靚煲皇 (已結業)

兩年前，我男友仲未係我男友。佢帶我黎呢到食野，話係佢食過最好食既海鮮煲。我一試難忘，拍拖之後都耐唔耐返黎重溫一下。對上個次食係四個月前，個靚煲既料已經少左好多，不過我明白，百物騰貴，只要保持到個水平，貴少少無問題。但係今日去食真係食到把幾火。個煲一滾，指定動作就係飲一碗湯先，嘩！我X. 水黎既，再撈一撈，得返四五舊豬軟骨，以前多到食唔哂嫁。個雪花肥牛唔係雪花，係大暴雪，成片牛肉得5%係紅色。我太勞氣拿拿淋叫佢換左無映相，但係我發誓，真係得5%紅色。問返先知佢地以前個廚走左，斬手指無下次。呢間野唔單只溝淡左啲湯，仲溝淡埋我既愛情

今晚突然掛起八號風球，但由於我們數人約了接近一個月才能找到一天較空閒的日子，也真的捨不得把它推卻。幸好接近九時也直式掛上八號風球，我們在七時到達，還能慢慢吃完才回家。顧名思義「靚煲皇」是吃火鍋的小店，裝潢及整體潔淨度一般，但價錢合理並不貴，比起那些標明專吃火鍋的專門店平一點，性價比這方面還是有的。店方力推這酸菜烤魚煲，我們唯有聽從。首先烤魚煎得蠻香，魚皮算是脆身，魚肉卻是蠻嫩滑，甚少魚骨，吃起來啖啖肉蠻方便。烤魚本身用鹽醃過，所以味道足夠並不淡，加上酸菜湯底更為香口惹味。酸菜湯底有加薯仔、蕃茄等配料，整體微酸而帶香甜，味道調得不錯。手打四寶丸有鯪魚球、牛丸、蝦丸、還有不知道是墨魚丸還是魚蛋(因為我沒吃這款)，嘗了蝦丸及牛丸，均非常爽口彈牙，質感甚佳，其中牛丸很有肉香，明顯是自家製手打質素，與一般火鍋所吃的分別蠻大。鮮炸響鈴的確是新鮮油炸，上菜時仍能感受到其鮮炸所產新的腐竹香和餘溫，當然比起盒裝的響鈴更鮮香。

本來夏日炎炎就唔係咁想食熱野,但朋友一講到食雞煲,就真係心郁郁,更何況有冷氣,咁又洗咩驚,一於GOGOGO!!!調味料多種選擇, 仲可無限任添,我最鐘意呢D,唔洗就住就住.麻辣香雞煲:麻辣香料味道層次分明,先嚐到辛辣刺激滋味,麻香慢慢滲出,而且雞件份量十足,又嫩滑,配埋洋蔥一齊食更加不得了.食完再加湯又可以打邊爐,1煲2食,真係好抵食.手打四寶丸:有蝦丸,牛丸,鯪魚丸,墨魚丸,蝦丸食到有碎蝦肉,果真材實料,而且好彈口,唔腥,好新鮮.牛丸有牛味,唔會同平時食機打既咁黏牙.鯪魚丸就好有魚腥味,好似我呢D唔鐘意食魚既人會怕怕,友人話好正,好有魚味.墨魚丸同樣彈牙,不過我個人都係鐘意蝦丸多D.駝鳥肉:一黎以為係手切牛肉,但諗諗下好似無叫到牛黎食,味道有D似牛肉,不過比牛肉更嫩滑,而且無牛肉咁多脂肪,食完一D都唔黏牙,下次可以再叫黎食,感覺健康D.墨魚竹輪:平時打開竹輪所以今次都唔少得,但呢間比出面既特別D,佢將墨魚滑讓入竹輪內,一咬落去更添口感層次,好爽彈.烏冬:朋友唔夠飽,所以叫左幾個烏冬黎食,好快熟,配埋麻辣湯食,填飽一流.響鈴:打邊爐必叫既響鈴,一黎好快就俾我地消滅晒,放落去焯一焯,吸收

