養心殿台式養生鍋 (已結業)

上次食完旺角間養心殿，念念不忘，今晚就約埋班朋友一行四人去到佐敦分店，佐敦依間的間隔同環境都比旺角果間闊落，每張枱上都有好特別的燈。我地今次人多D，揀左雙拼湯底，小辣麻辣湯同酸菜白肉湯底，因為我唔食得辣，但見到麻辣湯底入邊有鴨血同凍豆腐，配合其他配料，又唔算麻辣，我個程度可以接受，仲好惹味添，鴨血滑，唔會一夾就散。食物方面除左order返上次點過的牛、萵荀、油條同丸外，今次仲點左黑柏葉、梅花豬、牡蠣同墨魚滑。黑柏葉的份量好多，韌韌地，有咬口。梅花豬好薄捲成一圈圈，肉色鮮紅，好快就熟，無乜油脂，肉質滑， 肉味出!牡蠣一碟有六隻，超肥美，好新鮮。墨魚滑好彈牙，有鮮味同旺角一樣，LIKE佢Facebook打卡仲有一杯無酒精類飲品請你飲，仲比旺角多左碗糖水，係好正宗的台灣芋圓，甜甜地又彈牙，正。

男友十分喜歡打邊爐，聽幾個朋友都話養心殿高質，今日有興致就一於食下佢！.環境真係幾好，幾有feel.Omg就係為左依個麻辣鍋而來，好香亦好重料！仲有好多好多鴨血係個鍋入面，令人蠢蠢欲動.依個酒香白肉係成餐性價比最高的，酒味好香，肉都好新鮮，就算放左落個湯度煮完都完全冇蓋過個酒味，岀色！.蔬菜新鮮，依個蔬菜盤仲好多菇類，正常.寬粉，係另一個主角！個粉易熟，唔會好難咬，同外面既不同，又吸左個湯，真係必叫！.霜降肉眼肥牛，好有鮮牛味，食左依個先知自己平時食果d雪藏牛差幾遠，果然一分錢 一分貨.依個餃就冇乜太大驚喜，可能本身個湯已經係辣，所以不太食到辣味，但牛肉都係新鮮，好香.芋絲同豆腐都係拆包裝的，不過芋絲有好多，都幾抵，兩個人真係食唔曬.總括環境好舒適，服務比好多餐廳都好，坐幾耐就幾耐，又闊落，加上用料好，難怪平日都滿座要訂位！冬天再來吧

近期explore 緊佐敦有咩好食，火煱控朋友介紹左lee間! 佢係突破對面, 要上一層! 上到去，佢裝修好中式！D 台有屏風間開, 幾有privacy! 雖然佢個場好大，但都幾多人，去到要等5分鐘，就有得入lu!! 好得意呀佢個醬油位!! 佢個香醋麻油都幾特別!! 少少酸，幾解油利咁Pick 左美人鍋, 入面有成隻烏雞!! 湯底好甜! waiter 話未落野前不如飲下個湯!! 痴線，勁好飲! 係清甜既!我一開始有D 覺得: 係咪架! 咁甜!?? 之後食佢D 湯渣發現入面有圓肉所以係真材實料甜出黎 <3 平時湯底既雞一定老到可以放入博物館，但佢個雞D 肉係好食ga wor!! 當然我話滑就呃你la!! 但可能加埋個湯底，所以好食，朋友都問我做咩係咁”了” 佢D 肉黎食，佢食左就明la ! 哈哈仲有桃膠，第一次食，都幾得意，聽聞好保ga!!D 蝦好新鮮，仲move ga 黎到朋友鐘意食丸，所以 instead of 叫雜丸，我地叫左3種丸黎試，由上至下：芝士牛肉丸，黑松露蝦丸同鵝肝墨魚丸鵝肝墨魚丸好笑！但我最鐘意都係黑松露蝦丸！好香

