養心殿台式養生鍋 (已結業)

我朋友行經見到寫住八點半前離座一律七折，感覺好鬼抵，即刻唔好執輸。叫了養生湯底，湯底是奶白色的，湯底很甜，用嚟烚野食，已經好夠味，連醬油都唔使了。叫了一個滷水雜錦拼盤，有牛展、牛肚、豬大腸等，牛肚很入味，牛展除了入味之外，一啲都唔（銀)，非常好食， 豬肚滷到很淋，成個拼盤都值得推介。食完鹹的，就梗係要食甜品，最值得一食嘅就非榴槤雪糕莫屬，雪糕形狀是一個球體，雪糕硬度剛剛好，榴槤味超濃郁，一打開個袋就已經嗅到榴槤味，雪糕很香滑，一定要食。

已經不止一次品嚐養生店的火鍋呢！今次試試佐敦店點了火鍋湯底和配料後，侍應送上飯前飲品給我們。酸酸的涼涼的， 火鍋前飲幾口確不錯。今次點了美人鍋拼養生鍋美人鍋還附上原隻烏雞。 烏雞肉質鮮味，我們差不多食哂！養生鍋配上各樣藥材，散發濃濃的花旗參味手切牛肉切得薄薄的， 滾幾下已經可以入口，肉質鮮味。日本蠔清洗得很乾淨鴨血爽滑什錦蔬菜盤$68有粟米金菇， 大冬菇，油麥菜。種類都算多， 抵！即炸響鈴$68嘩！ 好大件，滾大概5 秒開始淋， 但又唔會散哂！ 鵝肝墨魚丸，黑松露蝦丸，水餃，魚皮餃水餃脹卜卜，裏面的蝦又新鮮，又大隻。 脆炸午餐肉可以即食，應該一煎好即上，所以小心辣親咀仔蟹捧無特別標名是來自日本， 但質素本人覺得似日本蟹捧埋單後，待應為我們送上甜品。係我最愛既黑糖芋圓。 超讚的一餐無論環境， 服務，食材一定會再來。

聽朋友說最近有間台式火鍋勁好食，特別特是麻辣火鍋，在好奇心之下便一同前往試試，但又怕辣的我，最後選了個鴛鴦鍋，酸菜白肉鍋配麻辣鍋，鴛鴦鍋以高點價錢收費，但酸菜白肉鍋和麻辣鍋都是同價，所以鴛鴦鍋都只是收HKD128，而且還可以追加一次鴨血，或酸菜白肉，真的好抵食。麻辣湯底麻辣味剛剛好，湯鍋內鴨血和凍豆腐也不少。酸菜白肉鍋又清帶點酸，非常之開胃。湯底內的酸菜和白肉也很多，還有個大大魚頭及QQ粉，只吃這些都好飽肚了。吃火鍋都有醬料，一共有6款，蒜泥、芫茜、蔥、辣椒、香醋麻油和醬油，都是基本的火鍋醬料，每位要加收HKD20。醬料之內加了香醋麻油又好好味。鹵大腸 HKD88，鹵得好入味，大腸都幾爽口，鹵汁味道是甜為主，越吃越覺得好食。即炸脆嚮鈴 HKD68，嚮鈴都好大件又薄，直接口就啖口一點，但很脆口。放入湯底，即時變得好味，多了湯底的味道，特別是酸菜白肉鍋，酸酸地好開胃。自家製韮菜餃子 HKD42，餃子有一份或半份，這就是半份的餃子共有4粒，每粒都都很香韮菜，肉汁也不少，好好味。蟹籽墨魚滑 HKD88，墨魚滑非常之彈口，而且好香墨魚的味道，真的好好味。梅菜豬肉丸 HKD36，豬肉丸有一份或半份

這間台式火鍋店火鍋湯底確實美味以中藥入饌 養顏又補身 而且湯底入面會加咗一些火煱食材 例如凍豆腐 鴨血除咗飲湯之外 仲可以食埋火鍋配料超喜歡美人鍋 湯底有大量桃膠 女士恩物 滋陰養顏增加骨膠原店裏充滿台式故鄉風格 古香古色 雖然環境有啲暗 但別有一番風味醬料方面 可隨個人喜好自己調配手切牛 點了小份量的 色澤紅潤新鮮入口即溶 油花分佈非常平均 非常推介蟹棒是上等貨色 我會食到成口粉 而且鮮味十足炸響鈴即叫即炸 上枱時仲係熱辣辣由於喺湯底食到鴨血 感覺良好非常滑溜 於是點了一客這個是朋友點的 忘記了是什麼名字我都係第一次食 賣相有啲似可粉 但係食落相對比較煙韌彈牙蔬菜類新鮮 湯底灼過之後變得更加甜冰豆腐 吸湯之選 一定不要錯過 咬落去湯汁湧出來 非常美味喺facebook打卡 仲有嘢飲送

