823
24
36
開飯介紹
提供日式浜燒水産黑門市場的地道特色小食、海鮮、時令食材等；全部食材採自日本，新鮮空運到港！用餐環境舒適寬敞，並設有VIP房。
繼續閱讀
營業時間
今日營業
12:00 - 15:00
17:30 - 23:30
星期一至日
12:00 - 15:00
17:30 - 23:30
公眾假期
12:00 - 15:00
17:30 - 23:30
公眾假期前夕
12:00 - 15:00
17:30 - 23:30
以上資料只供參考, 請與餐廳確認詳情
有關餐廳
有關獎賞計劃
食家推介
有次同朋友在尖沙咀行完街,就到朋友愛食日本餐就來到黑門水產食晚飯。店裝潢好有日本風格,好似置身於日本餐廳,非常舒適。.【壽司盛合】 $398這壽司盛合有多款壽司, 好吸引!款款壽司味道也不錯,分別有三文魚、油甘魚、赤身、真鯛、甘蝦、 帆立貝、芥辣八爪魚、香蔥吞拿魚腩、蟹籽、三文魚籽壽司及玉子 。特別油甘魚壽司有魚味,甘甜油香充滿了口腔 ;赤身壽司是油脂較少的部位,口感軟嫩;真鯛壽司魚味鮮甜,有爽脆感;香蔥吞拿魚腩壽司, 魚油豐富入口充滿油香,好美味可口。.【岩手縣赤崎生蠔】 $156 / 2隻這大大隻廣島蠔肉身豐厚飽滿,入口creamy滑溜鮮甜,滲出海水味濃,已放甜酸啫喱,令蠔味道更鮮味。這蠔十分肥美, 肉質爽口、蠔味濃而鮮甜,有海水味濃,並有少少點金屬味, 相當美味可口。.【黑門令蟹味噌甲羅燒】 $72蟹味噌甲羅燒就要燒, 松葉蓋載上了松葉蟹肉、蟹膏、 魚子、蔥絲及鵪鶉蛋。店員即時燒把鵪鶉蛋倒出與食材攪拌,直到燒到乾身就可以食。匙出來蟹膏充滿鹹鮮濃郁,可上少少炸蒜蒜,好味到爆!配梳打餅同食,也好好味呢!.【黑門三文魚加州反卷】 $128這款三文魚加州反卷 ~壽司米面層以包覆三文魚片上有三文魚籽及沙律醬,內有青瓜、蟹柳、牛油果加上,以紫菜捲製而成,在外層的米飯有好多蟹籽,咬落去多層口感,味道清新開胃。.【自家製免治雞肉串】 $78免治雞肉棒非常有口感, 因內有雞肉及雞軟骨,蘸點蛋汁來吃,加倍滑溜可口。,【清酒】(熱) 一壺 $138 來食日本料理怎少得飲清酒。
繼續閱讀
今日收工去咗尖沙咀棉登徑呢一間居酒屋，距離地鐵站都唔算係太遠，行過去大概係5分鐘路程到！都算係非常方便，好彩我哋有book位，夜晚去到都幾多人，仲有幾台要喺出邊等 所以如果大家嚟嘅話記得book位 waiter都好好咁為我哋介紹今日有啲咩特別嘅魚生，同埋有啲咩佢哋特別嘅嘢食！首先推介嘅有佢嘅甲羅燒！甲羅燒夾埋脆脆嘅餅乾食，意外地非常match! 入口嘅蟹膏味道再加埋蟹肉，非常濃郁，超級好食！ 之後大推極上大漁貝燒！帶子非常鮮甜，燒得好出色！鮮蝦亦都非常爽口彈牙，食落之後亦都非常甘甜！食得出日本嘅味道，啱晒一眾鍾意食海鮮嘅朋友呀，朋友非常推薦呢一個dish!!!!! 熟食方便我哋叫咗烏冬同埋海膽櫻花蝦炒飯！海膽櫻花蝦炒飯炒得非常乾身，而且每一粒飯都粒粒分明，個表面再加埋鮮甜嘅海膽，CP值極高！而且呢個炒飯嘅份量亦都非常多，俾我哋預期中仲要大份，櫻花蝦嘅味道亦都非常配搭，簡直係錦上添花 呢個價錢嚟講非常抵食！ 牛肉烏冬嘅牛肉質素亦都非常高，牛肉油花分布非常平均，上菜嘅時候可以做到半熟嘅狀態，令到牛肉唔會有太熟嘅情況出現，呢個位值得加分 烏冬亦都非常爽口彈牙，正！飲品方便我哋叫咗sunatory嘅黑啤, 配埋海鮮食，非常一流！總括嚟講整個用餐經驗非常愉快，店員亦都非常有禮貌同helpful! 有機會會再返嚟幫襯 溫馨提示，大家記得要book位！！！
繼續閱讀