我的吃貨朋友不少，她們總會找到一些我未去過餐廳，那天約在旺角飯聚，被她們帶到塘尾道的靚煲皇。聽到名字，還以為來吃火鍋，原來這裡有小菜，而且是帶有泰式口味的小菜。博多蝦餅有點像平常煎釀三寶檔賣的炸韮菜角，不過當然這個好吃很多。蝦餅炸得鬆脆，內裡夾著蝦膠，香口但不會很油，配上芥末沙律醬更醒胃。生菜包那邊廂看到別人在吃火鍋，這篇廂我們吃生菜包，感覺很有趣。肉碎稍微粗糙了少許，不過味道還不錯，有泰式風味，酸辣但不會過火，淡淡泰式香料味，配上生菜包著吃清爽不油膩。小炒皇和我平常吃的小炒皇感覺不同，這道小炒皇以蒜芯為主，加入超幼炸芋頭條、燒魷魚、炸蝦乾、蝦仁和腰果等。口感和味道豐富 ，也非常香口。泰式椰香雞感覺像是泰式椰汁雞湯的濃郁版，很重椰香味，内裡的菇和洋蔥都吸收了汁料的味道，而且雞肉嫩滑，這道菜送飯一流。那天看到鄰桌的火鍋配料好像也不錯，天氣涼一點，可以再和朋友到這裡吃火鍋呢。

香港的夏天為我地帶來火鍋雞煲, 雖然大熱天時, 但可以在冷氣中食雞煲再加火鍋, 係港人的幸福.今日同幾位友人來食雞煲, 而且仲要食麻辣的雞煲.紅卜卜的牆身已聯想到香辣的雞煲, 仲貼了好多雜誌介紹的報導.先來調味料及醬油, 整齊又乾淨. 每位$10也是常識吧. 幸好調味料都齊全, 我吃火鍋是不可缺生蒜炸蒜的.麻辣香雞煲 $178廚房已經煮好雞煲, 放入鍋再上枱, 店員再反炒幾下, 香味立即傳出, 好香麻辣味, 好多香料味夾雜.先食雞胸肉唔鞋唔乾, 煮得幾好, 微微辣味慢慢滲出, 再來咀唇就感覺到少少麻, 刺激得黎辣味好快散去.雞脾肉就更加嫩滑.下單不久, 已經一次過上齊火鍋材料, 有駝鳥肉, 手打四寶丸, 墨魚竹輪, 手打搖枉魚滑, 烏冬.駝鳥肉 $38好嫩好淋無渣, 沒有血腥味, 肉感豐富, 好快熟.手打四寶丸 $78蝦丸好彈牙, 佈裡仲有蝦肉粒, 不腥有蝦味.牛丸同樣爽口, 牛肉味突出又不痴牙.鯪魚丸有少少腥, 但沾上醬油蒜蓉去除魚腥味, 雖沒有蝦丸的彈牙, 但手打食出魚原本的味道.墨魚丸味道比較普通, 不過爽彈兼備.墨魚竹輪 $58, 平時食的獅子狗, 但經餐廳加工釀入墨魚滑, 花

以前睇網台既時候經常見到靚煲皇賣廣告，一直都想搵個機會食下，甘岩今日有人約系旺角食飯，就順便過黎試下啦。酸菜烤魚一上枱既時候，香氣四瀉，酸菜味加上烤魚既味道，聞到已經流曬口水！大量酸菜，蒜頭，蕃茄，芫茜同蔥調味，呢隻味道好岩我，烤魚既表皮索曬d汁後，真係一流，而魚都好少骨，真系幾好食。鴕鳥肉鴕鳥肉唔系成日食，而打邊爐都唔系間間有賣，就甘睇有啲似鮮牛肉片，不過就切得幾大片，算系好易熟，肉質好嫩滑，無論味道抑或系質感都同鮮牛肉有少少相似，整體黎講都幾好食既。雜菜盤蔬菜擺到好靚，好有心思，有雞脾菇，蕃茄，粟米同小白菜，質素都算唔錯，無爛葉，特別係小白菜，又嫩又爽脆！手打烏冬一聽到係手打烏冬已經有無限瑕想，而當真係食既時候，口感果然好q彈，加上索了個湯汁，非常好食！不過價錢略貴！

