黑門水產すいさん (棉登徑)

之前朋友要交報告，搵左我幫手，呢日約左見面就話要請我食餐好既黎答謝我；)既然係朋友請客，咁就由朋友發辦，我就乖乖地等食xpppp朋友首先點左三款刺身：分別係甜蝦、活鮑魚同油甘魚！三款新鮮之餘兼各具特色~油甘魚肥嫩；活鮑魚爽甜最特別既係呢款甜蝦經過酒漬，所以食起上黎有啖啖酒香！！另外朋友仲點左兩款別具特色既招牌小食～不論係帆立貝紫菜包定脆脆包都好有層次感當中身材既配搭亦相當合夾！而呢度既濱燒原來都係招牌菜~所以朋友同時點上了甲羅燒、大漁貝燒同龍蝦湯煮海鮮：）三款都好出色，鮮味滿分！！！尤其係呢個龍蝦湯煮海鮮，本身既龍蝦湯已係鮮甜，再混合埋其他海鲜既精華。。。每一啖都係鮮甜到不得了！！！！最後仲要左一份鐵火卷作結；）呢日揀左呢杯名為 愛琴海既特別，味道好岩自己，酸酸甜甜又不失茶香，正！

🔸極上大漁貝燒 $88🔸平目魚薄切刺身 $168🔸極上赤子壽司盛 $328🔸黑門帆立貝伴魚籽醬 $68🔸黑門令蟹味噌甲羅燒 $72🔸黑門令大漁魚籽醬脆脆包 $78-朋友極力推介依間日本料理餐廳，食高質刺身、壽司、同蟹，未喺香港食過甲羅燒嘅我當然要衝去試試啦！去到餐廳非常有日本居酒屋風味，仲吊晒啲貝殼同日式旗幟喺天花，好特別啊！坐低第一時間叫咗甲羅燒，同埋大漁貝燒，店員隨即就拎咗個網燒爐出嚟，有店員親自幫手燒好，服務一流。甲羅燒嘅蟹膏同鵪鶉蛋、蟹籽同蔥花攪拌火烤，然後塗喺梳打餅上食非常鮮味。大漁貝燒亦有甜蝦、扇貝、蠔、海膽等等，用牛油燒熟，非常好味。見到兩款前菜都咁高質，都好放心叫埋刺身同壽司。平目魚刺身刀工考究，薄切得嚟食落冇筋，蘸上柚子甜豉油是絕配；壽司盛各款用料上乘嘅刺身，其中大拖羅同中拖羅令人驚艷，滿口魚油齒頰留香，滿足非常啊！

有次同朋友在尖沙咀行完街,就到朋友愛食日本餐就來到黑門水產食晚飯。店裝潢好有日本風格,非常舒適。**【柚子檸檬梳打】 $68   +  【奇異果梳打】 $58柚子檸檬梳打及奇異果梳打也好好飲又解渴, 特別柚子檸檬帶酸酸甜甜清新解渴。**【黑門帆立貝伴魚籽醬】 $68肥大厚肉的帆立貝經輕炙過,放上甘香海膽、名貴黑魚籽、加上大大粒魚籽口中爆發,鹹香脆卜卜,整體味道口感好豐富,令人大開胃口 。**【黑門令大漁魚子醬脆脆包】 $78這脆包好豐富,分別有吞拿魚蓉、海膽、蝦、黑魚子、魚籽、蟹籽,口感豐富及鮮味十足。**【平目魚簿切刺身】 +  【岩手縣赤崎生蠔】 *【平目魚簿切刺身】 $168 平目魚就是左口魚,晶瑩剔透的白色一片片就肉質爽口,味道較清淡甜,已沾上蔥醬汁的鹹味,可提鮮味,然而魚油之甘香慢慢散發。*【岩手縣赤崎生蠔】  $156 / 2隻這大大隻廣島蠔肉身豐厚飽滿,入口creamy滑溜鮮甜,滲出海水味濃,擠淋上青檸汁,令蠔味道更鮮味。這蠔十分肥美, 肉質爽口、蠔味濃而鮮甜,有海水味濃,並有少少點金屬味, 相當美味可口。**【赤鬼海老天反卷】 $158這款赤鬼海老天反卷 ~壽司米包覆天

