養心殿台式養生鍋 (已搬遷) 新店位置

任何季節，火鍋都十分受歡迎。喜歡這裡，沒有分兩個時段，可以慢慢品嘗食物。先來個小食， 點了台灣出名小食之一：鴨舌。皮滑肉少、爽滑不膩，溫軟纏綿。養生鍋，用多款藥材，人蔘，火腿，老雞， 原粒龍眼，紅棗，等。清甜，湯帶著人蔘，補而不燥 。嘉美農場雞肉，豐富骨膠原、皮下脂肪少，雞肉嫩滑，啖啖肉火鍋怎少得響鈴，即叫即炸， 色澤金黃， 鬆脆可口， 帶豆香味。山水滑豆腐， 名副其實滑豆腐， 非常滑及有豆味。蟶子皇，買三送一，竹筒的形狀，非常鮮甜，肥美 

太座想吃火鍋，老夫老妻，不需要問理由，只問想幾時去？訂了座，到當天依時出席。甫踏進餐廳，濃烈的麻辣香味隨著空氣瀰漫於每一寸空間，刺激著嗅覺神經，喚醒了沉睡的飢腸，想解決這問題其實不難，快快點餐便是。先選湯底是常識吧！美人鍋，薑母鴨鍋，酸菜白肉鍋，麻辣鍋等，這晚想找點刺激，點了小辣程度的麻辣鍋，還附送鴨血，凍豆腐。湯底是用銅煲盛著，大紅一片，有辣椒乾，花椒，草果和許多不知名的香料和藥材，共冶一爐像紅海。待湯底滾起，先嚐鴨血，質感較豬紅韌，但味道甘甜，凍豆腐像塊海綿，吸索了湯汁，份外美味。吃火鍋，不能不吃牛肉，點了霜降肉眼肥牛，疊起似一卷一卷，賣相豔麗，攤開放於湯中，灼半分鐘，口感軟滑，牛味濃郁，小辣的麻辣湯汁其實我也可接受，灼過的牛肉只增添香味，不會太辣。御選梅花豬，油花均勻，帶點肥會更滑，更富脂香，肉味很好，無豬臊味，縱使多灼一會也不老，加些香茜，非常好味。太座不想我只吃肉，點了鮮甜三蔬：山藥，粟米，秋葵，山藥即淮山，爽口，秋葵，粟米，新鮮就是好，爽甜。不想次次吃炸響玲，改點台灣炸豆皮，大綑的腐皮，口感實在，厚而濃的味，與響玲的半腍半脆口感迴異。其實麻辣火鍋也不是那麼可怕，下次會再來挑

一入到去，裝修中規中矩，一樣有屏風相隔，但空間相比細。湯底方面，除咗麻辣鍋，仲人美人鍋，用上桃膠、烏雞、南棗和杞子熬製而成係，飲咗成個靚曬👩🏻✨。#鴨血係普通貨色，但都滑，不過唔係夠吸辣。🐮 #手切肥牛 $338、🐷 #厚脂黑毛豬梅花肉$168，份量足。丸類方面，墨魚丸🦑最正，要encore👍🏻。韮菜餃🥟冇蝦可以食👍🏻、秋葵索曬麻辣湯，好好味😋。簡單既環境....冇乜既服務....唔錯既食物.....埋單當然都幾貼地💸💸💸 每位盛惠$350🤭可以講係比想像中性價比高，可以再幫親😅

朋友聚舊，出嚟食飯，今次揀咗喺銅鑼灣嘅養心殿。打邊爐最緊要嘅湯底，今次叫咗一個養生鍋同美人鍋嘅湯底。 養生鍋有多款藥材，而美人鍋就有桃膠，原隻烏雞，杞子同南棗等等。 兩款湯 真材實料，好飲。我每樣飲咗兩碗我先開飯 。牛方面我哋叫咗極上雪花肥牛同埋一個牛胸爽。 肥牛入口即溶。而牛胸爽就有驚喜，上碟是以為係肥膏，但係食落好脆口，而且都充滿牛尾。丸方面我哋叫咗黑松露蝦丸同和鵝肝墨魚丸。 兩款丸都極之彈牙，真係用嚟打乒乓波都得。另外叫咗炸響鈴同埋炸豆皮。炸豆皮第一次食就，其實都有少少食炸響鈴嘅感覺。另外我老婆叫咗一個叫翠絲水蓮的東西，唔講以為係擺枱的裝飾。 放落湯淥一陣就食得，我個人覺得好似食韭菜咁樣。另外什錦蔬菜盆啲菜都好新鮮。總括來講， 我會推介呢度啲湯底，而其他食物的質素都 above average。 而這裏的服務也不錯， like咗佢哋fb重有杯鹹檸七送添!