這天下午時段收到朋友訊息,問有否興趣到旺角晚飯;原本回家的晚餐就變成與良朋之宴!放工坐地鐵到達旺角,依照朋友的指示,又參考了Openrice大神,在朗豪坊那邊上到地面,沿著旺角道一直向前走,就見到目的地--靚煲皇!在附近等了一會,朋友也到齊了,就三人一齊進內坐下;餐廳走一般打邊爐食店格局路線,而主要的冷氣亦十分足够!三人一齊研究著餐牌,究竟是打邊爐還是點小菜食;然後店員竟是向我們推介小菜,尤其是泰皇烏頭鍋!那好,就姑且一試吧!前菜先來一個燒乳鴿;這乳鴿夠皮薄香脆,調味也適中,肉質也有點滑嫩;最奇特的是伴著甜酸蘿蔔,算是第一次見這樣的配搭,但吃完乳鴿後再吃這些醋物,頗有去油脂之感!再來的肉鬆生菜包,確是有些驚喜;賣相平平的肉鬆,單獨吃起來也不覺特別;但當用生菜包起來吃,蔬菜與肉類的融和感即時浮現,生菜的鮮爽襯托著淡淡的肉鬆,反而帶出肉鬆中有較輕的煙燻味,而且兩者皆變得細緻了,真是奇怪又令人開胃!主菜之一的炆豬手,南乳味溶在筋腱裡,而且肉質煙韌彈牙,每吃一口都是感覺有豐富的骨膠原,配著冰凍的啤酒,三人很快就把其吃完了!店員推介的泰皇烏頭鍋,需時去煮滾;空檔時間,與朋友喝著啤酒風花雪月一番!

眾所周知，我的老婆大人阿J從來都不喜歡吃小炒，今天有朋自遠方來，想吃地道鑊氣美食，阿J收到呢個消息之後，完全冇頭緒應該去邊度吃飯好......最後，我們諗到一條妙計，就是邀請為食夫婦跟我們一起吃飯，他們就最知路數。最後，我們決定幫襯位於奧海城附近的靚煲皇，這裏除了吃火鍋出名外，原來小炒美食亦做得不錯。環境乾淨企理，服務態度非常親切，比起一般小炒店真的好很多。先來一客博多炸蝦餅($68)作送酒小食，炸雲吞皮鬆化香脆，我們只略嫌蝦肉少了一點。朋友喜歡吃濃味菜，於是便點了馬拉胡椒蝦給他過口癮。胡椒味極香，新鮮中蝦肉質彈牙，極之爽口， ＄98有九隻，超值！炆豬手煲($98)用來送飯一流，分量十足，大大嚿豬手，豬皮夠厚有彈性，好man的一道菜，難得好lady的阿J也大讚好吃。輪到萬眾期待的小炒皇($98)隆重登場。話說，阿J對上一次吃小炒皇的時候，百思不得其解究竟這道小菜有什麼過人之處，能俘虜一眾男士的心。今次，阿J竟然在靚煲皇遇到第一次令她滿意的小炒皇，這難過登天的任務，竟然係偶然的飯局內完成。望住老婆不停地吃這碟小炒皇，我真係覺得好感動。這碟小炒皇有什麼過人之處？炒得夠乾身是最大賣點之一，碟

