麻辣夫妻 (已搬遷) 新店位置

已經幫襯過好多次既麻辣夫妻，兩位店主都非常Nice，服務態度相當好。最近仲越出越多唔同既菜式，麻辣雞煲同海鮮真係令人回味無窮🥰-麻辣鴨舌幾乎每次都必點既款式，麻辣醬汁好入味，辣度啱啱好，而且辣得黎好有層次，唔會只有單調嘅辣，食落去又香又麻，好過癮🥰-泡椒雞翼尖個醬汁係靈魂，帶點酸辣，好開胃。雖然食到一半開始覺得火辣辣，但係佢就係有一種魔力令你忍唔住一啖又一啖，好快就一個人清曬半磅雞翼尖🤤冰鎮話梅浸醉蝦 🦐個醉汁有淡淡話梅清香，帶有微微酸甜。蝦肉唔會梅，新鮮厚肉，食落爽口。重點係個蝦頭，蝦膏連埋個醉汁一齊食，係滿滿幸福嘅感覺🙈辣酒煮花螺花螺鮮香，入味，好快就清曬🤤麻辣蒜香賴尿蝦比起以上嘅其他食物，感覺上賴尿蝦嘅麻同辣既程度更加高，好惹味。

聽朋友推薦，One Midtown裏面，有間好好味嘅麻辣野食，今日經過荃灣西，特登去買咗幾個小食返屋企，同屋企人一齊品嚐下。我嗌左麻辣花菇，花菇好大粒，一份有大約有九粒，份量都幾多㗎。每一粒花菇都沾滿麻辣汁，仲有幾隻辣椒仔喺裏面，真係見到都好開胃。花菇口感彈牙，配合埋秘製麻辣汁，每一啖都好滋味。另外，我仲嗌左一份麻辣鴨舌，店主建議我可以凍食，用來做送酒菜真係好唔錯。我真係勁鍾意佢哋嘅鴨舌，個人認為麻辣鴨舌嘅辣度比起麻辣花菇低啲，比較適合啲想食麻辣嘢，但係又唔係太敢嘅朋友仔。佢哋嘅麻辣鴨舌真係越食越上癮，越食越high，一路飲啤酒，一路食麻辣鴨舌，真係人生一大享受啊。最後，仲嗌左麻辣牛舌我喺煮米線嘅時候，落咗幾塊牛舌，同埋啲汁，個湯底即刻變得有四川風味。牛舌肉質算係ok，唔會好難咀嚼。麻辣夫妻嘅外賣食品都係即日製造，全部都好新鮮，返屋企準備一煲熱水，直接將袋食物放入去熱一熱就可以食，勁方便。

嗜辣魔人必試😍 呢間餐廳嘅辣真係好有層次，唔同食物仲有唔同嘅辣，唔係獨沽一味所有嘢都用同一種調味，食完勁滿足，大力推薦💪🏻🐚錫紙貝殼粉$48貝殼粉入面有蟲草花、沙白、時菜、雲耳，所以有種清甜嘅味道。🌶呢款辣係一邊食一邊feel到愈來愈熱嘅辣，天氣凍果陣食最正🤤麵底揀咗扭紋薯粉，幼身又彈牙👍🏻+$10有汕尾牛丸，牛肉味幾濃，唔錯😎🍝川味撈起$48撈面嘅辣好惹味，仲會留喺口腔一段時間🙈麵底揀咗河北宮麵，呢種麵起源於貞觀年間，有「貢麵」之稱，麵條好幼身，而且很有嚼感，浸耐咗都唔會軟爛😋+$10🥩M9和牛好抵食😍 味道香濃，最正係咬落口感😆完全唔靭👍🏻另外加咗+$8芝士腸🥓🍄麻辣大花菇$48見到佢嘅份量果陣我驚呆了😱 更驚呆嘅係我哋兩個女仔食得哂😂果然係推薦小食，辣得來充滿鹹香，而且每隻花菇都大片又彈牙，幾飽都唔捨得食剩😂.