係facebook見朋友們都話要去試下養心殿，今日襯同男朋友係旺角出完血，就去左佐敦試下！一入到去真係好靚，古式古香既裝修，掛窗邊既紅燈籠，夜晚睇真係好有古式味道！夏日炎炎，一坐低見到有個facebook打卡簽到即送咸檸7/汽水就即做啦，飲住冰凍既凍飲再揀野食，舒服哂啊！最後我地揀左美人鍋同埋酸菜白肉鍋！美人鍋入面真係有半隻烏雞而朋友推介既酸菜白肉鍋入面既qq noodle 真係好qq，條條都掛到好多湯係麵上面。另外我地仲叫左聖子，鮑魚九孔，水餃同埋墨丸。聖子鮮味九孔靚仔男朋友仲同我一齊數係咪真係有9個孔😂😂😂水餃勁足料

台式打邊爐！袋修富中式風味，間隔都幾多 養生鍋$188配酸菜白肉鍋$128，雙併以高價計算~所以食雙拚就比較抵 養生鍋以人蔘為主，見到大大條人蔘，都幾香下，就咁飲都ok，但整體湯唔算濃厚，略單薄少少 酸菜白肉鍋，酸酸地幾開胃，白肉都幾多，仲有QQ粉，料幾多，另外仲可以免費加一份酸菜白肉架，記住加 酒香白肉，$58，酒香味重，都幾入味，幾有驚喜 芝麻湯圓 $48，6粒，皮薄餡多，芝麻夠香 鵝肝墨魚丸 $48，半份有4粒，鵝肝幾香，會爆汁，外邊幾彈牙 黑柏葉，較少見，幾好咬，有嚼勁

上次朋友試左一次養生鍋，就念念不忘，要再去過。好啦，今次同你去第二間先。位於佐敦嘅養心殿台式養生鍋，裝潢同其他分店一樣，雅緻特別，放置屏風散發濃濃嘅古典氣息。環境比較昏暗，幾好情調，最重要係企理乾淨☺自助醬料區，醬料擺放整潔，隨便自由斟。點左個美人鍋，係由烏雞加上唔同藥材，有桃膠，紅棗，烏雞，黨參等，滋陰養顏，味道清甜，朋友飲左幾碗。雜錦蔬菜盤，無菜不歡嘅豬立即叫左個蔬菜拼盤放落去，吸收下湯嘅精華先。拼盤有金菇、粟米、雜菇、娃娃菜、生菜等，種類豐富，健康爽口又清甜！打邊爐當然要點肥牛，要左極上雪花肥牛，牛肉既顏色唔錯，而且都幾大片，濃濃嘅牛肉味，由於我地想最後先食牛，所以豬飽飽都留左個位置俾靚靚肥牛。什丸拼盤，有蝦丸，芝士牛肉丸，墨魚丸， 黑松露蝦丸，梅菜豬肉丸， 鵝肝墨魚丸， 款款都各有特色，相當彈牙，手打丸果然係好食好多，其中蝦丸味道比想像之中突出，再加上黑松露，兩者非常配。另外值得試嘅係梅菜豬肉丸，好juicy,味道岩岩好，唔會鹹。芝士牛肉丸，愛好芝士嘅豬對呢個非常期望，可惜芝士味唔係好出，同牛肉丸唔係好夾。餃子拼盤，皮薄餡靚，有自家製水餃，鮮蝦雲吞，麻辣牛肉餃，韭菜餃， 水蓮餃

好多朋友試過呢間都讚, 方便之處好多地方都有分店終於的起心肝同男友黎佐敦呢間試下係咩料先而家香港開咗唔少呢D養生火鍋店, 以補藥做湯底, 不過之前去過一間, 太勁味精, 食咗幾啖成個人都好唔舒服, 希望呢間唔係咁啦!呢度嘅裝潢一D都唔求其, 用咗好多"穿窿"屏風隔住, 感覺唔會同隔離檯太親密而坐嘅空間都夠寬敞, 只是椅子是無靠背 環境衛生各樣都很好醬油是自助形式的我覺得香醋麻油是必試的, 好香!酸酸的有開胃同消滯作用點餐Menu有一張, 為免中伏, 緊係叫鴛鴦湯底啦其實....我同男友各有各口味啫, 不過一場黎到, 緊係要試多個湯底啦有好幾個補藥湯底都好想試, 有選擇困難症嘅我, 決定交比OPENRICE嘅網友一邊選擇了"寧神養心鍋", 一邊"酸菜白肉鍋"每個湯底都包含材料架, 所以百幾蚊, 唔係貴囉寧神養心鍋入面有好大個魚頭, 一打開個蓋, 就聞到好多藥材嘅味道平日飲慣媽媽煲嘅當歸湯, 所以我唔抗拒, 不過男友就麻麻鍋入面仲有川芎, 白芷, 天麻, 當歸等藥材仲有豬肉同烏雞煲足4小時其實單食呢D肉, 我諗都飽飽地未開始落其他餸料前, 緊係先飲啖湯啦呢度D湯真係真材實料, 食到尾都唔覺