今日是相識紀念日 ，所以就預訂了這間日本餐廳，朋友推介話食物高質，好啱紀念日來就試下。我們都愛吃日式料理，又是紀念日，就開懷痛快地點了一堆款式其中剌身和壽司最有驚喜。#赤鬼明太子蟹味噌甲羅燒 $78這款甲羅燒匯聚了多款籽物，有蟹籽魚籽都明太子都一應俱全，飽滿樸實的質感，尤其喜愛魚籽那鮮紅色魚油的光澤效果，令人心情也為之蕩漾。仲有專人幫手燒埋嚟食，蟹膏好creamy，加咗明太子味道帶辛辣，鹹香感十足！#黑門令蟹味噌甲羅燒 $72老公就揀咗呢款，甲羅燒配上大量的香蔥和蟹籽，感覺比較清新爽口，蟹肉和蟹膏的味道亦較為特岀，甲羅燒迷不能錯過！#黑門令帆立貝伴魚子醬 $68愛吃帆立貝的我看到這個立即心心眼，直徑有返咁上下嘅帆立貝特別好食，兩邊輕輕烤過，實在的質感鮮甜的味道，再配以魚子醬，將鮮味推上另一個層次。#黑松露白汁燒帆立貝 $78一路燒已經聞到黑松露嘅香味一直飄散出來，再配以牛油提升特大帆立貝的口感，爽口彈牙好好味，令人忍唔住捧起嚟連埋個汁一齊品嘗。#平目魚薄切剌身 $168光澤有彈性的平目魚一向好受歡迎，估唔到今次配埋柚子醬油又俾人好唔同的感覺，亦都令原本魚味較淡嘅平目魚🐟增添更多色

突然好想食日式燒烤，前一晚係openrice發現呢間餐廳，見到啲食物相非常吸引所以立即book左枱，非常期待今晚嘅晚餐！今晚同男朋友兩個人去，book左8點半到達嘅時候都有唔少人等緊入座成個餐餐廳嘅裝潢都好日式，真係好似去左日本咁不過啲枱就真係迫左小小等左一陣終於有枱啦！尋晚見到openrice 嘅相已經決定左一定要試嘅三道菜-海膽蟹味噌甲羅燒，黑門令壽司同黑門令龍蝦煮海鮮。另外我地仲叫左燒蜆同燒魷魚每一道菜佢地都會拎過黎問下需唔需要影相，好貼心第一道菜 - 海膽蟹味噌甲羅燒好香好香嘅蟹膏，咸咸地，配埋餅乾食啱啱好！第二道菜 - 黑門令壽司同樣都有蟹膏，果然有燒同無燒過係有分別我就鐘意食甲羅燒，男朋友就鐘意食呢個多啲啦壽司都幾有驚喜，配料夠多而且都好新鮮！第三道菜 - 燒蜆同燒魷魚燒魷魚好淋，加埋啲醬，不錯！燒蜆加左牛油，好香，連湯都唔捨得比佢收走第四道菜 - 黑門令龍蝦煮海鮮一飲個湯，不得了！好香好香，龍蝦湯咁！海鮮都好新鮮！呢個非常值得推介，$88，值！最後，叫左個燒哈蜜瓜！但係黎左個燒蜜瓜，可能依家食蜜瓜好味啲所以餐廳選擇左蜜瓜呢個甜品令呢一餐更完滿！雖然價錢唔係平，但值！我一定

🍴 #黑門水產すいさん 食評🍴因為我生日，所以去試了一間日式燒海鮮。。。刺身新鮮👍🏿👍🏿蟹膏好好食😋燒海鮮，無乜特別，但唔會overcook 值得一提，服務態度係超好。當日有其他客人，要求要自己燒(本身係佢地燒埋)佢哋都好nice咁俾，同埋安排咗張大d既枱俾佢哋。不過，佢哋都講明，如果自己燒，overcook左就5會負責喔。。。總結(滿分5個😋):味道:😋😋😋😋環境:😋😋😋😋服務:😋😋😋😋衛生:😋😋😋😋扺食:😋😋😋#食評 #尖沙咀 #尖沙咀美食 #黑門水產すいさん #海鮮 #燒海鮮 #刺身 #壽司 #日式

