Beefar's 鹿兒島燒肉

營業中

休息中

計劃緊農曆年去鹿兒島去個旅行，係研究個行程時見到飲食介紹和牛...為食嘅我已經等唔切又唔想用太多錢去食，我就不停搵吓香港邊度有得食，價錢合理又有靚牛食，最終被我發現到依間，仲有宵夜放題然要即刻捉埋老公同我去食。去到成9點我個肚鵝到一個點，侍應就跟我哋講我哋會提供一盆和牛盛合，再加放題上嘅食物，當時我個心有少少唔開心，好彩佢哋D和牛堅係優質，每一件牛都好有質素，需然得8款但每款食一件都好滿足，再食埋放題上嘅食物係真係會飽。整間餐廳和牛係推介外，如食宵夜放題必須要叫炸和牛丸同炸魚，個炸魚2啖一條送酒一流，食完油膩嘢必須要食番個燒菠蘿等自己消消滯，跟手叫多份凍豆腐清一清個口腔，再食埋個青檸雪葩滿足到爆。

岩岩開個陣就已經想食,見今日可以早收工，而且仲有宵夜放題🤩唔試下點得！上到去有棵聖誕樹好靚，又同個招牌幾襯😂我地一行三人，今日本身係約左屋企人食野既💓就係食呢個喇～宵夜放題$298 真係幾抵👀👀坐底無耐呢個拼盤就送到，上菜都幾快既，其他食物就係同店員落單的。個全牛盛合賣相真係幾吸引，係根據返牛既部位黎擺放，一次過食咁多款牛滿足😁網燒燒出黎好靚仔，店員會keep住幫手換網,以保持燒出黎最靚👍🏻入正題講返d牛肉先，我最鍾意就係牛上肋同西冷，牛上肋肉味濃又油香。西冷有質感，肉汁豐富。而我平時最愛既牛舌雖然薄切，但口感彈牙肉嫩。另外順帶一提，佢地點燒肉既汁同d肉好夾，清爽解油。黑豚肉：有輕輕餣過，爽肉但油香。雞腿肉：估唔到幾正，除左牛外雞肉都做得唔錯，好滑😌一口芝士小吃：外脆內軟，送酒一流🤭我地當然有叫啤酒（$58麒麟生啤）炸和牛丸：呢個幾特別，感覺就好似迷你版既漢堡扒，係手打個隻，內裡有肉汁，唔會乾爭爭。食咁多肉當然要食返d菜，野菜盛合有冬菇、菠蘿、秋葵、茄子。蔬菜新鮮，燒完仍保有水分，菠蘿甜又無渣。大滿足～終於比我試到😁不錯不錯。

平日我哋慶祝生日飯都係攪新歷，難得今日大人等我收工加上係佢農曆生日一於同佢食餐好嘅慶祝吓，係街度行吓就俾我見到依間有宵夜時段，係食燒和牛再加放題，一於就帶佢上去食(因為我懶得諗，再諗我怕我帶佢去食茶記)。去到見到其他食客除咗食之外都有叫清酒飲，可惜個放題唔包酒精，不過包都未必有得飲啦，第二日仲要返工大人實唔俾我飲所以我都係乖乖揀嘢食，個牛就唔駛揀嘅會自動奉上一份靚牛肉，之後再揀放題上嘅食物同嘢飲...個盤靚和牛有成8樣牛唔同嘅部位，仲會教埋燒嘅先後次序，每個牛有不同口感同油份真係邊食邊學嘢，除和牛外放題包嘅嘢都好有質數，連個飯都好食過人，個個蒜香飯好好食，除有蒜香外仲有碎嘅牛肉，因用石頭鍋上，個底仲會有飯焦個飯真係非食不可。

