鮨一 (厚福街)

營業中

休息中

日本和牛有多款，飛驒牛是其中之一，今晚來到鮨一，嚐了一份 A5 飛驒和牛，口感軟熟如棉花，超級美味！A5飛驒和牛 見外表已經知道有質素，看起來粉紅肉嫩，脂香四溢，而且外層更刻意沾上黑白胡椒、煎至金黃焦香，倍增對比，口感大滿足！ 有趣地，吃起來有少許筋，並非完全入口即溶的口感，但我反而覺得增咬口有點變化亦好，反正迅速仍會被化。 和牛粒味道豐富充足，但若然喜歡再多一重辛辣層次，英式芥末醬就在旁邊，蘸點來吃，添一份西餐鋸扒之感。 沙律菜新鮮脆嫩，沙律醬汁基本，豐富開胃。 這款和牛菜式，正是當晚廚師推介之一，$588/份，切成十多粒方粒，配芥末醬及沙律菜，心水推介！ 我們當然不會只吃一道菜，和牛之前，主打即日推介鮮貨，魚類及貝殼類，今晚只吃最好的。 赤睦刺身  原條赤睦刺身，份量十足，肉質柔軟，但魚味不算濃。 刺身拼盤 （針魚、粒貝 、活北寄貝） 原條針魚刺身  針魚幼長身型，嘴的下巴伸長尖如針，若然在海洋潛水之時見到，只怕多會避之側吉。 肉質鮮甜，回甘美味，吃日本料理之時就想接近牠，蘸些醋醬，提升鮮味。 原只粒貝 切得到幾大片，極之爽口。 原只活北寄貝 肉質異常軟熟，肉汁豐富，

作為大埔人一早已經久仰呢間餐廳嘅大名，區內都幾受歡迎，但因為同屋企有距離，自己就一直懶行過去。今日去開尖沙咀行街，知道佢係厚福街有分店，就一於同朋友去試吓。普通刺身食得多所以就叫侍應推介比我哋。結果我哋就揀咗活北寄貝、針魚同粒貝。上到枱果然眼前一亮，睇得見咁新鮮而且份量十足。活北寄貝同雪藏刺身根本係兩回事，鮮甜肉厚。而且重有帶子位，一隻貝有齊兩種口感。針魚刺身閃令令好靚，肉質細嫩，完全唔腥;配上特製酸甜醬汁，味道層次更加豐富。最值得推介嘅係粒貝，外型好似響螺咁，一隻已經切到好多片。口感超乎預期咁爽甜，比象拔蚌刺身更加彈牙，物有所值。食完刺身就叫返啲熱食，先要個辣酒煮蜆暖吓胃。份量又係比想像中大，蜆大隻厚肉，鮮甜冇沙。湯底酒味唔重，辣度適中。底層有好多蘿蔔，吸收左啲湯，清甜得來又惹味。之後就叫咗個牛舌唐揚試下，因為燒就食得多，炸牛舌好少見。上枱香噴噴，牛舌厚切，外面炸得夠香脆之餘，咬開入邊依然好juicy，牛味濃，超正！原來牛舌炸嘅比燒嘅更加好食。呢間日本餐廳水準甚高，難怪座無虛席，等一等都值得。

琴晚同朋友油尖旺半日遊見到一間叫做「鮨一」嘅日本餐廳 朋友話個名好好聽 不如上去試下啦 所以就一行人 上去品嚐尖沙咀嘅日本菜啦首先叫咗個頭盤叫做日本海葡萄蕃茄沙律 呢種海葡萄係一種海草 質感爽脆 又帶海水嘅味道 另外佢搭配番茄 鹹鹹酸酸 令人特別開胃 沙律醬喺呢個頭盤入面發揮住 一種好好嘅化學作用 好似將海葡萄同蕃茄嘅味道連結喺一齊咁樣另外叫咗個白子刺生 個樣好似豬腦 但係唔肥膩 而且好軟滑好creamy 薄仁鰹魚刺身 唔係用日本芥辣去食 而係用豉油去食 呢種搭配喺刺身嚟講比較少見 但可以令到魚肉嘅鮮味更上一層樓 不失為一種驚喜至於龍蝦刺身雖然帶有少少筋 但係口感亦都係爽脆 鮮甜可口 係好新鮮嘅龍蝦 池魚刺身雖然無龍蝦咁爽脆但係比較鮮甜而且魚味好濃 搭配日本芥辣可以辟除魚肉嘅腥味另外叫咗個清酒煮蜆 淡淡既清酒味完全融入喺蜆肉入面 蜆肉亦都唔會過熟 所以蜆肉亦爽脆得黎又唔硬炸蝦天婦羅值得一讚 因為佢嘅炸粉唔厚 蝦肉亦都係好新鮮 炸起上嚟鮮鮮蝦肉味出哂黎 蝦既大細都好啱一啖一隻甲羅燒既蟹膏好有好濃沃嘅蟹味 帶有點點鹹味 加埋蛋黃同一啲蔥花之後 令到成道菜多左層次但層次分明一夜干其實係燒魷魚

