麵館皇

營業中

休息中

剛巧午餐時間人好多，幸好我一人而已點了個砂鍋藥膳罐湯刀削麵HKD54加口水雞原本係配雲吞或水餃的，可以轉刀削麵價錢十分抵食，味道亦不錯奈何服務真差，不知是太忙或是怎樣總之態度很不好，這個大打折扣今時今日服務態度質素好重要，黑口黑面講返食物味道很好，不會太濃但有藥膳味道香氣麵口感煙韌入味份量大大碗湯清而不膩如果配上少許青菜則更好刀削麵麵條好有口感真好吃口水雞份量多，但略嫌唔夠辣，但雞肉嫩幾好味成個套餐，不錯，下面是微辣青瓜好爽口想不到價錢實惠但份量可以咁豐富再配個豆漿剛好，豆漿是從外面買回來枝裝豆漿倒出來的，味道就是平常喝到的，沒有什麼分別！整體味道不錯，以這個價錢來說有這質素算係咁，奈何服務態度還待改善

放假同成班fd行完山，落山之後去銅鑼灣覓食，因為超肚餓嘅關係，所以係登龍街搵左間睇落一定食得飽嘅麵店。睇下餐牌原來有麵有飯食，刀削麵望落好吸引，不過天氣熱又唔想食咁heavy所以嗌左個凍凍地嘅寧波三絲冷麵好快就上菜有得食，不過相機食先! 上面鋪滿青瓜絲 火腿絲同雞絲，仲有小小芝麻同大量麻醬，聞落去已經好香~ 冷麵食落凍凍地咁而且好有咬口，撈一撈就令到每一條麵都充滿麻醬，夾埋唔同口感嘅三絲一齊食，好味呀朋友嗌左東坡肉飯，睇落賣相同色水都唔錯咁~ 不過東坡肉忟煮得未夠腍就有小小失色啦，個味道還可以啦，加錢可以轉菜飯添！都係朋友叫嘅咖哩雞飯～味道唔錯，份量都好多，而且雞同薯仔比例係一半半，唔會太多薯仔扮大份haha！！另外叫左小菜，口水雞必點呀！雞肉多而且肉質鮮嫩，薄薄一層彈牙嘅雞皮上面又帶小小辣，感覺唔會食左太多脂肪落肚～下面有青瓜伴碟，食完lam lam脷酸辣魚都係小小辣，當中酸味比較突出～魚柳預先烤過，香得黎又帶點酸辣汁嘅惹味，伴碟有酸白菜吸曬d汁黎食，酸得好過癮令人好想繼續食！呢個小菜真係食到回味無窮呀四個人食嗌到成枱都係share番都只係八十蚊左右，而且都試到幾多野，CWB抵食之選

夜晚向銅鑼灣行街到攰攰地，同朋友想搵個地方食下野吹下水，嚟到燈籠街見到餐牌幾吸引就入左去食。店舖環境都算光猛，感覺都算乾淨，店入面幾多位坐。叫左牛腩刀削麵同口水雞飲左第一啖湯底就覺得一定要再黎食刀削麵，依杜用既既湯底係藥膳養生湯黎，湯頭好香，飲完好暖笠笠，如果冬天黎食都幾正刀削麵幾得意，一片片既麵有啲似扁意粉，彈口得嚟好夾放湯食。牛腩大大舊又淋又夠入味，同平時出面食既好唔同，而且份量好多未食曬已經好飽，又足料又啖啖肉呀口水雞唔算好辣，少少辣但又好惹味，怕辣既人食都冇問題。雞都係大舊又多肉，都幾嫩口，而且有成隻雞脾，食完好滿足！兩個人食到好飽都係二百零(係銅鑼灣食野算抵啦)，而且中菜黎講都幾多選擇，味道都唔錯，下次可以再幫襯!

小女孩最喜歡吃麵，這間餐廳富有中國特色！招牌菜是刀削麵和手擀麵，而且原來拉麵都可以配搭藥膳湯底，好像很健康。金牌咖喱牛腩罐湯拉麵＄60糖醋魚罐湯刀削麵＄63兩種面都是店家手做的，各具特色。當中刀削麵是中間厚身旁邊薄皮。湯剛上來的時候還是新鮮滾熱辣的，雖然有藥膳的香味但也不會過分藥材。糖醋魚比較特別，表面有點紅色但是整體感覺天然，炸得又熱又香。咖喱牛腩很多地方都可以吃到，不過這裏的牛腩又的確炆得很稔。檸檬菜蜜味道比較甜，西洋菜味突出，加錢也值得了。順帶一提麵量和餸菜份量都很多，我們兩人點了兩個面都吃不完，所以就算男人也夠食。