呢間養生殿想試好耐，終於可以去食，一入到去裝修好靚，有屏風間隔每張枱，感覺有私隱，坐得好舒服，店員每一位都親切有禮，值得一讚！食物方面擺盆好靚，新鮮，好味！我地選在養生鍋同麻辣鍋，個㷛好靚而且擺放安全，又值得一讚！至於湯底真係好好味，唔會一口味精，唯一足係個麻辣鍋真係一D都唔辣，叫左大辣，連我唔係好食得辣既朋友都話唔辣另外醬料係自己拎既，選擇比較少，冇我最鐘意既生蒜，衹有蒜汁？總括黎講係一間有質數既火鍋店，值得一試！

上班一族通常都冇時間煲湯，所以出面開了不少自稱靚湯的店鋪，有好有壞，當然要試過至知，本人也是上班一族，要返工也要照顧家庭，平常普通湯水也可自己煲，但比較滋補養生的燉湯就好少煲，今日同事介紹我去軒尼詩道，果度有一間專食滋補湯水的養心殿台式養心鍋，真材實料，飲完湯又可以食火鍋，今晚就同老公去試試！火鍋店地方雅潔，裝修設計古色古香，好有中國懷舊feel。火鍋指定動作——-混醬入座後送上的茶都很香。留意一下，有優惠喔！一睇餐牌就見到多款滋補養生鍋，其中寧神養心鍋是我和老公最愛的川芎白芷天麻燉魚頭，平時老公有頭痛一定叫我燉，但因工作太忙，好多時都冇時間，尼度的寧神養心鍋材料更豐富更滋補，還寫明餚了4小時，夠曬火喉，立即叫返鍋試下！寧神養心鍋：用料有川芎、白芷、天麻、當歸、鮮雞、豬肉、20斤鮮魚餚製4小時而成，湯程奶白色，非常鮮甜濃郁，味道帶點藥材香味。魚頭煎炸過，經過4小時餚湯，已煲到林了，但魚頭也很好味，浸在湯裏一起食，湯味鮮甜，魚頭滑溜。真的好好味，值得推介！御選梅花豬：飲完湯就食火鍋，豬肉片好新鮮，油脂分佈均勻，厚薄適中，味鮮帶口感。蝦丸：用新鮮蝦打成蝦膠，味鮮又彈牙。自家製鮮蝦雲吞：即叫

今日同好久冇見既朋友食飯，成年幾冇見，佢終於旅遊旅到去香港，咁我地一於約一約先。作為本地薑，我諗左好內帶佢食乜好，最尾去食火鍋。美人鍋養生鍋$188火鍋可以雙拼，依個組合唔錯，想食乜就食乜。朋友貪靚，叫美人鍋，我唔太舒服，叫左養生鍋。鍋入面既人參好多，不過主要係調味，所以當然係叫啲料啦。御選梅花豬$118朋友唔食牛，咁都有唔少選擇，豬雞羊都有。豬肉既色偏粉，熟後幾有嚼頭，豬香味有，都唔錯。香菇貢丸$48食得台灣火鍋，貢丸係唔少得。貢丸好鬼大粒，粒粒起筋，肉味好濃，調味又好，好食。不過服務員態度可以再有啲改善，見到有空碟空冇收，而且有少少呼喝，可能太多客太忙啦，但整體食物係高質嫁。

位於銅鑼灣的養心殿台式養生鍋，是一間很出名的火鍋店。不少朋友吃過後，也大力推介我來品嚐。其實我不太愛好火鍋，特別是炎炎夏日的夏天，熱到不行也要吃火鍋嗎？本想餐廳應該只有小貓數隻的客人，沒想到竟然超多客人，難道真的很好吃嗎。美人鍋併養生鍋$188餐廳主打養生，當然要試試養顔養生火鍋。美人鍋以桃膠，烏雞，杞子，南棗，金華火腿烹製，色澤通透。養生鍋以名貴藥材，人參，老雞，豬肉等烹製，傳來陣陣人參味。湯頭可吃的料不算多，熬製後的烏雞，老雞，豬肉沒有全放入鍋中，因此需點不小配菜。極上雪花肥牛$188一大盆的牛肉，足夠二人分享。雪花肥牛捲成一卷卷，賣相有趣，色澤深紅，牛味濃，脂肪足，熟透後肉質腍嫩，不沾醬也足味。新竹米粉$38其實我好喜歡吃新竹米粉，可惜最後因趕時間，沒能把最後的一碗粉煮熟，浪費食物了，地球原諒我阿。米粉煮一會就煮，富有米香，囗感軟而綿密，很好吃阿。

