鮨一 (厚福街)

營業中

休息中

返工咁辛苦，間中都要食餐好嘅！今次揀左呢間樓上嘅日本嘢，都幾多枱客，不過大家都好斯文，所以環境都靜靜地，岩傾下計！前菜叫咗海葡萄沙律，海葡萄口感不錯，幾開胃。雜錦天婦羅，炸漿好薄身，最好食當然係天婦羅蝦啦白子刺身，外貌唔係幾討好，但係見呢度都幾出名，嚟到一於試吓。偷咗醋，小小酸酸地，其實幾開胃。針魚刺身，我都係第一次食，魚味幾重，切得細細條，可以當小食食。池魚刺身，幾厚切，魚味幾濃。海膽丼😍見到已經心心眼😍仲有吞拿魚蓉，好鮮甜呀！特盛鰻魚，超大條！燒得香口！清酒煮蜆，酒味唔太重，蜆大大隻。甲羅燒，點多士食好正！鮮味又唔會過鹹。

TGIF,   本來happy friday去食日本野, 食海膽飯, 係好令人振奮既一件事, 點知......藍馬上到18樓, 見到啲枱full哂, 心諗不如轉場啦, 而店員就帶左我地上去20樓, 又有非吧枱,就坐低啦個uni........實物原小,  估唔到咁迷你咁趣緻,198, 小碗,海膽味略苦魚生沙律呢,就好好食喇! 成餐飯最好食係佢menu上既寿司都係一件一件咁叫,  非常貴, 但係都叫左四件 火炙魚寿司左口魚有啲太"un"個飯一夾起就散, 雖然話幾特別用汁淆過,  但係我都係中意醋香味多啲, 夾起唔散既寿司SO FAR 其實咁多樣野都只會覺得唔太抵,  直至我見到個清酒煮蜆,   嬲左!!!咁大個碗, 個底有4-5 舊好大chunk既白蘿蔔,  真正可以食既蜆, 份量比載蜆縠的碗還要小!!要裝假狗都裝得低調啲呀麻??咁樣平均$5一粒蜆都唔止, 做生意賺錢我明, 但係做到咁,  食嗰個有咩意思?再講, 啲蜆有沙,  個湯似水....後話,  漏單記-漏單唔緊要,  漏完單 都唔prioritize 你既單先得意本身我同朋友係(非吧枱的)第一枱, 一開始未有其它人點左一次菜, 

又係鮨一啦 已經食過幾次 因為呢度質素高 地點又方便 價錢合理之余 服務態度又ok 今次係lunch時間去人數唔太多 坐得相對舒服 而且傾計有空間 同樣地坐巴枱睇住師傅整嘢 真係賞心樂事 首先叫咗個鮨一沙律 真係超級好食超級好食超級好食 重要事要講三次 哈哈 沙律菜係用咗沙律醋去做 清新而唔油膩 上面有海量嘅雜錦魚生 夠曬新鮮有咬口 加上我最愛嘅高糖度蕃茄 真係超甜 撈埋一齊食 勁正 特上錦繡刺身 有八款唔同嘅刺身 店員話中拖羅同海膽係一定有嘅 其他就要睇下邊樣時令 今次就有油甘魚 立魚 鷹魚雕等等 全部好新鮮厚肉 我哋仲加多咗樣針魚刺身 新鮮嘅針魚配上酸汁食 真係勁鮮味 而且肉質有咬口 個人好喜歡 仲有個好特別嘅華味島煙燻雞刺身 聽到雞刺身就有啲驚驚 但係呢個雞刺身完全冇血腥味 佢係類似煙燻火腿嘅感覺 口感好有趣 而且食完之後嗰陣煙燻味喺口腔停留好耐 超得意 熟食就叫咗牛舌唐揚 牛舌切厚片 然後再拎去炸 上面加上甜甜地嘅醬油 有咬口之餘口感有層次 日式味噌煮牛舌 同樣係牛舌 但係另外一種截然不同嘅做法 牛舌角切 然後拎去煮 唔怕過林 而且牛舌嘅味道仲好濃郁 用嚟送飯一流 仲有大根 吸

