養心殿台式養生鍋 (已搬遷) 新店位置

養心殿呢個名聽咗好多次，今日終於得閒去試下！有六款湯底，好彩可以揀鴛鴦湯底，試下唔同口味。最後揀咗麻辣鍋（＄128）同埋美人鍋（＄188），收貴啲個個嘅價錢。麻辣鍋入面有鴨血，好滑好好食！仲有冰豆腐，兩樣都好入味😛我地叫咗小辣，麻多過辣，好香～有台灣嘅味道。美人鍋入面有桃膠、烏雞、紅棗、杞子等材料，好多膠原蛋白，啱晒又鍾意打邊爐，又怕爆瘡嘅我！哈哈！個湯好濃好好味，建議食之前飲返碗先！如果食完野再飲就會比較油，隔一隔再飲就好啲。我地三個人都揀咗唔少野食！但真係好食，所以最後都食得晒。手切牛肉（細 $238）睇到個顏色已經好靚，肥瘦好均勻。最緊要係食落去好香牛肉嘅味道，唔會話有雪藏味，又夠嫩😍手工丸類拼盤（12粒 $108）通常我地都鍾意試下啲丸，呢到有6款，每款2粒。有鵝肝墨魚丸、黑松露蝦丸、芝士牛肉丸、墨魚丸同埋梅菜豬肉丸～我自己就鍾意爽口彈牙，鵝肝墨魚丸同黑松露蝦丸都幾好。最有驚喜又可以話最搞笑嘅係梅菜豬肉丸，好似打邊爐個陣食肉餅咁😂即炸脆嚮鈴（$68）索晒麻辣鍋啲味，超好食！但估唔到放落美人鍋到都好夾！雖然無影相，但一定係打邊爐必食haha。蟹棒（$48）好過平時打邊爐啲假蟹柳，

上次去左佐敦個間，今次帶friend 去試causeway bay Lee 間！佢係鵝頸橋左近，都幾易搵，個地成橦都係食邊爐咁。我地算早到，都唔係好洗等位。銅鑼灣舖比佐敦既闊落，台與台之間冇咁近！唔會話聽到隔離台講咩。 食物方面，食唔出太大分別！都係好好食😍😍今次叫左養生鍋！白色既湯底。好味！佢加湯唔係加水！太有誠意啦！勁足料！後悔左，平時出去打邊煱，叫麵多數一「汁」仔！所以叫左2種麵，點知每個麵都2人份咁！🤣黑松露蝦丸真係必食！雲呑都好正！響玲食得出係鮮炸！

呢度打邊爐淨係湯底啲料都可以飽到打咗底先架！首先呢度主打養生鍋湯底，而湯底可以免費升級做鴛鴦湯底，價錢就會收較貴一款嘅湯底，我哋揀咗麻辣同埋酸菜白肉湯底。我地見到湯底嘅配菜已經非常之多，麻辣湯底會有鴨血同凍豆腐做配料，而酸菜白肉湯底有薯粉同埋酸菜腩片做配料！霜降肉眼肥牛入口鬆軟富有牛味，厚度切得適合，唔需要煮好耐，一口一塊手打丸拼盤本人十分之鍾意食手打丸，因為比較鮮味同埋彈牙。呢度總共有6款唔同嘅丸，一次過試晒唔同嘅味道！每款都鮮味十足，款式仲幾特別，分別有鵝肝墨魚丸、芝士牛肉丸、梅菜豬肉丸等等，而我最欣賞黑松露蝦丸，蝦丸爽口彈牙，黑松露味濃，味道好夾！自家製極品水餃入邊係鮮蝦豬肉餡，水餃餡料十足，餃皮唔會太厚👍🏻最後仲有叫咗薯粉同埋響鈴，可以索晒湯底嘅精華😋

