更多
2016-07-28
2028 瀏覽
素來都知道靚煲皇呢度出名打邊爐，但入到去店員介紹咗原來呢到有「季節限定」嘅小菜而且只係做到十月，當然要試下啦！小菜有好多唔同選擇。博多蝦餅店員先推介左一道小食，博多蝦餅。食落去似蛋散中間配有蝦肉，再沾上日式芥末醬。即叫即整即食，脆脆地，唔會太靭。醬汁就可以再濃味少少。生菜包朋友細個係泰國長大，一見到有泰式生菜包就即刻話要嗌黎食。一上菜，俾個份量嚇一嚇，大大盤生菜，大大碗肉碎。生菜好大棵好新鮮，肉碎就帶有好香檸檬葉味。原來香葉屬餐廳自家種植，加上香茅、魚露等等同肉碎拌勻，看似好易整，其實都花左心思。嗜辣的我地都一致認為，辣多少少就更好，不過當然，依家呢個味道就比較老少咸宜。紅燒乳鴿另一樣強烈推介既食物，係紅燒乳鴿。乳鴿皮脆肉嫩、香口入味，一啲都唔會覺得油膩。原來大廚以前係雍雅山房做，可惜傳統食店已經結業，不過係呢度，仍然可以食到昔日沙田地道風味。泰式椰香雞最後上既菜係泰式椰香雞。一食落去濃濃的椰奶香，單單係個醬汁已經可以撈幾碗白飯。呢度菜絕對落足心思落足料，主角雞件嫩滑不在話下，香茅、薑片、香菇、洋蔥、青椒⋯滿滿的配料，豐富左整體味道。一間餐廳，食物質素好以外，服務態度都好重要。呢度個個
小菜有好多唔同選擇。
博多蝦餅店員先推介左一道小食，博多蝦餅。食落去似蛋散中間配有蝦肉，再沾上日式芥末醬。即叫即整即食，脆脆地，唔會太靭。醬汁就可以再濃味少少。
生菜包朋友細個係泰國長大，一見到有泰式生菜包就即刻話要嗌黎食。一上菜，俾個份量嚇一嚇，大大盤生菜，大大碗肉碎。生菜好大棵好新鮮，肉碎就帶有好香檸檬葉味。原來香葉屬餐廳自家種植，加上香茅、魚露等等同肉碎拌勻，看似好易整，其實都花左心思。嗜辣的我地都一致認為，辣多少少就更好，不過當然，依家呢個味道就比較老少咸宜。
紅燒乳鴿另一樣強烈推介既食物，係紅燒乳鴿。乳鴿皮脆肉嫩、香口入味，一啲都唔會覺得油膩。原來大廚以前係雍雅山房做，可惜傳統食店已經結業，不過係呢度，仍然可以食到昔日沙田地道風味。
泰式椰香雞最後上既菜係泰式椰香雞。一食落去濃濃的椰奶香，單單係個醬汁已經可以撈幾碗白飯。呢度菜絕對落足心思落足料，主角雞件嫩滑不在話下，香茅、薑片、香菇、洋蔥、青椒⋯滿滿的配料，豐富左整體味道。
一間餐廳，食物質素好以外，服務態度都好重要。呢度個個員工都笑容滿面，間唔中同我地傾下計，又會好主動介紹招牌菜式。正因為佢地，我地享受到美食之餘，亦都知道左佢地背後既所付出的心思，令呢餐飯更好味。
張貼