試得過，味道正宗，選擇多，價錢合理，服務好！三文魚、油甘魚及拖羅係必選之作。其他如池魚、牡丹蝦、海膽亦都要讚好。海膽入口即溶、牡丹蝦彈牙。極品盛宴，會再同友儕再度光臨。

油尖旺一向都係小弟最喜歡行嘅區域 今日就同同事喺尖沙咀行 見到日本餐廳林立 同事就話不如食日本菜啦 但係我見到樓下舖都好多人 所以我提議上樓上鋪啦應該少啲人 傾計都方便啲好 事不宜遲 開餐時間 首先有一個價值468特上錦繡刺身 錦繡刺身係呢間餐廳非常之有特色嘅刺身拼盤 總共有八款 分別有 帶子 油甘魚 立魚 鷹目鯛 劍魚腩 大甜蝦 仲有非常新鮮美味嘅中拖羅同馬糞海膽師父亦都畀咗價值238蚊嘅針魚刺身我哋食啦 呢條針魚真係不得之了 因為肉質鮮美唔在講 非常之軟滑 華味鳥 其實意思即係雞咁解 佢係嚟自日本嘅一種雞 肉質比較鮮嫩唔似中國嘅雞咁樣有筋同埋肉質偏硬 雞肉刺身都係第一次食 佢唔似牛肉刺身咁腥 而係好似魚生咁樣 但係始終佢係雞唔係魚 所以佢嘅味道都幾新奇特別螢光魷魚 58蚊4隻 而家係日本嘅螢光魷魚當造季節 所以好多日本餐廳都有得食 呢間嘅螢光魷魚味道鮮甜 而且師傅用咗少少酸汁去整 所以魷魚一啲都唔油膩 亦都非常之爽口彈牙再黎呢個鮨一沙律 蕃茄用上高糖蕃茄 甜度高而且爽口 鐘意食水果既朋友一定要試啦沙律仲有好多魚生 乜魚都有 其中以三文魚同沙律最夾試埋呢個天婦羅大蝦 蝦嘅味道本身

前陣子曾拜訪過鮨一，當時評價已十分高。 這夜再受到朋友邀請，一起到來享受這夜。鮨一沙律份量很足量，有蕃茄甜甜的配以醋，很酸甜開胃，還鮮甜的八爪魚很有咬口真鯛魚簿切師傅很仔細的每片放上金箔, 而再配上酸汁雖是簿切但口感甚為彈牙，配上葱花入口很濃郁，味道亦帶有層次感白子刺身乳白色的外表，之前吃過的烹調方便是炸，這次就不是了。口感很嫩滑，白子溶入於口腔，口感很獨特，值得一試小長井 牡蠣海水味重，帶有d鐵鏽味，喜歡的朋友不會錯過北寄貝 見師傅有拍打北寄貝，原來是防止收縮，免得肉質偏un, 這北寄貝十分鮮甜粒貝而粒貝就是爽口的，很脆口會食到洛洛聲牡丹蝦刺身很大很鮮甜立魚壽司很新鮮，令人很滿意吞拿魚冇筋。很鮮甜中拖羅當然是比頭先件吞拿魚肥美，油脂在口腔內游走池魚最濃味的刺身，留到最後才食日本馬糞海膽手卷實在委震撼，師傅即整就立即交到我手，我毫不考盧就放入口中，那濃濃的口膽充斥於口腔內，十分幸福蝦頭煮湯一點也不會浪費，很濃郁蝦的鮮味，用暖湯作為今晚的完結要值得一讚的是師傅很用心為我們安排豐富的晚餐，而用心做事的男人也特別吸引的。

