麵館皇

營業中

休息中

又到返工前係銅鑼灣搵食啦！今次比我搵到一間小店！佢店鋪唔算大！入面坐既位都幾逼！2點鐘入面係坐滿哂人！選擇好多，銅鑼灣價錢算平！質素都好高下！第一次食既我當然望下其他人食咩先啦！10個有7個都食口水雞同藥膳湯粉！呢款應該係招牌，一於試呢個啦！雖然好多人，但佢上菜都好快，口水雞配藥膳刀削麵，份量都幾多下！食哂係超飽，第一當然要試下個湯先啦，藥味唔算重！好溫和，飲落好舒服，我差唔多飲曬個湯！刀削麵口感好煙un,唔會太薄一夾就斷，連埋個湯一齊食好夾，好好味！夠哂清，重點口水雞啦！佢份量都唔少，我食我辣，佢既辣度岩岩好！唔會比辣味搶過哂雞味！啲雞仲滑身！下面仲有青瓜係底，好好食！我最愛既青瓜呀！呢間小店好岩我心水！如果唔洗排好耐隊可以多啲黎食！連埋凍飲都係50-60蚊左右！我諗係銅鑼灣佢算好抵食！

今日黎開銅鑼灣聽講座，一條友無野做，見到有間食店係登龍街好鬼多人，食物價錢唔貴，就決定入去食野醫肚，雖然小店不大但侍應都幾多人，態度就。。。==“不過算吧，講返食物...藥膳湯刀削麵好好食，連埋大碟口水雞都只不過HKD58,真抵食，同埋味道都算有水準一大煲，湯用藥膳烹煮成，因些充滿藥膳味道，個人好欣賞，唔會太濃但味道討好仲有好多新鮮爽脆的椰菜，木耳絲刀削麵以刀削得均稍，厚薄一致，口感軟硬適中，單吃都唔單調口水雞份量十足大碟，味道整得幾出色，如果再更加辣應該仲正下層有青瓜，爽脆口感加上辣味，清中帶辣口水雞，皮肉圴匀，入味，雞算嫩口，不錯

大時大節又聖誕又新年，忙到團團轉，但點忙都要濕平買野俾自己作年終安慰獎，所以一放工就直殺落銅鑼灣，但先去醫肚先，仲之要快快快，就到位於Time Square附近的登龍街32號地下的麵館皇開餐，見到裏面坐無虛席,大家膊頭撞膊頭的坐在一起，舒適度就免問。先叫來麵館的招牌藥膳口水鷄罐湯刀削麵($58+$3)和家鄉糖醋魚($48)。刀削麵的製造過程其實頗考功夫，除了水與麵的比例要拿捏得準確，削麵時刀功亦要均勻的一刀一刀的把麵條削入湯鍋內翻煮，刀削麵吃起來才有鬆輭口感。但對於喜歡藥膳味濃郁的我，藥膳湯底就顯得比較清淡。反而喜歡口水鷄的辛辣味道，啖啖肉的口水鷄舖滿黑黑的椒粒，入口辛辣的味道颇刺激淚線呢。再吃家鄉糖醋魚，醃的麵粉頗厚，所以吃不出魚的味道，再加上糖醋汁略少兼汁味稍稀，所以並不是我杯茶。擠迫的環境快快趣食完即閃，立刻開始我的濕平之旅。在銅鑼灣timesquare附近還能有$60一個晚餐，還算是一個不錯的選擇。

當日初一 要食素 機緣巧合下搵到呢到有素麵食所以就黎試下啦呢到的湯底係用藥材煲既 好香本身係想試刀削麵 不過我見到手榦麵個相好吸引因為我本身個人係好鐘意食好粗既麵所以就叫左個素菜手榦麵試（$61）個湯好味個麵都好味不過因為好熱 個煲又有小小熱力所以唔可以食得太快令到最後的麵淋曬 美中不足同埋素呢個麵好呃錢 的餸勁小😂完全系得一小銖蘿蔔絲同幾片豆干相反朋友叫既 口水雞刀削麵就好大份價錢都係一樣（$61）下次唔係食素既日子會再黎試下🙂

