鮨一 (厚福街)

營業中

休息中

早幾日見到網上有人介紹，自己又有一排冇食日本菜，就同朋友一齊去食。夜晚六點幾去到，已經好多人等緊。咁啱七點半前有位就坐低左叫野食。店員好有禮貌，店舖環境唔錯。座位之間有合適空間，有bar枱可以睇住師傅整刺身。朋友叫左蕎麥麵、牛舌、鐵火卷；我食左吉列豬扒烏冬、南瓜蕃薯天婦羅。豬扒好好食！炸粉唔會好厚，豬扒肉質結實。烏冬非常彈牙，湯底好有昆布味天婦羅好脆身，外層薄薄一層粉漿。師傅喺上面灑左少少鹽，除左蕃薯同南瓜既甜味之外有少少鹹味，令食材本身既味道更為突出。食物份量適中，價錢合理，環境唔錯，店員好有禮貌。晚餐時段比較多人，建議大家預約左先去。

一進門口旁邊已經是廁所，有陣陣尿臭味，等入座其間實在有點兒不舒適。食物質素很一般，跟「爭鮮」差不多，也沒有什麼驚喜食物，但價錢也貴很多。尤其是生蠔及海膽，有點腥臭味，不新鮮。服務態度也很一般，沒有主動替客人加水，店員不太有禮貌，黑口黑面的樣子，問問題時也表現得不耐煩。不會再來，失望。

都有一排沒有吃日本料理了，鮨一之前吃過，覺得不錯，今日就相約好友來，順道傾下生意。有個大大黑板，廚師推介刺身都在這裡，我們當然要試一試啦。先來個沙律，醬汁似泰式辣醬，帶酸微辣。鰹魚肉厚切，啖啖魚肉，原個番茄，加新鮮爽脆蔬菜，挺醒胃一上枱，不禁嘩了一聲。好。大。隻。長度有手掌般長，仲以為會很老，原來係好好味。一啖係食唔晒的，最好分兩口吃，蠔肉非常飽滿，入口creamy 又爽脆，一啲都唔腥，加上土佐醋啫喱，和蠔肉好夾，亦帶岀鮮甜味。鐘意食蠔嘅，必食！！賣相很靚，有金箔昆布點綴。超薄切，魚肉晶瑩剔透，鮮甜味美。配上特製醬汁，酸甜醒胃。炸牛舌未吃過，通常都是吃燒的。牛舌厚切，口感很正。薄薄的炸粉，炸至金黃香脆，上碟前已經加了調味，味道甜甜的。鰻魚火喉剛好，魚肉十分肥美嫩滑，魚皮油香四溢，好甘香。串燒火喉亦剛好，款款都咁好味。特別喜歡雞皮，食落很甘香。石垣貝刺身，爽口鮮甜，肉質滑溜不會韌，亦沒有螺肉刺身般硬身。點了三款壽司, 鮮味十足。白蝦壽司，蝦肉切絲，肉質透白，味道鮮甜。食物高質，熱食刺身同樣岀色，服務員不時主動加茶，但人多了一點，有啲嘈

今天很開心來到鮨一吃晚飯，餐廳地方雖小但五臟俱全，餐廳環境清靜，播著柔和音樂，坐bar枱望住師傅發辦真係特別有feel！亦都好適合同朋友一邊品嘗美食，一邊詳談。食物當然係重點，首先上既菜係鮪一沙律，沙律菜好新鮮，有幾款角切魚生，配埋特色沙律汁，味道好好，亦好開胃！當中配既日本蕃茄超好味，絕對值得一試！之後食左薄切真明鰹刺身，刺身很薄，配上紫菜品嚐，鰹魚味道非常突岀，很新鮮。還有一個痛風丼，感覺跟日本吃的有過之而無不及，海膽新鮮，鮮甜可口，三文魚子不腥，吞拿魚蓉幼滑，整體來說十分滿意，值得推介！另一丼飯是A5和牛刺身丼，這是第一次吃和牛刺身，丼飯的賣相已經十分吸精，牛肉油花分布均勻，口感軟身，配上袖子醋可以減輕油膩感，喜歡吃和牛刺身的一定不能錯過。再來的是幾種刺身，個人是十分滿意的。我們分別吃了石垣貝、花竹蝦和日本真蚝。石垣貝非常有驚喜，十分新鮮，上碟的時候還在跳動，味道當然十分鮮甜而且好厚肉，好正！花竹蝦味道都好，但鮮味不及石垣貝。至於重點的蚝，size十分巨型，有整隻手掌咁大，帶有海水味，沒有配檸檬汁都不會感到腥，口感很好，啖啖肉，值得一試！整體而言，鮨一水準真的不錯，不論是環境還是