第一次黎養心殿打邊爐，一出lift門已經聞到好香嘅藥膳味道，眼前係好多個中式嘅屏風，環境昏暗，再加埋牆上掛住既紅色燈籠，真係比起其他打邊爐嘅地方格外有feel呀。呢度嘅湯底選擇好有滋陰養生既感覺，今次揀咗個養生鍋湯底，入邊有啲中藥呀人蔘呀，仲有啲龍眼肉可以食下，入面仲有好多舊豆腐同鴨血添。佢話係用老雞，火腿同豬肉淆成既，成個湯呈奶白色，飲落啲湯都幾濃郁，佢加湯既時候係加番啲奶白湯，唔係清水咁簡單，抵讚呀。呢個黑松露蝦丸真係好正，每一啖都有陣陣既黑松露味飄出黎，唔係淨蝦膠既味道，size幾好，唔會話食丸食飽左。自家製水餃都好足料，入面包住滿滿既蝦肉同豬肉，滿足。打邊爐真係好鐘意食炸嚮鈴，特別係有出色湯底既時候，放個嚮鈴落個湯度，由佢索曬啲汁，世界級好味。仲嗌左生菜同金菇，都幾新鮮。寬粉條都好Q彈，似紅薯粉啲friend，連湯食幾夾架。

成個環境好滿好多人！但係服務好好！叫左既野食都好快到！湯底夠味又多款，仲要好足料！感覺好養生，牛肉同豬肉都好新鮮爽口！值得推介菊花茶真係好好飲！唔好太甜又清熱！可以再去！係蔬菜貴左少少。

現在時間是星期四晚上6點9，小妹竟然已經安坐銅鑼灣的火鍋店，除了take左sick leave，重可以有咩原因，你講。好，冷靜返入正題。.今晚重有節目，所以打個早邊爐。一入店內，燈光沒有太亮，黑色的牆身，就是很有在台灣吃火鍋的格調。我們兩個小粒女生被安排到一舒適的角落，方便我們隨意耍廢，很好。.餐牌上湯底的選擇不多不少，選擇沒有太困難，這次就選了美人鍋和養生鍋。.(上)養生鍋 - 味道很足，料子很夠，嚐到人參味。小提示，內已有千層豆腐，不須另點。(下)美人鍋 - 味道更濃，朋友說愈煮愈有🐥味，烏雞的肉質滑滑的。首先，響鈴是火鍋必須的，定律是不能過三秒，有人認同嗎？.(亮點一) 霜降肉眼肥牛 - 肉質鬆軟，淥至剛好就會食到停唔到口，必點。(亮點二) 紫准山麵 - 個名睇唔出佢係咩味，但一試就成了日後必點之一。麵質不過軟不過硬，手殘定忘了時間也不會壞事。嚴重推介放入美人鍋度煮。另外，是火鍋必須的Asahi，爽。🍺只能說，吃火鍋是每月的例行公事，但是找到對的地方和對的人吃也同樣重要，是身心都能放輕鬆的一餐。

又係招待朋友嘅時間，今次因為朋友來港多久都說沒有試過真正嘅火鍋風味，於是我梗係帶佢去一間好有特色嘅火鍋店啦。呢度又可以有啲養生嘅感覺，又有特色。所以我哋去咗養生殿台式火鍋。呢度都有好多人，訂位會比較好啲。但環境都好闊落坐得好舒服。個人覺得最特別嘅係，養生嘅茶竟然可以喺打邊爐都飲到，唔係一般嘅茶，飲落去好滋潤清涼。飲品好多選擇亦都價錢唔貴，叫支藍妹都係$30。😍我哋叫咗個寧神養生鍋，再加個麻辣鴛鴦下。鴨血配麻辣鍋係免費嘅正。自製餃子，大大粒材料夠晒十足，識落唔會覺得有肥豬肉。韭菜非常之香😍，有魚皮餃。鮮蝦滑，彈牙👍🏻👍🏻👍🏻新鮮運到農場嘅嘢菌點可以少得新鮮本地牛，一點雪藏嘅味道都冇。

香港的火鍋非常多，大部分是廣東口味，因爲送別同事所以有機會來試試這一家出名的臺灣火鍋。養心鍋非常地受歡迎，所以要提早定位。去到餐廳還有個小插曲，提醒一下大家要記得定位的是正確位置的養心鍋哦。我們選了麻辣和美人鍋的鴛鴦鍋。麻辣鍋選擇了微辣，裏面有鴨血和豆腐，口感非常好。而美人鍋則充滿現在最紅的桃膠(稱爲窮人的燕窩哈哈)，一上桌已經是可以喝的湯了，讓人非常興奮啊。配料方面，我們點了現炸的響鈴和綜合丸，第一次吃到這麽脆和新鮮的響鈴，滿意滿意。以上就是這次喫過以後感覺比較有特色和好吃的。其他的就根據個人喜好就可以了，沒什麽特別的，用餐過程很滿意。就是價格比較貴，估計未必有機會常來。