今日經過尖沙咀棉登徑，揀咗呢間餐廳試吓佢啲水產😋晏晝時間嚟到，有lunch set叫～不過一心想試水產，就單叫咗幾樣嘢食😋第一樣叫咗海膽蟹味噌甲羅燒 ($78)～嚟到已經覺得好吸引，有滿滿嘅蟹膏，仲有蟹肉、蟹籽、海膽、蔥同隻鵪鶉蛋😋店員會幫手將啲食材攪勻，再放上爐度燒，燒熱咗更帶出鮮味，同埋令材料更加融合😆放上餅乾度食味道好平衡，鮮味加上蟹籽卜卜脆，好味😋另一個叫咗赤鬼海老天反卷 ($168)～六件大大件嘅反卷，上面仲有好多蟹籽同三文魚籽😆入面嘅炸蝦非常脆口，配埋佢嘅辣醬，一口充滿唔同口感同味道，唔錯😋之後刺身叫咗三款，三文魚刺身 ($78)非常厚切～都幾肥美😆深海池魚刺身 ($168)都係好厚，味道一啲都唔腥，肉質偏向爽彈，都好濃魚味☺️重點係金目鯛刺身($248)😍呢啲魚唔係度度都食到！將表面燒到好香，肉質鮮嫩，隻香氣真係好獨特😌另外亦比黑松露白汁燒帆立貝 ($98)吸引咗😋啲黑松露多得好驚艷，隻帆立貝亦非常大隻，店員好用心幫我燒，生熟程度啱啱好，十分鮮味～個汁好creamy，連啲菇同埋裙邊都好味👍🏻我哋亦叫咗兩杯有酒精飲品，海底之心 ($68)主要係菠蘿味，有少少vodka，相當易入口😉赤子草莓 ($68)莓味唔會假，亦唔會太甜☺️呢度嘅水產真係相當新鮮，而店員埋枱幫手燒嘅時候都好專業同細心，服務態度非常好😆
繼續閱讀
兒時玩伴好姊妹即將升格人妻👰🏻，小妹就梗係帶住佢嚟好好興祝一番啦😆早在十日前已經預訂了哩間位於尖沙咀棉登徑嘅黑門水產，店外裝潢完全仿照日本🇯🇵居酒屋🏮嘅的風格，真係好似置身係日本街頭一樣。我地book 咗早段晚市，未到5:30門外已經有一條長人龍排隊安排入座😆，餐廳入面都極富和風色彩，以木系色彩為主，周圍都掛滿貝殼🐚📷餐牌厚厚一本，刺身、壽司、海鮮濱燒、特飲同酒類飲品都有齊😆我地揀咗一枱嘢食，樣樣都好好味好高質😋😋岩手縣赤崎生蠔🦪手掌咁大隻嘅日本生蠔😮個口細啲都食唔哂🤭生蠔海水味濃加上天然嘅鹹味已經好夠，生蠔鮮甜creamy ，有別西餐嘅酸汁，黑門水產會用產酸酸地嘅柚子啫喱代替，清爽之餘又帶點果香🤗脆燒白穴子串白穴子串超高質，外皮脆身但內裏juicy ，而且燒過後令穴子自身嘅魚油大爆發，記住要趁熱食呀😋北海道海鮮丼🐟🦐哩個海鮮丼超級無敵豐富，一次過可以食到超過10款魚生😍😍款款都超新鮮，小妹最愛嘅係帶子刺身同油甘魚，肉厚鮮嫩，仲有個隱藏驚喜㊙️係丼飯唔係基本醋飯，反而係加產紫菜、芝麻等輕輕調味嘅醋飯😋😋黑門令蟹味噌甲羅燒🦀甲羅燒係黑門其中一款主打菜又點可以唔食呢😚哩度仲有唔少變奏版添，我地們日揀咗基本款味噌甲羅燒，蟹膏蟹籽蟹肉加上鵪鶉蛋同蔥粒一齊燒，creamy 帶鹹白嘅蟹膏醬配上海苔梳打餅超級滋味，可惜得兩塊餅就唔多夠喉啦🙊黑門令龍蝦湯煮海鮮🦞🦐🦑打完卡再拎去燒，一上枱仲係熱到冒泡泡，橙紅色嘅龍蝦湯好鮮甜，仲有大蝦、螺、生蠔🦪添黑門帆立貝伴魚籽醬Mega size 嘅帆立貝表面微微炙燒過，加上新鮮creamy 嘅海膽同矜貴嘅魚子醬，用上紫菜包住一齊食，海鮮味係口腔爆發😎海苔酒盜燒帆立貝原粒帆立貝切成細粒加上鮮冬菇片、蟹籽同海苔一齊燒，海鮮天然嘅鹹香唔需要特別調味，反而食原汁原味👍🏻鐵板燒山賊醬蟹蒜地雞上枱個陣仲沙沙聲嫁😎燒辣辣嘅鐵板燒，用料豐富有齊山賊同走地雞件，加上秘製醬汁用上黑椒粒同炸蒜粒超惹味偏重口味，送酒一流👍🏻巨峰梳打巨峰提子🍇味濃唔會有藥水味，大大杯梳打超爽梅酒🍸梅酒入口柔順，水果香氣清新，甜甜地好啱女士們但啱好睇少佢嘅酒精濃度🍸
繼續閱讀
同朋友慶生 甲羅燒控見到餐牌上有甲羅燒已經好開心叫咗兩杯柚子生啤+黑門令啤酒柚子生啤底有柚子肉，好清新黑門令啤酒重麥味黑門令大漁魚子醬脆脆包感覺好似一件小魚生船，裏面有蟹子、魚子、仲有海膽， 底件法包真係非常脆口朋友叫一串脆脆白穴子串覺得肉質鮮嫩， 沒有骨刺身方面叫咗油甘魚刺身、 花酒漬金蝦刺身呢個蝦刺身唔惹少，頭嗰度有好多膏，非常香濃，蝦頭都想食埋黑門令龍蝦湯煮海鮮海鮮已經好好食，但係最好食係個湯，龍蝦湯飲到一滴都冇淨海苔酒盗燒帆立貝帆立貝鮮甜，煮到啱啱好，唔會過熟今日嘅重頭戲甲羅燒燒之前唔係好似蟹膏， 煮完之後配埋梳打餅，非常惹味甲羅控表示啱啱好夠辣👍份量有好多，可以完完全全覆蓋曬兩塊餅乾去到最後再叫多個明太子大魚炒飯味道有一點辣， 很喜歡這個飯食物質素非常高， 作為朋友慶生絕不失禮
繼續閱讀