鮨一日本料理 #尖沙咀呢間位於厚福街嘅日本餐廳依家有三款丼飯都做緊半價優惠！！！成間餐廳有成三層咁高但係我嗰日六點幾去到都要等一陣位，證明佢人氣好高！三款丼飯分別有三文魚子丼，和牛丼，同埋痛風丼(海膽、三文魚子、吞拿魚茸)，今次就介紹和牛先。日本A5和牛刺身丼 $198見到佢餐牌上面寫住一碟鹿兒島和牛都要三百幾蚊，但係而家百幾蚊就已經食到成碗和牛刺身！雖然講真佢啲和牛絕對唔稱得上入口即溶，真心都要咬幾多下先可以吞得落，但係絕對唔會覺得佢韌，而且佢嘅油脂分布平均，所以即使有偶左好多啖，但係油香味唔錯。而且仲配有生蛋黃同埋一個酸酸地蒜味嘅醬，將啲牛點一點佢哋先食更加惹味！最特別嘅係呢間餐廳嘅壽司飯係用一種特別嘅醋，叫做赤醋，所以啲飯全部都係啡色，我覺得好好味！平時啲壽司飯就咁食會覺得好酸，但係呢個係絕對冇問題！反而重大有少少鹹鹹地，好正！不過呢三款半價丼都係喺Facebook度先見到，Menu係仲未有，不過你到時問職員就會有得order！味道:4/5性價比: 4/5

之前睇「周遊關西」見到周奕瑋介紹痛風丼，已經好想試！估唔到香港都有！仲有半價優惠！（優惠至9月中）一碗有齊海膽（目測應該有至少半板）呑拿魚蓉、爆多的三文魚籽，附有少量蛋絲和酸薑在底。海膽鮮甜，三文魚籽亦新鮮有海水味，望住師博一匙一匙的放入碗望到已經大滿足，不過這份量剛好，另外有一款半價丼飯是整份250g的三文魚籽，應該會太滯。呑拿魚蓉則不過不失，不太肥，應是介乎普通拖羅和中拖羅蓉之間。另點了鯛魚湯，忘了拍照。但魚湯煲至乳白色，鮮得來沒魚腥味，暖胃最佳

又同朋友食日本野喇，知道做緊推廣，半價食到丼飯，即刻約左朋友去食σ`∀´)σ #痛風丼 有海膽、三文魚子、拖羅蓉、同雞蛋，鮮味十足，三文魚子岩晒撈飯食(〃∀〃)海膽就中規中矩～～～#A5和牛刺身丼，有超多既A5和牛(｡◕∀◕｡)，除咗食過韓式嘅拌生牛肉之外，今次算係第二次食和牛刺身～～～和牛油脂比倒好完美，雪花紋好靚，可以先唔點醬汁食，之後再加上蛋汁或酸汁，入口即溶，不過就冇平時燒和牛咁香，都係過下口癮ヽ(✿ﾟ▽ﾟ)ノ #日本活海膽，我覺得超好食，海膽原汁原味(σ′▽‵)′▽‵)σ，活海膽色澤金黃，味道很濃郁，入口即溶很creamy，幼嫩鮮甜！！！#石垣貝 爽脆鮮甜(￫ܫ￩)#宮崎縣甜粟米，呢款嘅粟米外表白雪雪，甜度很高，食落去亦都好爽脆清新✧◝(⁰▿⁰)◜✧今餐我同朋友都覺得物超所值，諗住下次會再黎！(・ε・)

今日和男朋友看電影後便到尖沙咀食街看看有什麼好吃的，看到有一間可以食刺身和串燒的餐廳，因為我和男朋友都是刺身控，所以想也不想就入座。安坐後，我和男朋友第一時間選了幾款刺身(銀雪魚、日本真蠔、石垣貝等等)。銀雪魚厚切的銀雪魚刺身口感十足，肉質爽而不膩，非常新鮮，再配上薑蔥、芥辣及少許豉油，令魚味更突出。日本真蠔生蠔給我和男朋友一個驚喜，生蠔比手掌還要長，超大隻。生蠔肥美多汁而且十分鮮甜，另外餐廳用獨特的酸汁啫喱配上生蠔，令人胃口大增。石垣貝石垣貝的肉質爽甜還略帶少許海水的咸味，感覺十分新鮮。燒銀雪魚魚腩串因為男朋友對銀雪魚刺身十分滿意，所以他要求追加燒銀雪魚魚腩串，我當然舉腳贊成喇，而燒銀雪魚魚腩串亦沒有令我們失望。魚皮燒得香脆非常，而腩肉位置散滲出濃濃的魚油香味，吃起來超級滿足。鰻魚炒飯最後當然要點一個炒飯令整個晚餐更加完美。鰻魚炒飯材料充足，滿滿都是鰻魚肉，而鰻魚香加上炒飯的蛋香，簡直是絕配。

