CHEF STAGE de Eddy Chu (已結業)

很滿意的一次用餐體驗，食物的質素是中上水準，氣氛佳，份量也適中，特別推介慢燒美國牛肉眼，燒西班牙黑毛豬肉眼蓋，肉汁充滿在嘴內。枱之間的距離正常，談話也不會被鄰枱影響，談天小聚的好地方

餐廳對外境觀窗口位前菜- 沙律是日式青瓜蟹籽沙律(cucumber and crab roe salad) 份量細細碗， 材料新鮮。是日餐湯匙粟米蘑菇忌廉湯， 湯唔似平時飲嗰啲罐頭湯一劈劈咁比較黏，這碗粟米係一粒粒爽ge。芝士黑椒牛肉粒焗蛋炒飯(baked rice with beef, cheese in a light black pepper sauce)$128呢個出奇驚喜，都好食，因為羽衣金蘭嘅菜好甜，好爽口，煮得啱啱好。牛肉粒配上芝士及黑椒嘅醬汁，令到成個飯都好香燒美國牛肉眼 (grilled rib eye U.S. Steak) $178牛肉眼排，超juicy， 夠嫩夠彈牙，好好食，d牛肉味keep住係個口到，好香推薦有是日甜品 dessert of the day細細件嘅terimisu另加$55 要左海鮮拼盤有生蠔/鮑魚/日本刺身帶子/鮮蝦/蜾刺身鮑魚唔係平時嘅清蒸鮑魚，應該有醃製過， 有啲醬料嘅味道，不過食唔出係咩。醬汁有便士汁同青檸汁提供

之前同同事黎過呢間餐廳食午餐，當時佢既海鮮拼盤最令我深刻。今日決定舊地重遊，一試佢既晚餐。餐廳位於19樓，偌大既玻璃窗外係高聳高樓大廈，五光十色，仲可以欣賞到不遠處既維港景色。原來夜晚仲會有結他手駐場表演，幾有氣氛。乳酪蟹肉鮮蝦芒果沙律有兩隻新鮮大蝦，蔬菜，芒果，最特別莫過於配搭爆爆珠，配上微酸醬汁，酸中帶甜，非常開胃，整道菜感覺好清新。蘑菇湯散發住黑松露既香氣，有粒粒蘑菇碎增加口感，味道濃淡得宜，唔會有膩既感覺。松露煮日本年糕醬汁係呢道菜既靈魂👍🏻醬汁濃稠，黑松露味道香濃，年糕軟糯，同醬汁融為一體，味道唔單調，連平時唔食年糕既我都覺得非常好食！橡果級黑毛豬肉黑毛豬肉肥美厚肉，肉質中間係粉紅色，好靚！而且配菜有菠蘿，羽衣甘藍同蕃茄，賣相色彩豐富之餘，有益又好食。黃油雞扒配松露鮑魚非常鐘意呢道菜！雞肉好嫩滑，啖啖肉，雞皮有油既甘香，肥瘦比例適中，配上香濃醬汁，令味道更上一層樓。有紫薯芋泥，加分！最後附上是日甜品🍮呢個中規中矩，冇咩特別。平有平食，貴有貴食。今次想食多啲，就嗌左二人餐，人均消費約$500左右，食物質素絕對對得住呢個價錢，真心好食，十分推薦呢度既二人餐。

星期日下午book了生日優惠過左3點無得叫lunch唯有叫兩個茶餐$68+10%食完show訂座code問佢送既甜品但佢話茶餐無得送明明條款無寫食物味道ok 黑毛豬同火腿比較好食其他食物比茶餐廳質素好一些環境清潔整齊，有少少海景比一般樓上cafe都好一些不明白為何好評這麼多大家想試就自己決定

D野食平凡到冇影相，但勝在餐廳望出黎風景幾好，而且食物唔算太貴， 3個人叫左1個湯，1個appertize, 3個main course, 但如果打正廚師名號我覺得服務方面應該要改進下。一開始問waiter menu 推薦既豬肉包同 牛舌包個包係咪唔同，佢答係啊係唔同， 之後就完了，其實佢真係可以講多少少，話被客人知有咩唔同， 同埋普遍黎講都幾咸，特別係個豬腩肉鴨腿，幾乎冇食過！ 唯人推薦係steak,夠焦香同埋好稔，人均$450

