黑門水產すいさん (棉登徑)

因為已經成年冇去旅行，早前特登去咗呢間，諗住回味下日本嘅味道。三個人唔算叫咗好多嘢，買單都要差不多$2200。我哋三個人叫咗三杯酒兩杯飲品，另外有叫一啲小食、壽司、刺身、同埋甜品。整體食物算係OK，主要都係同朋友吹水，但係可能份量唔多所以叫叫下都偏貴。性價比一般。呢個價錢同一條街道有更好嘅選擇，如果比我再揀都未必會再去。掛住同朋友吹水，只係影咗下邊兩張相。想順帶一提嘅係，店內侍應嘅態度麻麻，而且反應有啲慢，有啲見到你揮手明明有眼神接觸佢都唔行過嚟，又或者應一應你就算數，啲嘢有啲等咗好耐都冇上，同其他朋友講起好似平時都係咁，呢樣野可以改善下。