Beefar's 鹿兒島燒肉

營業中

休息中

上星期日睇完戲去試咗朋友介紹位於尖沙咀嘅高質鹿兒島燒肉店。餐廳地點十分便利，環境同座位都十分舒適。我地點咗牛之藏和牛盛合（2人）、魷魚、極上牛肉湯麵。牛之藏和牛盛合（$398）有精選牛扒、特上牛肋肉、上等牛肋肉、上等牛赤肉、牛後腿肉（薄切）、牛肋肉。每種都非常高質，肉質鮮嫩，超juicy, 入口即溶。一人一件，吾曬爭食燒肉最喜歡食牛肋肉，特上牛肋肉，油脂分佈比較平均，回味無窮。薄切牛後腿肉，微燒一陣、然後沾上蛋汁，濃郁牛味出曬黎，超好食。魷魚（$68）大大條原條燒，尤魚非常新鮮，鮮味十足。極上牛肉湯麵（$68）牛肉比較厚身、湯麵不太硬也不太淋，湯底很濃郁埋單時，店員每人送上一包紫菜。

最近好想食燒肉,於是朋友就帶左我黎呢間燒肉店我地叫左個牛藏和牛盛合入面有特上牛肋肉,上等牛肋肉,上等牛赤肉,牛後腿,A4和牛,牛赤肉每款份量只有兩片,非常矜貴提供生蛋、酸汁、燒肉汁，海鹽、檸檬、芥末蘸燒肉吃牛肉紋理非常靚牛肉入口即溶,輕輕燒兩下燒到半熟就可以食油脂非常豐富加少少鹽食就最好味A4和牛切得四四方方較厚身,比較難掌握燒既時間不過食落就非常有咬口另外仲叫左個極上牛肉湯湯非常濃郁,個人認為送飯比較合適入面都有好多牛肉,級數當然冇燒肉個啲咁高質啦,但都唔錯既

[ #生日飯系列 | 依家興食A4和牛🥩]••如果你係街見到我黑口黑面，唔使驚係天生既🌚話說我屋企個廳放左一張我小學同駝鳥影既相👧🏻🦆比我啲朋友見到放上ig恥笑😭話我個樣好似想殺人全家咁🔪個日約左食生日飯，佢地等緊我離遠見到我，然後又話我過馬路個樣好似想殺人全家咁🤦🏻‍♀️⋆ ⋆ ⋆ ⋆ ⋆🔹Beefar’s 全牛盛合($848/四人用)⭐️8/10➸ 店員先介紹食既次序，先食中間，再外圍U字型咁食💁🏻‍♂️,▫️中間有特上牛肋肉、特上牛柳扒、上等牛舌🐮我覺得中間既最高質，亦係油脂較多既，我偏好油份重👍🏻我最鍾意牛肋肉入口軟稔，滿口油個種感覺太正了🤤而牛舌係薄切所以都好爽口👅▫️外圍有頂級美國西冷、牛赤肉、牛小排🐮呢幾款無咁多油，相對上肉汁澎湃好多💦比較有牛應有既咬口，比較有食緊肉既感覺🤣右下深色啲個兩款有種甜甜地既味...🙊-🔹牛之藏和牛盛合($398/二人用)⭐️8/10呢Set係上面個Set既精華版✨有哂之前個Set最高質既種類(我認為)😍 如果係兩個人食，我建議揀呢個👍🏻但就無牛舌，食燒肉無牛舌就好唔圓滿👅-🔹韓式和牛石鍋飯($88)⭐️7/10🔹極上牛肉湯飯($68)⭐️我無食😂純粹為左飽啲

我第一次 用燒肉嘅形式嚟食 sukiyaki. 我問個夥記，sukiyaki 唔係有個淺嘅平底鍋，入面有少量 sukiyaki 汁嘅咩？ 佢答我你嘅意思係唔係shabu-shabu。我話唔係。 跟住佢答我，我哋嘅sukiyaki就係咁，個個做法都唔同。 咁我答佢，你可以叫呢個做打邊爐都得， 飲得你叫啦。 跟住啲牛肉上咗嚟之後， 冇一隻牛有雪花， 我問邊隻係叫做A5和牛, 伙記好冇信心咁指咗一隻畀我睇. My god, 有渣嘅。