一早已經book 左三位9:00鐘宵夜放題，我地8:45分已經準備好擦餐勁不過由於未夠鐘既關係店員安排左我地入去坐但要等到9點先可以食 日本店有既特色 準時餐廳坐位唔多 好闊坐得好舒服呢碟係牛既唔同部位有俾張menus介紹唔同既牛部位同先後次序 值得一讚真係好好味，好有牛味道，入口未即溶但已經係高水準既牛 呢盤全牛部位份量都岩岩好 又好食好高質又唔多唔小 有時食野重質不重量雪糕都好味夠特別 竟然係荔枝味 炸物估唔到咁高質 叫左炸墨魚🦑好彈口 唔似其他日式放題咁 停唔到口 任食既肉就係豚肉同雞肉 本身都幾失望 無得叫牛任食 但食完之後先發覺 呢間餐廳做得好好 有時重質不重量係好緊要 雞肉滑到都唔知原來係食緊放題

早前朋友看到網上廣告，得知這個宵夜放題已即時找一晚放工過來試試看這裡肉類質素唔錯，而且坐得舒適當晚也有不少日本人來吃烤肉入座後會根據人數而定去準備一共有8款牛肉，每人一片 另有多款食物可任點任食木盆以整隻牛作結構圖樣 燒肉盛合可讓客人一嚐多種部分 另外會有一份簡介圖建議食用次序，非常貼心薩摩牛色擇鮮艷，感覺新鮮當中最愛牛肋肉油脂豐富，口感比較軟嫩非常回味！！特上西冷充滿肉汁，肉味濃郁任點黑豚肉肉質比相像中結實，味道也帶甜 蔬菜盤多吃蔬菜，可減一下油膩感任食炸物也相當不錯，炸小池魚、日式炸和牛肉丸，炸芝士等等最愛原條小池魚，非常鮮味香蒜飯蒜香味濃，更有不少飯焦巨峰提子梳打和荔枝梳打降溫之選，喝起來不會太甜，不錯 尖沙咀金馬倫道8號The Otto酒店2樓

鹿兒島燒牛餐廳竟然有宵夜放題,作為牛魔既我當然要去試下,平時係香港食日本牛都好貴宜家竟然每人唔洗$300就食到日牛拼盤再另配其他食料放題.一入座無幾耐店員已經上左每人一人份既牛肉每一人分有款牛肉當中有5種鹿兒島牛肉,而澳洲同美國就各一.鹿兒島牛又名薩摩牛店內將薩摩牛最上等既部份都比食客當中以特上西冷同牛柳扒最厚切,燒熟後就算一啖咬落口肉質都唔會靭又無根完完全全可以係口腔內咀嚼慢慢溶化,牛脂比例分佈較少但都不失牛香脂味,入口嫩帶牛香好滿足.其他簿身既牛部位都好重牛香而且一入口唔需要咬太多下已經被慢慢吸引,以咁既值錢食咁出色既牛真係好抵😋食完牛當然要點其他試下見到炸和牛肉丸咁新奇即刻要點黎試下一上枱大大粒而且外層炸得好鬆脆都乾身咬一啖慢慢有肉汁流出而且內裏見到洋蔥碎令牛肉丸味道更甜.炸魷魚粒一d都唔馬虎,魷魚粒粒粒都厚身唔會好細又乾瘦而且好爽唔靭沾上沙律醬解肥膩感.日式牛肉蔬菜薯餅大大塊內裏唔同平時食開既薯餅咁將所有材料打成蓉而係分開一半牛肉碎一半薯粒又未到蓉既階段以咁既食法更可以食清楚材料既味道,好好食.最後點左杯荔枝梳打有一粒大荔枝又唔太甜好解渴

