本身都無太大期望（始終係下午茶呢啲特價時段），但估唔到啲食物都幾有水準🤣生蠔加埋泰式醬汁，生蠔既海水味同醬汁既酸甜味呢個搭配唔錯餐廳好貼心，準備埋濕紙巾我地抹手，咁就唔洗驚剝蝦隻手污糟，值得一讚👍🏻蒜香法包+雙蛋配火腿，本來仲以為係一片果種火腿，點知原來唔係🙈好有口感同好香魚柳好大塊！炸得岩岩好香燒黑毛豬意粉，燒過既黑香豬好香，意粉有彈性由餐廳既窗可以望到少少維港🤣到夜晚個景色唔知會係點呢xd

短評：菜式依次序上餐，服務良好、食物質素不錯，值得再光臨；惟環境地方偏小、不合大夥人士聚會。首試這餐廳已帶來驚喜，甫入餐廳其大小已盡入眼簾，地方雖小但仍別緻。未入座已先聽到駐場外籍結他手正在彈唱，座位剛好位於結他手旁邊，另一邊則是開揚窗景，可俯瞰半個尖沙咀區，邊聽歌邊午餐好不寫意。員工介紹後隨即點菜。下單食物：餐湯-忌廉蘑菇湯(4.5/5)海鮮拼盤 (4/5)紐西蘭羊鞍 (4/5)雜扒拼盤 Mixed Grill (4/5)餐湯-忌廉蘑菇湯(4.5/5)蘑菇湯一上餐桌已飄來濃郁的菇香味，湯身厚而不稀，蘑菇湯中更有大量菇粒，加上少許忌廉引出香味。此湯十分好飲，喝在口中啖啖菇粒，極具口感。海鮮拼盤 (4/5)拼盤包括生蠔、凍蝦、蟶子肉、鮑魚及浸帶子。海鮮處理出色，肉質爽彈及帶有鮮味，如配上白酒將更為美味。紐西蘭羊鞍 (4/5)兩件羊鞍以香烤形式烹煮，約八成熟。肉質鮮嫩而不帶羊羶味、粉嫩多汁並有經燒烤過的焦香味。羊鞍伴以一般餐廳少用的番薯蓉、羽衣甘藍及紅蘿蔔，番薯蓉帶點甜味而羽衣甘藍及紅蘿蔔味道清新，可中和羊鞍的油膩感。雜扒拼盤 Mixed Grill (4/5)拼盤包括烤雞扒、香腸及漢堡，

本來很開心與朋友慶祝生日，我們6:00 到達，叫了4個歺，點知6:45 已經叫我們結帳，但當時歺聼仍有4枱空位，我們因食得快而比趕走，我提出要求想與生日的朋友聊天，歺廳員工是给我多10分鐘時間， 而其他客人因未食完可以繼續留下聊天🤬🤬🤬早之食得快要被趕，我就食慢一點🤬🤬🤬🤬食1000 元的晚餐，感覺重差過大家樂，最少冇人會趕你走，不知所謂！垃圾歺廳，十分失望。千萬不要去，重差過元朗嗰間🤬🤬🤬🤬

選擇了3次去CHEF STAGE de Eddy Chu慶祝親人/朋友的生日，當然有一定水準才再三到訪，先說說食物，海鮮拼盤很新鮮鮮甜，帶子刺身也很厚厚還配上預設好的醬汁，相當美味每次到訪餐湯都不一樣配上蒜蓉包已令胃口大開還有沙律，主菜每次都有新煮意，今次點了頭兩次去也沒有的海水烚大雞，配上醬汁很好味，也挺嫩滑。由於是親人/朋友的生日，當然都想給她們既難忘又深刻的印象，所以請服務員幫忙上甜品時在碟上寫上祝賀字句，寫得很靚，很感謝服務員的幫助及結他哥哥的動聽歌聲，大家也很喜悅樂融融。

環境唔錯，個景當然靚啦，不過當日有d熱，冷氣唔係好夠用Open Rice book枱，加左remark幫朋友慶祝生日，竟然甜品變左生日小蛋糕，有d surprise講返野食，整體唔錯，牛係推介，豬就熟左小小，魚十漢堡都OK。極力推介加$55食海鮮拼盤。2位朋友都滿意

呢日晏晝本身約左人喺尖沙咀傾嘢，對方臨時通知有事要遲兩個鐘先得，天氣又熱街上面又多人，最後決定揾左呢間位於亞士厘道嘅Chef Stage de Eddy Chu邊等邊嘆個下午茶。餐廳位於19/F, 兩邊牆身都裝上大玻璃，可以遠眺維港景色，感覺舒服開揚。有咁靚嘅景，當然要配美食，又點可以虧代自己？😙點左個SP Tea Set ($128)海鮮拼盤 - 入面有生蠔、鮮花螺、日本帶子、鮮蝦，款款都鮮甜味美，其中的帶子配蜜糖面豉汁就更帶出帶子嘅鮮甜味👍雙蛋配三文魚 - 雙蛋好有蛋味，煙三文魚亦好好食，配上香脆蒜蓉，配搭簡單味美。香燒黑毛豬湯意粉 - 黑毛豬肉味濃，燒過後更香口，意粉帶少許咬口，配湯食啱啱好，唔會越食越腍。👍意大利即磨咖啡 - 香濃幼滑，當然係望住靚景慢慢嘆😜呢度食物好食，有靚景睇，裝修舒服，價錢亦合理，一於下次同埋老婆一齊嚟望住靚景嘆美食！😋😋😋