近尖東方向，隱藏了不少美食。這家位於棉登道的「黑門水產」是其一。整家以日式木紋裝修，牆上貼著菜式圖片，頭頂垂吊著燈籠、貝殼，讓人感覺置身於日本串燒酒場一般。黑門水產以水產為名，當然要叫他家招牌「黑門令蟹味噌甲羅燒」大大嘅蟹殼裝着蟹肉、蟹膏、蟹籽、生鵪鶉蛋、香蔥，店員親自烹調加熱攪拌，煮出來賣相不算好，但吃下去咸香鮮味十足。蟹膏的味道鮮味濃厚，加上旁邊的梳打餅一起吃，十分滋味！「平目魚薄切刺身」非常薄切，肉質鮮嫩，魚味清淡，沾點醬汁有酸酸甜甜的味道。「極上赤子壽司盛」有多款壽司，油脂滿滿，以赤醋飯配搭味道更香醇濃郁，吃完已經非常滿足！「燒油甘魚鮫」魚肉肉質滑嫩無比，加點檸檬中和魚上的油脂。「黑松露白汁燒帆立貝」在職員燒的途中已經聞到了陣陣黑松露香氣飄來，帆立貝大顆，肉質肥美。「野菜天婦羅」有蕃薯、茄子、青椒。酥脆輕盈的輕薄麵衣，不油膩。「柚子檸檬梳打」「巨峰梳打」解渴，味道甜甜的。豪食了一餐，肚子非常滿足。果腹後，到旁邊商場逛逛都非常方便。

日本，暫時去吾到住，只希望搵一間日本料理，一解思鄉之愁。最好係一間既有日本裝飾，又有真正日本原味道就最好。黑門令蟹味甲羅燒甲羅燒最好食，就係蟹羔鮮味。最重要蟹原味，加上蛋，蟹子製作而成。用燒既方式，沾上蔬打餅。完全食出當中既鮮。岩手縣赤崎生蠔。我叫生蠔，因為店家比到我信心。生蠔即叫即開，確保新鮮。而且日本生蠔，我好有信心，有一定水準。上碟一刻，就見到又大又肥美。新鮮蠔味騙不了人，什麼醬我都沒有加，食出蠔既原味。平目魚薄切刺身比起一般三文或吞拿，平目魚比較少食。知道今日有咩新鮮，就叫該款就沒有錯了。好薄，完全顯出師傅刀工，而且咁薄都一樣層層分明，魚既紋路一目了然。當中既鮮味殊不簡單。黑門令龍蝦湯煮海鮮好特別。用龍蝦湯煮海鮮作一個料理。龍蝦湯濃而不油，加上海鮮，雙重鮮味。而且材料有小驚喜，蝦同魷魚都好鮮味。赤鬼海老天反卷第一眼覺得係好足料，上面都鋪上了滿滿的飛魚子蟹子，第一下已經脆口，中心的炸蝦更是美味，仲係熱既，外面魚子脆得冷既冷，裡面脆得來係熱。黑松露白汁燒帆立貝平日燒元貝可能係鹽燒之類。白汁都幾得意，汁的咸道調得幾好，不會搶味。北海道阿波尾雞翼炭燒雞翼，一向好食。阿波尾雞翼來自日本，

經過尖沙咀，搵間日本餐廳，慶祝週年紀念，但可惜我們有一個很掃興的晚餐體驗！ 晚上8點左右，唔洗等位，唔多人得幾張檯有客，裝修好日式，感覺良好，像置身日本！第一印象幾好！ 用手機點完餐，等了十分鐘開始上第一道菜，壽司拼盤，賣相都好正常，食落普普通通，沒什麼好讚或批評。 憤怒事件一： 正當我們開始食壽司的時候，一位長髮馬尾年輕女侍應，走來問我們「醬汁仲要唔要？」 佢示意想取走個醬汁架，我就話「我哋剛剛開始食嘢，你仲咩要收走個醬汁？ 」而佢非常唔醒目，反應遲鈍沒經驗，再堅持想取走醬汁，她說「呢個燒烤汁，我哋要收返...」 此時我感到非常憤怒，我哋剛剛開始食嘢，一定需要用豉油和醬汁，佢完全打擾我哋享受美食嘅時間同雅興。 非常搔擾！佢其實可以收走其他吉檯的醬汁，唔知佢做咩咁堅持要收走我哋檯醬汁！ 想要趕住收工嗎？ 基本的客戶服務都不懂，太掃興！憤怒事件二： 第三道菜來了，是海鮮湯！上菜時，我們很驚訝個份量極少極細，我哋以為是正常size海鮮湯鍋, 這個實際是迷你份量鍋（看圖，飲幾啖湯都食完） 跟點餐圖片不符合，這都算！當係我哋誤會，點菜時無問清楚。可是，最離譜嘅事情出現了！ 個侍應放低呢個迷你鍋