見到Beefar’s既宵夜時段價錢咁平，於是就叫左朋友一齊去食，雖然呢個set就無4%奇跡之牛既 但我諗質素應該唔會差既。座低店員首先會上一個全牛盛盒，Beefar’s既全牛盛合十分豐富，入面包括特上牛肋肉 牛赤肉 上等牛舌 牛頰肉 特上西冷扒等，每個座位上面都有一張牌建議你唔同部分既先後次序，Beefar’s既牛肉果然係名不虛傳 油香十分強勁，我相信4%奇跡之牛應該會更加更加出色。牛肉既部分，雖然就只有盛盒，但除左牛之外，其他可以嗌既食物質素都唔差，佢有黑豚肉同雞腿肉可以嗌，質素都係比一般燒肉店既好。其他可以叫既食物都係好食既，最推介既係和牛肉丸，真係好似係日本食既個種感覺阿。食左咁多肉都可以叫一啲蔬菜去燒。唯獨只係差在飲品既選擇比較少 除左一般既可樂七喜，就只係得荔枝梳打同巨峰提子梳打，但以$298呢個價錢黎講都抵既 淨係食全午盛合都係返到🤤

同朋友睇完戲，9點半鐘先搵嘢食，見到尖沙咀呢間鹿兒島燒肉宵夜放題好似幾吸引，於是上去試吓首先會有一個全牛盛合，當中包括：牛扒、特上牛肋肉、牛赤肉、特上西冷扒、牛肋條肉、上等牛舌、牛面頰肉同埋側腹橫肌牛肉，呢個係二人份量，有人有一件，食嘅時候會有介紹食邊一款先，同埋有乜配料最匹配，每一款都好有牛肉味，而且燒起嚟好香口，牛肉本身用上級嘅薩摩牛，特別矜貴之後一共有30款前菜、湯、豚雞、野菜、飯類、飲品同甜品可以任食任飲，而每一款食材都絕不馬虎，睇得出有心去處理，值得推介俾大家

朋友相約於尖沙咀食宵夜 當然宵夜唔敢食太飽 因為真係會變肥豬 但係朋友依然堅持 要食自助任飲任食 好彩我醒目 搵咗間半自助嘅。Beefar's 全牛盛合包含是日精選牛扒，薩摩牛特上牛肋肉，薩摩牛牛赤肉，薩摩牛特上西冷扒，薩摩牛牛肋條肉，上等牛舌，和牛面頰肉及頂級安格斯側腹橫肌牛肉。 八款精選，已經係全隻牛最好食嘅地方，每人每樣一片，分量雖然唔多，但係作為宵夜，卻剛剛好。任飲任食多款，當中日本黑豚肉，雞腿肉更是個人至愛。 另外更有多種蔬菜任君選擇 而我主要精挑細選嘅都係三色椒與及粟米。最後作為甜品都係任飲任食，桃味雪葩， 桃味十足， 甜美剛剛好， 作為豐盛一餐嘅完結，真係恰到好處。下次再嚟食過， 今次同朋友兩個人嚟食， 真係冇得彈。

行過尖沙咀,無啦啦發現金馬倫道有間酒店,真係平時行開都唔為意, 見到門口有個牌棟左係到話2130後宵夜放題, 咁就決定行完街黎食。上到去我地就揀呢個食,叫餐牌上面既野都得,仲有8折,但我地揀左呢個, 牛不同部位都有人頭一人件,其餘餐牌上配料任叫。一黎就成隻牛上, 見到覺得好小,食到尾飽到傻, 另有張卡教食邊個部位先, 全部都好好牛味,有入水即溶,又有面珠肉有咬感, 成碟牛都係正野!任食既肉類有雞同豬至於小食有炸墨魚,炸牛肉球,豆腐仲有叫菇,菠蘿,好甜牛尾湯,我麻麻地, 因為淡淡地韓式石鍋飯,正,熱辣辣 最後要左荔枝味雪糕, 食落仲有淡淡奶味埋單656蚊兩個人, 食到呢個質素既牛真係唔錯啦!!!