養心殿台式養生火鍋呢間養心殿早已經聽過佢嘅大名 終於有機會可以一嘗啦。之前已經聽過食過嘅朋友講呢間嘅價錢唔平！ 就等我同朋友試吓睇下值唔值呢個價啦😁呢間佐敦分店環境都唔錯 燈光就比較暗 都幾有feel 佢嘅間隔都幾特別有好多唔同嘅屏風隔開一個個 位所以感覺上就比較有私人空間 都幾適合同朋友聚會👍🏻我哋就揀咗麻辣鍋 同埋寧神養心鍋😋 一嚟到見到個湯底已經覺得好吸引啦 感覺好足料！ 尤其養生鍋入面有好多唔同嘅藥材 見到都覺得養生😂跟住我哋叫咗好多唔同嘅嘢食肉類方面我哋叫咗極上雪花肥牛啦 同埋嘉美農場雞肉 啲肉咁覺得好新鮮 食落都好有鮮味 正啊！另外我哋仲叫咗 手工丸類拼盤 啲丸都好有特色 唔錯唔錯 佢係每一款丸類都有兩粒 都幾抵嘅另外仲有自家製極品水餃 半份有四隻 好吃！蟹子墨魚滑 墨魚滑我最鍾意食㗎啦！ 好彈牙 好正😋仲有寬粉條 本身以為係白色一大塊嗰啲月原來係透明 幼幼地好似薯粉咁嘅質感 放喺養生鍋嗰邊煮就會甜甜地 麻辣鍋嗰邊煮就重口味啲 都好惹味😆仲叫咗個雜錦蔬菜盤 入面有好多唔同種類嘅蔬菜 有菇又有菜 啱晒我呢啲注重健康嘅朋友台灣炸豆皮都好好食 放喺湯入面幾秒攞上嚟就食 都幾好食

今日返返下工同同事傾開計話好掛住台灣個無老鍋 佢地就話收工去食囉 我心諗即刻買機票咩 佢地話收工去食養心殿 話岩哂我食 話我想食既野都一定有 佢地即刻打電話book 好彩有位 收工即刻搭車去 一去到門口已經見到好多人排隊 一坐低我地就叫左鴛鴦鍋 一個係美人鍋 有膠原蛋白 有桃膠 有紅棗杞子 另一個係養生鍋 係我最最最最中意既人蔘雞鍋 我一黎已經飲左三碗新鮮既蔘湯 😑🤤🤤烏雞都勁好食 如果中意食肥牛既朋友仔就岩哂 佢d 肥牛粒 勁好食 同埋雪花肥牛 好食到癲左🙄🙄🙄 仲食左好多粒新鮮蝦丸 勁彈牙 仲有仲有 不得不提就係 佢個凍豆腐 一定要必須要嗌黎食 好滑 食完即刻心理作用上身 覺得皮膚好滑😂😂😂 其實叫到成枱野都係千零蚊ja 臨尾飲返杯菊花蜜 解熱氣🤭仲食左碗芋圓糖水 好滿足🤗 以後吾洗下下飛去台灣食😂

