養心殿台式養生鍋 (已搬遷) 新店位置

家庭聚會揀左呢間台式養生火鍋店😌湯底叫左4款👉🏻酸菜白肉鍋、養生鍋、美人鍋同埋麻辣鍋😆美人鍋最好飲，藥材味唔會太濃，原隻烏雞令到個湯好鮮味🤤而且！裡面有桃膠😍😍😍養生鍋我嫌佢藥材味太重🤣不過係好飲既👍🏻酸菜白肉同麻辣鍋就相對上普通啲🙈成餐飯淨係湯都飲左5,6碗，好鮮甜😌.熟食方面幾高質，鹵味拼盤同鹵牛𦟌都俾我地秒清，鹵得好入味❤️炸芋頭又係😍唔太油膩，熱辣辣，起沙既質感好jeng😆.牛肉肉味算濃，雞肉都嫩滑，餃子都好鮮甜多汁😌不過老實講，火鍋料未到驚艷既地步，賣點都係係湯底度😆.食物質素: 🌕🌕🌕🌕🌑食物顏值: 🌕🌕🌕🌗🌑性價比: 🌕🌕🌕🌘🌑回頭率: 🌕🌕🌕🌗🌑

7:30前離座或8:30後入座，並用現金埋單就有7折優惠，所以我每次一想打邊爐又夾到時間，就會去養心殿打邊爐。之前去過尖沙咀分店食，銅鑼灣分店就第一次食。環境舒服過尖沙咀，員工服務態度良好，全部都好有禮貌。到差不多7:30時又會禮貌地提你仲有無食物要加，到7:30時見我地差小小先食完都唔會趕我地走。試過喺其他餐廳食飯，通常都係不禮貌地催你交台，喺你隔離望住你食，示意你食快啲。講返食物先，呢到嘅牛肉真係不錯，仲要有7折！上次叫咗個酸菜白肉湯，今次試咗佢個美人湯拼麻辣，又甜又好味。飲完都覺得自己皮膚靚咗，呵呵今次食飯終於做咗會員，希望快啲儲夠分可以換現金卷啦！同埋等緊將軍澳分店開，咁就可以凌晨都去打邊爐啦

近排身邊個個朋友都走左去食養心殿，所以我都唔執輸，放工同男友黎養心殿食火鍋。雖然天氣十分熱，但都無損大家食火鍋既心，爆場啊！環境裝修係舊式中國風，每張台都會有分隔，私隱度高。湯底有6款，最出名緊係養心鍋，不過無辣不歡既我都係揀左麻辣鍋同一d火鍋配料。麻辣鍋 小辣 $128火鍋入面本身已經有d配料係到，湯底唔算好辣，接受到。鴨血：份量好多，而且好滑。蜂巢豆腐：索曬d湯底，正！極上雪花肥牛 $188肥瘦適中，唔會太薄，所以滑得黎唔會好似食空氣咁，牛味重！酒香白肉 $58份量好多，夠曬薄切，所以煮完食落會有小小爽，而且一d都唔會覺得好肥膩。味道食完之後會有小小酒味。鮮蝦滑 $88新鮮，食落口感滑、霖。同湯底好夾。涮鍋小羔羊肉片 $108羊肉冇騷味，羊肉味濃，口感夠滑。台灣A菜 $78勁快熟既菜，味道會有小小苦，但接受到，都幾好食。紫淮山麵 $38覺得個名好特別，就叫左。口感食落似膽膽麵個d麵，偏軟滑個種。總括黎講，如果想食台式火鍋都可以黎食養心殿，整體味道都不過，而且火鍋最緊要係個湯底！ 下次黎要試埋佢個養生鍋！

今晚想打下邊爐，就去左久仰大名既養心殿，感覺無咁熱氣估唔到而家天氣咁熱都仲會有咁多人打邊爐，好彩岩岩好有張二人枱湯底有好多選擇，寫晒有咩材料，真係個個都好吸引 最抵讚係鴛鴦鍋唔需要額外加錢，只需要以較貴既計算就得豉油同埋配料可以隨便出去拎養生鍋 麻辣鍋揀左個麻辣所以揀返個養生鍋中和下先講養生鍋，超足料，有人參、豆腐、紅棗，湯滾後我地已經即刻飲返幾啖養下生麻辣鍋首先係一啲都唔油 而除左本身湯底有豆腐同鴨血外，仲會額外送多碟鴨血。平時啲鴨血成日會淥到爛晒，呢個就唔同呢，用筷子夾都唔會散，但一樣入味涮鍋小羔羊肉片總覺得羊肉同麻辣鍋好襯，切得薄薄的，快快灼一灼就食得，辣得夠過癮即炸脆響鈴因為麻辣湯一啲都唔油，所以呢個響鈴就算淥落邊個湯底都一樣咁正 即炸真係寧舍唔同，特別脆墨魚滑墨魚味勁香，咬口一流蔬菜拼盤兩個人想食菜，嗌拼盤就一定最岩，咩菜都有啲。最喜歡粟米，勁甜鹽酥雞台式火鍋當然要點返個台式小食，鹽酥雞上枱時仲係熱辣辣脆卜卜，炸皮薄，與雞肉比例岩岩好，唔錯離開時剛剛9點半，大批人等緊入座，原來9半後幫襯會有優惠，下次都再黎食個宵夜先