已經有長時間沒有男朋友出街吃好東西，難得今天有空我們一起去了一間日本料理食晚餐。我們一向喜歡吃粟米，特別是日本出產的，所以我們叫了一碟宮崎縣超甜粟米。果然超好吃！它的甜味跟一向的黃色粟米不同，它的甜味很像水果一樣，很有水份和爽口我哋再叫了兩隻日本真蠔，它的味道跟外國的蠔不一樣，蠔肉的味道更加重。整個晚餐的重點來了我們叫了一碗日本A5和牛刺身丼從相片可見到和牛脂肪比例很均勻，入口即溶，而且沒有腥味，可放心慢用。男朋友就叫了三文魚子丼，他非常喜歡吃三文魚子的。看見這個碗裝滿了三文魚子，他十分興奮，吃完很滿足。最後我們叫了一碗日式味噌煮牛舌來暖胃。牛舌煮得非常爽口，味增湯的濃度亦恰到好處

今日在去尖沙咀食日本嘢，其實呢間都算好抵食，性價比極高， 唔算太貴嘅菜式已經可以食到 一等一樣食物質素 ，真係物超所值 。我哋首先叫咗個宮崎縣甜粟米， 粟米同平時我哋食開嗰啲非常之唔同，特別清新， 好似食緊生果咁一樣鮮甜， 簡直係非常開胃 。之後我哋仲叫咗個名鏗刺身，佢砌得好薄，上面仲加咗啲金箔同埋海膽喺度調味。另外加埋啲特製嘅醬汁真係唔錯㗎 。呢兩隻日本蠔非常大隻，好鮮甜，食落去啖啖蠔味，有少少海水味顯得佢非常清新 ，食完真係大滿足呀 。今晚嘅重點就係日本a5和牛刺身丼同三文魚子丼。日本和牛刺身就咁食落去已經 非常有牛味， 好有口感，好似喺口裏面溶化一樣 ，越咀嚼一啖就越重牛味， 而且味道非常濃郁， 第一次食咁好味嘅牛。都可以配埋特製嘅醬汁一齊食，都好正㗎。仲有個飯都整到一粒粒， 配埋溫泉蛋一齊食，味道亦都非常夾， 味道層次感亦都增加咗。 呢個三文魚子丼真係非常誇張 ，三文魚子嘅份量多得驚人，幾乎令到個杯滿瀉 ，佢啲三文魚子數量可能仲多過本身嘅飯， 從未試過咁滿足咁爽食落去 。啖啖三文魚子嘅鮮味， 你鍾意撈飯又得， 就咁食又得， 兩樣加埋都非常滿足 。最後我哋叫咗個雜錦天婦羅， 麵粉

原本好怕腥既我係好少食刺身😹😹😹 但俾我fd引誘左來呢度，話勁吸引 lol 如是者第一次就俾左距...... 發現正到爆登既 「痛風丼」🍱大大粒三文魚籽多到滿瀉咁濟，但神奇勁鮮甜！ 竟然一d腥都無 👏🏻👏🏻👏🏻 入口輕輕爆開流汁好Juicy🤤🤤🤤 甜到有一刻以為自己食緊水果汁😳（原諒呢個大鄉里小姐姐係形容得好細緻👅） 海膽鮮味，加上日本無菌蛋、魚肉、紫菜等，味覺豐富，配料十足，人生一大享受！❤️Oushi ~~~ .日本A5和牛刺身丼🥩 - 脂肪比例十分之好，睇紋路就知道！ 厚度每塊都係3mm左右，口感好有層次🤭 沾醬食，少酸少鹹更加帶出肉味，份量剛好一啖過，充滿成個口腔，肉質實得來會略帶嫩滑。另外日本真蚝，有我三分二塊面咁長咁大，係肥美到連內裡紋路都睇到🤣🤣🤣 好鬼正！本身已經加好少少配料，直接食就可以，我係分左三啖食😮 唔講唔得既就係連沙律🥗都係用日本高糖度蕃茄🍅 清甜爽口，食材都嚴選高質👍🏻

