影片
開飯介紹
餐廳採用居酒屋的佈局，食客可觀看廚師烹調的過程。餐廳提供各式日本料理，主打丼飯、刺身，選用日本新鮮海鮮，刺身種類也較坊間少見的。其招牌菜「千層海膽飯」，飯上鋪滿如山傾的海膽，再鋪上一層吞拿魚蓉。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
公眾假期
12:00 - 15:00
18:00 - 23:00
公眾假期前夕
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
相關文章
閨蜜約食生日飯，揀咗去厚福街嘅日本餐廳。店內氣氛濃厚，坐喺吧枱前面，側邊係窗望落去心曠神怡，點菜重任就交俾閨蜜。日本蘋果沙律底層沙律菜，上面係爽脆蘋果絲、蟹柳絲、一坨蟹籽，撈勻嚟食清新開胃。炸澤蟹口感脆脆的，是上佳嘅下酒小食。活海膽係日本馬糞海膽，入口細膩軟滑，鮮味滿滿。十貫目2個人分著吃，食材新鮮配上赤醋飯，好味😋中拖羅油潤無筋帶子爽中帶糯🥰碟魚邊嫩滑荷魚口味清新什錦天婦羅有炸蝦3隻、南瓜、茄子、青椒和蕃薯新鮮熱辣，外脆內軟，點埋加咗白蘿蔔蓉嘅醬汁，更加好味。扇形炸物材料原來係素麵辣酒烹煮廣島蠔隻隻飽滿肥美，蠔肉鮮美，微微嘅辣更添風味。好滿足啊，謝謝啦。
繼續閱讀
放工約咗妹妹晚飯😋約大家都方便嘅尖沙咀，今次揀咗最多嘢食嘅地方厚福街，見到上次屋企附近試過唔錯嘅一間日本嘢，原來呢度都有分店，所以同妹妹試吓！🐟 真鯛 & 真鯛三味我同妹妹都未試過真鯛刺身，見Menu大力推薦，所以就叫咗薄切真鯛刺身同真鯛三味試一試，由於我哋係坐刺身Bar，望住師傅慢慢薄切啲刺身上碟，好考手工，擺碟又靚，好似睇表演咁樣，呢種魚冇咩魚腥味，我哋食嘅時候點埋佢自家製嘅酸醋一齊食，酸酸甜甜好開胃！薄切有佢嘅口感，而真鯛三味嘅厚切鯛魚又夠晒新鮮，好豐富！🥚 螢光魷魚茶碗蒸呢個茶碗蒸都好特別，喺出面都未試過用螢光魷魚Mix埋茶碗蒸，螢光魷魚🦑就成日都食，但配埋啱啱清熟咗嘅茶碗蒸，啲汁溶埋一齊，鮮味十足，我哋最愛茶碗蒸上面嘅大大粒魚子，一啖有魚子、螢光魷魚同剛蒸熟咗嘅蒸蛋，口感特別，啲魚子喺厚度爆曬出嚟，帶有少少鹹味，即時鮮味提升！🍅 海葡萄蕃茄沙律呢個蕃茄沙律仲特別，見到佢配咗大量嘅海葡萄，每一啖都好爽脆，啲海葡萄喺個口度卜卜咁爆開，口感新鮮，味道清爽，又係酸酸甜甜開胃之選！🍤 雜錦天婦羅因為都有啲飽，所以我哋兩個人叫咗個雜錦天婦羅，有三條蝦加4個菜款式，好想讚吓呢間居酒屋嘅天婦羅炸兜好出色，啲粉漿好薄，啱啱cover晒啲食材炸出嚟脆卜卜，食落去嘅天婦羅炸蝦仲有蝦味，不得了！小心呀最愛傳統嘅番薯天婦羅，呢間炸到鬆脆之餘仲保存甜薯嘅風味，好味😋🐮 味噌煮牛舌如果去食燒肉我就一定會叫牛舌，呢排天氣突然急降，見到Menu有咁多特別嘅菜式，我哋即刻叫咗呢個湯暖暖個個身，平時見牛舌都係一片兩片或者厚切，估唔到呢一個味噌煮牛舌有超過10嚿牛舌，呢個湯夠晒牛味之餘，都食到我哋好飽！
繼續閱讀