餐廳位於酒店二樓，有專用電梯設置。出電梯口，門面以大塊仿磚作牆身，以野草等佈滿在店名上。四人坐位闊落，中間一個燒烤爐，因為抽風系統設在爐底，整間餐廳空氣流通，無油煙味，女仕們也不用擔心衣服包包沾上氣味了。Beerfar's 全牛盛合（4人用）hkd 958木盆以整隻牛作結構圖樣，基本上把牛肉擺放在木盆對應位置上，客人對該肉屬於哪部位一目了然。這類燒肉盛合可讓客人一嚐多種部分，品嚐不同口感。木盆上置有一塊肥膏，可先行以此預熱。上等牛舌：薄滑而柔軟，入口細膩，咬下帶點韌度薩摩牛牛肋肉條：肉質爽口彈牙，越咬越滲油香特上西冷：肉味較濃，肉質硬度適中肩肉：質感較煙韌，脂肪相對較少，肉質緊緻香口肉眼：肉質軟腍，脂肪含量較高，平均分佈，入口油香十足，入口即融極上牛肉湯麵 hkd 78整碗以石窩盛載，牛肉份量多，足足五大件，包括牛肉及筋肉，再加隻生蛋點綴。牛肉肉味濃郁，牛肉柔順結實，湯汁濃而不油，幼麵富韌性而彈牙，味道香醇美味，量多飽肚。餐牌也有一些兩人套餐及單點肉品：現時餐廳推廣，每位客人均會送上四洲紫菜，意外驚喜。整體來說，餐廳環境舒適，空氣流通，上菜速度超快，食材新鮮高質，高檔之選。

老公真係好鍾意食燒肉架~ 為咗可以令佢開心，响網上揾到呢間坐得舒服，又有正正燒肉的地方。老公一打開餐牌，知道呢次係食鹿兒島燒肉，佢當堂笑哂，話未試過鹿兒島的燒肉，所以好期待。雞泡魚乾好似薄到透的雞泡魚乾，外面香香地，裡面很 juicy，十分惹味。牛之藏和牛盛合(左上) 極上牛肋肉︰其實無加任何醃料，可以點鹽 / 介辣食，介辣陣陣清香，肉質不但入口即化，而且介辣唔係好辣，反而味道好似薄荷，加上一齊食是無比香滑的。(中上) 極上牛肋肉︰肉花非常均勻，食入口同樣是香到不得了，是入口即化的一種。(右上) 普通牛肋肉︰放入爐輕輕燒已經有好靚的紋理，口感比較前兩種牛肋肉煙韌。(左下) 牛後腿︰職員仲好貼心同我哋燒，先燒牛脂肪令到不黏鍋，再輕輕燒幾下牛後腿。食落有點咸咸地，點蛋食用好似融咗入口咁，滑滑 der~ (中下) A4和牛︰切得四四方方較厚身，燒的時候要用多少少時間，咬落口就好似一舊海綿咁Q彈。(右下) 牛赤肉︰肉身較紅，無咩肉花，不過好軟好腍身得來是帶點彈口的。泡芙職員同我哋講，只要 like FB 就有泡芙送，大大個連杯上，中間仲要係冰凍的呍喱拿雪糕，好好味好滿足。

岩岩去完日本返黎, 已經好掛住家鄉既食物了所以HAPPY FRIDAY又去約朋友去食下家鄉既食物食次選擇左位於尖沙咀, 近排都幾出名既Beefar's 鹿兒島燒肉食好野入到去個環境好舒服, 枱同枱之間距離好夠, 傾計夠晒盡興, 一流呀!我地兩個人食, 食個SET就最抵, 試到既野最多!前菜:前菜係凍芽菜, 清清地幾開胃野菜沙律:有紅蘿白, 生菜, 青紅椒等等, 但重點係個醬, 有酸忌廉同個肉碎咁既醬, 夾沙律食係又好味又健康!牛尾湯個湯幾多料, 材料既味係個湯出晒黎, 飲得出冇咩味精, 好飲!牛肉大盛主角黎啦, 分別有牛舌, 特上牛肋肉, 牛肋肉, 牛赤肉, 西冷, 牛肋條, 薄切牛後腿肉, 而我最鐘意既係特上牛肋肉, 牛味好濃, 唔算好肥但有膏既香味, 超正, 另外牛舌係我第二最後, 好爽口, 大滿足!甜品最後當然食返個雪糕作為完滿既結局啦! 一款係荔枝雪糕, 友人食青檸雪芭, 兩款都好清新, 清一清燒肉既油脂!總結D間燒肉高質, 精緻, 好唔錯, 比完相同事睇佢地都好羡慕, 話都會想黎食下!