一直以來都很喜歡吃火鍋身邊很多朋友都推介養生殿。所以趁着同朋友約會一齊去銅鑼灣分店試試。結果出乎意料之外咁好味！響台灣食得最多就一定係酸菜白肉同麻辣所以今次我哋都係叫咗酸菜白肉湯底同埋麻辣湯底。落左單之後湯底好快就已經送咗嚟喇大概等左5分鐘左右已經開始聞到好香嘅麻辣味同埋好香嘅孫酸菜味道果然冇令我地失望酸菜白肉湯底味道啱啱好唔會太酸，但係十分之開胃！麻辣湯底入邊加咗有好多唔同嘅香料，但係味道唔會好普通亦都唔會太辣就算唔食得辣嘅人都可以接受到！除此之外麻辣湯底仲加咗鴨血好QQ彈彈！重點仲有凍豆腐吸晒所有嘅湯底精華。(厚切午餐肉）呢個午餐肉係身邊所有食過養生殿嘅朋友都會推介，我亦都唔係你叫咗一份嚟到嘅時候已香，因為好厚身同埋好明顯係啱啱炸起嘅所以外脆內軟真係好正呀(即炸脆響鈴）因為湯底湯料太好味既關係，一件炸得又脆，皮又吾厚既響鈴根本就係超強既配合！吸完D湯簡直系天衣無縫！（極上雪花肥牛）由於我地都係勁中意食牛!所以呢個一個要食！絕對冇失望！牛味好香，肥瘦均勻吾會油，所以一個人可以食一蝶!整體來說我同朋友都認為一定會再食好多好多次，因為真係湯底無得輸，甚至係醬汁都落左好多心機，好有心 既一

星期五即興打邊邊，四周圍都冇位。唯有打去養心殿問下，得佢8點有位期他間間都要9:30後。可能養心殿9,.30後有7折所以正價時段仲有位。不過去到都要等一陣先有得入座。一坐底就即刻叫左酸菜白肉鍋拼麻辣鍋(中辣)。再加碟手切肥牛(細)，鮮滑鴨片，豬粉腸，韭菜餃，水蓮餃，墨魚滑同埋打卡送既咸檸七。湯底真係好好味，酸菜夠酸，中辣又夠晒辣。手切肥牛都好食，好新鮮又唔un $238(細)。鴨片就完全唔得囉，好鞋勁難食成$88碟就咁浪費左。豬粉腸$68碟，洗得好乾淨冇怪味。韭菜拼水蓮餃各$42半份冇乜特別。咸檸七冇乜氣唔好飲。

近排成日落雨都唔知有咩地方好去，於是想搵啲就腳嘅方便地方去下食下野。我哋幾個梗係慢慢嘆食個打邊爐。不過我哋都係好鍾意有一啲又好食又坐得舒服嘅地方。今次揀咗養生殿台式火鍋。我哋揀咗銅鑼灣分店因為我哋個個都係住港島關係👍🏻😍火鍋入邊湯底好多選擇，養生嘅，又可以有點火候麻辣嘅湯底。可選擇麻辣嘅湯底，可以有鴨血免費添加。 👍🏻👍🏻😍😘我哋揀咗鴛鴦鍋，養心鍋+麻辣。大大嘅魚頭，湯底夠晒香濃。 麻辣鍋當然係辣得過癮火鍋嘅配料亦都有好多選擇，有唔同嘅新鮮嘅海鮮，空運嘅食材。手切牛肉，呢個真係好正好好食，咬落去勁爽口。即炸香脆響鈴，拎出嚟嘅時候仲係熱辣辣。墨魚丸食得多，呢度特別鵝肝墨魚丸，正😍👍🏻潮州白魚蛋，好少地方有得食到，正呀。打邊爐點可以冇蔬菜，呢個蔬菜拼盤夠晒新鮮。