成日喺公司樓下見到工廠大廈外牆上嘅廣告，估唔到喺棟寫字樓大廈會有賣呢類食物。星期五大佬話想食泡椒類食品，咁我就諗起啲工廠大廈外牆上嘅廣告，就去試吓麻辣夫妻。初時以為只係賣食物，上到去先知原來有堂食。大概5:30上到去，二話不說就點咗泡椒雞翼尖(半磅)同半隻麻辣手撕雞。誰不知泡椒雞翼尖冇現貨，要即做需時半個鍾，咁我落咗單半個鐘之後上去攞。因為現場即時真空包裝，攞嘅時候都等咗一陣，親切嘅唔知係老闆定係服務員將保溫袋遞上，因為趕車關係急急腳踏上回家之途。返到屋企，即時打開個保溫袋，泡椒雞翼尖係暖嘅，麻辣手撕雞係凍嘅，心裡即時對個保溫袋用處有啲疑惑。一剪開兩包食物，都有一股唔同嘅香味撲鼻而出，頓時胃口大開。泡椒雞翼尖倒咗落個碗，見到有大量蒜粒，泡椒同香葉。一食落去甜甜哋，泡椒味唔太重，冇啲醋酸味，反而有啲似泰式口味。辣感後勁凌厲，口感入口即化，唔似之前食開嗰啲雞皮會爽爽脆脆，所以有少少落差。麻辣手撕雞味道好香，夾雜咗一股好難形容嘅香料味道，比起以往食過嘅麻辣味道多咗份層次，雞肉連雞殼手撕，可以食到雞肉連骨位，格外野味。辣味都係食嘅時間唔覺，但係慢慢滲出嚟，非常刺激。雖然係麻辣口味，不過都食得出

本身自己好鍾意食辣野，有次偶然係網上搵到麻辣夫妻，見到佢地有咁多款唔同嘅麻辣小食就即刻訂左黎試，第一次試左雞尖同鴨舌，即係愛上左🤤🤤最近同朋友去露營，就上左去佢地荃灣嘅鋪頭，諗住買返兩三包帶去露營食，鋪頭環境乾淨企理，仲有d lunch set，下次要去試一試。今次買左麻辣鴨舌同麻辣酒香牛舌小食會用保溫袋入住，值得一讚👍🏻👍🏻帶去露營同朋友一齊食，朋友都大讚好味😉用黎撈烏冬同埋送啤酒簡直一流😋下次去露營真係要買多幾款帶去食。

早幾天特意接朋友下班，順到去他公司附近的麻辣夫妻吃碗粉麵，個人覺得麻辣夫妻是有實力挑戰作為荃灣區最好吃的麻辣粉麵小店。麻辣夫妻雖位處於One Midtown商廈，但店舖走樸實風，桌椅都使用木傢俬，放置不少盆栽，環境舒適，為辛勞工作的食客帶來一片小綠洲。麻辣手撕雞上頭澆淋紅油，辣椒，花椒及多種辛香料所組成的醬汁，手撕雞濃香夠味，醬料麻辣得有層次，真的會令人口水直流。醬料辣度恰恰好，花椒香突出，雞皮滑溜爽口，雞肉細嫩，教我愛不釋口。錫紙貝殼粉以錫紙包覆，將淮山麵保持最熱呼呼的狀態，打開錫紙，貝殼粉份量讓人心花怒放，配菜鋪得密密麻麻。湯貝殼粉湯頭以雞隻和蟲草花熬煮，並加入沙白，盡管湯底我選了小辣，仍蓋不住湯的濃郁鮮美，而娃娃菜與粟米亦可均衡飲食一下。我當然沒有浪費湯精華，另加配野生竹笙，湯精髓都融入野生竹笙中，令我忍不住一口接一口吃著，即使回到家仍再三回味。豬頸肉每片都超厚實，油花均勻，香氣撲鼻，口感爽彈。沙白飽滿得很，貝殼輕鬆剝掉，足證沙白新鮮，咬下去甘甜無比。牛魔王日本稻庭烏冬包含M9日本和牛及𣳈尾牛丸兩款牛配料，汕尾牛丸以牛肉，牛筋為肉丸基底，咬下去牛丸彈力十足，肉汁豐沛，朋友直嚷美味