本來朋友提早了3日book星期六晏就兩位，有一個生日，confirm左蛋糕會寫Happy birthday。黎到本來一齊好正常，點左兩個weekend lunch set + 海鮮拼盤+白餐酒，知道男(中年)侍應聽得唔清楚，講左兩次話要第二個餐既螺絲粉，點知黎左個牛肉炒飯🙄咁算啦照食，唔想浪費。(中途唔知點解三個唔同人走黎問係咪點左海鮮拼盤) 差不多食完，女侍應話上甜品，我地話有個係order jor 一個係happy birthday cake，然後比左兩個普通，咁男(中年)侍應又係附近同佢講，佢話好同你換番，仲係到執著邊個係生日換果件cake...好啦，然後最正係佢換左個寫Happy Anniversary 🙄🙄🙄咩料..完全係溝通唔到(已經放棄唔想換) 係徹底失望，open rice上面仲話慶祝生日好好，講真食物係正常但加咁既服務係負⋯⋯最後係門口想同個較為正常既女侍應反映番點解可以咁，再發現原來無book到枱，只係我地咁岩walkin 有位⋯⋯我覺得當初因為open rice既"好評"先黎食，好需要反映番有幾"好" (為左哩間餐廳第一次係open rice寫評論表達)

上次同朋友食o個陣係晚市，今次o黎品嚐下午茶。上次o黎o既時候焦點自然聚落o係維海夜色o既迷人景緻，然而原來日頭o既景觀又另有一番氣象，向九龍公園o個邊會望到大片綠油油o既園林，周不時又有d 雀仔飛過，食餐飯都心曠神怡d。店員好有禮貌，同埋好細心咁同我介紹個menu。有一款係普通茶餐，而另一款則係我最後揀o左o既升級版，可以試埋個海鮮拼盤($128 免加一)。拼盤以冰底奉上，生蠔入口即溶，鮮花螺同聖子都幾爽口，日本帶子鮮甜嫩滑，鮮蝦就肉質結實。佢附o左兩隻醬汁，侍應提到橙色o既係泰式醬，而綠色o既係鮮草醬。兩隻都微辣，泰式醬o既味道似冬陰公，而鮮草醬就帶有強烈o既越南風味，兩者配上海鮮都幾夾，有助提鮮。蒜蓉包同三文魚雙蛋一齊上，如果唔鍾意三文魚都可以揀火腿。蒜蓉包o既蒜香唔錯，而片煙三文魚無想像中咁鹹，實屬健康之選。主食我揀o左份香草雞扒配意粉，個人尤其幾鍾意呢隻扁身意粉個口感，軟硬度亦都拿捏得宜，係略嫌個湯底重味o左少少。嘆杯咖啡，慢慢坐下，享受番下慢活o既生活。

連日大雨，終見天晴，放左可以同老公去shopping一下！Shopping完梗係要去醫下肚啦，行到亞士厘道，老公話帶我去試新野！上到餐廳，已有好多人等緊，全部都有訂枱，只係等緊上一枱人埋單中，埸面熱鬧，又有註場歌手自彈自唱，氣氛超好！坐低之後，仲可以望住靚景食飯，超開心！精選五道菜套餐4XX-5XX不等，套餐加$38仲有白酒／紅酒一杯，食西餐又點少得呢?! 松露煮日本年榚日本年榚口感軟淋中帶煙韌，配以超級濃郁的黑松露汁同蘑菇片，令年榚口感更幼滑，面頭仲灑左啲蔥，令整個菜更香，令人眼前一亮！老公仲話，原來呢個松露煮日本年榚好出名，果然名不虛傳！紅咖哩蟹肉配熱脆麵包咖哩味道帶甜有啲辣，好惹味！蟹肉超多，切成小絲溶於汁內！麵包好脆，點啲咖哩汁一齊食超好味！黑松露磨菇湯餐湯揀左兩個黑松露磨菇湯，磨菇切成超小粒，飲既時候不單有咬口，令整個湯口感更豐富。同樣地，富有超濃郁的黑松露香味，真心好飲，值得推介！橡果級黑毛豬肉橡果級黑毛豬肉有三件，超大塊及肥美。外面煎得香脆，內裡軟淋，入口即溶！配以酸酸甜甜既菠蘿粒，可中和肉既膩感，感覺非常清新！配菜仲有紫薯同羽衣甘藍，紫薯好甜，羽衣甘藍新鮮，同樣好味！　