約朋友食晚想食燒肉, 見到呢間beefar話係鹿兒島!好吸引!!我本身好愛日本的牛肉, 每次去日本都會食燒肉~餐廳地點方便, 尖沙咀D出口行一陣就到, 地下都見到有餐牌介紹~6點去到暫時無咩人, 但我發現有一半的枱是reserved 最後決定點二人餐, 可以每款牛試少少, 貴精不貴多跟餐有前菜, 沙律, 前菜是普通的芽菜, 反而沙律有驚喜!配上這兩款醬料, 竟然味道不錯!特別是牛肉雜麵鼓醬, 食落似前菜菜包括有生菜, 青椒,紅椒...還有甘荀仔~HAHA二人餐包了一個牛尾湯, 清甜, 味道有點像生牛肉河的湯底主角一定要介紹!一大盤放上枱就好想食>< 待應會續一介紹各類牛肉款式, 並建議味道淡入濃食, 由牛舌開始, 繞一圈到最後的牛後腿肉沾蛋汁食最先吃的牛舌雖然牛味較淡, 但爽口彈牙,我很欣賞最愛的牛肉沾上蛋汁, 食落會有陣陣蛋香味~可以一邊食, 一邊看看menu介紹牛的各部份, 長知識我還單點了魷魚及日式牛肉雜菜薯餅, 魷魚很大條, 新鮮, 最重要不要燒太乾一定好食~牛肉雜菜薯餅推薦!!完全唔會溜, 有牛肉味, 外層炸得很香脆!跟餐有咖啡/茶及甜品, 是日有荔枝雪糕&檸

星期一又係覓食既好日子 放工咁攰梗係要搵d好野食下啦話說我好耐冇食過日式燒肉 對上一次都真係數唔到係幾時 所以今日就去食呢間鹿兒島嚟既燒肉啦呢間舖頭最大既賣點係佢有4%奇蹟之牛霜降程度8-12已經係A5和牛但係只有10-12先叫做4%奇蹟之牛 估唔到咁少香港都會入到貨 仲要價錢唔會嚇到你唔敢食為左試多d唔同部份既牛肉 我就叫左極上和牛盛合啦和牛盛合一上到檯 Waiter就耐心咁同我地講解d牛係咩部份同埋推介沾咩醬汁我自己最鍾意沾極少量既海鹽 覺得可以食到牛既原味極上牛舌-有咬口得嚟唔會韌 味道濃郁4%奇蹟之牛極上牛肩肉呢個牛肉真係入口即溶 牛味同埋油香味都好足夠 feel到d油喺個口爆出嚟既感覺薩摩牛上等牛腰背肉 薄切呢個牛燒完之後就沾蛋漿食沾上蛋漿之後覺得好滑 同牛味好夾牛柳粒都好好味 夠曬淋唔會覺得韌燒到入面仲係粉紅色就最正啦食燒肉點可以唔加埋飯食啦我地叫左個香蒜飯 入面仲有d免治肉飯有好想蒜味 卻唔會太鹹 送肉食好適合我地另外仲叫左個和牛海膽壽司佢d海膽超鮮甜 和牛偏有咬口牛味濃兩者個味道好夾今晚呢餐真係超滿足用唔算太貴既價錢食到高質既燒肉真係好少喺香港食到令我咁滿足既和牛