之前係IG見到呢間賣麻辣小食為主嘅小店，趁住去開荃灣就諗住順路買啲嚟試吓😋小店位於商廈，本身以為佢哋只做外賣，原來係有堂食㗎，而且仲有粉、麵及飯等可揀，所以就決定坐低嚟個速食dinner😆🍜錫紙貝殼粉任你點+野生竹笙（$48 + $10）有6款麵可揀，最終揀咗淮山麵，湯底走辣！第一次食淮山麵，賣相同口感有啲似公仔麵，但當然比公仔麵健康👍🏻除咗有蜆、雞腳、菜及蟲草花等外，我仲加配咗野生竹笙，竹笙吸收晒充滿蜆味嘅湯汁，既爽口之餘又有蜆嘅鮮甜😋呢碗麵清清地幾好食👍🏻🌶川味撈起（$48）呢款揀咗BB辣嘅河北宮麵，口感有啲似米粉，混合埋青瓜絲、芽菜、芫荽及花生碎，口感豐富又辣辣地，而且又唔覺油膩，越食越惹味🤤真係好好食👍🏻正🤩🍵冷泡烏龍茶（套餐已包）粉、麵及飯套餐會包埋冷泡烏龍茶/ 綠茶，烏龍茶味道偏淡，唔太飲到有茶味，略嫌失色🥴🍵百香果綠茶（套餐+$5）相反，百香果綠茶唔係好甜之餘，仲飲到有百香果及綠茶嘅味道，味道都唔錯😋但始終食麻辣嘢對飲品嘅需求會大增，若份量多啲會更好！🌶麻辣手撕雞 (半隻)（$68）手撕雞撕成細細舊，肉質嫩滑，份量又多，每一舊都沾滿麻辣醬汁，夠麻之餘又夠晒入味，但又唔會好

所謂「出門靠朋友」，在荃灣工作的朋友深知筆者愛吃麻辣食物，推介了這間「麻辣夫妻」，這晚下班後過來看看。店舖是由一對夫婦經營，位於荃灣的one midtown大廈內。食客可以到上址購買，又或相約時間在港鐵站交收，尚算方便。可能是下班時間才抵達，可以選擇的麻辣小食不多，在雪櫃前選了上圖這幾款。小食定價尚算合理。以泡椒、醋、鹽、糖泡漬的雞翼尖，雖然未有麻辣系列的濃味，但入口後陣陣酸辣後勁同樣滋味。麻辣醬料是整個小食的靈魂。他們的麻辣汁用了青花椒油、豆瓣醬、辣椒粉、辣椒碎等的多款香料熬製而成。雞腎爽口，他們的麻辣汁撈得非常入味。辣度不高，容易入口；麻香中帶有少許甜味，不會一遍死辣，即使不太吃辣的朋友也應該能夠接受到。至於雞軟骨，沒有想過250g的份量也是蠻多的。爽脆的脆口，加上撈得入味的麻香味道，令人忍不住一粒一粒的放進口。這個用作佐酒小吃相當不錯！意外發現到新產品豬大腸，店主說是最近幾天才研發出來的，價錢牌上還沒有更新。豬大腸切得比較大件，口感有嚼勁，同樣辣香味十足。不過個人喜歡切得再細一點。夫妻肺片包括了牛肚、牛展、牛脷三樣材料。牛展夠腍，醃得入味。十分欣賞小店他們的用心，有機會一定會再回

突然有D想食辣野，所以臨收工預早少少whatsapp落單訂定加餸外賣，我地試左三款小食，食得出材料好新鮮，而且價錢都唔貴阿！餐牌方面選擇多多，除左滋味小食，仲有錫紙貝殼粉、川味撈起、日本稻庭烏冬餐嘅粉類，可以食飽飽。叫左一入麻香雞腎$48，個麻辣醬汁真係令人好醒胃，非常惹味開胃爽口。食得出材料新鮮，彈牙，口感又好，中辣程度，食得辣嘅朋友可以試吓。沙薑手撕雞$68望落已經好豐富，份量好多，沙薑汁味道濃郁，沙薑味道係我鍾意嗰種，吃到停不了口，好好味呀！鍚紙貝殼花膠湯$88鮮甜而不膩，幾好飲。花膠有驚喜，口感夠林，蜆肉粒粒飽滿唔腥，口感亦都夠彈牙，值得一讚是蜆肉份量很多，索埋d 麻辣湯底，更加引人入勝底下仲有栗米同埋雞腳，膠原滿滿，幾有心思。店員的服務態度很好，有禮貌又細心，外賣仲要好方便添，有個保溫袋仔，唔怕變壞，這一點留意到客人的需要，下次要再黎幫襯。