我為咗回報個同事嘅一啲恩情，想請佢食Omakase，佢話好，不過由佢揀，佢真係夠老友，又識食，揀咗呢間價錢相當合理，而性價比超高嘅餐廳。 🍖一坐低我就話叫佢嗌嘢食唔好同我慳，點知我已經俾遠處人地食緊嘅嘢吸引咗，睇吓嗰個千層海膽飯，睇住廚師一層一層放上去，好似唔識停咁，我就先叫咗呢個。其實真係唔知佢放咗幾多層上去，我哋嗰個嚟到嘅時候，我哋嘅comment就係，點解食極都食唔完嘅，但係又真係好好味，海膽又甜，個型又靚，新鮮冇腥味，而下面個醋飯亦都做得好好，同個海膽好夾，仲要上面加咗金箔，聲色藝俱全。 🍖唔好意思，跳咗由中間講起，其實我哋係有食到前菜嘅，包括超甜白色粟米，同埋軟殼蟹柑橘沙律，個粟米又係甜到爆，而且一路食一路噴汁，我哋一路尷尬一路食，埋頭苦幹好似自修室咁樣。個沙律又係好清新，雖然主角係軟殼蟹，但印象最深系個柑桔，非常清甜，配合埋個沙律醋同埋啲新鮮沙律菜，令人非常回味。 🍖又講返主菜，除咗海膽飯，我哋仲叫咗一個叫做蘭既什錦飯，裏面吞拿魚三文魚八爪魚，都切成碎粒，再加埋完整嘅左口魚同埋同埋海膽，而側邊鋪滿曬魚子，每一啖食嘅時候，新鮮材料仲多過啲飯，百感交集，超令人享受。 🍖仲有原條嘅秋刀魚刺身，秋刀魚一啲都唔腥，而且個樣砌到花瓣咁，肉質又爽甜。原條嘅又有牛脷，其實，佢切好多舊出嚟，分分鐘唔止一條，配合埋超林滑嘅蘿蔔同面豉湯，口感一流。當然仲有天婦羅拼盤，薄薄嘅粉漿之下，蝦肉充滿彈性，蔬菜仍然保持juicy，而且最緊要係個presentation，炸過嘅麪條，做到孔雀開屏嘅效果，超吸引眼球。 同事幫我慳錢，但係又唔使慳個胃，人生遇到一個咁嘅好同事，夫復何求！
繼續閱讀
今晚去左一間樓上鋪，食高級日本料理。一坐低我哋見到吧枱上面有一個小魚缸，入面有一群好生猛嘅橙色迷你蟹仔，慢慢廚師呢啲係咩嘢嚟？ 原來佢哋會用呢啲蟹仔，去製作一款特色小食，蟹仔細細粒，炸到好香脆，好香口、唔油膩，就連蟹鉗、蟹爪、蟹腳全部都食得落肚，口感好特別。食日本料理必定要來一碟「刺身拼盤」，刺身好夠冰凍，三文魚厚切，好新鮮，而且賣相非常精美。接着係「安格斯牛肉鍋」，安格斯牛肉切得好薄、好靚，好香，充滿牛肉嘅鮮味，牛肉肥瘦同脂肪比例做到啱啱好，唔會太油膩，入口感覺到好香滑，無筋，有入口即溶嘅感覺，好似食緊高級和牛一樣。除此之外，當入面有好多唔同款式嘅蔬菜、冬菇、金菇等等，吸收晒日式湯底壽喜燒汁嘅味道，好鮮味，就連湯都可以飲埋。大大煲，好抵食，兩個人啱啱好，非常推介。
繼續閱讀
尖沙咀厚福街出咗名多野食😬而且好多選擇😬我哋就選擇左呢間鮨一日式料理😬見到好吸引咁🫨就決定去試吓😑上錦繡刺身🍣總共有8款～每款有2片😶啲刺身切得好厚😬入口即化,口感細緻絲滑🤤鮨一沙律清爽脆嫩的口感,以及有番茄🍅輕盈健康🤗再配上沙律醬味道更佳🫢鮨一手卷使用新鮮優質的海鮮同海膽🤤清新爽口😬味蕾層次豐富😬鮮帶子海膽手卷彈牙鮮嫩的帶子肉質帶來飽滿的口感😬鮮美醇厚🫢雜錦天婦羅（三蝦四菜）天婦羅麵衣帶有淡淡的鹹香,經過油炸後呈現出獨特的香氣😬蝦肉鮮甜多汁,突出天然的海鮮風味🤗辣酒煮廣島蠔蠔肉肥厚飽滿,呈現出軟嫩多汁的口感🫢辣酒的麻辣刺激感😬與蠔肉鮮甜的味道形成強烈對比🫡餐廳好有日本簡約風情feel 🤗座位唔算多🫢可包房🤗
繼續閱讀