今日出開尖沙咀做野.... 就食埋晏先返公司啦.... 同事話想食平民價既日本野.....諗起之前係度食過lunch好似都唔錯既... 就帶佢過來試下啦....Lunch menu... 魚生飯同熟食都唔少選擇... 印象中各自都起碼有7/8款....鍾意食刺身既我... 唔駛諗叫左個魚生飯.... 最平民既角切魚生飯😂... 佢好似叫花雜錦魚生飯？！😛something like that la....Lunch Set有前菜，沙律，茶碗蒸 同湯 都幾豐富.. 幾好味...而且賣相不俗....魚生飯內容都唔錯... 除左一般既三文魚，青瓜，蟹籽，佢仲有幾款白身魚同帆立貝佢仲係用鮮磨山葵...👍🏻👍🏻呢個真係要讚... 因為麻煩既我好著緊呢樣野.... 鮮磨山葵對刺身係絕對會加分... 畢竟太攻鼻既wasabi始終會搶哂魚既鮮味！而且佢啲壽司飯係有顏色架... 佢仲有解釋點解呢..呢樣我就唔多講啦😂😂

位子舒服好坐，服務也很令人滿意。招牌的海膽吞拿魚飯非常新鮮而且份量充足，超甜蕃茄沙律令人十分驚喜，一吃便停不下來。要不是一個人食量有限，真想再試其他燒物和壽司。

真開心，又有朋友陪我放工來食鮨一！眼仁奈刺身幾鮮甜 ， 魚味十足第一次食到有原條針魚上碟的刺身幾firm的肉質，而且魚肉較為鮮甜。北海道真蠔幾夠蠔味 ，又juicy ，果汁酸酸地幾開胃 ，上面的蓮芋粒爽爽的，加了一種爽口的口感，同蠔身的質地反襯。中拖羅幾肥美，有紫蘇的襯托，味道更為突出！炸針魚魚骨係頭先食過嗰條針魚嘅魚骨，真係好，不用浪費食材，又可以多一味小吃，酥脆嘅魚骨。燒八角魚 哇，上面那層海膽醬真係正到！燒得香香的面層，下面還是滑溜溜的。赤身壽司係一種幾特別的食法，上面有各種細碎的配料加牛油果醬，味道層次豐富。帶子好新鮮，食落少少爽口。白子海膽杯令人瘋狂嘅海膽杯！上邊又大又厚嘅海膽，令人難以抗拒，而且有用美輪美奐嘅金箔襯托着，更顯華貴，食落極之鮮甜，係好新鮮嘅海膽，下邊仲有啲吞拿魚茸。池魚係我最喜歡嘅壽司之一！池魚嘅鮮美，真係無可取代。魚湯最後來碗濃郁的魚湯暖暖肚

喺尖沙咀想食高質素嘅日本嘢，唔少朋友都推介鮨一，今次終於抽到時間去試，果然係名不虛傳，尤其是呢度最出名嘅馬糞海膽、甲羅燒，一定必食！仲有矜貴嘅池魚王刺身，極鮮極甜，雖然比一般池魚貴但都值得食。開場嘅白子刺身係時令嘢，唔係成日有得食，所以趁機會梗要試吓，食落鮮甜唔腥，配合微酸嘅汁，清新開胃，好適合作為前菜。另外我哋亦點咗蕃茄海葡萄沙律，用嘅係日本蕃茄，又甜又多汁，海葡萄非常新鮮爽脆，好食又健康。呢度嘅日本厚岸蠔亦好大隻、好鮮甜，滴少少檸檬汁更加提升鮮味，所以其實最緊要係食材新鮮，簡簡單單已經係最好食。刺身必食池魚王，矜貴之處係高級日本食肆及五星級酒店先食到，呢度師傅刀功極強，薄切到睇到碟上花紋，食落極清甜爽滑，脂肪比例亦適中，一食就知係新鮮日本直送運到，池魚王雖然係貴過一般池魚，但鮮甜程度係超越好多倍，所以絕對值得食。嚟到鮨一，其中一樣最出名嘅係日本馬糞海膽，今次呢個手卷，海膽鋪到滿晒，真係從未見過咁足料嘅海膽手卷，味道非常鮮甜，配埋爽脆紫菜，令整體濃而不膩，恰到好處。另一重點係甲羅燒，蟹羔撈蛋黃令蟹羔香味更出，啲咁濃郁嘅蟹羔，配上多士真係一流，如果食得落，我覺得用嚟撈白飯都會好正。 清