之前在中環上班時，曾有一段時間經常會去上環新紀元廣場的《麵館皇》吃拉麵，不過自從公司遷移後，不彈此調已久。早兩天和同事閒聊期間，提起這家麵店，同事 S 說最回味就是麵條所配的藥膳湯底，入口帶淡淡藥材香，所以趁這天下班，就相約來登龍街的《麵館皇》吃頓晚餐。趟門入內，店裡地方不大，約有十一、二張檯，以木製四人桌為主，而且通道有點陝窄，若坐滿食客的話，應該會相當迫夾。安座後先翻開餐牌，食物定價比起早幾年，雖然已大幅調整，但花款依舊繁多，除了有主打的藥膳罐湯拉麵外，還有砂鍋藥膳罐湯雲吞、水餃、上海年糕、中華冷麵、酸辣湯、麵館皇飯食、金牌咖喱、家鄉系列、小食和甜品等等，而且拉麵更可以  +$3 升級至自家製的刀削麵或手擀麵。和 S 商議後，大家決定點兩客麵食，再配兩款惹味小吃。先來一客麻辣口水雞 ($52)，成品端上後，挾起雞件一看，分量都幾多，約有十餘件。立即一試，雞肉入口好滑溜，而且雖然沾滿辣汁，但入口麻味不算濃；不過原來這只是錯覺，辣味會其後漸漸滲出，而且越吃辣味越強，幸好墊底的青瓜，味道幾清甜，有減退辣味之效。接著上桌的家鄉雞絲冷麵 ($48)，面頭鋪滿配料，款式雖然不多，只有雞絲、青瓜

​ 中秋佳節唔需要做節，就去咗銅鑼灣食餐晚餐， 見到一間係云云拉麵當中比較突出嘅麵店，主打中式藥膳湯麵。 滑雞罐湯手擀面@$63 裏面有好多舊雞，食下食下總共起碼有10件，而且每一件的大小都唔係野少。 湯底上到嚟嘅時候都係熱辣辣，仲有好香嘅藥材味架！ 手擀面和刀削麵面主要嘅分別就係呢個厚薄會比較均勻，很有口感好似食緊水餃皮。 酸辣湯水餃@＄48 這個酸辣湯不能選擇有幾辣，不過其實大約是BB辣左右。 有好多材料，包括木耳和豆乾，豆乾就未必是每個人都喜歡的， 不過營養價值很高而且豆味很香濃。水餃大大件裡面主要是豬肉碎，味道可以但質感一般。 自家磨豆漿+$3 價錢相宜，是普通的豆漿。 係幾有特色的中國手做面，自己做不到的， 而且份量也很多，一個人食一碗麵一定超級飽！ 麵館皇 Man Guan Wang 地址: 銅鑼灣登龍街32號地下

登龍街出名日本拉麵多，呢間野出面寫住蘭洲拉麵好似唔同啲咁，而且又小人所以高去左食個menu都幾中式，見倒側邊好多banner寫住藥膳湯，所以我都揀左個呢個係獅子頭刀削麵，獅子頭有三粒，個皮好脆，啲麵勁多，一個人真係食唔哂一碗，啲刀削麵好彈牙，而且唔會林。個湯係藥膳黎，不過藥材味唔會太濃。飲完真係覺得好熱，真係有種行氣活血嘅感覺個飯都好大，啲肉咬落好林，唔會太肥。一咬就甩喇啲肉。仲叫左沙鍋餃子，啲餃子好多料，每隻都好大隻，食落仲有好多肉汁。

銅鑼灣區既麵館 主要食類似山東菜同上海菜既菜淆同特式麵， 各式小食好似煎蛋 口水雞 酸辣麵 水餃， 咖哩飯都會有 都算應有盡有凍啡17 蚊豆漿 8 蚊野飲 飲品係正常級別 不過不失 價錢可以 特別在於麵類口水雞罐湯拉麵 58蚊以藥材做湯底 可選刀削麵或者擀麵 而我點左後者 麵同口水雞分開上 口水雞用既醬汁唔算麻辣但偏濃。辣度算中級 雞肉皮滑肉雖係冰鮮但食落都夠嫰， 湯底好香藥材味 飲落十分清甜 而擀麵好特別 麵身偏長 闊度一致 口感好滑 連埋 口水雞一齊食 十分唔錯鎮江骨罐湯拉麵 60蚊同上面寫既藥材湯麵一樣 但換左係 刀削麵 雖然食得出唔係手切 但都算大細不一 口感煙韌 鎮江骨 有兩大舊 醬汁偏甜完全滲入肥厚既豬肉入面咬落去十分juicy!酸辣湯雲吞 48蚊超大碗仲有8 隻餃 落足料得黎除左有普通酸辣湯應有既料 麵根 豬紅等 仲有切絲既豬皮 特別爽滑 而且酸辣度十足 甜得黎辣 辣得黎入味 正 而且餃又多又大粒 皮薄 而入面既肉密度好高 好有口感又有肉味五香牛展 60蚊切得好夠薄 凍食既牛展 口感煙韌 配合甜醬油 好入味鹵雞翼38 蚊 鹵水汁偏淡味 雞翼size適中 都算醃得幾入味 唔

