養心殿台式養生鍋 (已結業)

我地叫咗個鴛鴦鍋，一邊係麻辣鍋，一邊係美人鍋。麻辣鍋內有各種香料同藥材、鴨血同凍豆腐。而美人鍋入面唔單止有杞子、南棗、金華火腿，仲有桃膠同原隻烏雞。美人鍋入面有豐富膠原蛋白，仲有咁補嘅原隻烏雞，女士們真係聽到都心郁郁！先飲湯，再食烏雞~ 烏雞好多肉，仲要幾嫩滑同入味！呢兩個湯底都好濃味，唔駛用醬油都ok！極上雪花肥牛($188)嘅雪花分佈平均，配麻辣鍋真係世界級好味，非常惹味！千層凍豆腐 ($48)配麻辣鍋真係絕配, 豆腐吸曬湯嘅精華，好入味。不過咬落去嗰陣就要小心熱啦！活九孔 ($42) 好似活九孔咁嘅海鮮就當然要擺落美人鍋個邊，唔好擺入麻辣鍋入邊，費事濃烈嘅麻辣鍋會蓋過海鮮嘅鮮味。活九孔滾3-4分鐘就啱啱好，口感爽彈。手工丸類拼盤 ($108)黑松露蝦丸係我嘅最愛。未食已經聞到好重嘅黑松露味，咬落去仲要去彈牙。鵝肝墨魚丸中間真係包住成舊鵝肝，夠特別！食芝士牛肉丸嘅時候要小心佢會爆芝士。