養心殿台式養生鍋 (已結業)

為慶祝朋友生日, 選了呢間近來甚有名氣的養心殿來試。因為地點就腳, 揀了佐敦呢間。但佢的位置好有趣, 係大廈外只見到另一間「金x火鍋」的招牌, 但原來養心殿就係呢棟大廈的二樓。入到去, 環境有少少暗, 但座位間格得好好。每張台之間幾乎都有屏風隔開, 有少少私隱度。由於8點前埋單有七折, 於是就訂左6點去食。一開始梗係揀湯底, 佢有麻辣、酸菜白肉、養生鍋、美人鍋等等幾款的湯底任你揀, 仲可以選擇雙拼。而黎到呢度, 梗係揀D特別的湯底, 我地最後揀左美人鍋, 俾D女仔可以養顏。侍應一捧上美人鍋, 已經聞到好香, 睇到好足料, 有一隻烏雞、中藥材、桃膠、紅棗等等。侍應叫我地等個湯滾左之後, 先裝一碗黎飲, 跟住先落野食。我地照做啦, 果然無介紹錯, 個湯真係好甜好好味, 而且係沒有味精的。女士們都好喜歡, 跟住仲再裝多碗同埋食D桃膠添。食物方面, 唔算話好多選擇, 但打邊爐其實貴精不貴多。佢有三款牛肉, 而我地叫左最貴的「手切牛肉」, 另外有叫豬肉片、羊肉片、手工丸子拼盤、響鈴、A菜、烏冬、大腸頭,etc手切牛肉, 好好食, 有牛味, 又唔會韌, 雪花分佈都幾好。呢碟係細, $238羊肉片,

香港依家火鍋咁成行有多種類嘅嘅火鍋，所以我同朋友就想試吓台灣嘅藥膳火鍋。台灣湯底同平時食開嘅中式湯底唔同，台灣湯底味道較濃，可以唔使要醬油碟直接食，味道已經夠鹹同鮮。我地叫左美人湯同小辣麻辣湯，美人湯入面有成隻烏雞、淮山、桃膠、南棗等等嘅藥材。而麻辣湯底就有紅棗鴨血毛豆腐等等其他調味材料。 剩係飲湯頭已經好正，美人湯滋陰養顏，麻辣湯惹味過癮。而食物我地order 左較多肉類， 雪花肥牛脂肪均勻，牛味足手工丸拼盤， 除左普通嘅墨魚丸、蝦丸之外，仲有比較特別嘅鵝肝墨魚丸、黑松露蝦丸、芝士牛肉丸同梅菜豬肉丸。鵝肝墨魚丸內有真鵝肝；黑松露蝦丸嘅松露味十分突出，一夾開已經味道濃烈嘅松露味；芝士牛丸係爆漿芝士，可以一試；而梅菜豬肉丸就係梅菜蒸豬肉嘅味。我地仲點左水蓮餃，口感似西洋菜餡，食落有麻油味，毛豆腐，吸湯一流；寬粉條，食落好QQ，陪麻辣湯底超正；蜂巢牛肚，上菜時已經熟所以只要擺喺湯度滾一滾就可以食，有調味過已經入味；活九孔即係鮑魚鮮味十足只要滾3分鐘就可以食，口感唔韌；而佢地嘅酸梅湯解辣一流。今次台式火鍋體驗不錯，會再次嘗試！

今晚同左朋友黎呢間養心殿，養心又養生哈哈。雖然夏天熱辣辣咁，但係打邊爐都係必須嘅去到梗係睇下有咩食先啦～由於我朋友比較細食，所以我地無嗌太多野，驚食唔曬咁我地就嗌左手工丸拼盤 咁佢就每款丸有兩粒， 佢啲丸應該係人手逐粒打嘅，因為同平時睇到嘅唔同。啲丸食落都好彈牙，同埋除左食開嘅墨魚丸之外，仲有黑松露蝦丸同芝士牛丸，兩樣都好新鮮同好食打邊爐梗係唔少得響鈴啦，響鈴新鮮炸起十分香脆可口 打邊爐其實重點梗係個湯底啦，今次我地叫左美人鍋拼酸菜白肉。 美人鍋就真係好足料架，成隻烏絲雞做湯底，所以入落好清甜又唔口渴 而酸菜白肉鍋就好醒胃，入面又有酸菜白肉同我最愛嘅寛粉添！ 我地又嗌左個蔬菜拼盤， 入面有比較少食到嘅珍珠荀，店員仲好細心咁教埋我地點食添，原來要將層衣剝開先。 牛柏葉分量都算多，不過記住唔好淥太耐，如果唔係就會變好韌我地仲嗌左碟霜降肉眼肥牛，肥牛每片都切得好薄， 好快就清曬啦食完之後佢仲有沙冰同芋圓送添，真係抵食又貼心

