影片
更多
2020-10-27
61 瀏覽
呢間小店其實就係ig post見到嘅，聽聞係老闆娘自己鐘意炮製美食，耍家野麻辣鴨舌好味到身邊好友稱讚連連，就開間小店同大家分享下美味成果。平時家常菜整好好好味開私房菜都多見，但你話整麻辣野都整到開店就真係唔多，心想一定係超好食，於是上個禮拜六我就同一樣鐘意辣野嘅朋友黎試下幾好味。呢間小店嚮荃灣西嘅一座商業大廈入面，唔多見，其實就離地鐵站唔遠，但老實講句真係唔係咁易搵。店面唔算大大，位置唔多，裝修簡約，但勝在幾有家嘅感覺，可能都會做外賣生意。呢到野食選擇唔會話好多，其實係一件好事，專研炮製幾樣好味仲好。🥰🥰第一個一定要試嘅梗係麻辣鴨舌，呢個真係讚到絕。先講味道，個味道係偏甜嘅麻辣味，好岩香港人口味，有麻辣嘅刺激又有好味嘅甜味，得意嘅係鴨舌係凍食，D汁都凝結咗，有少少啫喱狀，包裹住鴨舌，令鴨舌食落去好夠味，又夠曬Q彈，而且店主都無偷工減料，唔似得出面剩係食個味細細隻，佢呢度隻隻鴨舌都好大隻肥美，食落滿足感十足。😚😚😚跟住就系錫紙貝殼粉，😚😚😚又係出乎意料地好味，錫紙嘅好處就係鎖住D湯汁，留住香味，打開個一刻麻辣香味撲面而來。最抵讚嘅呢間小店這係用心整野食，出面食嘅麻辣錫紙貝殼都唸住有麻辣味
呢間小店嚮荃灣西嘅一座商業大廈入面，唔多見，其實就離地鐵站唔遠，但老實講句真係唔係咁易搵。店面唔算大大，位置唔多，裝修簡約，但勝在幾有家嘅感覺，可能都會做外賣生意。呢到野食選擇唔會話好多，其實係一件好事，專研炮製幾樣好味仲好。🥰🥰
第一個一定要試嘅梗係麻辣鴨舌，呢個真係讚到絕。先講味道，個味道係偏甜嘅麻辣味，好岩香港人口味，有麻辣嘅刺激又有好味嘅甜味，得意嘅係鴨舌係凍食，D汁都凝結咗，有少少啫喱狀，包裹住鴨舌，令鴨舌食落去好夠味，又夠曬Q彈，而且店主都無偷工減料，唔似得出面剩係食個味細細隻，佢呢度隻隻鴨舌都好大隻肥美，食落滿足感十足。😚😚😚
跟住就系錫紙貝殼粉，😚😚😚又係出乎意料地好味，錫紙嘅好處就係鎖住D湯汁，留住香味，打開個一刻麻辣香味撲面而來。最抵讚嘅呢間小店這係用心整野食，出面食嘅麻辣錫紙貝殼都唸住有麻辣味CUM住，比嘅貝殼都好細隻，唔新鮮，但呢度嘅貝殼又大隻又鮮甜，個麻辣味唔會好重，比咗D空間比貝殼嘅鮮甜味凸顯出離，粉絲索曬湯汁，啖啖嘅帶鮮甜嘅麻辣味，整體真係好正。🤪🤪
最尾就是個麻辣手撕雞飯飽下肚子，麻辣味十足，雞肉都算嫩滑，食得都幾過癮下。😋😋
我覺得呢間小店出品真係好好，從用料同味道，睇得出老闆娘真係落足料，用心去炮製美食，雖然位置係偏咗小小，但係好食咪得咯，完全值得去支持下呢間有心思嘅小店。😚😚
張貼