上月帶媽媽到台北旅遊，帶她吃了台式火鍋結果她超喜歡，回到港後就叫我帶她吃香港有水準的台式火鍋，她懷念那種味道帶她試試養心殿台式養生鍋位於銅鑼灣的分店古色古香的感覺先選鍋底，可以選鴛鴦鍋材料選擇也很多。吃火鍋當然少不了解渴飲品，特色飲品例如沖繩黑糖烏龍汁和杞子菊花圓肉露，解渴清熱，一勺分量也挺多。還有不同的酒類選了個鴛鴦鍋養生鍋拼麻辣鍋麻辣鍋點了小辣配以多種香料及藥材，鴨血和凍豆腐好足料養生鍋配以多款名貴藥材及人參，以火腿、老雞及豬肉精心淆製而成我媽媽表示好開心手工黑松露蝦丸好香濃黑松露味好彈牙！我將它放了在麻辣鍋十下十下，好夾十下十下後超彈牙的墨魚滑！粒粒蟹籽口感媽媽說我好奇怪，將甜甜的芝麻湯丸放落火鍋不過我好喜歡喔意料之外的合拍好滿足懷念和媽媽的台北之旅

星期一又要返工完全提唔起勁一定要同班叔朋好友去食好西去激活下自己。今日黎到銅鑼灣養心殿食火鍋一邊滾下一邊同班叔友吹下水。先提提優惠先，原來每日係8點半前買單有一律有7折咁多！真係抵到爛叫多d配料試下都得。火鍋湯底有6款而且可以揀鴛鴦湯，講到食台式火鍋點麻辣湯底係必須的，但因為有朋友食唔到辣所以另加個鴛鴦湯而另一個湯底就揀左酸菜白肉鍋。本身湯底老好足配料，所以唔洗再客額外點其他例如有千層凍豆腐，鴨血，寬粉條所以最後同叔朋只係加多小小鍋底無既配料就完。蟹籽墨魚滑，蟹籽鋪滿晒係墨魚滑上將墨魚滑同蟹籽撈匀後食落啖啖蟹籽，中間卜卜聲，墨魚滑重墨魚鮮味，質感好彈牙，有得玩又有得食。手工丸類拼盤一共有6款丸，每粒望落去色澤令立立好新鮮，滾好後每粒都好爽口有內涵既就爆晒漿就好似芝士牛丸咁，比較特別既有梅菜豬肉丸，個感覺就好似食緊迷你版既梅菜蒸肉餅咁，個種感覺幾新鮮。霜降肉眼肥牛，油脂均匀，卷住咁上，一滾落湯到就即刻散開，食落都有淡淡牛味，不過不失。對比之下厚脂黑毛豬梅花肉比較吸引，豚脂香濃而且軟淋得黎又唔會無晒肉質感，無豬膻味。豬天梯即係豬既喉嚨氣管部位，第一次食朋友強烈推介就叫左，一上枱見到每片一間

古色古香養心殿古舊雕刻的屏風、深木色的傢具、傳統的燈籠和具歷史味的青花瓷碗碟，整個感覺非常古裝，悠和暗暗的燈光更增其古色古香的味道，一個個客棧般的間隔令人置身古代當中。黃金雞扒肉燥飯香煎到金黃色的雞扒，薄薄的炸粉加上有底味的雞扒，雞扒大大塊，雞肉嫩滑不乾身，配飯一流！鹽酥蚵仔肉燥飯有別於黃金雞扒的炸粉，是厚厚的鹽酥炸粉，今次主角是蚵仔，蚵仔即是蠔仔，蠔仔大大粒，海量多的蚵仔經鹽酥酥炸，香脆可口，一咬鮮味爆出來。兩個套餐都配有惹味的肉燥，夠濃夠香，肉碎口感夠，還奉上台式烏雞蟲草燉湯和三式伴菜，完整度非常高。凍杞子菊花露像加入了菊花元素的竹筍茅根，清甜解渴。凍烏梅汁冰凍的酸梅烏梅汁，酸酸甜甜的，非常開胃清暑。

同班frd 去打邊爐唔需要搵原因，想打就打！今晚就去！麻辣鍋是必點啦，雙拼唔使加錢，試下酸菜白肉鍋，原來早黎仲有7折，好抵！麻辣鍋免費跟多1份鴨血，酸菜鍋就跟左好多豬腩肉同冰豆腐，唔使叫咁多火鍋配料，店員亦好細心提我地唔使重覆叫，讚有時令海鮮可以揀，見到隔離枱個碟象拔蚌刺身，晶瑩剔透，流哂口水，可以小人物要節衣縮食，食返火鍋料一樣正。雙拼鍋非常足料，鴨血好滑好嫩，無渣好入味，加多幾份都食得到！牛肉眼好有牛味，份量足！黑豚肉好爽嫩，推介！丸拼盤，最鍾意黑松露墨魚丸，好鮮味，黑松露夠香。流心芝士牛丸都好正。響鈴即炸夠哂脆墨魚滑加入彈牙蟹籽，鮮味口感十足。炸芋頭可以唔使淥，熱辣辣即食，芋頭夠哂粉。蔬菜拼盤份量夠二三人分，粟米超甜！8點半前埋單，7折左每人都係2百幾，已經飽到反艇，非常滿足，下次會繼續幫襯。