平時好怕藥材味，所以對於藥膳食品方面完全無興趣，但今日老媽子話好想食藥膳湯底既野，於是search一search比我近近搵到呢間喺登龍街既「麵館皇」。8點時間已經十分滿座，好彩岩岩有座。一坐底即刻叫個《藥膳罐湯刀削麵 $58+$3》（+$3轉刀削麵）比老媽子，而我自己就點左《酸辣湯雲吞 $48》+$5配凍檸茶。藥膳罐湯刀削麵 好大碗用瓦煲上，熱辣辣都幾吸引，湯有淡淡藥膳味，唔濃所以我都接受到，但食落有點咸。刀削麵有韌度我覺得幾好食，但有d未切開型成一舊。呢個刀削麵會配埋口水雞，雞有辣醬汁調味所以幾惹味但骨位多。不過呢個價錢嚟講算係甘。酸辣湯雲吞堅抵食，$48有成6-7隻包住大大粒肉既雲吞，絕對唔少野！肉餡亦都唔錯有肉味同埋多汁。酸辣湯好多料，男仔成晒成碗真係幾飽肚。今既凍凍地食幾暖身。

間野開咗二個星期，從來未見過有乜客，但居然有幾十個讚好食評，好神奇！早餐，前後共2枱客。豆漿：10分鐘先到！隔離枱不斷催飲品！杯豆漿超級鬼鼠，小膠杯，大半杯先到鍋貼，冇味。上海嘢，問攞豆辨醬，冇！個底係黑色，燶到苦，肉冇味！小籠包，5隻有4隻穿，肉汁走晒。無味！

去開銅鑼灣，又想食平少少，就㴝到燈籠街，揾下^_^有咩好食。行行下就俾藥膳湯香味吸引。雖然小店，但都有不小坐位。各款麵，都可以配拉麵，刀削麵，手幹麵。刀削麵是店親自做，所以條條不同長度，又不會太湖口。罐湯是藥膳湯，用上多種藥材，如杞子，當歸等。碗碗即叫即整，用鍋上菜，可以保溫，另到食到最尾都仲係有熱。其實湯㡳是一樣，只在於選擇送類別和配那一種麵類選了非常出名麻辣口水雞罐湯刀削麵和特製鎮江骨罐湯刀削麵。麻辣口水雞，都只小有7至8塊雞，有豆豉，辣椒和特製藥，有小小辣，非常香口。鎮江骨，醃得非常入味，過骨肉分離。最後叫多個小食，雞絲粉皮，非常爽口，大塊，小辣，薄薄雞絲。冬天食一碗，非常暖胃。

麵有好多種，而這裡出名刀削和手擀麵真唔錯。去完婚展，在銅鑼灣找到這店，地方不在，在銅鑼灣的食街，比多不同的食店圍着，到時門口都多人，入去是人是滿滿的，牆上有着他們的歷史。他們出名的有口水雞和酸辣湯，刀削和手擀麵(+$3)，我們到時，酸辣湯已買灑了，我們叫了口水雞刀削麵和獅子頭手擀麵。口水雞刀削麵是分開上的，口水雞都有些辣而，雞都滑和好食，如不食得太辣朋友可叫小辣或辣分開上。刀削麵的用藥嫸湯，一塊塊的麵好得意和口感。獅子頭手擀麵是一起上，獅子頭有三大個，都幾大個，手擀麵是好滑和軟，一條條長的闊麵，也是有藥膳湯，而湯味十足和好足料。