母親嚷著身邊的朋友早吃過養心殿的火鍋，作為孝女要帶她趕上熱潮（雖然我已吃過數次）。是次選了寧神養心鍋拼麻辣鍋，麻辣鍋附有鴨血，沒有腥味，滑溜爽口，甚得母親歡心；寧神養心鍋由烏雞鮮魚等製成，就是天麻川芎白芷魚頭湯的味道，很順喉。鵝肝墨魚丸中包著大顆的鵝肝，相當足料，咬下去要小心湯汁。雜錦蔬菜盤2人份量很剛好。御選梅花豬肥瘦適中，食起來沒有豬臭味，口感細軟不柴。我最愛的寬粉條，QQ彈彈，盡吸湯式精華，必點！埋單送上檸檬沙冰，清新舒暢！

想試呢間黎自台灣既養生殿好耐，終於食得到！這次黎到銅鑼灣分店，環境都幾大，但屏風夠多，所以私隱度頗高。呢日五點半就黎到，因為希望趕得切係7點半前埋單😆，可有半價優惠！不過趕唔切，8點半前埋單都有7折！半價優惠並不包括海鮮，仲要比現金，所以想享用呢個優惠就記得帶夠現金呀！我地今次試左養生鍋拼美人鍋，拼一樣價錢既感覺抵啲，唯有下次先試麻辣鍋。兩款都充滿住藥材味，養生鍋仲有濃濃既人蔘味，所以我比較喜歡美人鍋。兩款鍋都材料豐富，養生鍋𥚃面有鴨血，美人鍋有半隻烏雞同好多桃膠添！如果怕藥材味既朋友就兩款都唔建議喇。食物方面，點左小羔羊肉（上圖），黑毛豬梅花肉（下圖），羊有膻味，豬肉亦唔會’鞋’口，兩款都算新鮮好食。蔬菜方面有萵筍同竹笙，萵筍唔算好新鮮，不過都爽口既，竹笙新鮮既不過唔係喺麻辣鍋淥黎食就真係唔係個回事....錯哂😅仲有手切牛肉（大），真係好食嫁，肥瘦均勻，牛有牛味又新鮮，識食一定要叫呢個！呢間算係不錯既火鍋店，食物選擇算多，火鍋湯底又特別，又有半價優惠，折完2個人埋單$587，值得一試！不過係有味精既，食完好口喝。

咁岩約友人食飯相聚 大家都想食邊爐即時諗起呢間台式火鍋 七點前埋單有半價大家咁岩放假當然無問題啦 相當吸引既優惠我地叫左鴛鴦鍋- 養生鍋同麻辣鍋仲附送左一兜鴨血 岩哂我地呢d咁中意食鴨血既人湯底方便相當足料 自己忍唔住飲左2碗養生鍋既湯極上雪花肥牛 雪花分明 肥瘦適中 相當好食老油條 就咁食非常脆 浸完麻辣鍋十分吸味另外仲叫左午餐肉 竹笙 餃 等等值得一讚有d野食可以叫半份 可以試多d唔同類型野食埋單五百幾蚊 整體黎講十分好 會再黎食 原以為無乜人好似我地咁咁早打邊爐 點知都唔係我想像中咁得我地😂😂