養心殿台式養生鍋這間台式火鍋店，無論裝修、佈置、餐具，都充滿台灣風，好有上次去台灣食火鍋的味道，侍應服務也到位，點餐及上菜也很迅速。美人鍋湯底超級足料，一入口就有濃郁的金華火腿香，為整個湯底提鮮不少，還有原隻烏雞，烏雞肉質唔會老，配上大份量的桃膠，南棗，沙蔘和杞子，飲完大半碗湯都有少少暖胃嘅感覺，可能真係有美容功效。餃子拼盤包括有極品水餃，鮮蝦雲吞，韮菜餃，麻辣牛肉餃，魚皮餃，水蓮餃，每款各兩隻，個人最喜愛麻辣牛肉餃，啖啖牛肉，麻味比較強，喜歡辣既朋友要一試，仲有韮菜餃，菜多肉少，感覺好清新。 鮮蝦雲吞和極品雲吞十分彈牙，很足料，啖啖都有蝦肉，不會很肥膩。手工丸類拼盤一共12粹每種味有2粒，可以一次過滿足我嘅好奇心！裏面有蝦丸，墨丸，梅菜逐肉丸，芝士包芯牛丸，黑松露蝦丸，同埋鵝肝墨魚丸。 黑松露蝦丸清香彈牙，梅菜豬肉丸夠特別，牛丸鲜甜，款款都好有口感，唔點野都好好味。雜錦蔬菜盤有娃娃菜、生菜、雜菇、粟米，選擇多，又新鮮，又甜。霜降肉眼肥牛，脂肪和肉均勻，而且新鮮，肉質嫩而且軟熟，不錯不錯！烏龍麵好滑，口感爽彈有咬口，個人覺得配養生鍋會更夾。鮮蝦滑加埋上面脆卜卜既蟹籽，食落超級彈牙呀！今

近排邊爐癮起~朋友係佐敦搵到間高質邊爐一齊去試下~我好少去佐敦，少少驚唔識路，呢間餐廳都幾就腳，係地鐵站出，直行轉彎就到了~ 入到去餐廳個感覺好中國古代風，有好多屏風，私隱度同空間都好夠，但就要坐板凳，無得挨，坐得耐有d累！待應服務態度幾好，未點菜都好快就送左壺茶黎啦！見到個menu，我一眼就點左美人鍋lu~女士養顏之寶wo! 仲唔試下！我朋友就揀左麻辣鍋，叫左小辣~ 走廊有各樣醬料供自取，個樣都幾企理。個鍋一上，就見到有好大隻烏雞、紅棗、龍眼肉同好多桃膠！堅養顏，好多骨膠原啊~未落野之前已經要飲佢一碗湯了，好清甜！個麻辣既湯都飲左，感覺到佢好麻！另外啊，叫麻辣鍋仲會送多一份鴨血，幾抵食！因為平時都好少食鴨血，試試同豬紅差不多，比豬紅硬一點，但好入味！d白蘿蔔切得幾薄，好快就熟同入味！幾甜~芝士牛肉丸無流心，但芝士味都濃既~ok!全餐最正係隻雞啊~我不嬲都鐘意食湯渣，個鍋煲左個幾鐘，但隻雞仍然好嫩滑！無奈我真係太飽了，下次應該早d食舊雞！食完都忍唔住飲多碗湯，無一開始咁清，不過都仲好好飲，d桃膠都無話煮到溶哂，仲有幾多下，不過中間有加湯一次，個味道都仲好濃，讚！埋單前，待應仲送左碗芋圓