之前我生日, 個fd請我食大餐今次佢生日, 到我帶佢黎食高級料野我個fd好鍾意食日式料野我上網搵左好耐, 睇下有邊間係掂最尾經其他朋友介紹黎依間入到去環境唔錯, 裝修好地道座位唔算多, 但就可以闊落d唔洗同隔離枱太迫一開始食小食先叫左個雞泡魚乾$45燒得唔錯, 有咬口作為前菜一流另外有個牛肉雜菜薯餅$38即炸薯餅, 外層香脆牛肉味好夠 極上牛肉湯$58湯底好濃, 有少少辣飲完超暖胃, 正!終於到左今晚主角出場!極上和牛盛合$538一睇排場已經好掂聽講依款盛盒包含4%奇蹟之牛(牛極上牛肩肉，?摩牛上等牛腰背肉，?摩牛特上牛柳扒，?摩牛特上牛肋肉，極上牛舌)另外, BMS霜降程度為最高10級或以上淨係睇牛o既雪花紋已經係一種視覺享受廳店員講解, 教我地先由左上牛舌開始食然後順字針方向順序食靚o既和牛係唔洗燒太耐太約30秒左右牛舌唔厚, 但入口好滑4%奇跡之牛極上牛肩肉因為脂肪比例平均, 所以口感嫩滑食完後口腔仍留住一股香味真係靚野, 好食到痴媽根~~薄切牛腰背肉燒完沾上蛋汁滑流o既口感，微微燒汁味, 一試難忘!最後牛柳扒同牛助肉亦非常高質素肉質鮮嫩,食落好juicy, 入口即融o既感覺除左

這間店是從鹿兒島來的過江龍，還有自家和牛養殖場，所以店名估計是Beef 和 Farm的給合。既然沒去過鹿兒島，就來這裏看看。看食評大家都在説4%奇蹟。店裏的餐牌也有介紹，真的很吸引。但我們決定要牛之藏和牛盛合（2人份），$398。因為這個價錢再點其他也不會太貴。雖然我們沒有吃4%奇蹟之牛，但這個也有A4級數，而且也是薩摩牛，由獲獎的飼養員悉心飼養。餐牌中夾有今天飼養員的介紹， 難道今天吃的牛都是他培養？真的辛苦了！店員一開始會介紹牛的種類和食法，由上左向右U字型介紹：特上牛肋肉，上等牛肋肉，上等牛赤肉，牛肋肉，西冷，牛後腿。食的次序也跟這個。還有一塊脂肪你吃時在爐上塗抹。另外提供生蛋、酸汁、燒肉汁，海鹽、檸檬、芥末蘸燒肉吃。肉味濃，只有牛肋肉有點勒，其他質素都很好，讓人吃得很滿足。而且吃完也不覺膩和口渴。另外店員也有幫忙燒肉，所以食物才不會讓我們浪費了（不過我們燒得有進步了）。雖然這裏主打吃牛，但我們還叫了海鮮盛合，$168。有海老，北海道帶子，魷魚，貴妃蚌。魷魚燒時已聞到香噴噴如街邊的燒魷魚味。還好是店員幫忙弄，燒得合到好處，香口而不硬，不過份量實在太多，吃多還是難消化，不宜只二人吃

號外！號外！呢間日本鹿兒島和牛名店終於登陸左香港既尖沙咀，成為海外既第一分店，之前睇雜誌介紹已經好吸引，話佢全店嚴選「日本一」鹿兒島和牛，所以各位牛魔王唔駛飛日本，都有機會食到啦餐廳地方唔大，裝修簡約，環境舒服乾淨仲冇油益味timMenu餐廳採用產地直送既鹿兒島薩摩牛，品質為 A4 等級或以上，而當中最為注目既就係名為「4% 奇跡之牛」。所謂4%奇跡之牛就係每年生產約 13,000 隻和牛當中既4%（即約500隻），係BMS（霜降程度）達10級或以上既A5級和牛，所以係和牛中既極品仲要由極少數獲獎飼養員黎飼養架。極上和牛盛合（2人用）$538呢個燒肉盛合價錢就當然係貴啦，不過一分錢一分貨。成個燒肉盛合有4%奇跡之牛極上牛肩肉、薩摩牛上等牛腰背肉（薄切）、薩摩牛特上牛柳扒、薩摩牛特上牛助肉同埋極上牛舌。店員建議由最左上一個「U」字咁開始食，仲可以配搭番柚子醋/海鹽/檸檬汁/烤肉汁/芥辣/生雞蛋黎食tim。極上牛舌：烤到半熟，口感爽脆4%奇跡之牛極上牛肩肉：外表油花潔白細緻就好似d大理石既紋路咁，食落肉質細膩，仲有啖啖油香係口中融化薩摩牛上等牛腰背肉（薄切）：有口感有嚼口，而且牛味濃郁薩摩