之前曾經喺雜誌或者網媒到見過呢個超巨型勁豐富嘅海膽塔 一直好想試 幾經辛苦終於book到枱今日嚟食啦 七點零鐘嚟到唔使等位就入咗去 都係book位嘅魔力 仲有得坐喺壽司吧檯前 睇住師傅整嘢食 心情好舒暢 日本海葡萄蕃茄沙律 海葡萄我之前喺沖繩已經食過 估唔到香港都有餐廳可以食到 海葡萄好多 基本上都遮住晒下面嘅沙律菜 上面嘅海葡萄係草綠色 感覺好新鮮 一串串好多果實 其實佢係海草 咬落爽口好脆 又有香嘅海水味 鮮味十足 蕃茄新鮮好清甜 加上下面嘅沙律菜配上芝麻醬做汁底一齊食好夾 口感特別 清酒煮蜆 d蜆粒粒都大大粒冇沙 而且飽滿有肉 加上日本清酒去煮 感覺好清 同時突顯到蜆肉嘅鮮甜 一夜干 其實佢係燒魷魚 燒魷魚經過炭火嘅洗禮 變得又香又鮮甜而且好有咬口 攞嚟送酒一流 再加上日式嘅七味粉一齊食 非常惹味 啱曬鍾意食香口嘢嘅我 甲羅燒 喺日本超鍾意食甲羅燒嘅我 喺香港一直搵唔到啱心水嘅甲羅燒 竟然畀我喺度重遇日本嘅味道 呢度嘅蟹膏份量超多 亦都有蟹肉係入面 可以增加口感 蟹膏濃郁香甜 齒頰留香 鮮味十足 佢特別之處係配上烘咗嘅多士一齊食 口感一流 十分推薦 炸蝦天婦羅 天婦羅蝦大大隻有大

天氣凍左之後都少了食日本菜，但是近日看見不少日本的特價機票，又心郁郁想去日本啦！出發前先，來熱一熱身，哈哈～朋友介紹我和朋友來這間日式餐廳食，行完街，上到餐廳時間剛剛好。餐廳的裝潢是日式風格，設有卡座，可以望着師傅做料理，每張枱都似乎坐滿人，幸好有訂定枱。首先叫了一個沙律g one salad，清清味蕾。有三文魚、八爪魚、帶子等刺身粒，以柚子汁拌沙律菜一起食，味道清新。秋刀魚刺身，這是我第二次食秋刀魚刺身，有驚喜的是現在並不是秋刀魚的季節，但眼前這碟秋刀魚的確是肥美得來很鮮甜，就算不用沾醬汁食也有鮮味。粒貝，估計不到這裏也有粒貝食，記得上一次食時是在日本當地，清甜得來又爽口，連嘴刁叼的朋友都讚好食。磯煮鮑魚，選用日本新鮮鮑魚以磯煮方式烹調，每一片都滲透着醬汁的鮮味，又保持其原汁原味。薄切池魚王，驟眼看好似一片片花瓣，晶瑩剔透，配上師傅特製的醬油，味美鮮甜。而最震撼的不得不數是這個千層海膽飯，以韓國紫海膽一層一層疊上去，與平時食的海膽味道很不相同，這款海膽的味道稍為甘甜味輕，而底下則有吞拿魚蓉和赤醋飯，口感更富層次。連嘴刁叼的朋友都豎起拇指大讚好食，難IG會被狂洗版啦，回味過程中我心思思