數數手指，已經係第三次來到鮨一。呢間小店能夠令我一訪再訪，絕對有其原因。今次去到，見到佢哋換上全新的碗碟，又令我多一分期待。我們又有幸能夠坐在吧枱前欣賞師傅用心製作。打頭陣的是鮨一沙律，爽脆沙律菜、鮮味魚生粒、脆脆蟹籽，本來已經係一個好完美的配搭，但呢個沙律的主角絕對係番茄，又脆又甜。朋友仔發板點左幾款刺身，都係貝類同蝦類為主，我就最鍾意帆立貝，軟滑又鮮甜。燒鰻魚係今次到訪最大的驚喜，鰻魚肉質軟滑而外皮燒得香脆，醬汁甜甜地又唔膩，比起某些長龍店的鰻魚實在有過之而無不及。天婦羅亦有水準。至於燒黑豚肉，我就最欣賞個芥末只蜜糖醬，有少少fusion的感覺，味道都幾夾。呢個年代，食日本菜又點少得海鮮濱燒？甲羅燒永遠是我們的最愛，蟹肉蟹膏加上蔥花和鮮蛋，濃郁的口感同味道實在非筆墨所能形容。鍾意呢間小店，除咗因為新鮮的海鮮外，亦好欣賞佢哋生熟食物都處理得好好。作為一間鮨店，要煮物都做得精彩，實在唔容易。辣汁煮廣島蠔帶點微辣，都幾刺激。大根煮牛舌係比較特別的一道菜色，牛舌角切，口感比起平時成日食到的燒牛舌更加豐富；蘿蔔吸收晒湯汁同牛舌的精華，又甜又鮮美。高質的食店總能夠令人一再回味，只要一段時間冇來

本來約好朋友👭,在尖沙咀食飯,有很多商業大廈,其中有一間高級日本料理,聽聞很出名架...就一於去嘗試吓啦😆有幸黎到高級日本料理餐廳，餐廳係以和式格局為主，店子雖小，但感覺好舒服 👍初次黎到叫左個鰹魚沙律醒下個胃，酸酸甜甜幾野味 但今次分享番餐廳最吸睛既和式料理～刺生方面推介番熒光魷魚、針魚、日本厚岸蠔、赤蝦，食落去係濃濃既海水鮮味，絕對係日本直送的！感覺餐廳係買食材落左好多心機👍 唔洗去日本都食到 廚師仲拎番赤蝦蝦頭做番個濃湯俾我真係好正啊! 熱食就叫左6款雞串燒 款款都無得頂 最後叫左個特上雜錦刺身，當中包括有活北寄貝、黑龍魚、海膽、鯛魚、赤身、劍魚等 為今餐恬上完美句號 值得推介俾大家!😝