又到打邊爐恰吓恰吓嘅時間喇！🔥重慶/四川成都火鍋就食得多，其實台式嘅麻辣火鍋都好出名㗎☺️ 今次收左工一於黎試下呢一間人氣嘅台式養生火鍋店 養心殿 ，我嚟嘅係銅鑼灣分店，九點幾嚟到已滿全場爆滿，真係相當受歡迎🔥先選湯底，我地叫左鴛鴦湯底(養生窩同麻辣 $188 )，想2樣都試下☺️ 養生鍋落咗老雞、龍眼、豬肉、火腿、人參同中藥材去肴制，味道好濃郁，感覺上真係好養生，打邊爐前可以先飲返碗湯滋補下。另外麻辣湯底唔算好辣，不過湯底都幾香，啱晒唔算食得辣但又想試吓嘅朋友，入面仲有好多鴨血同豆卜，吸收晒湯汁，搞到我忍唔住係咁食😋配料方面我哋叫咗極上雪花肥牛($188)、招牌牛胸爽($138)、即炸脆響鈴($68)、餃子拼盤(118)、鵝肝墨魚丸($48半份)、黑松露蝦丸($48半份)、紫淮山麵($38)同翠絲水蓮($88)等等，以2個人黎講份量係岩岩好，大部份食材都好新鮮，最特別係牛胸爽，幾有咬口又有牛味，唔錯！整體質素唔錯，有濃厚既台灣風味，值得一試👌🏻

跟一班舊同事聚會，大家都要求坐得舒服餐廳可以飲飽食醉𣈱談一番～～最後決定來銅鑼灣品嚐養心殿台式養生鍋！這次已是我第三次光顧養心殿，可見我對養心殿情有獨鍾！但銅鑼灣店還是第一次試～～這次想試試其他不同的火鍋湯底，嗜辣的朋友點了麻辣鍋（中辣）拼酸菜白肉鍋～～麻辣鍋夠風味回麻亦夠刺激，喜歡辣湯底的朋友要試試！至於酸菜白肉鍋對比起來算清淡，而且酸菜白肉鍋料可以免費追加一次～～黑柏葉 $78每次必點，其實每次輕勺幾十秒已經足夠，食落保持黑柏葉爽彈口感！手切牛肉（大）$338手切牛肉的肉質鮮美，雪花分佈極漂亮，入口嫩滑，每口都是超濃郁牛肉香氣～～老油條 $58香脆的油條輕輕一勺，已經吸曬湯料千層豆腐 $48比起一般冷豆腐吃起來口感更有層次更豐富，與麻辣鍋搭配更夾，麻辣豆腐又是另一番風味！試了新東西，叫翠絲水連 $88我第一次食翠絲水連，貌似苟菜，但口感極清新爽脆，只需要輕輕勺十多秒就可以！第一次試居然十分喜歡！當然少不了特色飲品，自家沖繩黑糖烏梅汁$68 我們還點了杞子菊花圓肉露 $68，但我還是更喜歡烏梅汁，酸酸甜甜！每次更是必點的！埋完單，還有細細一杯沙冰送！消暑又心涼！滿足！當然最後我們每人

銅鑼灣之養心打邊爐今日突然間掛著「老油條」，因為香港好少食到好食的「老油條」，所以又去返銅鑼灣鵝頸橋養心打邊爐！首先選擇了一個酸菜白肉，是白湯，主要有蕃茄，酸大白菜，豬腩肉片及濶粉條，湯味濃郁，大少少酸味，非常開胃！一碟有六隻海中蝦，每一隻都好大隻，上枱時還會跳！入口超彈牙，肉質很新鮮！正！又硬又乾老油條，烚幾下，脆卜卜，吸收湯味道，好食，上次配麻辣一流！手工丸粒粒都好吸引，每款都非常特色又彈口！

今天放假興致勃勃到銅鑼灣逛街☺️於是先吃個午餐，突然想起之前朋友提過「養心殿」的午餐好豐富，所以就來了🙈上到去發現四周的裝潢也是行古典風古色古香的設計令我留下更深的印象😊先看看餐牌，款式好多，基本上都滿足到不同人的需要～我們決定叫7.鹽酥雞肉醋飯和12.汁煮安格斯肥牛飯。原來套餐的份量都好足，裏面有一碗烏雞杞子湯，非常清甜，烏雞啖啖都包含了湯的鮮甜，而鹽酥雞雖然份量很大，但因為炸得好香口，不會有油膩的感覺，所以都吃得完。肉燥飯味道都重香菇味。而安格斯肥牛雖然煮的方法是用汁煮，但不會過鹹，而且還保留了牛本身的味道，好好吃。🙈杞子菊花茶味道好清新，不會太甜，非常適合我們吃完飯再品嚐❤️