我地叫咗個鴛鴦鍋，一邊係麻辣鍋，一邊係美人鍋。麻辣鍋內有各種香料同藥材、鴨血同凍豆腐。而美人鍋入面唔單止有杞子、南棗、金華火腿，仲有桃膠同原隻烏雞。美人鍋入面有豐富膠原蛋白，仲有咁補嘅原隻烏雞，女士們真係聽到都心郁郁！先飲湯，再食烏雞~ 烏雞好多肉，仲要幾嫩滑同入味！呢兩個湯底都好濃味，唔駛用醬油都ok！極上雪花肥牛($188)嘅雪花分佈平均，配麻辣鍋真係世界級好味，非常惹味！千層凍豆腐 ($48)配麻辣鍋真係絕配, 豆腐吸曬湯嘅精華，好入味。不過咬落去嗰陣就要小心熱啦！活九孔 ($42) 好似活九孔咁嘅海鮮就當然要擺落美人鍋個邊，唔好擺入麻辣鍋入邊，費事濃烈嘅麻辣鍋會蓋過海鮮嘅鮮味。活九孔滾3-4分鐘就啱啱好，口感爽彈。手工丸類拼盤 ($108)黑松露蝦丸係我嘅最愛。未食已經聞到好重嘅黑松露味，咬落去仲要去彈牙。鵝肝墨魚丸中間真係包住成舊鵝肝，夠特別！食芝士牛肉丸嘅時候要小心佢會爆芝士。

半年沒有去台灣了，十分掛念台式麻辣鍋啊，於是要在香港嘗試找尋一下。一坐底二話不說先點麻辣鍋 $128還可以免費加一份鴨血，正！如果有耐性可以先滾一段時間才開始食會更入味。霜降肉眼肥牛 $178脂肪和肉均勻，而且新鮮，肉質嫩而且軟熟，不錯不錯！鵝肝墨魚丸 $48/半份兩人當然叫半份試試，鵝肝在中間，一咬開就有非常香濃的鵝肝味，好食！芝士牛肉丸 $48/半份牛肉丸稍為濃味了試少，不過芝士的流心程度很讚！日本牡蠣 $138/6隻一食就知道是日本牡蠣，那種甘香是與聚不同，很滑！追加的鴨血還叫了冬瓜片和金菇都是我最愛，用來吸引麻辣精華就是一流！最後還有個台式小甜品，吃完火鍋再吃個甜品就很滿足了。

Hong Kongers love hotpots but it can be quite unhealthy because all the fats and oils are dispersed in the hotpot when the meats are being cooked and then soaked up by vegetables and tofu which are then eaten.Yeungsumdin is slightly healthier in the sense that the broth has lots of Chinese medicine.But anyway, hotpots can be healthy depending on what items you pick.I mainly had vegetables as I was there to drink the broth more than hotpot!!The only thing that wasn't healthy was the fried luncheo

養心養身做招徠，裝潢十足置身台灣書香世家中國風味濃極具優雅，全因場內以中國屏風間格，天花掛滿紅紅燈籠🏮像身在四合院大宅門。每一格有二至三張檯，故坐位空間感十足，比坐沙化位更添自由度。寧神養心鍋 $168新鮮大魚頭擁有肥美魚雲及魚腦營養價值高 ，再配上補身烏雞加入川芎紅棗桂圓等藥材，熬成養身湯底，味道濃郁絕不馬虎，一煲滋補寧神養心湯一點一滴都代表了廚師的認真。自助醬油區梅菜豬肉丸 （半份）@$36自家制梅菜豬肉丸，肥瘦適中富甜味梅菜中和啖啖肉感，口感爽口彈牙。自家製水蓮餃 （半份）@$42有特色水蓮是台灣野菜學名為「龍骨瓣莕菜」，屬於「睡菜科」含豐富維生素B12清脆多汁，用此做饀料來包餃子，成日講瘦身的我認為多食無妨 ，找這個值口給自己真是無得頂。雜錦蔬菜盤 $68選用新鮮嫩綠蔬菜。霜降肉眼肥牛 $178灼五秒的霜降甘香肉滑，一片片送進嘴裡真是滿載幸福感覺。食到最後我加多碟寬粉條 $38用來吸收湯底精華就是最王道，記得要連湯底一齊品嚐才喝到精華之源。今晚這一頓養身鍋真的令我捧腹而歸，用餐還未完畢終極好食在後頭，當我倆都摸著自己的肥肚腩時靚仔哥哥送上二碗糖水，😍😍嘩....是阿婆芋丸，神級