▶️我自己本身最愛食😍..日本料理餐廳..🍣去了尖沙咀覓食😂見到一間隱蔽式料理餐廳😌....上網搜尋到原來厚福街人氣店鮨一😍▶️樓上舖帶有環境也有清靜又乾淨...😃一入到我就坐bar...睇住師傅親手製作料理🤣..👍🏻啊！▶️個餐牌我最鍾意嘅藍色...l love it’s 😍▶️先來個開胃菜..鰹魚沙律🥗..生鮮蔬菜配合醬汁..非常絕配👍🏻▶️上面新鮮螢光魷魚..晶瑩禿頭🦑..味道十分鮮甜..非常正👍🏻▶️下面是日本厚岸蠔..睇住師傅開蠔..甜美多汁呀..非常正👍🏻▶日本️針魚😛..鮮甜爽口..更帶出新鮮味道..👍🏻▶️上面是️日本厚岸蠔..看住師傳整..視覺食落去一流啊😆▶️下面都是推薦️這個新推出咖..華味鳥煙薰雞刺身..生鮮煙薰雞片配搭小小裝飾..😛Good👍🏻▶️本店員工..推薦️這個新推出咖..珍寶赤蝦..😍生鮮到震呀..必點啊👍🏻▶️辣酒煮蜆..未飲前散發一陣少點辣味加上蘿蔔蜆😋..重點面上很多芫荽牙👍🏻▶️華味鳥雞翼串..炸到黃金和香脆..👍🏻▶️華味鳥雞尾尖..雞尾尖好味美阿..炸剛剛..👍🏻 ▶️2蝦頭煮湯..也是新出咖..大蝦頭加海苔 非常好飲啊👍🏻▶️華味鳥雞皮串 華味鳥雞肝串..都非常好食牙👍🏻

之前在鮨一食過lunch已覺得好好。相隔半年再和友人來食晚餐，又另一番風味。不過依然咁多人和高質數的食物。我們先來個雜錦沙律刺身$128 有沙律菜,刺身三文魚,蕃茄等等。食材多, 醬汁亦調攪得好好, 而且很大碟。雖然我們兩個人食,但這個沙律似是For四個人吃都可以,份量十足。 特上錦繡刺身$468有8款,主打海膽,拖羅,其餘6款都是廚師發辦,有劍魚腩,帶子,池魚,牡丹蝦等等。每款都非常新鮮。我愛海膽和拖羅。海膽入口即溶。拖羅則很肥美，油脂充滿口腔,這個真是必推。 華味鳥煙燻雞刺身$88聽個名原本有點怕及爭扎。但店員推介就點了。雞是九州來的,放心吃。店員說不點任何醬就原原本本地這樣食。我們没有點醬,有點似魚刺身, 爽口,口感亦好好。 真明鰹刺身$220 真明鰹刺身切得非常薄,本身的味道是淡,不過肉質爽口,配上真明鰹上的醬汁,把魚的味道慢慢帶出來。真明鰹面上鋪上香蔥, 金箔,顯得很貴氣的一道菜。 食完刺身，就食一D熱的食物。我們點了串燒。有華味鳥雞腎串＄32，雞頸串＄32，雞皮串＄28，雞肝串＄28，雞翼串$28和雞尾尖＄28。每種串燒亦很惹味。估不到雞尾尖，即是雞pat pat,原本聽到

G One Salad 以wasabi醬調味，芥茉味不明顯，反而帶有開胃酸度。雜錦魚生都是厚切，食落很有滿足感。日本蕃茄甜度較高，而且多汁。真明鰹薄切切得透薄的鰹魚如花瓣型排列，還灑上金箔，賣相誘人。鰹魚片脂肪含量適中，質感柔軟。店員說此菜用上和風沙律醬和海膽醬，調味極佳。朋友點了這款華味鳥煙薫雞刺身，我是第一次吃雞刺身。此雞來自九州，肉的嫩滑度跟魚生差不多。煙薫味頗重，除卻了生肉的腥臊味，很適合佐酒。特上錦繡刺身的配搭是廚師發辦，是晚有牡丹蝦、劍魚腩、池魚王、珍寶帆立貝、系撚鯛、拖羅、海膽等。牡丹蝦晶瑩飽滿，連蝦腸也清理得很乾淨珍寶㠶立貝豐厚鮮味加$15將牡丹蝦頭熬湯，廚師加入昆布、味噌，湯甜濃郁。佐酒小食燒雞串（左起）：雞頸、雞皮、雞尾尖、雞翼、雞腎、雞肝雞頸香脆，此部位似燒雞軟骨；雞肝用醬醃過，表面微焦，內裏粉糯。