今日收工約左朋友去佐敦食飯，朋友一直都話好想試下養心殿，所以今日黎朝聖一下一去到個環境好古式古香，暗暗地既燈光，好舒服，唔會坐得好迫。朋友一早就話要試佢個養生鍋底，咁就好快落左個鍋先。咁跟住我地就去拎醬汁，個蒜泥汁好香個湯底黎喇！嘩好多料，最觸目係會見到好多人蔘係湯入面首先我會飲啖個湯底，不得了真係好濃既人蔘味，我重飲多幾啖我地叫左個手切牛肉（細）呢個牛肉真係好有驚喜，咬入口真係食得出好有肉汁，好甜同埋佢唔會太薄，有咬口但唔會話咬唔開！岩岩好另外我地叫左份霜降肉眼肥牛，肉味都好出同樣都係好甜口感相對會比手切牛薄然後我地叫左份豬天梯，因為我地大家都未試過好爽口！好脆，我相信如果大家會食麻辣鍋既話，豬天梯一定好搭驚喜一浪接一浪！我地無諗過平時火鍋一定會叫既響鈴係咁正因為佢係即炸既關係，一黎到已經勁香。我真係落去煮左一下就即刻拎上黎食。好入味！！！重有少少脆既口感！真係想叫多份黎食之後我地叫左份厚脂黑毛豬梅花肉入口完全唔覺得佢肥，反而重會少少爽口，豬同牛一樣，肉既甜味都好出只外我地重叫左半份自家製雲吞半份自家製韮菜餃，好足料最後我地見到平時好少機會見到既火鍋料，櫻桃鮮滑鴨片黎到都係一卷卷咁，

旅行回來, 第一餐出外用餐就選擇呢度無他嘅, 就係掛住佢呢度嘅特色養生湯底, 款款都吸引, 依加設有雙拼湯底, 以較高價錢湯底收費, 同一時間可以試2款湯底, 咁就掂啦!麻辣鍋以多種香料及藥材, 香夾惹味, 加入鴨血及凍豆腐, 辣度任你選 (小辣級岩我), 仲加送多一份鴨血比你, 抵呀! 每次黎食鴨血都口感嫩滑, 似食緊果凍咁, 但又唔會一夾就散開, 配麻辣湯底真係好鬼正架, 呢度嘅鴨血係我食過咁多間麻辣火鍋最正嘅!  仲要加埋"索湯尤物"凍豆腐, 咬時小心被熱湯燙到呀!另一邊為寧神養心鍋 ($168), 以川芎, 白芷, 天麻, 當歸, 鮮鷄, 豬肉及鮮魚淆成, 滾起時已聞到好香藥材味!  當然先飲頭啖湯, 飲落有藥材香味, 入口舒服又好味, 真係好似一碗補身湯咁, 最緊要飲完唔會口渴嘛!"湯渣"有竹絲鷄及魚頭, 鷄肉烚完都仲算滑; 另外個魚頭煎香左一D都唔會腥, 魚雲又夠滑, 煲到D骨都腍晒, 通常"湯渣"都無人會食, 但呢兩樣都被我地食晒.........無變廚餘!"LIKE佢Facebook及打卡仲有無酒精類飲品一杯請你飲" 呢個優惠仲有, 當然要拎個電話比個LIKE先啦, C

今次去食台式養生鍋為朋友慶祝生日，第一感覺系環境乾淨衛生、裝修大體、員工有禮。我地想要鴛鴦湯底，員工話吾使加錢咁正，於是揀左養生拼美人湯，養生湯好多人参，美人湯好多桃膠，两個湯都好正又足料，我地本來想叫大本地手切牛，員工見我地三女一男，就話細牛都夠食，於是叫左細牛，上枱都幾大碟，另外即炸嚮鈴好正，其他肉丸拼、餃子拼、金錢肚、雜菜、紫淮山麵都用料新鮮，好值得支持。

當個人訓極都好累既時候，一係就濕氣重，要飲去濕茶。一係就身體機能變差，要多飲湯水進補。我就雙管齊下，又飲去濕茶，又盡量飲多d湯水。午餐就揀呢間「養心殿台式養生鍋」，貪佢午餐有盅燉湯。鹽酥雞肉燥飯 $78午餐有3款小碟，包括炸菜、荀炒牛肉及菜甫。主菜個鹽酥雞多到成個山丘甘，仲要熱辣辣炸起，超脆口，上面灑左小小鹽同調味粉，相當惹味，大大粒，嗒嗒肉。配上一碗肉燥飯，相當滿足。今次個湯就係藥材排骨湯，超重藥材味，排骨稔身入味，飲後暖笠笠，好舒服。佢杯熱菊花杞子茶亦好足料，每次黎我都係飲佢。另外仲有壺靚茶比你自斟自飲。。。呢個價錢有燉湯有特飲，野食又講究好味，十分抵食！