由於疫情關係 很久都未有出國食好西朋友又話好想食日本菜 咁就襯住糧頭同佢去食同事介紹的黑門水產餐廳開設於尖沙咀綿登徑 餐廳坐落舒適 服務員推介了幾款菜式給我們首先來隻活鮑魚刺身 廚師刀功一流切成薄片鮑魚爽口彈牙 鮮味十足又有口感 手扼壽司盛 壽司飯細細但每件魚都好大件一口一件十分滿足 鮭魚果漬沙律 鮭魚新鮮加果漬 令你胃口大開極上大漁貝燒有大元貝 大蝦 牛油及蝦子 鮮甜美味冇得輸而鐵鍋龍蝦湯煑海鮮 有蝦 魷魚 螺 生蠔及金菇又鮮又甜又好味 生蠔超大隻 又fresh又creamy係鍾意食蠔的首選 朋友最愛甲羅燒 服務員在你枱邊幫你煮 蟹蓋裡有鵪鶉蛋 蟹肉 蟹子再加蔥提升蟹味但又唔腥 加埋梳打餅食好夾朋友話好食到停唔到口每人平均唔駛六百蚊就食到咁高質數的日本菜 真係超值

黑門水產黎到尖沙咀食日本料理, 當然要揀間正野上網見到呢間餐廳正評幾多，就黎試下佢！餐廳有日式裝潢刺身必點一盤梗係要嗌下食下啦！個人覺得個三文魚幾好食，口感好好！厚切新鮮 口感特別彈牙特別平目魚薄切以柚子鹽調味 味道清新帆立貝同海膽都好正黑門帆立貝伴魚籽醬好肥美鮮甜，配魚籽醬好高級。黑門令大漁魚子醬脆脆包招牌菜之選脆包上鋪左一層吞拿魚蓉，吞拿魚蓉上面再鋪左海膽、魚子醬、籽、蟹籽、蝦同三文魚，十分豐富好好食, 營造豐富的口感。黑門令龍蝦湯煮海鮮份量十足, 龍蝦湯味道咸香帶鮮。赤鬼明太子麵豉甲羅燒 燒賣相吸引，配紫菜梳打餅食，等你唔會成口蟹膏而且餅乾可以無限添食。蟹味勁出，好濃味奇異果梳打清新又好飲又開胃, 值得一試因為疫情 無限期擱置日本旅行, 好似置身於日本當中

因為已經成年冇去旅行，早前特登去咗呢間，諗住回味下日本嘅味道。三個人唔算叫咗好多嘢，買單都要差不多$2200。我哋三個人叫咗三杯酒兩杯飲品，另外有叫一啲小食、壽司、刺身、同埋甜品。整體食物算係OK，主要都係同朋友吹水，但係可能份量唔多所以叫叫下都偏貴。性價比一般。呢個價錢同一條街道有更好嘅選擇，如果比我再揀都未必會再去。掛住同朋友吹水，只係影咗下邊兩張相。想順帶一提嘅係，店內侍應嘅態度麻麻，而且反應有啲慢，有啲見到你揮手明明有眼神接觸佢都唔行過嚟，又或者應一應你就算數，啲嘢有啲等咗好耐都冇上，同其他朋友講起好似平時都係咁，呢樣野可以改善下。