出街食麵好小喝那口麵湯，因多是味精，而麵館皇用的是藥湯，勾起了本小姐興趣。麵一大碗索價5，60元左右，在銅鑼灣是超值的，更有飯及小食供應。叫了碗素湯麵，湯淡淡甘味並非是好濃的中藥，易入口。麵方面加3元轉了刀削麵，比較有彈性同紮實，比起機打的確是有所分別。素麵中有紅蘿蔔，腐皮等，因湯頭關係就算是素麵有不覺單調。另外要了份口水雞，大量辣油蒜蓉，正好可以和素麵在味口上中和，雞肉肉質油嫩，封上層辣油惹味，能吃辣的倒是可以挑戰一下。冰豆漿，點麵只要加3元，不太甜有飲出有豆味，是不容錯過。

終於有時間可以搜尋一下登籠街食店，好試嘅我當然要試一吓新嘢，路過已見門外有人等位，再加上店員一句藥膳湯底…… 我當然就登了一下！就試依間………… 點了：牛腩罐湯麵及其他小食……一煲熱騰騰刀削麵出現眼前，心想不妙！ 點解有牛腩湯底咁白…… 啲牛腩呢？？anyway, 試下湯先，無藥膳味？紅棗，杞子，當歸之類都一一欠奉……連丁點屍骸都唔見…… 又一令我懷疑是否開粉？？？朋友更扺死，花雕雞湯即食麵啲味仲濃…… 此刻無言！係一個絕不放棄情況下搵出被埋藏嘅牛腩，可惜係肥膏加牛肉粒（不是腩）見到都已經feel 到痴牙，所以只係食了兩粒牛根吧了！刀削麵是正常刀削麵！

✿╮❤╭✿✿雜感女生 好味日記✿˚*•✰。麵館皇．一食兩效。✰•*˚✿✿ 「麵麵」「區」「緣」的銅鑼灣✿✿❤餓底飯聚❤熟悉登龍街，都知成街都係麵店，惠顧日式拉麵店，更係要過一百元以上先可以出門口。原來，食個「麵麵」，喺呢「區」，真係好講「緣」份。今晚，我想食麵，又想飲湯。仲想平平哋解決，行勻成條登龍街，嚴選之下，因為有罐湯拉麵，就呢間合我要求。睇吓MENU，又睇對面果位食麻辣口水雞食得好過癮，OKAY，諗到食乜。❤麻辣口水雞罐湯拉麵❤麻辣口水雞同手擀麵分開上。 叫咗麻辣口水雞，要少辣，刺激口水分泌。手擀麵，麵質唔錯，用西北人術語:有筋道。有嚼勁，先係好食，因為食麵最怕糊唒。麻辣口水雞同手擀麵分開上，湯底當歸味超濃，食唒個麵，當湯飲，飲完成身暖笠笠。❤豆漿❤齋食麻辣口水雞時，飲住豆漿，解辣一流。小評：味道：★★★★☆環境：★★★★☆服務：★★★★☆衛生：★★★★☆抵食：★★★★★

本身去登龍街上想食日式拉麵 但見太多人排隊就轉去食中式野呢度最有名嘅係罐湯拉麵用咗藥材做湯底，冬天食仲好暖笠笠又可以保身 上海獅子頭罐湯刀削麵 上海獅子頭有三大粒，肉質一D都唔鬆散而且好足味金牌咖哩豬扒罐湯手擀麵 咖哩豬扒係貪得意試下，估唔到又可以幾好食豬扒俾得好多，而且好細心咁將一大塊嘅豬扒切成三小塊、方便進食而且仲有薯仔咖哩汁既顏色較淡，但好香椰汁味 係甜咖哩 呢度最出名嘅仲有一樣特色就係 手擀麵 呢種面逞不規則形狀 而且比較有咬口，但又唔會話太UN比起刀削麵我同友人都更喜歡手擀麵 係一間值得光臨嘅小店，而且係銅鑼灣咁嘅地方黎講，收費都好相宜BTW奶茶好好飲，仲好過茶餐廳