素來都知道靚煲皇呢度出名打邊爐，但入到去店員介紹咗原來呢到有「季節限定」嘅小菜而且只係做到十月，當然要試下啦！小菜有好多唔同選擇。博多蝦餅店員先推介左一道小食，博多蝦餅。食落去似蛋散中間配有蝦肉，再沾上日式芥末醬。即叫即整即食，脆脆地，唔會太靭。醬汁就可以再濃味少少。生菜包朋友細個係泰國長大，一見到有泰式生菜包就即刻話要嗌黎食。一上菜，俾個份量嚇一嚇，大大盤生菜，大大碗肉碎。生菜好大棵好新鮮，肉碎就帶有好香檸檬葉味。原來香葉屬餐廳自家種植，加上香茅、魚露等等同肉碎拌勻，看似好易整，其實都花左心思。嗜辣的我地都一致認為，辣多少少就更好，不過當然，依家呢個味道就比較老少咸宜。紅燒乳鴿另一樣強烈推介既食物，係紅燒乳鴿。乳鴿皮脆肉嫩、香口入味，一啲都唔會覺得油膩。原來大廚以前係雍雅山房做，可惜傳統食店已經結業，不過係呢度，仍然可以食到昔日沙田地道風味。泰式椰香雞最後上既菜係泰式椰香雞。一食落去濃濃的椰奶香，單單係個醬汁已經可以撈幾碗白飯。呢度菜絕對落足心思落足料，主角雞件嫩滑不在話下，香茅、薑片、香菇、洋蔥、青椒⋯滿滿的配料，豐富左整體味道。一間餐廳，食物質素好以外，服務態度都好重要。呢度個個

暑假期間星期一至五也要上班，幸好office在旺角，這區亦有不少平靚正的餐廳。這晚男友接我下班到附近吃小菜，我們手拖著手走兩條街便到達靚煲皇。六時許已有幾枱客人，位置不算闊落，但看到大伙兒圍坐在一起，氣氛也挺熱鬧！我們只得兩個人，竟然點了五個小菜，最後把所有菜吃清光！先來一隻每日限量的燒乳鴿，外皮油潤光澤，色澤好像比平日吃到的深。趁熱咬下確是皮脆肉嫩，肉汁滴至滿手都是！只是胸肉部分有點鞋身，但整體還是不錯。蝦餅是這裡的主打小食，新鮮炸起熱辣辣，其實是雲呑皮夾著薄薄一層蝦肉，味道較淡，且有一陣油益味，跟預期中有點差距......蘸點wasabi汁可減油膩感甫端上桌便飄來陣陣椰香~嫩滑雞肉加入羅勒、香茅等香料，味道變得更香甜，很好下飯呢！又一道泰國菜，原來是老闆喜歡吃的緣故......拿一塊生菜包著混和新鮮香料一起炒的肉碎，加人馬蹄增加口感，生菜包可選大/中/小辣，小辣已經很夠惹味很久沒吃過咕嚕肉了！外脆内軟，入口帶嚼勁，肉味又香濃！醬汁濃稠適中，酸酸的非常醒胃飯後更送上冰鎮水果盤把西瓜和哈密瓜挖成球狀，方便客人進食，很貼心呢！

朋友相約到此來個火鍋飯聚，但天氣實在是太悶熱，提不起興趣來；便改為吃小菜了。 博多蝦餅（$68）~ 蝦餅炸得又薄又脆，非常香口；加上芥末醬，實在是佐酒佳品。 馬來胡椒蝦（$98）～一看賣相已很對辦，青、紅、黃椒和洋蔥切粒伴炒已經惹味非常，再加上青胡椒那清新的微辣，就是「無得輸」的組合了！而主角大蝦也新鮮彈牙，配上這「無得輸」，是想像得到的美味😋 惹味炆豬手（$98） ～ 豬手炆得淋而入味，但皮的部分仍然彈滑，脂香味美，瘦肉的部分也不會嚡口。豆卜一分為二，索滿了濃香的醬汁，很快便消失無踪了。 小炒皇（$98） ～ 不同食店的出品選料也不儘相同，這裏就用上脆魷魚片，腰果，咸魚仔，蝦仁，韮菜花。魷魚很香脆；魷魚味很濃，吃起來很有煨鱿魚的感覺，腰果炸得乾身鬆脆，再加上蝦仁、韮菜花等，非常可口，是自己今晚最喜歡的一味菜。 生菜包（$68） ～ 半肥瘦肉碎用上青檸汁、金不換，紅辣椒等炒香，用生菜包着吃，清新醒胃；夏天吃最適合不過。 蝦干粉絲什菜煲（$78） ～ 衆多味菜中這個比較失色，湯㡳偏淡。而且粉絲偏硬，要費一番功夫才能把它吞落肚呢。 果盤 ～ 造型精緻，而面頭置放着的一大片冰則用以保持溫度，