今日諗住試下依間既lunch,見到佢出名係食鹿兒島燒肉,同埋佢lunch set做緊第二份半價呀，約埋幾個人黎食會更開心呀🤩見到佢有燒肉set同普通set,燒肉set就由自己燒，普通set就係佢整好比你懶懶既我今次叫左普通set既烤上等牛舌定食，餐有沙律，味增湯，前菜同埋餐飲，加10蚊可以有雪糕/雪葩，牛舌都烤得幾好味，整體都唔錯，同埋餐廳都坐得幾舒服，幾闊落⋯下次黎可以再試下佢既烤肉set。😋

星期五既晚上又係一個好時間同朋友一齊去覓食，最近上網見到呢間燒肉成深夜放題即時雙眼發光要去試下！每人只需$296，平時一盤牛肉盛盒都唔止$296仲可以連其他食品任食。星期五晚上9點半開始至深夜12點，餐廳坐位唔太多而且都full booking所以想食都要一早訂好枱，入座後會根據人數而定去準備牛肉盛合入面一共有8款牛肉每人一片，牛肉盛盒以牛形木盤上根據牛既部位放返適當既牛肉好有心思而且會送上一張簡介圖建議食用次序同介紹各個牛部位既特色。薩摩牛肉質平均都好嫩滑雖然咬落肉質軟淋但又不失咬勁，肉味唔會好大陣牛膻味一食就湧上比較温和淡香牛脂相對較少分佈十分平均，最好食既部分一定係特上牛柳扒就算燒到會熟都好淋又無根入口香軟。除左食牛拼盤之後仲點左2份蔬菜平衡一下，點左茄子同粟米茄子燒熟後外層脆乾身但內裹軟淋沾上燒肉醬汁吸晒醬汁令本身無味既茄子增添左份咸味，粟米甜而且脆口食完都差唔多好滿足。最後食埋甜品就完結，咁岩今日無晒雪糕所以點左雪葩，雪葩有2種味芒果同桃味各點左一份芒果味較甜桃味相對比較清爽食完燒烤咁熱氣即時降一降火。店員服務好好上菜好快又新鮮即叫即製下次會再選擇係晚餐時段再黎試下。

好久沒有吃宵夜套餐，上星期因要等朋友收工才吃晚飯，所以約了這間宵夜放題來一個小聚。宵夜放題除了全牛盛合，另外多款食品都是任食的。牛肉會分開不同部份，每一部份口感都不一樣，但件件肉味十足，個人最喜歡特上西冷扒及特上牛肋肉，入口即溶的口感令人難忘。這裡的炸物也相當美味，炸小池魚、日式炸和牛肉丸、炸魷魚粒，炸得非常香口酥脆。香蒜飯感覺雖簡單，但香蒜最好者一定不會錯過。再來巨峰提子梳打和荔枝梳打，喝一來聊聊天。薩摩野菜沙律吃了這麼多牛肉，是時候吃沙律減低油膩的感覺。

我本身唔係食肉獸，對於烤肉成日有總只係諗到都滯嘅感覺，所以好少會揀以肉類為主打嘅餐廳。但Otto hotel 入面呢間餐廳就有驚喜，主打薩摩牛，有不同部位可供選擇，用餐時仲有專人同你講解食法。雖然牛肉分左咁多部位，但基本上你唔想搵到有一個係特別差，全部都入口即溶咁，完全唔覺得肥饞！特別要推介：4% 極上牛肩肉 同 特上牛肋骨 好美味呀amazing 另外值得讚係服務生對餐牌好熟，各種牛肉的介紹都好詳細！有大酒店standard! 不過價錢都酒店級，下次可以係宵夜時段黎全食呀！

早前在朋友facebook 上見過佢post 這間食店嘅相，一直都好想試。襯今日囝囝生日一家四口就來試試，中午打電話訂晚上還有位。可能星期日尖沙咀都比較靜了。上到去餐廳都未坐滿。先點了了一個聲稱二人份量套餐，再加幾款小吃。二人餐實在太豐富，共有六款和牛，甲羅燒2件，前菜，小食等等。如果兩個人一般唔會食得晒。除非兩位都係食肉獸。最後加多一客西冷，一客黑豚肉。埋單二千蚊，以食物，環境，服務等等，我覺得絕對抵食。性價比非常之高。