自從上次試過養心殿台式養生鍋後就好像著迷了，不斷介紹比朋友，而自己久唔久也會與不同的朋友一齊去打邊爐回味回味。店鋪採用宮庭式設計，古色古香。枱與枱之間闊落，而且每幾張枱就有屏風間格，感覺好有私隱，傾計大聲少少都唔驚嘈到隔離枱。麻辣鍋拼酸菜白肉鍋麻辣鍋以多種香料及藥材(例如:不同的花椒、龍眼肉、杞子、紅棗等等)調制成湯頭，麻而不膩，滾得耐麻辣的感覺就越有層次。配上煮過後仍然滑溜的鴨血及吸了麻辣鍋味道的千層凍豆腐，對喜歡食麻辣鍋的人來說簡直是享受。酸菜白肉鍋以醃制的大白菜及極品豬王花腩調制成湯頭，酸香濃郁。配上鍋內酒香味濃厚的白肉及QQ寛粉條，推介。選擇麻辣鍋可免費追加鴨血一份或選擇酸菜白肉鍋可免費追加酸菜白肉一份。如好像我般選擇麻辣鍋拼酸菜白肉鍋，就只可選擇免費追加鴨血一份或酸菜白肉一份。手切牛肉(細)手切牛肉有濃郁的牛味，入口濃郁滑溜，必食推介。魚皮鮫(半份)魚皮以魚肉壓製成皮，包著豬肉，層次十足。新竹米粉新竹米粉份量非常多，足足有6個細碗的份量。以幼身的新竹米粉吸上麻辣鍋的湯頭或酸菜白肉鍋的湯頭，實在太完美。鹵水鴨(例牌)鹵水鴨例牌的份量也多，鹵水  汁內放入大量的薑，有濃濃的薑味，

連食兩日近期新寵😛非繁忙時間，所以非常清靜。傾計最好，仲要半價😬多款湯抵選擇，當然揀美人鍋啦！大量嘅藥材，值得一提係內𥚃有大量桃膠，已經煲得很軟滑（好食）另一款薑母鴨鍋，同樣很多藥材，越滾越出的薑味（都幾辣）鴨滾到後期超淋好食👍🏻但兩湯扺都極咸（可以淡D）手切肥牛～淋、極有牛味雪花肥牛～淋、滿意鴨血～唔會一夾就碎，好有咬口，正水蓮～非常爽脆各式餃子～全部都好新鮮，各有各的味道，值得一讚（須然係非繁忙時間，依然保持水準）雜菜盤～D菜好新鮮，好靚寛粉條～E個麻麻地另外員工亦很有禮貌，真的非常滿意👍🏻

之前朋友成日都話養生鍋好正，特別係個湯底，今日就一行四人一齊去食. 我地揀左養生鍋拼美人鍋一試2款湯底，非常足料，又香又濃，朋友的確係介紹錯. 最欣賞係配料. 不論桃膠、龍眼肉、藍棗等都係靚貨，一 d 都無馬虎只係湯料已紅食到我半飽.至於汁醬配料都係貴精不貴多. 最正係個蒜蓉汁，超香濃！始終4個人來食唔到好多野. 我地只可揀最想食的. 呢度各式丸&餃子都好新鮮彈牙. 但個黑柏葉就好易 un, 都唔知點煮先 ok?!我地幾個都唔係牛魔王，所以只揀一碟普通急凍肥牛反而大家都愛上隻水蓮，清脆爽口. 之前好似唔多覺有呢款菜，唔知一般街市有無呢？最後，都係覺得個湯底飲得唔夠多. 下次要飲曬成煲湯才開始打邊邊

台式養生火鍋，去台灣就試過好多次，喺香港真係第一次食呀！喺銅鑼灣行完街見到呢間台式養生火鍋，諗都唔諗就衝入去啦！我愛麻辣，選了麻辣鍋，Friend子是美人，當然選美人鍋啦！Friend子一向都超愛吃鴨血，選麻辣鍋可以免費追加一份鴨血喎！抵👍🏼👍🏼👍🏼！一上鍋，第一時間梗係試下啲湯底啦，嘩嘩嘩，真係不得了，美人鍋真係超足料，唔洗落餸，個湯入面已經有好多烏雞同埋桃膠，配合埋啲杞子南棗，就咁飲湯同埋食烏雞都忍唔住要食兩碗。 極上雪花肥牛輕輕加落麻辣鍋已經食得肥瘦適中，好好吃！即炸脆響鈴真係新鮮炸起，上碟仲係熱熱地脆卜卜，3秒，真係浸3秒已經入味得黎脆卜卜。 蟹籽墨魚滑超足料，勁彈牙爽口，新鮮墨魚味十足！有機秋葵我最愛吃秋葵，有益健康，加落去火鍋食真係不得了，麻辣風味真係無得輸！ 老油條真係忍唔住食完一條又一條，浸落火鍋湯底係完全絕配。 寬粉條最後食埋寬粉條，我地試晒辣同唔辣兩邊都煮！粉條本身又Q又彈牙！ 吸埋啲湯底真係食到好飽都要食埋全碟寬粉先停到口！ 食完呢個咁正嘅台式火鍋，我地決定，以後有成班人火鍋聚會，唔洗諗，一定係去養心殿，以後想食台式火鍋，唔洗咁麻煩飛去台灣啦，走轉銅鑼灣咪得囉！