有個朋友成日都食日本料理，食日同佢食飯，真係帶左我去食日本料理餐。當然我去到都係等朋友發辨，我就坐係到等食啦。第一樣到就係鮨一沙律，呢個沙律好好食，佢沙律菜唔算太多，不過就有好大個蕃茄，而呢個蕃茄係超級甜，就連我個frd唔太鍾意食蕃茄都會食呢個。另外佢入面好多八爪魚粒，三文魚同埋魚籽，咬落去好爽脆彈牙，好有口感嘅一個沙律，好開胃。之後就上左個上錦繡刺身拼盤。我呢d少食當然淨係識三文魚，甜蝦，北極貝同埋帶子啦。咁跟得黎食都要學下野，問左師傅話今日仲有藍魚、劍魚腩同埋鏗魚。每日刺身拼盤嘅食材都會唔太一樣，都要按番當日咩魚新鮮，所以餐單上面都只係寫8款各兩件。當然用料新鮮，食落去都特別鮮甜啦。我最鍾意劍魚腩個口感，入口即溶好鬆化。而鏗魚魚外皮輕輕燒過，重魚味之外仲帶點炭火味，好好食。小食方面朋友叫左個一夜干，原來係烤魷魚筒，起初我都有少少驚，因為我cool牙d牙冇乜力，平時都好難咬魷魚、八爪魚呢啲，不過呢個一d 都冇問題，好軟好易咬，亦都燒得好香脆，好快就比我地ko 左。再黎就到穴子壽司，起初我以爲係鰻魚，點之原來係唔同，穴子原來係星鰻，比起平時食嘅鰻魚冇咁油同肥，不過口感更加好，肉質更細嫩

同朋友傾開食日本野，佢話最睇到網上介紹左日本餐廳，有海膽丼兼份量好多，想約埋我去試下順便計下計，咁餐廳又係尖沙咀都方便，擇日不如撞日，所以兩個順利地安排成今晚放工去，成條厚福街食市如臨，今次就上左間商廈18/F食喎~先黎個顏色豔麗，食材豐富嘅鮨一沙律，味道好新鮮滿滿蟹子食時係口內爆開好鮮呀！日本出嘅肉茄，深紅色實肉較普通蕃茄原全唔同，真係天然甜味好正，重點係還有好多角切魚生同八爪魚粒，好有層次食落味道分明當日時令針魚，細細超新鮮，雖然得幾片但實在好爽滑鮮配埋佢地自家嘅帶酸甜多蔥粒醬汁，特顯呢種魚添。 廚師推介閃亮新鮮 再黎都係我揀的粒螺同鮮北寄貝，我個人喜愛爽脆彈牙口感，講真粒螺都係首次order份量都多但價位較高。味道偏淡係爽脆點少許醬油同山葵就更出味。反而個北寄貝比我想像中好食，味濃較軟身但帶點咬口，非常喜愛！千層海膽丼，今次黎嘅目的賣相已經贏晒，份量足夠兩人份，色澤金黃味道甘香，食落鮮甜質地軟綿漿口，頂部還加上少去金薄提升貴氣，一d都無吝嗇性價錢比高！ 雖然鋪仔細細， 五臟俱全

之前老公帶過我到鮨一食午餐試過海膽同鰻魚飯都好好味，今日老公完成咗一份大project，當然要慰勞下佢食餐好嘅。我地未試過鮨一食晚餐，一於book黎試下😍我早放工六點半就已經到達鮨一，店鋪面積不大，想食最好book位或者早d到，遲左就要等位了。午市店面的大玻璃窗有日照，顯得明亮，而晚市就依靠室內柔和的燈光，更添溫暖。記得之前食晏老公目不轉睛咁望實巴枱壽司師父的出品，今次就選坐巴枱滿足佢嘅嗜好。今次我地試其他料理，職員好有耐性咁介紹咗好多時令刺身同特色食物。鮨一沙律想唔到沙律份量咁大碟，魚生種類有:劍魚腩~ 油甘魚 ~三文魚 ~八爪魚。特別調配嘅沙律汁酸甜中帶點鹹味，好醒胃。白子我首次試魚的睪丸，老公話白子係女士補品，叫我食多d。白子質感柔滑豐腴，緊緻爽滑，伴上日式汁吃，口感綿密嫩滑入口即溶，無腥味，一試難忘。真名鏗刺身師父細緻的功工把真名鏗薄切，晶瑩剔透的真名鰹薄切上配上金箔~花瓣~蔥花，未食已經大飽眼福。配上調制的醬汁，味道甘甜鮮美，肉質嫩滑細緻👍龍蝦刺身龍蝦肉晶瑩剔透，師父切成厚塊，龍蝦肉質結實彈牙，清甜爽脆，加了檸檬汁的龍蝦肉一點腥味也沒，沾上少許新鮮磨製的山葵和醬油，更添鮮美👏