今日同朋友約咗下午茶諗住係尖沙咀覓食，打算搵間樓上Cafe靜靜地坐下傾吓計，上網查下見到呢間個景幾靚，大眾化嘅價錢並唔算太貴，所以就上去啦！ 點知原來都幾多人㗎喎，好彩仲有一兩個位！可以望住個景居高臨下同朋友傾計真係賞心樂事，如果夜晚泥望住個海景一定更浪漫！ 見到Menu有茶餐同埋特餐我哋各叫左一份特餐最吸引我嘅地方就係有海鮮！下午茶食海鮮真係好正呀!一份小小嘅特餐就有齊幾款海鮮日本帶子 蝦 聖子刺身 生蠔 鮮花螺，配上兩款醬汁，綠色的酸酸的味道十分開胃，全部海鮮都好新鮮甜美。侍應仲好貼心拎左用具同埋消毒濕紙巾。 侍應表示可以選煎蛋或者炒蛋，咁梗係試吓炒蛋啦，因為要炒好一隻蛋好需要技巧，估唔到份炒蛋居然令我喜出望外，首先賣相精緻，半熟加上有少少creamy嘅口感 好滑好香！加塊蒜蓉包同埋厚粒質地嘅火腿，火腿好香平時見到嘅係一塊塊，但係一粒一粒口感十足，十分有新鮮感！ 朋友嗰份就係蒜蓉包炒蛋同埋煙三文魚，朋友都覺得炒蛋十分之出色！佢揀咗香燒黑毛豬通粉，黑毛豬咬落好Juicy，我就揀佢嘅相反吉列魚柳意粉。魚柳配上芥

晚飯時間，來到Chef Stage de Eddy Chu餐前先來一杯紅酒($38)。精選5 course set dinner，價錢由$438-$568。乳酪蟹肉鮮蝦芒果沙律新鮮蔬菜+蝦+芒果+乳酸爆爆珠，為餐前來個好開始。松露煮日本年糕年糕煙煙靭靭，索滿松露汁，好creamy!黑松露蘑菇湯啖啖黑松露，正！香燒法式鴨脾($438)鴨脾肉原來都幾嫩喎，薯蓉亦係我至愛。燒牛脷配蝦肉蘑菇汁($448)好大份牛脷呀！蝦肉蘑菇汁調得幾好，如果加意粉我應該都可以清碟！呢度最適合慶祝生日，幾多birthday plate!

👀OpenRice 食評不錯，便約三五知己午餐敍一敍。還有一位朋友未到，已被催促落單；考慮期間，又不停叫我們快點食物；差不多吃完，又不停來催，問是否吃完，好像趕我們還枱，（連還有番茄等食物在碟上，仍問了3次是否食完）但訂枱及到達時，並沒説要限用餐時間，也沒有告訴我們何時要還枱，更沒有人等位，店內亦有空置桌子⋯⋯所以不明為何要不停用茶餐廳態度，在一間西餐廳𥚃服務。食物一般，牛仔骨、豬鞍及西冷扒也偏靱⋯⋯整體感覺：趕客如不介意用平民價格，去吃這「趕客」餐廳，可去一試，但我一定不會推介；這價錢在尖沙咀很多選擇呢！

一個人去嘆下下午茶，又唔想虐待自己想揀好啲，就去咗尖沙咀一間西餐廳，有海景嘅景觀，實在好抵食。幾十蚊就有交易。餐牌選擇都算幾唔錯，如果以下午茶來講，有平價版同埋貴價版，貴價就多個海鮮拼。我就揀咗炒蛋，都幾香滑，火腿鹹香十足比較厚身，仲有好香脆又熱辣辣嘅蒜蓉包；雞肉都煎得好香脆，味道夠晒味，配搭埋雞湯通粉已經好豐富。再飲埋杯可以自己加糖漿嘅凍檸茶，係度慢慢坐到同人傾野成本唔貴而且有一個唔錯嘅環境，都係一個唔錯嘅下午茶體驗。