由於太太愛吃日本料理，今晚我就安排了尖沙嘴鮨一吃飯。有殼活帶子$128，值得一提，只有新鮮的帶子才有裙邊，所以味道比急凍的帶子更鮮甜，只需點些醬油便可以帶出其鮮味。痛風丼$198，這個名字比較嚇人，不過其實是海膽、吞拿魚蓉、華味鳥蛋和三文魚子，所有的配料都很新鮮，味道鮮美，如果將所有配料混合，味道層次更豐富，是一個非試不可的丼飯。吞拿魚腦壽司$156兩件，這個部分非常罕有，每條吞拿魚只有少量，廚師以火炙，帶出了魚的香甜味，值得一試。白蝦壽司$116，蝦肉🦐的味道，比大蝦更鮮甜，加上紫菜的味道，就是一道惹味的壽司。宮崎縣超甜粟米$128，吃生的粟米，味道好像生果般鮮甜，比較煮熟和礶裝的，好味千倍。

在尖沙咀覓食，可以選擇很多不同的菜式。左思右想都是最喜歡食日本料理，就這樣一定要去鮨一。因為想起上次吃的時候，那種滋味實在太吸引了。今次再度光臨，有一點驚喜，因為多咗好多活海產及時令海鮮。裝修簡單舒適，有吧枱可以選擇。喜歡坐吧枱，因為可以見到廚師製作美味嘅刺身。牛鰍魚薄刺$220，這個魚很少吃到剌身，魚味清甜，配上柚子醋，可以提升魚的鮮味。日本原隻活海膽兩隻336，平常吃的海膽都是已經開了，從來未吃過活的，果然活的海膽味道比較鮮甜，值得一試。沙甸魚小卷$128，魚味濃郁而鮮甜，第一次吃到，印象深刻。自家製免治雞肉串$64，華味鳥雞翼串$56，兩款串燒都帶點炭燒的焦香，將燒物點些華味鳥蛋，味道更香濃嫩滑。

🥚又帶👧🏻食好西，食佢自己最鐘意既日本🇯🇵菜🤭我哋坐係吧枱食材一覽無遺👀【Fatty Salmon三文魚腩$20(每件)】同火炙壽司一樣好肥美架oiyishi😋【Toro中拖羅$88🍣(每件)】兩個字💁🏻‍♀️新鮮。【Broil Scallop Sushi火炙帶子壽司$32(每件)】帶子仲大粒過舊壽司飯omg🤤😋【Broil Fatty Salmon Sushi火炙三文魚腩壽司🍣$22(每件)】店家用上赤醋壽司飯🍙，係按照江戶前傳統製法🇯🇵，配合三文魚腩🐟豐富既油脂，將味道提升到另外一個層次🤤👍🏻【Broil Salmon Sushi火炙三文魚壽司🍣$18(每件)】相比起三文魚腩，雖然失色小小，不過依然好好味道。【Avocado Soft Shell Crab Sushi Roll牛油果軟殻蟹反卷$72】香軟既牛油果🥑配上新鮮脆卜卜既軟殼蟹🦀👍🏻正呀，去到邊間餐廳都好，如果有哩款菜式我👧🏻都一定會叫😋係軟殻蟹忠實粉絲喔餐廳其實除咗有壽司同埋反券之外，仲有串燒選擇🍢💁🏻‍♀️【Beef Ribs鹽燒牛小扒串$55🥩】小失望之肉質有啲過硬，味道上普普通通。【Chicken Cartilage雞

為左慶祝生日，早早就揀定並預訂左呢間位於尖沙咀既鮨一日本料理，睇見網上評價唔錯，而且都幾有人氣，咁多人去又點會差啊，所以今晚都好滿意。日本活海膽：新鮮拆開，顏色金黃，非常吸引。海膽質感軟滑，味道極為鮮甜，毫無腥澀味，果真要慢慢品嚐。活帶子：師傅已預先切件，好等我們能一口吃一件。帶子肉質非常幼嫩，而且新鮮甜美。日本A5和牛刺身丼：此丼飯令人十分著迷，頂級既日本A5和牛無論係色澤或是油脂分佈都十分完美，牛味鮮味濃郁，反正就係頂級刺身既享受，加唔加蛋汁及酸汁就隨你喜歡，但我認為應原汁原味咁慢慢細嚐和牛既鮮味。什錦天婦羅：炸粉薄脆，都幾酥香，有大蝦、南瓜、蕃薯及茄子，蝦肉爽彈而鮮甜，而其餘的只要炸粉處理得好就已經相當唔錯。自家制免治雞肉串、華味鳥雞肝串、雞腎串、雞胸軟骨串：免治雞肉串配蛋汁食，香滑既雞肉中滲有蛋香；雞肝用左較濃味既照燒醬烤；而雞腎都夠juicy冇乾水；而雞胸軟骨串以鹽燒，雖然口味較淡，但其脆口既質感容易令人沉迷而不斷添食。