響海港城shopping完，搵個下午tea... 海港城間間餐廳都爆多人～朋友提議附近有間上樓餐廳，高質之餘又抵食～是日正值大驟雨，剛坐低響餐廳就落大雨，餐廳於19樓，居高臨下，望住維港景色響雨中慢慢退去，伴隨外面大雨滴滴答答，環境好舒服...下午茶有茶餐及特餐，我哋揀咗一茶餐一特餐～茶餐有香脆、鬆軟蒜香牛油法包及脆邊太陽蛋加煙熏三文魚～吉列魚柳配通粉分開上，薄薄嘅吉列漿炸起嘅魚皮，又薄又脆，魚柳熱烘烘，肉質滑、無腥味～而特餐就係多份海鮮拼盤... 有生蠔、花螺、日本帶子、熟蝦、聖子刺身，超新鮮爽口～其他選項都一樣，我份雙蛋火腿，原本以為係普通茶餐廳煎火腿，原來係大超市見到一個波樣嗰款火腿，實肉鹹香，好味～呢度出名黑毛豬... 所以我都要試香燒黑毛豬通粉，果然名不虛傳，咬落豬肉彈牙，濃濃嘅肉汁跟住滲出嚟～😋再嘆番杯意大利即磨咖啡☕️又停雨咯～😍

之前來過幾次dinner，難得平日放假原本唸住來lunch，點知遇上大塞車，原本1.30pm lunch變左成2.30pm先食，但錯有錯著喎，呢度最新推出左下午茶，價錢唔貴仲繼續keep到高質下午茶有2款選擇，我叫左個特餐，全因為呢個海鮮拼盤，4款海鮮全部超新鮮，食落鮮甜點埋自家醬汁寧捨開胃，好好味啊。食完海鮮，來一客有蛋有三文魚有多士，只睇賣相己經夠曬吸引，多士新鮮焗超脆卜卜，好正。最後好似茶餐廳咁，特餐有意粉同通粉選擇，我㨂左通粉同埋西班牙豬，豬柳咬落超嫩，肥瘦剛好，咬落有口感，亦好juicy 好入味，同普通豬扒真係無得比。下午茶食曬3樣野加埋飲品都係$128，呢個價錢食到酒店質素的食物，但無酒店下午茶咁貴，坐足3個鐘都係百幾蚊，真係超抵，下次一定要再來。

今次試尖沙咀既Chef Stage話說我係第一次咁悠閒食high tea一入到門口就比呢個畫面吸引左，白色同螢光藍既醒合令人特別肚餓入到入面睇，其實座位唔算太多，想嚟試試既話就要早少少book定枱啦今次我地叫左一份茶餐，一份特餐，分別就在於特餐多左個海鮮拼盤海鮮拼盤 首先樣樣食材都好新鮮，加上綠色醬汁酸酸辣辣，食落會帶出海鮮既鮮甜味餐牌上有得揀ham/煙三文魚，本人覺得ham比三文魚好食上面果份係黑毛豬通粉，黑毛豬離奇地彈牙，豬味濃厚下面係雞扒通粉，雞扒好juicy一啲都唔乾，加埋個汁一流

適逢男朋友生日，就梗係要搵間餐廳食好d慶祝~左睇右睇，最後都選擇咗呢間評價好高既餐廳~當晚我地book左8:30食飯，上到去見到餐廳細細不過望住個靚景都幾有情調。西班牙風乾火腿配紅酒openrice 有呢個優惠，精明既我梗係嗌黎試下。個火腿食落油脂好充足，配埋佢伴碟既香草菠蘿粒好清爽，完全唔覺得油膩。一啖紅酒，一啖ham~ 讚！Mystery Mocktail男朋友有紅酒飲，我就梗係要叫番樣野飲~呢杯mocktail 好得意，酸酸甜甜仲有d爆爆珠係下面，我地覺得有少少話梅既酸味，都幾得意~香港豬扒包個包好脆好好食，而入面既豬扒係爽口彈牙架！入面個醬汁食到有 少少wasabi 味，但唔會弓鼻果隻香，真係好好食。絕對係我食過最特別既豬扒包。推介！！！乳酪蟹肉鮮蝦芒果沙律呢個好好食！首先佢個蝦係好爽口新鮮，再加上佢個乳酪蟹肉醬夾得好好！我地係秒速清左呢碟沙律...松露煮日本年糕個年糕食落好煙韌好有咬口，配上個松露汁，正！黑松露蘑菇湯男朋友麻麻地黑松露浸味，但佢一個人可以飲得哂呢碗湯就知有幾好飲。碗湯好足料，飲落啖啖蘑菇係個口入面美國牛肉眼配大蝦隻大蝦好新鮮，食落又係好爽口好正，燒得岩岩好。牛