若然提到秋冬進補，湯水當然是少不了的養生選擇特別是踏入秋天後變得乾燥的天氣~不論是身體外還是內也需要好好的滋潤才行呢在家有媽媽煲的湯，但放了中藥材的藥膳湯則比較少機會飲到所以當留意到銅鑼灣登龍街有一家上海麵館是以這種湯做湯底～就拉媽媽一起去吃了 (￣▽￣)雖然已經是2點多的午市~接近下午茶時間去，但人超多啊!!!佔了大部份都似是附近工作的客人呢。不過都是搭枱，所以其實很快就有位午市Menu選擇很多~ 基本的是湯拉麵，但也可以加錢轉成刀削麵或手擀麵等而且點餐還附送一杯飲品~除了平常的咖啡或茶，亦有豆漿 (≧ω≦*)水吧出餐飲超快手~其實我有後悔到為什麼不選豆漿啊以前在銅鑼灣工作成日有機會吃到酸辣湯。自從換了工作地點後就一直沒怎吃過每家店的酸辣湯味道都會不一樣，但共通點都是很開胃這家的話則是偏酸一點，大概吃了一大半才開始覺得辣~但也不至於吃到出汗的程度我自己的話比較喜歡這種，作為湯羹的濃稠度也剛剛好 ヾ(´∀`o)另外會轉刀削麵是因為喜歡它的口感!! 軟中帶筋的囀勁又不會黏口這是使用了特製的刀具像削鉛筆一樣，才會削出中間寬厚~兩頭呈尖型的柳葉狀。份量也比想像中的多，吃落很飽肚～怪不得那麼多

同友人喺銅鑼灣行街後想食少少野又唔想食太飽，見到登龍街有麵館，見到麵館皇入面勁多人，當然都唔走寶，一入到店舖已經聞到好香嘅藥膳味。黎到當然要試下呢度出名嘅藥膳罐雞湯刀削麵啦，我地另外叫左一份口水雞牛腩藥膳刀削麵：果然名不虛傳，湯味好濃好香，刀削麵唔會硬度適中，唔會太硬或者太軟，當食一啖刀削麵配上一啖湯，好好味好特別，牛腩唔會軔夠林，值得一試！口水雞：份量好夠兩個人食，雞肉唔鞋好滑，再點埋啲汁真係一流，食到唔想停，好快就清晒成碟

傳統山西刀削麵給我的感覺一直都是帶點油膩、偏濃味的菜餚雖然本人很喜歡麵食，但若長時間都進食濃膩的食物，恐怕腸胃受不了了所以一般街頭麵食都比較少光顧。△這天在登龍街搵食，發現這間麵店原來因為食店林立的登龍街太多好食的東西，所以一直未有留意在門外的老闆娘很熱情，在我看餐牌的時候不斷推介我一試好吧，反正也一段時間沒吃過麵，就試試看。△店內不算太大，目測可坐15-20人。老闆娘見我對餐牌疑惑，就推介我一試他們的招牌藥膳罐雞湯手擀麵平常的刀削麵、手擀麵就試得多，藥膳罐雞湯倒是第一次聽，也好像和油膩濃味扯不上關係，值得一試。▲麻辣口水雞罐湯手擀麵★★★★據老闆娘所說，藥膳湯底是祖傳秘方，再配上杞子當歸、玉竹沙蔘等藥材烹煮超過10小時，用瓦煲奉上果然，侍應將瓦煲上檯時雞湯仍在滾燙，藥材的香氣源源的飄進鼻裡，令人垂涎。本人十分喜愛藥膳湯，所以第一時間就是喝湯，藥湯喝進口裡，並沒有一種濃烈得令人厭惡的藥材味反而是帶點淡淡的藥材清香和雞湯的味道，藥湯並沒有喝得出味精的味道，喝罷亦不覺口乾到麵食部分，很少吃到中式麵食是煙韌有勁的，而這個手擀麵吃著彈牙，十分有咬口且順滑。▲麻辣口水雞看得出店家的用心在於口水雞