見Openrice 咁多食評，於是今次一行8人過來試試火鍋，佐敦地店方便，就在金牌火鍋樓上，相當容易揾，一行入去發現食店很多枱係分好一格一格，無論你是細枱還是大枱，都有屏風分開很歸一，燈光柔和，很適合暢飲聊天，而且此店免開瓶，可以選擇自己心水杯中之物。店員都很有禮貌，介紹火鍋特色，由於是養生火鍋，我們選擇了兩個鴛鴦火鍋，一個是麻辣和養生鍋，而另一個是美人鍋和寧神養生鍋，每個鍋平均都$188, 食店在這方面都幾識做生意😏，可是唯獨食店沒有清湯選擇，因為每款湯底都是葯材或麻辣，其中一位朋友兩者皆不喜，有點未能配合之感。前菜小食之選: 滷水拼盤和鹽酥雞都唔錯，台灣水蓮菜,值得一試，大家都很喜歡，鴨血可以免費追加，保留台灣特色，只是覺得沒有水提供，要叫支裝水$12, 有點唔多習慣,但最後有雪糕球作甜品，總算是完美的句號

放工同朋友四個女仔去食火鍋，黎左依間試下叫咗個鴛鴦鍋，好似好多藥材咁，另外一邊係麻辣蝦滑，墨魚滑都幾好食生蠔都大隻新鮮👍🏻不過四個女仔食，都食左每人三百幾蚊，其實都真係幾貴！

呢幾個月黎成日見到親戚去”養心殿”打邊爐，差唔多一個星期就去一次，今晚就即管去試一試啦。去到佐敦地鐵站行過去都好快到，入到餐廳，佈置古色古香，其中枱與枱中間有屏風隔開,私隱度較一般火鍋店好，我地大約6點到，餐廳還不算太多人，但當我地食到8點離開的時候，差唔多全間餐廳都滿座了。 到食物的部分了，我們一行2人叫了鴛鴦鍋 – 麻辣(少辣) + 酸菜白肉，本來麻辣會加送一份鴨血，酸菜白肉會送白肉，但因為叫了鴛鴦鍋，就二選一選了白肉，湯底方面，因我地都唔太食得辣，所以少辣就岩岩好了，酸菜白肉那邊我覺得白肉好似有點酒味，幾特別的。 另外，我地仲叫左手工丸類拼盤(12粒)，極上雪花肥牛，鮮蝦雲吞和烏冬。 手工丸類拼盤(12粒) - 入面總共有6款丸，包括芝士牛肉丸，梅菜豬肉丸，黑松露蝦丸，蝦丸，墨魚丸，鵝肝墨魚丸，每一款都看得出係手打的，其中我覺得最好食係芝士牛肉丸，因為芝士味很濃郁，跟牛肉味很配合，而梅菜豬肉丸就好像食緊梅菜蒸豬肉，不過變成肉丸狀的。 鮮蝦雲吞 – 隻隻都好大隻，而且仲好飽滿，入面大概有成隻蝦咁多。

已經食過好幾次養心殿, 續一試愛上後, 漸漸成為左養心殿既粉絲了!! 因為食物又好食, 分店又多又就腳, 環境又唔差, 服務又唔錯, 仲要唔收開瓶費, 正呀!!所以D朋友一話去食火鍋, 基本上都會先考慮養心殿!! 今次又再一行四人黎到佐敦分店啦~~ 麻辣鍋併秘制薑母鴨鍋              HK$168麻辣鍋併薑母鴨鍋 已經成為左我地默認了必點既鍋底了!! 其實每次黎我地都無特別出去混醬, 因為差不多每次黎都點麻辣鍋, 覺得配料係入面滾下滾下已經好入味, 跟本唔需要再加任何醬料!! 而且本身麻辣鍋入面既鴨血同凍豆腐又好入味同好好食, 仲有得免費追加一份鴨血tim!! 而薑母鴨鍋用料又足, 用上老薑, 馬蹄, 冬荀, 當歸加台灣特產紅面番鴨去肴制成的~~ 記得開始打邊爐前先飲左個湯底一轉先呀!! 黑松露蝦丸            HK$48 (半份)鵝肝墨魚丸            HK$48 (半份) 自家制鮮蝦雲吞             HK$42 (半份)       自家制麻辣牛肉餃        HK$42 (半份)  呢度d 丸的確係特別彈牙的!! 鮮蝦雲吞又夠鮮甜!