上次食完回味無窮，加上養心殿幾就腳，佐敦地鐵站行5分鐘就到了，所以今次就去左佐敦店試試啦！😂入邊既風格同裝潢都同旺角店大同小異，中國風我同朋友都幾早到，6點半入座，不過都有幾多人食緊啦🤤由於上次個美人鍋太好味了👍🏼，忍唔住今次都要Encore啊! 入面d桃膠真係好多！忍唔住飲左一碗先打邊爐。芝士牛肉九都係好好味！所以都Encore!😝今次就試下麻辣鍋，我地叫左小辣，初初不太有辣味，但麻味十足，煲滾左之後，d辣出哂黎，好正啊！😍入面都有好多料，例如桂圓、鴨血同豆腐等。最抵既係，叫麻辣鍋，佢會送多免費一份鴨血~❤️牛肉就揀左霜降肉眼肥牛~好大塊好有牛味~脂肪唔會太多，岩岩好！👍🏼今次我地叫左個餃子拼盤，一共12粒，每款有2粒，咁就可以款款都試哂😏👍🏼! 唔洗心大心細諗揀邊款好啦~ 全部餃子都好足料，大大粒！其中自家製麻辣牛肉水餃，我第一次食，不算太辣但有麻的感覺，出色！🤤我地今次仲試左蝦膠，上面有少少蟹子，好彈牙！👍🏼最後，侍應埋單個陣仲送左碗黑糕芋圓比我地~好煙韌啊~👍🏼

也是點了一個鴛鴦鍋，分開兩邊的，一邊有鴨血，不會太過軟，還有少許嚼勁。另一邊酸菜鍋，酸得來臭臭的豬天梯，員工指，豬天梯爽口彈牙，如果煮得太熟可能會較韌，但是經指導之後，他教我們淥5、6分鐘，因此較爽口，一格一格的質感更為特別。牛胸滑，薄，但不太肥膩，不覺口感特別。炸午餐肉，外脆，口感特別，輕煮一下，又脆又吃到內裏美味從那一天起我不吃響鈴後，吃火鍋的時候便多了一些位置可以吃東西，因為響鈴好好有大塊，又肥膩牛肉，薄而小塊，肉味香濃，嚼下不錯👍🏾吃完的時候，員工會自動送上柑桔沙冰🍊以及檸檬沙冰🍋，吃完火鍋之後，還給你兩杯細細杯的沙冰，第一可以清除口氣，第二又可以解除辣味，一舉兩得，冰凍爽啊。

突然麻辣癮🌶️發作，叫埋個fd一齊去試試呢間台灣過江龍，睇下佢個養生湯底係咪咁補先😆😆😆結果真係無令我地失望，食物好新鮮，服務態度都好好，讚喔👍🏼☝🏽座位之間有屏風隔住，空間感比較大，好闊落，坐得好舒服，唔會迫，但我地無坐卡位，所以無得挨住坐，食兩個幾鐘腰骨有小小累☝🏽一入座侍應就比左壺茶，呢個銅壺好重手，保溫好好，食到中後段仲keep到d茶係熱既☝🏽自助醬料區，每人要收$20，選擇不多，但有比較少見既香醋麻油☝🏽鴛鴦鍋，美人鍋X麻辣鍋 $188湯底超級推薦！🏆麻辣鍋我地叫左小辣，要滾一陣先出味，一開始唔算辣，麻比較突出，好多辣椒，湯內已有鴨血，蜂巢豆腐，份量不少。去到後段麻辣味道出黎，feel到好濃郁，正！美人鍋有半隻烏雞，落足料，仲有養生美顏桃膠！難怪會叫美人鍋😋😋味道好清甜！同朋友一開始都忍唔住飲左成碗湯先開始落料打邊爐，淨係飲湯都好正！☝🏽鴨血可以免費添一次真係好中意鴨血，平時港式打邊爐無得食，今晚食返夠本，可以免費添真係好爽☝🏽雜錦蔬菜盤$68全部好新鮮，有少見既連衣玉米筍，爽口，不過有d草青味，唔係個個頂得順☝🏽霜降肉眼肥牛$178見到有個推介emoji係menu上就點左，肉