無意間行過銅鑼灣，見到麵館皇門口啲餐牌寫住有藥膳湯面試下就貪得意入佐去。我叫佐個口水雞手檊面，一黎到啲湯滾到出煙，勁香。個湯藥材味好重不過好易入口勁好飲，個手檊面勁彈牙加埋啲湯一齊食真係勁好食。個口水雞唔算太辣，不過都勁好味。至於個酸辣湯 酸酸辣辣勁開冐，又足料。一定會再带朋友去食

今晚經過銅鑼灣，又唔想食飯，就試左呢間麵館皇，個牛腩湯拉麵真係賣相好得，一食落去牛筋又軟，牛腩又軟，湯好濃好入味，最重要係個刀削麵，好煙un好有咬口，係我食過最好味既刀削麵😊再試埋麻辣口水雞手擀麵，好重藥膳味，感覺清新健康，加埋口水雞，少少麻辣，肉質幾滑，配搭一流。另外酸辣湯既味道好重，食得辣既朋友可以試試，呢間餐館值得再食

星期日三點不露，哈哈！大家唔好唸多咗，唔係講風月片，只是星期六懶牀，不到三點我不露面而已！本來打算去登龍街搵拉麵食，行過被新麵店吸引了。刀削麵煙韌，手擀麵軟滑，老闆娘是這樣介紹，仲建議我們食口水雞、鎮江骨及酸辣湯，依佢話照辦。口水雞手擀麵分開上，是清湯湯底，唔駛驚太辣，點少些辣椒醬就得，事實上麻辣度適合香港人，重點係滑，雞肉滑，手擀麵更加滑溜，好似唔駛咀嚼便可以呑落肚咁，好得。鎮江骨刀削麵，呢款完全唔同風味，麵大大片，煙韌口感，鎮江骨味道少少酸甜，還是口水雞惹味。酸辣湯的酸甜味調得好，湯料非常足，值得試。小小麵店，上菜時間合理，招呼過得去，會再來試埋咖哩牛腩。

藥，一般比人感覺係：苦、唔易入口、對身體好，但藥膳料理就可以令人吸收藥對身體好處之外，原先唔易入口既缺點到得到改善，令人舒服享受食物同時達到調理身邊效果。睇完餐牌就點左麻辣口水雞、藥膳湯刀削麵。藥膳湯麵即叫即造，所以要等一陣，食住口水雞先，面頭配料有生蒜、花生、豆豉、辣椒，底下有甜豉油同青瓜，雞肉方面好肥美嫩滑，撈勻一齊食辣度好夠，蒜香同辣一齊攻擊喉嚨，唔錯！主角終於到，來到時煲保持住高溫，湯依然處於沸騰狀態，起初以為會係濃烈苦茶味，結果原來係淡淡清新藥材香，味道亦都好清，帶少少甜味，至於刀削面口感特別，因為刀切面關係，麵心同外邊口感唔同，內裹煙韌外面柔軟。

首先講下佢麵嘅質地,佢唔係好似上海舖咁樣好有幼個d麵再講佢係刀削麵,食得出唔係人工造嘅刀削麵,完全無彈性似喺超市買嗰啲再講佢嘅湯底 係清湯加pat辣椒醬,佢加一pat辣椒醬就叫四川擔擔麵呢個價錢真係十蚊都唔食

星期日三點不露，哈哈！大家唔好唸多咗，唔係講風月片，只是星期六懶牀，不到三點我不露面而已！本來打算去登龍街搵拉麵食，行過被新麵店吸引了。刀削麵煙韌，手擀麵軟滑，老闆娘是這樣介紹，仲建議我們食口水雞、鎮江骨及酸辣湯，依佢話照辦。口水雞手擀麵分開上，是清湯湯底，唔駛驚太辣，點少些辣椒醬就得，事實上麻辣度適合香港人，重點係滑，雞肉滑，手擀麵更加滑溜，好似唔駛咀嚼便可以呑落肚咁，好得。鎮江骨刀削麵，呢款完全唔同風味，麵大大片，煙韌口感，鎮江骨味道少少酸甜，還是口水雞惹味。酸辣湯的酸甜味調得好，湯料非常足，值得試。小小麵店，上菜時間合理，招呼過得去，會再來試埋咖哩牛腩。

登籠街雖然有多間日式拉麵店，但呢間特色藥膳湯底，我們至愛!食材上涱，人工支出高，之前$55,現$58~60一餸藥膳拉麵。本店推介金咖哩牛腩、豬軟骨、鎮江骨拉麵!是日我們選咗金咖哩牛腩拉麵，酸辣湯水餃拉麵。*當點選鎮江骨記得問問店員“淋吾淋”!因為吾淋較吾好食*嗯金咖哩牛腩另上啲，十分入味配飯也一流，至於酸辣湯水餃拉麵，味道少少伏，較為“結”身整碗麵。下次都係選藥膳麵較為穩定。