食雞煲食到悶，又想食得健康啲，又想打邊爐，即刻諗起藥膳養生火鍋，好彩一早訂位，就番朋友仔，我地去左佐敦分店食，地點非常方便，係佐敦C2出口行三分鐘就到，入到店內，好有中國風格，座位寛闊，坐得舒服，服務人員人手充足及細心之後我地馬上叫左個鴛鴦湯底，養生既我緊系叫養生鍋，朋友食麻辣鍋拉，非常期待，個養生火鍋湯底好有人參味，好補身感覺，出其易入口，因為我地都好怕藥膳湯底藥材好重，吾好食，結果梗係好味拉麻辣湯底仲送哩鴨血及千層凍豆腐，鴨血口感軟彈牙，入口唔會散，千層凍豆腐口感煙銀、軟綿綿，吸晒麻辣湯底嘅精華、辣得過癮！闊條麵：索晒湯底一流響鈴：炸得香脆唔油膩🦐丸、墨丸：兩款手打丸口感彈牙及新鮮涮鍋小羔羊肉片：薄薄嘅羊肉片，口感鬆化冇so味，正鮮甜三蔬：秋葵、粟米，推介粟米非常甜，淮山片，都係推介之一，爽口清甜及非常健康like Facebook 送一杯野飲，正，我試咗酸梅湯，而且酸梅湯唔甜感覺好健康又可以消膩，食飽飽買單，仲送埋黑糖芋圓糖水，好滋潤感覺，重點係唔太甜，又多材料，每人仲有一個雪糕榴槤及曲奇味道，榴槤非常值得一讚好好味，滿足

一行四人就試下呢間台灣火鍋店老實講食物種類我同朋友都唔覺得多我地叫左鴛鴦鍋$188（養生鍋/麻辣鍋-小辣）個湯底會有鴨血同凍豆腐（鴨血真係無得跟台灣既火鍋店比，完全唔得凍豆腐好入湯底既味道）麻辣鍋（一d都唔麻同唔辣大家可以叫辣d)養生鍋（好有人參味，清清地幾好）響鈴（都脆既）蟹子墨魚滑（夠彈牙）鵝肝墨魚丸-半份（中間係有一粒好似鵝肝既野，但又無乜鵝肝味）竹笙（係厚身個隻因爲出面好多都係薄身）寬粉條（放係辣湯底個邊，好辣好好食）雪降肉眼肥牛（普普通通）呢碟蠔就真係麻麻食到有少少臭左咁自家製極品水餃（心諗睇下有咩咁特別，原來係無乜特別就係一個豬肉水餃）我哋仲叫咗一榨好似裏面有杞子既飲品，淡而無味千奇唔好叫大致上啲嘢唔係話唔好食，只係一般囉

食到第三站-佐敦店佐敦店的空間較大坐得舒適！養心殿真的很高質！朋友不吃辣，同埋想清淡一點，要了鴨（左）和美人鍋（右） 足料的湯底，湯滾後我們食了幾碗才放其他食物材料好好食，尤其是鴨！美人湯放了桃膠！記得飲多兩啖湯啊！今次叫了很多菜，我覺得菜都係台式火鍋一大重點菜藍同窩依然超正睇相都感覺到，食落更不在話下！清清甜甜，養心心推介翠絲水連！上次見其他枱食深深記住！好特別啊，食有點蔥的texture,菜的味道下次都會再食！水連餃想試多些水連，大隻好味同場的其他，在其他店都食過，保持高水準，寬粉條次次都想食😝😝😍

養心…養生…聽到個名已感到好滋陰養顏，已經急不及待要來食啦! 台式火鍋我都係第一次食，每一個煱底都好吸引，不同的食材都有著不同的功效而且環境好寬敞，枱與枱之間的距離十分寬鬆，木製的枱櫈襯托著間隔的屏風，更具特色，加上柔和的燈光，讓人更感輕鬆舒暢，寧神養心feel油然而生美人鍋底無走雞內有桃膠~含豐富膠原蛋白，滋陰補虛，原隻烏雞加上十足藥材一起肴制湯底，養顏值至高極上雪花肥牛~簿簿一片，在這個滿有藥材既美人鍋內烚下烚下，濃濃既牛肉味加埋啲湯既味道，唔需要點任何醬料，都好味，最重要係唔肥膩黑松露蝦丸(半份) ~ 蝦丸實肉彈牙，陣陣清香既黑松露味道，勁好食自家製極品水餃(半份) ~ 餡料足配有原隻蝦，爽口彈牙翠絲水蓮~台灣空運過來，呢款菜我就第一次食，食後感，一個字👉爽鮮甜三鮮蔬(秋葵，玉米，山藥)免費贈送沙冰