每次約到朋友打中午邊爐，必去養心殿！次次基本上都點同一個鴛鴦湯底，一邊酸菜白肉鍋一邊麻辣鴨血，每次都要食大量鴨血同寬粉，都係唔厭。最近呢次去食，仲帶埋印尼姐姐幫手照顧B.B.,否則我一定食唔到野。侍應哥哥很好的招待，還知道姐姐不吃豬肉，容許我有另類安排，香港食市有人咁通情達理，實在難得。到底我幾時先可以試其他食物，好想試其他野，但個胃嘅空間實在有限，點算好？如果點菜紙有圖畫就好，有時有啲食物我認得個樣、但唔知個名，又唔想麻煩人....

超愛呢間養生鍋，因為湯底夠曬滋補，而且食物用料靚所以間中又要黎醒一醒去打一打邊爐是晚約了三五知己到佐敦分店。一入座先醒我地幾杯沙冰醒下胃先有柑桔有青檸味，又冰凍又開胃點了鴛鴦鍋，一款是美人鍋，入面有大量桃膠、准山、烏雞，夠曬滋補另一款是養生鍋，大量人蔘、鴨血、紅棗，正拼盤丸子，有多款口味，每款有兩粒粒粒都彈牙，而且款式又多，同朋友每人幾粒咁，可以食到幾款唔同口味餃子都是點了拼盤，每款有兩粒，大大粒好足料，好鍾意食雲吞，大粒又彈牙一流，每一款都有獨特的驚喜肉類好靚，看到脂肪分佈得好平均肥瘦適中最鍾意佢薄薄地，一放到鍋內很快就熟透可以進食羊肉卷羊肉味很香喜歡吃羊肉的都要一試，一涮就可以放到口中打邊爐點少得霜降牛肉質好靚，牛肉味又重，而且入口即溶一片又一片咁，肉類都好快被我地一一掃光呢款炸豆皮，之前食完一次便愛上因為很厚切，而且很大片，所以吃的時候好緊緊鎖到湯的湯汁，每一啖咬下都很惹味外軟內又帶點點脆，而且仲好似湯包咁，好正點了一份蔬菜盤又係貪咩野都有點，唔洗心大心細咁諗想點邊一款菜類，所以我都幾鍾意呢間餐廳有拼盤，因為咩都有點，咩野都可以試到少少入面有菇、粟米、金菇、生菜、椰菜等等新鮮呢款

呢排我追緊「延禧攻略」，所以一見養心殿呢三個字（皇帝住既地方）就有好感😂有六種鍋可以揀，鴛鴦鍋價錢以貴d既一邊收費。除左酸菜白肉鍋興趣不大之外，其餘五款真係好難揀吖！寧神養心鍋有川芎、白芷、天麻等材料，天麻對有偏頭痛既人好有幫助架！美人鍋顧名思義有豐富膠原蛋白，女仔養顏之選！養生鍋就有多款名貴藥材及人參。衝住可以追加鴨血既份上，揀左麻辣鍋和秘制薑母鴨鍋（有半隻鴨），感覺好抵食👅手切牛肉細份，油脂分佈均勻，鮮紅色十分吸引，食落牛味濃郁。涮鍋小羔羊肉片100分，食落肉質幼嫩帶有羊獨有既膻香，大半碟都被我掃入肚。千層涷豆腐，我以為跟麻辣鍋附有既涷豆腐只有幾塊，怕不夠吃就多點一碟，點知鍋本身有蠻多的~自家製餃子拼盤有12粒，6款口味~極品水餃、鮮蝦雲吞、韮菜餃、麻辣牛肉餃、魚皮餃和水蓮餃。水蓮餃係6款中No.1好食，水蓮切得碎碎的，翠爽既口感好清新！嚐辣既老公就勁鐘意麻辣牛肉餃，貪其大粒脹卜卜兼辣得過癮。手工丸類拼盤12粒，6款口味～鵝肝墨魚丸、黑松露蝦丸、芝士牛肉丸、墨魚丸、蝦丸和梅菜豬肉丸。梅菜豬肉丸好令人深刻，平時只會食到梅菜肉餅，用嚟整丸創意十足。黑松露蝦丸既黑松露味超濃。寬粉條，即係