有鮨字一定是Omakase? 非也，今晚就到訪了一間鮨店，卻又不是鮨店的餐廳 既有Omakase，又有A la carte的這間店，跟師傅相談時，師傅表示是香港人會吃的刺身很統一，一概都是三文魚海膽等，故此甚少人會點Omakase 不過在單點的食物中，也還是有些刺身的 海葡萄蕃茄沙律，海葡萄十分多，本身爽脆的海葡萄疑是過水太久，有點洗水味：而蕃茄日本進口的高甜度蕃茄，非常新鮮，味道極佳而爽口，正！ 和牛的質素十分高，想必是A5級別的吧？入口即溶的口感真不是蓋的，不過有點燒烤不足，熱力不夠的樣子，肉身入面比較冷。 薄切鏗魚有些食用金箔在上面，輔以日本醋跟細蒽，賣相出色，口感亦十分彈牙，配醋十分正確，卻是室温，有點小小的熟魚的味道漏了出來，也許是放置室溫太久？ 針魚的刺身件頭比較大，同樣有港式熟魚的味道漏出，中間有一塊略帶苦澀，如果用上蒽醬油沾會略略好一點。 日本厚岸蠔超肥厚，口感極佳，如果帶點蠔鮮味會更好 磯煮鮑魚的口感煙韌有勁，肝醬味道十分濃郁，帶出了豐富鮑魚香。但鮑魚本身略為乾硬，如果鮑魚本身用清酒煮效果會較佳。 什錦天婦羅脆而用料合理，建議可點蔬菜類 總結：晚上人流極多，師傅忙

位於尖沙咀的 鮨一，是一間價格不高，但可享受一下坐在廚師台吃飯的日本料理餐廳。今天相約吃貨好友去吃晩餐，點選不少東西，旁邊的客人不斷看過來呢。粒貝$388看到台前放上大量刺身，我們也選擇不少嚐嚐呢。粒貝的賣相不錯，貝殼漂亮，大得驚人，全部切片，口感爽脆，味道鮮甜，份量超多，吃很久才吃得完阿。活北寄貝$248活的北寄貝肉質較一般冷藏貨色的口感較佳，更鮮更彈，海水味道濃郁，更內藏帆立貝刺身在底，很有驚喜呢。池魚$180賣相甚有氣派的池魚，值得相機食先吧。池魚起肉，切成件狀，魚皮銀亮色，亮晶晶的非常吸引。魚肉鮮嫩彈滑，味道頗濃，味道不錯呢。甲羅燒$98蟹味甲羅燒一般是放有生雞蛋，不過鮨一的雞蛋好像有煎過，帶有烤煎蛋皮，蟹膏的味道帶苦，面包烤脆點會更好呢。日本芝士年糕$38小時侯很愛芝士年糕，外層有面粉香，微微烤焦後，年糕變得軟糯，可以拉拉絲阿。玉子壽司是晩最愛，必定是餐廳自製的玉子壽司。向來喜歡吃日本的玉子燒，鬆鬆軟軟的雞蛋，擁有著甜蜜香濃的雞蛋香，口感軟熟，味道一流。而鮨一的玉子壽司，是偏向扎實形，口感結實，同時濕潤多汁，味道甘甜，夾著小小米飯，一人一個不滿足呢。

鮨一尖沙咀店開業而來, 長期都人氣爆燈, 我地上年都因為千層海膽丼慕名而來, 一試上癮, 欲罷不能。😳 基本上同同事每次到尖沙咀開會, lunch都一定係去鮨一開餐, 而且除左一人一客lunch set外, 會再點一至兩客千層海膽丼share。😋今晚係老婆同我一個小紀念日, 好多刺身都唔食嘅老婆為左俾驚喜我, 居然係鮨一呢到訂左枱同我撐枱腳。😘 夜晚食鮨一我都係第一次, 之前兩次夜晚黎walk in都因為滿座冇食到, 今晚老婆訂左7點枱, 我地收工上到去未到7點, 所以難得見到唔係坐滿人, 不過7點半左右已經全店滿座, 餐廳唔算好大間, 裝修以木色為主, 簡約而富日式風格, 老婆訂枱時已訂左坐bar枱, 可以一邊食一邊欣賞師傅嘅手勢同埋新鮮嘅食材。👍由於今晚係老婆發辦, 所以我唔知道將會食咩, 令我對呢餐更加期待。白子刺身($148)我一坐埋位見到食物櫃入面有白子刺身我已經流哂口水, 一客嘅份量都唔少, 口感綿滑, 入口即溶, 老婆唔食, 我一個人食哂超滿足。😋鮨一沙律($128)第一樣上枱嘅係呢個超豐富嘅鮨一沙律, 刺身份量超多, 有劍魚腩, 油甘魚, 三文魚同八爪魚, 仲多過沙律菜