連放幾日假，食評癮起，於是寫番近排去過既餐廳；又睇番自己之前寫既食評，發現原來唔少好評既已經結業。。。所以食過好味既真係要食多幾次，黑門就係其中一間。去黑門食飯都有d機玄巧合，只係兩條友肚餓，去到棉登徑發現有位泊車，條街一排都係食店，間間都幾吸引，只係呢間最近車位。好彩無失望，入到店收銀姐姐好殷勤安排坐位。見到有人食燒海鮮，香氣四溢極吸引，令人食指大動。即刻先食海鮮—羅甲燒，又叫左帆立貝同蜆。羅甲燒好香，燒到殼都脆，好味。帆立貝都好，佢有特別既調味，唔錯。最欣賞係蜆，用酒燒本身都好香好夾，但d蜆仲有淡淡海水味，啖啖精華。然後叫左個刺身盛，量算多，但件件魚都係厚切，而且好新鮮，海膽香濃creamy，要慢慢嘆d刺身，簡直係享受，再加多個三文魚手卷，完美。另外仲有叫左雜菜天婦羅同炸蓮藕。同樣質素高，仲有我鍾意既秋葵；炸蓮藕好似薯片甘，好香口，但可能鹽花唔均勻，有幾塊略鹹。整體來講好滿意。呀仲有件趣事，店家好有愛，應該會按客人要求播生日歌切餅慶生，當晚食左兩個鐘有三枱，都幾好氣氛。

尖沙咀呢頭好多高質日本野，今日係朋友既介紹下黎到位於棉登徑既黑門水產，一入到去見到d佈置即時覺得自己去左日本咁首先我地要左個壽司盛合，上面共有十一款壽司，主要以魚生為主，平時唔特別好魚生既我都覺得呢間野野所有魚生都好易入口，全部食落口都係好鮮既魚味炭燒明太子雞翼三本雞翼全部都烤到外層香脆，雞肉鮮嫰，肉入面包滿哂明太子，鐘意食明太子既人必點黑門令蟹味噌甲羅燒店員即場幫你燒，蟹殼上面放滿蟹膏蟹子仲食到蟹肉，口感豐富十足，配上梳打餅食成個層次再提高一層，食落仲冇咁「漏」， 店員都好好，我地食哂梳打餅但仲有醬剩，可以免費添比我地黑門令龍蝦湯煮海鮮海鮮煮到好入味，令一啖都係好香既龍蝦味，d海鮮食落去都啖啖肉，唔會煮過龍收哂水黑門帆立貝伴魚籽醬一件大大既帆立貝上面佈滿好多刺身,有海膽 魚子醬同大大粒既三文魚子,又係口感十足既配搭，帆立貝非常之鮮嫰，入口爽滑黑門令大漁漁子醬脆脆包又係一個刺身組合，上面有吞拿魚蓉，三文魚子，海膽，甜蝦，魚子醬同蟹籽，想逐層試真得味又得，一啖試又得，想點食由自己話事和風鮭魚果漬沙律有三文魚，牛油果，三文魚子同大量既菜，咁多樣野撈埋一齊異常地夾奇異果梳打好少見奇異果味既飲

記得以前棉登徑最出名的食肆是「見城」，也是香港最早的鮨店之一；除了「見城」之外，當年棉登徑的餐廳數量也並不多。「見城」結業之後，早陣子與朋友們去棉登徑食日式燒肉，才發現原來這條小街上的大部份地舖已變成食肆；對其中一間餐廳的外觀留下印象，今日就專程來到「黑門水產すいさん」試試。餐廳招牌的字體、再加上門面掛上一個個紙燈籠，本身已經帶有濃烈日式漁師料理庶民餐廳風情。推門入內，裝修粗獷、木枱木凳，再加上刻意的貝殼吊飾，就更加強化了日本魚市場食堂風味。牆壁上的餐牌彩色精印，每張一款菜式，兼且標上大大隻字的日圓定價，也是日本魚市場食堂的作風 ⋯⋯ 當然，日圓定價只是宣傳技巧，還是需要以港元結帳。同日本魚市場食堂比較，餐牌選擇較多元化，刺身、丼當然不能缺少，同時還有鍋物、天婦羅、浜燒等；不過，就差不多全部以海鮮為主要食材，貫徹餐廳「黑門」兩字的含意 - 對於去日本旅行戲稱為「返鄉下」的香港人來說，冇理由唔知道大阪黑門市場。三文魚刺身(四切)（$58）及活鮑魚刺身（$98）。厚切三文魚片片肥美。薄切活鮑魚鮮甜爽脆，比較起來，認為鮑魚還是採用磯煮方法更為適合。黑門帆立貝伴魚子醬（$68）係豪華版刺身大混