首先是因為給他的麻辣鴨血湯底所吸引，而此店主打美人鍋，我們就叫了鴛鴦鍋，一次過品嚐。麻辣湯並不太辣，香味還可以，湯底附有鴨血。美人湯即是烏雞湯，雞味濃郁，有如燉湯一樣，食到最後雞還是很嫩滑，裡面還有很多桃膠，聽聞有養顏作用。其他材料也是很不錯，我們五個人叫了一份鴨血，鴨舌（滷水味濃），手切牛肉（好食但太細份），即炸響鈴卷，老油條（脆卜卜），水蓮菜（爽），手打雜丸，QQ粉。我們比較細食，叫了不多食物，再加上8：30前離坐有七折，打卡仲送咸檸七，而且環境雅緻，服務員勤力，態度非常好。

同朋友好耐無聚聚 ! 想搵個地方適合一大班朋友打邊爐係好既選擇👭👬👫當日一行十四人 安排左間房比我地 可以有幾嘈都得😝因為唔係個個朋友都食得麻辣所以我哋點左一鍋麻辣湯底一鍋葯饍烏雞葯味唔濃 所以好空易接受 麻辣火鍋都唔算太辣 所以我可以食到小小好鍾意呢度既餐具 好有台灣feel食物好新鮮 打邊爐一定唔少得牛肉肥牛勁新鮮夠晒牛肉味 係必食如果你中意食羊 呢度既羊肉都唔錯仲叫左年糕 原來年糕攞嚟打邊爐 吸收左啲湯底精華都好好食㗎👍

記得初初食呢間係旺角開第一店時已經好喜歡，今日帶同樣愛麻辣朋友去試，咁啱大家都佐敦附近返工，就去咗呢間新店今次叫了酸菜白肉鍋併麻辣鍋，個白肉鍋湯底酸咪咪幾開胃，入面仲有好多白肉食，麻辣湯麻香帶辣層次豐富，最正係鴨血啊，勁滑身，仲可免費追加一次食麻辣湯底我一定食佢個午餐肉，外層炸得香口，入面仲好嫩，夾埋麻辣食好惹味梅花豬肉粉嫩，肉質都幾嫩腍稻庭烏冬一定要食啊，佢呢隻牌子好爽身彈牙，加埋麻辣不得了整體餐廳環境好大，坐得好舒適，同埋抽空系統做得好好，唔食個身唔會好大陣味

跟朋友商討了很久究竟香港有甚麼特色的火鍋餐館, 同行的一名朋友推薦下, 第一次食了進一間。這是一間台式的火鍋餐館, 裝潢別緻, 很有台式風味, 今天客人不多, 位置非常適合朋友吹水。首先叫了湯底, 是招牌養生鍋, 一上碟時已感到湯底非常濃郁, 有很香的藥材味。建議先飲幾啖湯, 非常美味, 怕藥材味的亦不怕, 因為入到口不是非常濃的藥材味。試了很多款招牌菜, 包括手切牛肉, 霜降牛肉, 手工丸拼盤, 牛胸爽及即炸響鈴。手切手肉真是非常非常新鮮, 每一塊都充滿牛味, 亦很嫩, 值得推介。如果鍾意食肥牛的朋友可揀霜降牛肉, 會比手切牛肉稍老一點, 但比一般肥牛實在好太多。手工丸同樣令人驚喜, 一碟6款的丸子, 共12粒, 每樣都可以食到, 特別推介黑松露蝦丸, 既彈牙同時亦食到黑松露的香味。最後, 特別推介的是即炸響鈴, 上碟時可以見到油仍在響鈴身上, 食上來完全無油味, 火爐控制非常好, 既有湯味, 同時亦可以有脆的感覺。今天的火鍋同行肺友都十分滿意, 亦會推薦比其他人。

上星期有個朋友剛剛從澳洲回來，他說最希望是回到香港可以打邊爐，所以我就帶了他去佐敦的養心殿打邊爐。他每款湯底也想試試，所以我就提議叫一個鴛鴦鍋，可以是兩種湯底。我們叫了一個美人鍋及養生鍋。醬料是在外面自己選擇的，大多數的這裏也有。這裏的湯底是出名足料的，每邊的材料也裝得滿滿，我們自己點了粟米，可以令到個湯底更加甜美一些。他很欣賞這裏的湯底，尤其是養生鍋，在湯來真的有人參，湯的味道也有淡淡的人參味，感覺很滋補。我們也叫了魚皮餃，每個魚皮餃也包的結結實實，味道鮮甜。