一年無去台灣已經掛住台灣美食，但近依兩個月都仲未計劃到時間去台灣，所以都係係香港食住台式野頂住先，一諗就諗起不如食台式火鍋。 上網揀左依間火鍋店，店內裝修都很古色古香，而且唔會太迫，私隱度十足。 湯底有六款，雖然睇落湯底都比較貴，每樣都過一百，但睇反每一款都有很多配料。我們選了美人鍋 ，因為看中了女仕養顏至寶依六個字！睇反D配料都好豐富，有桃膠（膠原蛋白，正）、又有原隻烏雞好滋陰。 每一個鍋其實好大鍋，湯滾左之後拿拿聲飲兩碗先，湯好甜似住家湯水咁。配料好多，最後我地都食唔哂所有烏雞。烏雞好有雞味，同埋熟左就快些吃，因為煲得耐肉就會實左無咁好吃。 我地點了手切牛肉（細） 賣相已經好靚，脂肪量適中，唔會太肥，而且食落好有牛味，打邊爐必點。 仲有老油條 依個真係必點，一般火鍋都係食響鈴，但見佢有老油條就試下。老油條炸到好脆，脆過一般粥品店賣既油條，就咁食都好好味。食左幾條怕熱氣就浸湯食，浸左之後吸左小小湯，有唔同既風味。 炸午餐肉 都係比較特別既火鍋料，又係就咁食都已經好味，炸到岩岩好，唔會太燶，不過食多幾件怕熱氣又係放落湯度煮一煮再食。 之後點左半份 韮菜餃 同黑松露蝦丸 黑松露蝦丸好香黑

近日屋企附近有間車仔麵新開張，兩餸一飲品，都要五十蚊！唔煮飯都唔知唔米貴呀，呢間火鍋店原來都有午餐食，仲要好抵食，都係$80幾蚊到！午餐時段都已經好旺場，好多人已經打緊邊爐......呢度既午餐已經會跟前菜、湯、主菜、飲品，真係好抵食啵！前菜都有三款，一d都唔馬虎泡菜，我個美國朋友食曬，最欣賞我就鍾意海帶，有咬口，同有草青味！餐湯都係滋補老火湯人蔘烏雞湯，飲落甘甘地既味道！其實清清地，都好快飲曬成碗。鹽酥雞排飯鹽酥蚵仔肉躁飯兩個餐都可選擇要肉躁飯唔洗其他餸，其實一碗香噴噴既肉躁飯都可爬曬成碗白飯！肉躁煮到稔曬、入曬味......我本身諗住佢成塊上，點知原來已經切開左不過雞排份量好足，薄薄既漿入面包住滑滑既雞肉蚵仔加加埋埋都有成廿粒，食下一粒又一粒，好快幾盤清曬！炸得好乾身，一D油都無。每粒都好肥美！台式午餐$100有找又大份又完整，值得推介！

每一次去台灣都要食火鍋......由最早期既馬辣、到近年興起既無老鍋等等~而家香港都有好幾間台式既養生鍋!!!呢一間養心殿, 自開業年幾以泥既口碑唔錯~早幾日我就同朋友去試試佢.....湯底方面,,,除了台灣人最愛既麻辣鍋, 大熱既薑母鴨鍋之外...仲有用左多款名貴藥材同人參肴制而成既養生鍋~而我地兩個女人今次就揀左....美人鍋 拼 酸葉白肉鍋 $188美人鍋用左原隻烏雞、杞子、南棗同埋金華火腿~配以海量蘊含豐富膠原蛋白既桃膠**滋補又養顏!!酸葉白肉鍋仲可以免費追加一份酸菜白肉....酸酸既湯底, 好開胃**寬粉吸收哂湯底既精華, Q彈滑順有嚼勁**御選梅花豬 $118油花分佈均勻, 肉質鮮嫩有彈性~唔會過份油膩!!鵝肝墨魚丸(半份) $48墨魚丸夠彈牙....鵝肝味超香, 一咬開墨魚丸~陣鵝肝味即刻O係口入面爆出泥!!蟹棒 $48放落鍋灼一陣, 好快就已經食得~一絲絲既口感...鮮甜多汁!翠絲水蓮 $88由台灣新鮮直送~長長既一條, 所以會俾埋把較剪我地剪開再交落去鍋入面~條條都好翠綠飽滿, 口感清甜爽脆, 好好食!!千層凍豆腐 $48 一定要留到最後先食...吸盡湯底精華好滋味