今次推介嘅有少少特別唔係餐廳堂食，而係自取既！咁岩去開荃灣西附近，而朋友又推介左呢一間小食店！咁就去試吓啦🤗 首先，餐廳俾咗個保溫袋裝住啲嘢食。而所有食物都係獨立包裝夠晒乾淨。而唔同嘅嘢食都可以係熱食或者凍食。今次就試咗幾款唔同嘅食物分別係有一份麻辣雞腎，一份雞軟骨，半隻麻辣手撕雞同埋半磅泡椒雞尖！ 份量太多我要分左兩日食先食得晒。第一晚我就試咗嗰隻麻辣手撕雞，手撕雞個汁好香而且辣到亦都足夠。而且雞肉吸晒啲辣汁變到好惹味！👍我同朋友兩個人食半隻雞一晚都食唔晒。而泡椒雞尖我都覺得好滿意，泡椒汁唔會話太辣，所以唔鍾意食太辣嘅朋友都可以試吓呢一隻汁。雞翼尖雖然就冇乜肉食但我都幾鍾意食，拍得住b仔個啲架😛第二日我就試埋另外果兩款，個麻辣雞腎個汁係比較杰身嘅。同麻辣手撕雞嗰個味道差唔多，但雞腎嘅口感就比較爽口，而且上面仲佈滿芝麻好香。媽咪就10分喜歡呢一個雞腎👍至於雞軟骨就不過不失啦，自己單獨食就覺得有啲怪但係配啤酒就一流啦。

今日收工，女友在Openrice 見到有間新店在荃灣區，所以等我放左工就一齊去試。我地去到樓下仲以為係商業大廈添，估唔到在midtown 有間食店麻辣豬手飯我見有豬手飯當然要試試，賣相不錯，開始時仲擔心會唔淋，但比想像中好好多，好淋😋，不過我自己唔係食得好辣，但幸好配合白飯都還可以，而且豬手分量都唔少豬大腸 + 雞翼好好味，我好鍾意食，好入味😄。雖然只係另外加的餸，但分量一d都唔少。沙薑手撕雞牛魔王日本烏冬有牛肉加牛丸，配料唔錯，但比較清，我覺得如果個湯濃d會更加好味跟餐仲有野飲我點左椰汁小紅豆，女友就叫百香果綠茶，我果杯係平日飲開的椰汁紅豆冰的味道。環境好幾舒服第一次黎都幾寧靜，可能附近無咩食店走的時候仲見到個櫃放左d麻辣的小食，我問老闆原來佢地如果有客人落單，佢地會拎埋去地鐵站俾客人，有機會下次試試。

呢間小店其實就係ig post見到嘅，聽聞係老闆娘自己鐘意炮製美食，耍家野麻辣鴨舌好味到身邊好友稱讚連連，就開間小店同大家分享下美味成果。平時家常菜整好好好味開私房菜都多見，但你話整麻辣野都整到開店就真係唔多，心想一定係超好食，於是上個禮拜六我就同一樣鐘意辣野嘅朋友黎試下幾好味。呢間小店嚮荃灣西嘅一座商業大廈入面，唔多見，其實就離地鐵站唔遠，但老實講句真係唔係咁易搵。店面唔算大大，位置唔多，裝修簡約，但勝在幾有家嘅感覺，可能都會做外賣生意。呢到野食選擇唔會話好多，其實係一件好事，專研炮製幾樣好味仲好。🥰🥰第一個一定要試嘅梗係麻辣鴨舌，呢個真係讚到絕。先講味道，個味道係偏甜嘅麻辣味，好岩香港人口味，有麻辣嘅刺激又有好味嘅甜味，得意嘅係鴨舌係凍食，D汁都凝結咗，有少少啫喱狀，包裹住鴨舌，令鴨舌食落去好夠味，又夠曬Q彈，而且店主都無偷工減料，唔似得出面剩係食個味細細隻，佢呢度隻隻鴨舌都好大隻肥美，食落滿足感十足。😚😚😚跟住就系錫紙貝殼粉，😚😚😚又係出乎意料地好味，錫紙嘅好處就係鎖住D湯汁，留住香味，打開個一刻麻辣香味撲面而來。最抵讚嘅呢間小店這係用心整野食，出面食嘅麻辣錫紙貝殼都唸住有麻辣味