要不是為了想一試這間來自日本鹿兒島的燒肉名店，我不會知道尖沙咀金馬倫道開了這麼一間小小的 The Otto酒店；要不是為了想一試這間 Beefar's鹿兒島燒肉的 4% A5薩摩和牛，我也不會前來。 而這一晚，我便和太太專誠而來，好一試這間鹿兒島燒肉名店的4% A5薩摩和牛。吃的，則是這店子裡可供二人（$538）或四人（$988）享用的「極上和牛盛盒」中的二人盛。而為了更加飽肚，不至於只是把和牛送進肚子，我們還點了「極上牛肉湯飯」（$68）作為主食。 先說「極上牛肉湯飯」吧！這湯飯的份量比想像的多，以價錢來衡量，比起店裡單一碗白飯也收 $18抵吃得多。湯飯的牛肉是牛腱部位，口感十分軟腍，富有膠質，而且都有五、六件之多，配以微帶辣味，頗為開胃的湯飯，味道都不錯。 主角的「極上和牛盛盒」包括最重要的 4%奇蹟之牛極上牛肩肉、薩摩牛上等牛腰背肉（薄切）、薩摩牛特上牛柳扒、薩摩牛特上牛肋肉和極上牛舌。據店中介紹，這店子的 4%奇蹟之牛，來自店方擁有的全鹿兒島最多和牛的農場。在平均每年出產的 13,000隻和牛中，只有約500隻和牛能達到A5級，而且霜降程度有10或以上的等級，所以被

Beefar's， 最近朋友都熱談呢一間鹿兒島燒肉😍原來鹿兒島每年生產13,000隻當中4%嘅頂級和牛，為A5等級而且BMS霜降程度達10級以上嘅稱為「4%奇跡之牛」~聽到佢哋個個都講到眉飛色舞，有啲試過嘅就show啲相畀我哋睇,於是乎今日我都要去試一試😬燒肉盛合始終係抵食啲，而且每款都有和牛幾個部位，都可以試多幾款吖👍選擇咗極上和牛盛合二人套餐: 有極上牛肩肉， 牛腰背肉，牛舌，牛肋肉和牛柳扒😋😋😋侍應好有禮咁教路，要先食牛舌，快速炙熟否則便會韌，再加檸檬汁食，果然嚐到味美而油花重嘅牛肉味牛腰背肉只需要輕輕一燒 ，再醮上蛋汁 ，惹味😋牛肋肉係和牛嘅高級部位 ，肉質細膩有適度嘅霜降，入口即溶，令人回味無窮😋😋😋牛肩肉帶有適度嘅油脂，口感軟腍，牛味香濃，果然名不虛傳，我都係第一次食到咁好味嘅和牛👍牛柳扒厚切大大粒， 頗有口感而肉味也較濃郁😋😋😋食咗咁多肉，食番少少海鮮😬揀咗大大隻嘅扇貝 ，燒完之後都冇縮水，依然咁大粒👍 鮮味無比，口感一流😍嘆返杯手工生啤 ，涼透心 🤩生啤清醇冇苦澀味，麥味特別香濃🍻食物同環境都非常滿意 ，真係值得一試👍

呢間野一開始見係酒店入面 好高級 以為好貴 好彩睇睇個mean 係食鹿兒島牛肉 仲要價錢唔太貴 好合理上到黎見周圍都介紹點養殖d牛 同埋點分有咩部位 超專業既一間由於太多野食 樣樣都想試 就叫個套餐實冇死我就叫左個798試下 精選烤肉二人餐 呢個咩都有齊 岩晒心大心細既我有前菜 蓮藕 酸酸 脆卜卜每人一碟牛尾湯用左羅白一齊煲 好有清解毒既感覺 佢既牛尾仲整到一絲絲 食落口唔會好硬 雜錦野菜沙律配芝士同牛肉漿 呢個超特別 同出面食既好唔同 你可以當生菜包食 但係係日本野 佢既牛肉仲好香 特別調味牛扒 薩摩牛特上牛肋肉 牛赤肉 和牛 牛後腿肉 牛舌 其實我都唔係好識分 但係樣樣都好好食 最好既係佢有舊牛脂方 佢話當我燒到咁上下痴低咁佢就可以爆下油 如果燒到個板燶左 咁可以叫佢直接換個新跟飯 食咁香既牛 食飯都食多左 成碗食晒跟甜品 有荔枝 青檸或者菠蘿雪糕 我就簡左荔枝雪糕 好清香 仲有果肉