之前來食過一次養心殿台式火煱，愛上了，今再次約齊腳來烚一烚，呢回要嘗試這個寧神養生鍋~呢個鍋有多種藥材，加上鮮雞，鮮魚經過幾個小時餚制而成的，寧神養心，滋補養颜，由於有魚餚過，湯是奶白色的，湯滾起後，大家先嘗湯的味道，嘩真的十分鮮甜手切牛肉，肉質嫩，牛肉味濃霜降肉眼肥牛，牛肉脂肪分布均勻，食時唔肥膩黑松露蝦丸，之前食過十分好食彈牙，點可以唔食自家製水蓮餃，水蓮菜十分爽口，相信用水蓮來造餃，都必爽無疑，食過後確實如此麻辣牛肉餃，辣度唔小，喜歡食辣的，這個必食自家製極品水餃，大大隻，原隻蝦，饀料十足麻辣牛肉餃，再度encore半份黑柏葉，油豆腐，台灣A菜我們一行4人，平均消費三百，價錢唔算貴，個場好旺坐滿人，所以較為嘈吵，但無限時限刻呢度好，與朋友一邊火煱一邊暢談一樂也

其實養心殿係旺角分店已經食過幾次, 今次黎到銅鑼灣分店。果然一如既往完全無失望！首先湯底佢係可以揀兩邊，而價錢會係計較貴個個嘅。因為前幾次朋友都係唔食得辣，所以今次有機會就選擇咗試麻辣鍋 ($128) 拼美人鍋 ($188)，美人鍋建議大家食前先飲一碗，好清甜好足料，感覺打完邊爐都唔會浮燥一樣咁靚靚。(麻辣鍋會送多一碗鴨血)炸物：上幾次都試咗甜不辣, 老油條同炸雞軟骨，所以對養心殿炸物都好有信心，今次叫咗炸嚮鈴 ($68)，我同朋友都覺得絕對是MUST EAT ITEM！即炸嚮鈴我深信唔係間間火鍋店做到，第二度真係有可能食唔返。牛肉：因為我地兩個人都食得唔多就只係叫咗一碟靚牛 – 極上雪花肥牛 ($188)雪花分明，咁嘅價錢算好大碟，仲要有牛味唔un，抵食 ^__^蔬菜類：我地叫咗萵荀 ($48)﹑有機粟米 ($48)，萵荀同粟米放美人鍋仲愈食愈鮮甜添。丸類：有得揀半份實在太好，啱哂二人行。我地揀咗半份蝦丸 ($40)，同埋一份魚皮餃 ($68)，半份四粒，一份就八粒，份量剛剛好。p.s 最後極力推薦寬粉條 ($38)，好味到我地要想encore叫多一份，但太飽啦下次要留肚。寬粉條配麻

之前同朋友黎食過幾次，今日見媽咪生日就帶佢黎試下呢間台式火鍋(試完之後勁like)叫左兩款鍋底，其中一個美人鍋入面有好多桃膠可以比我養顔，另一個養身鍋媽咪最鐘意，人參味勁濃養身一流好多人參，每人都飲左三大碗牛肉好滑,超級鮮甜好味響鈴吸入湯好好味午餐肉炸到脆卜卜超好味香口，就咁食都巳經好好味，極力推薦，一定要試。手打丸同自制餃可以每款叫半份試下，好鬼彈牙，very good good good😊食到咁飽,最後記得叫番杯咸檸七, 可以開胃潤喉在facebook簽到打卡飲品係免費的

呢期好多朋友都推介養心殿台式養生鍋剛剛諗住同朋友搵個地方聚下舊傾下計食下飯，二話不說就book 左呢間，好彩之前有訂位，未到八時店已經坐無虛席。一行入鋪頭，燈光比較昏暗，感覺好舒服，每張枱之間都有間開，好似包廂方便傾下計醬料可以跟返喜好可以自己選擇選擇兩款湯底，其中一款美人鍋，內裏有烏雞，紅棗，桃膠飲落鮮甜美味，好適合女士養顏，補血另一邊養生鍋，有人參，紅棗，龍眼，鴨血等，簡直養生又養心肥牛入口即溶，食到舔舔脷。自家制雲吞，水餃及手打蝦丸，墨魚丸彈牙爽口平時吾多食菜，呢種台灣A菜吸收濃湯精華、簡直好食到不得了。寛粉條平時好小機會食到，入口幼滑，正！