一開始秋天 就好想食d辣野今日同朋友去一間隱世小店嘗嘗鮮先來既係手撕雞 佢既辣5係死辣 而係鮮辣雞肉同雞皮沾滿醬汁 見到佢係十分足料的 大大塊肉而且一早拆左骨 食得十分方便大大塊雞肉再加上香辣既醬汁 錫紙貝殼粉湯鮮香再加上少少辣真係一等一無得頂米線係屬於彈牙可口既 掛汁程度不錯米線再加上蟲草花既口感實在太正了汕尾牛丸呢個超推佢彈牙之餘係超級多汁 一咬就噴汁正到不要不要佢硯既份量都足既大約5至6個左右正 感覺鮮味都溶在了湯和麵豬頸肉 煙un彈牙肥瘦是剛好的呢個m9和牛既配料都係好肯正的肉味濃厚 肉質軟冧人生一大享受食完感覺環境舒服乾淨而且間野正值係商業大廈 感覺上班族都可以去享受美食呢

之前睇FB見過呢間店鋪既廣告，見佢係荃灣近近地又係我中意食既麻辣小食，一直都好心思思，今日終於黎左買走食店鋪位於One Midtown 38 樓裝修簡約企理，有d似cafe有一邊就係落地玻璃黎得，冇記錯既話係好似有海景望的呢度堂食、外賣都得，因為想攞翻屋企同家人share黎食，所以今次就淨係takeaway左兩款小食如果大家都plan好左要黎買的話可以早少少wtsapp定店員預訂，因為製作都需時店員態度好好，覆msg覆得好快手，攞貨既時候都溫馨提示左應該點保存/食最正因為有真空包裝，所以食物冷藏住可以擺到最長七日---藥膳鴨舌（一磅）（$178）一打開已經閒到好濃烈既藥材味呢包嘢好足料，有大量既藥材好似紅棗、參鴨舌好入味，啖啖精華落肚感覺上好補之餘又冇咁邪惡店員有講過話鴨舌比較推介熱食，個人覺得凍食熱食都得凍食鴨舌會比較彈牙有口感熱食藥膳味更加香濃，食完仲係口腔停留，齒頰留香啊 TvT---麻辣雞腎（半磅）（$48）呢個雞腎真系世界級好食，十分推介比大家份量適合大約3-4人食鴨腎切得比出面厚身，但因為佢比出面都做得更加爽口，所以口感好好面頭灑上大量既白芝麻，味道雖然比辣汁掩蓋左但佢既存

夫妻創業，真的不容易！這間「麻辣夫妻Spicy」就由兩公婆一起創立，就在荃灣的一間樓上小店，一般會建議提早預訂，因為需要訂製新鮮貨源處理，非常特別。 餐牌方面選擇多多，日本稻庭烏冬餐、錫紙貝殼粉、川味撈起等等應有盡有。決定帶回家和家人一同分享的我選擇了外帶小食。麻辣大花菇$48（BB辣）麻辣大花菇粒粒Size都有一定大小，而且保留應有水份，口感爽彈，非常入味，麻辣香味濃郁，如果想淡口味一點，建議可以放湯一同進食，湯底也會吸了麻辣香味。 麻香雞腎$48（BB辣）這個是我最喜歡的，原本就喜歡吃雞腎的我，一般在撈麵小店吃的都嫌不夠爽口，而這間的口感非常爽之餘，還很有麻香味，喜歡吃雞腎的朋友們千萬不要錯過！滷水鴨舌$103鴨舌是家人喜歡吃，所以才點。份量也不少， 滷水味香而不會有死咸，很容易就吃到鴨舌的表面，不會黏得太實，方便進食，而且中間的骨也很容易拿出來，作為晚餐小吃一流呢 ～