海膽千層杯：早就聽到有報導話鮨一個海膽千層杯好正喎！終於有時間抱住期待去試一試。海膽杯確實吸睛，而且由顏色光澤度形態睇得出唔係hea貨，食落少少漿口帶鮮甜味，果然名不虛傳。三文魚腩同劍魚腩刺身：厚薄度睇得出師傅刀功唔錯，食落有滿足滋味。荔枝煙肉串：清甜嘅荔枝配上燒香嘅煙肉出奇地夾，食完唔會覺得漏。清酒煮蜆：蜆肉肥美圓潤，墊底嘅白蘿蔔充分吸引晒清酒湯，食完飲返碗，好清甜。燒雞泡魚干：第一次唔乾身嘅，同以往食口感完全唔同，超級香口。南瓜天掃羅：炸漿不薄不厚，南瓜好甜。三文魚子杯：三文魚籽新鮮，無鯹味，但三文魚太多飯唔夠，食到最後會覺得喊。小店用料新鮮，品質上乘，位立尖沙咀厚福街旺區地段，價錢與食物質素來說值得光顧。設有房，可以靜靜享受食物，惟店面略細，希望開埋上層後會好一點，建議早點訂位。

有時候約下朋友食飯，不過係想聚一聚傾下計，所以今次揾左一間近期好出名的海膽飯的日本料理！入到去感覺都舒服，因為店舖不算大！所以記得要預早預約會好些！免得要等得太耐！我們就點左辣酒煮蜆，湯底比平日所吃的更有酒味，更能帶出蜆肉的鮮甜海膽飯，份量絕對足夠爆脂！海膽好多，一層疊一疊，好飽滿creamy,味道濃厚，好鮮味，完全沒有腥味鹽燒牛舌，燒得一D都唔乾，牛舌還有肉汁，加少許辣粉更惹味！京蔥雞肉串，呢個小食相對較為普通一點！但都ok既！軟殼蟹牛油果卷，餡料好多，牛油果同軟殼蟹超級無敵Match!壽司，魚生鮮甜肥美，啖啖肉！

在日本回來後， 一直對新鮮的刺身 淡淡不忘。聽聞這裡的海膽很出名，便慕名而來。不知道大家知不知道，吃刺身，有一個很重要的次序，就是先吃淺色的魚，再吃紅肉色的肉。因為淺白色的魚， 味道通常都是清淡， 而紅肉色魚味道通常都是較濃味。 若果先吃紅肉色的魚，之後再吃淡色的魚，就未能真正嚐到刺身的鮮味。白子刺身 $148白色滑嘟嘟的白子，大家知道是什麼來嗎？其實白子是魚的精巢，而每年冬天 (11月至3月) 是最肥美、最甜的。咬起來的口感爽滑，一咬開很 juicy，配上彈牙的海帶，增加了多層的口感。日本厚岸蠔 $176這裡的蠔十分厚身大隻，口感很滑，帶點海鮮甜。據知，蠔也是在冬季是當造期，味道在此時最為甜美。而配上檸檬汁吃， 除了可以癖腥，原來檸檬汁也能吸收生蠔本身的礦物質。讓身體能更容易吸收蠔的營養。特上十貫目 $328一共有10隻壽司，每一件的刺身也十分大件。這裡的壽司飯， 用了酒粕發酵的技巧，所以飯粒味道帶點酒味，很有特色。在這十件中，我最喜歡吃的是牡丹蝦。 蝦十分鮮甜， 肉質十分清爽彈牙。蝦肉很厚身，超有飽滿感。另外它的帶子新鮮，口感很易入口，咬落不會韌。當然，還有這裡海膽。海膽完全沒有腥