Chef Stage係朋友極力推介嘅餐廳，出名食物質素高，味道好。 今日就專登嚟試吓，一早訂好位。一入店就見到有現場表演，自彈自唱，加上餐廳以黑色為主調，型格得嚟幾浪漫。套餐加杯酒都係$38，加返兩杯白酒，好有情調吧！精選五道菜套餐四五百蚊一位，有SET最啱，唔駛諗太多。乳酪蟹肉鮮蝦芒果沙律蟹肉同新鮮芒果份量都幾多，加埋番茄同沙律夠開胃。上面仲有士多啤梨味爆珠，靚得嚟口感特別。松露煮日本年糕聽聞係餐廳名物，年糕軟滑中帶點煙韌，加上香濃松露同蘑菇片，味道很香。奇怪嘅係西餐好少會用上蔥架喎。黑松露蘑菇湯 又係用左好多黑松露，蘑菇沒有打碎，反而係切細粒，增加口感。雜菜雞湯 朋友揀嘅是日精選餐湯，清雞湯入面加入左雜菜，清新而不膩，份外清甜。香燒法式鴨脾鴨皮封煎得香脆；鴨肉極之軟腍，用刀叉一拉已經可以輕鬆拆肉。鴨味香濃，油脂豐富，但略咸。橡果級黑毛豬肉 兩件黑毛豬扒，係橡果級別，很肥美，肉質厚實無渣，帶嚼勁。最精彩係巴西葉配新鮮菠蘿，味道匹配，又可減低油膩感。甜品最後以一道小甜品作結，味道一般。今晚有幾枱客人慶生，歌手都唱生日歌助慶，氣氛唔錯~

放假的日子當然是睡到自然醒，再去吃個悠閒的下午茶今次來到尖沙咀的Chef Stage by Eddy Chu，店舖位於19樓高層，兩邊玻璃窗旁位置，分別看到海景及大廈內街景，舒適又悠閒～店內有午餐，茶餐及特餐可選擇，西式加中式的感覺，很特別，和男友兩人分別點了：茶餐 ($68)蒜香牛油法包脆脆的法包配試蒜蓉和香草，這配搭絕對是一流，正雙蛋配煙三文魚炒蛋夠滑又有蛋香，比坊間的好吃好多，點一些在法包上一起吃，一脆一滑的，好味三文魚夠大塊，又不會很膩香燒黑毛豬配意粉黑毛豬很厚身，但卻很淋，吃起來口感很像牛扒，簡簡單單不點汁也很好味另外意粉用了扁意粉，不會過淋，是本人很喜歡的口感呢，湯底很濃，忍不住一口又一口的飲了一半～特餐 ($128)蒜香牛油法包，雙蛋配火腿火腿是四方體的，超淋又入味～很驚喜及值得推介～海鮮拼盤加配白酒 (+ $35)白酒很易入口，配海鮮一流生蠔有海水味及很新鮮，肉身也夠飽滿，正鮮花螺口感爽爽的又鮮甜，本人大愛貝款刺身日本帶子放在玻璃小杯中，那個汁味道不錯，又不會搶去帶子的鮮甜，好味鮮蝦大大隻而且肉質彈牙又爽甜，好味聖子刺身第一次吃聖子刺身，同樣很鮮甜，正香草雞扒配通粉雞皮

明明下午都仲係好好天，誰不知，收工時間，無情情又變成黃雨天。約咗Honey行街食飯睇戲㗎嘛，俾個天搞亂晒啲行程，唉! 又要唱番句 “天氣不似預期……”。行街唔成，唯有食咗先講。上咗嚟呢間餐廳，之前嚟食過㗎喇，貪佢環環氣氛唔錯，又有singer 唱冧歌，一邊食，一邊聽歌，呢種地方都好難搵得到。坐咗喺蛋糕櫃傍邊，見到好多碟蛋糕，碟碟都寫咗今日生日的客人名，即是話今晚好多人生日，唔怪得知今晚全場爆滿啦。睇下餐牌，揀咗精選五道菜套餐，加少少錢食埋冰鎮花螺配鮮蝦和飲杯白餐酒。【白餐酒】味道帶點清甜，酒精濃度不太高，配食海鮮就啱晒。【冰鎮花螺配鮮蝦】4隻大蝦和6隻花螺，配上特別醬汁。Honey 幫我起花蝦肉，我就幫佢剝花，分工合作，非常溫馨，羨煞旁人。本身啲花螺和海蝦都夠新鮮，再加上以冰鎮住，更加令到啲螺肉和蝦肉爽彈鮮甜。【松露煮日本年糕】好有特色的前菜。年糕帶點煙韌，同埋吸收咗松露汁，所以食落好香，而且有特別口感。【黑松露蘑菇湯】食落有豐富粒粒蘑菇蓉，又有好濃香的黑松露，唔錯喔!主菜出場: 橡果級黑毛豬肉、美國牛肉眼配扒大蝦。【美國牛肉眼配扒大蝦】有兩隻大蝦和一大塊肉眼，配菜有番薯蓉、紅蘿蔔和羽