細靚煲皇🍲($178)湯底叫左佢地招牌既靚煲皇，入面原本已經有超多配料，勁多既豬骨🐷、豬手、豬軟骨，大量蔬菜🌽，仲有四隻帶子，兩個人既話真係食完個煲都飽😱。食之前記得飲碗湯，飲落有濃濃既骨膠原，加上蔬果海鮮既鮮甜，相當唔錯喎！炸魚皮🐟（$28）見到格離枱食，司令又跟住叫左份，上枱超大碟，而且炸得好脆，加上本身有鹹度，飲酒食又得，浸兩秒再食又得，推薦！手切肥牛($198)打邊爐唔少得肥牛啦，價錢合理，份量唔算少，食落肥既位唔多，牛味幾濃。推薦大家叫枝竹，索曬湯同精華。

本來相約了2位朋友打邊爐, 這次的挑選原則是: 不要太貴, 交通方便新界及九龍人仕, 不要連鎖店. 看這些選擇後, 最後找了一家旺角但非旺點的火煱店. 臨到吃飯前半小時, 其中一朋友才說"怕熱氣"不想吃火煱, 但有一朋友已一早入座. 幸好店子除火煱外, 各式小菜選擇甚多. 最後決定地點不變. (最後也點了2個炸的菜式...)店內的座位整齊整潔, 地板不會有油膩膩或濕滑的情況, 不錯. 來料加工收$50/斤, 這個價格不貴又不便宜, 若廚房的炒工好, 可以一試. 可以充電及有WIFI實在是頗合現代人的窩心配置. 中泰小菜及打邊爐均有, 打邊爐材料較"中價", 並非走廉價食材的路線. 第一道飯前小吃, 雲吞皮面上有塗蝦膠, 吃起來不會是啖啖蝦膠但塊塊香脆帶有蝦鮮味. 加上拌著送上的日本芥茉醬, 醬身較淡但襯托的蝦鮮味更突出, 減少了油膩感. 簡單但全晚最愛的菜式.  乳鴿炸得香口, 裡頭尚有肉汁, 醃料入味, 唯一減分地方是乳鴿大隻但肉質不夠細嫩, 但以香港一般入貨的水平來說這肉質絕對不差. 朋友要求點一些蔬菜類的菜式, 生菜包正是合乎要求的一道菜. 生菜大塊新鮮爽口, 合格有餘. 肉碎

一直以為靚煲皇只有打邊爐，但聽朋友介紹原來這裡的小菜都幾好食，於是便打算一試。/泰式蝦球($88)/泰式蝦球十分香口，外層用幼身的米粉包裹着，炸至香脆金黃色。蝦球應該是手打的，因為其蝦味十分濃郁， 而且很彈牙。/配襯的醬汁亦很有泰國特色，是冬陰公味的，只是微辣，其中香茅的味道十分突出，於是將蝦球的鮮味更加提升。十分開胃好味的小食。/泰式椰香雞($88)/送上檯的時候已經聞到陣陣椰香，看見湯底都係奶白色，質地比較杰身。先試一口，湯底很Creamy，完全不油膩。雖然我都唔知應該將它當成湯底還是湯汁，不過真係好濃味好香，所以我都飲了好幾碗。/同其他火鍋湯底比較不同的除了是質地比較杰身以外，味道都有點不同，特別在這個是泰式風味的，用了很多不同調味香料，洋蔥﹑甜椒﹑MINT和香茅，當中以香茅味最出最濃。這個味很醒胃，所以很適合夏天飲用。雞肉好新鮮，食得出雞的鮮味。咬落肉質結實又滑，一點都唔老唔梅。而且份量都幾多。/以$88有這個滋味的泰式椰香雞，個人覺得絕對抵食值得一試。/鹵水拼盤($118)雖然只有4種鹵水，但份量超足。/4種之中我最喜愛豬頸肉，首先豬頸肉雖然切得好薄身，但每一塊都好有質感，咬