392
20
9
港鐵旺角站 C4 出口, 步行約4分鐘
繼續閱讀
電話號碼
23990812
開飯介紹
港式火鍋，湯底鮮甜，用料新鮮
繼續閱讀
附加資料
海鮮來料加工 每斤$100,最少收費 $200
營業時間
今日營業
18:00 - 04:00
星期一至日
18:00 - 04:00
公眾假期
18:00 - 04:30
公眾假期前夕
18:00 - 04:45
以上資料只供參考, 請與餐廳確認詳情
有關獎賞計劃
雖然天氣熱左, 但無損幾個人打邊爐既興趣, 最佳地方當然係靚煲皇, 因為食物夠新鮮.要個靚煲皇招牌煲, 剩係呢個湯底既材料已經好多, 有豬手骨豬筒骨同豬軟骨, 咁多骨滾起黎令到個湯豬骨香味非常濃郁, 再配上粟米，蝦乾片, 令到個湯更加鮮甜, 而且飲落一啲唔肥膩.手切本地肥牛呢度好出名, 切得紋里分明, 所以肥牛特別彈牙. 另外仲有極上肥牛, 同樣肉嫩, 牛肉鮮味濃郁.手打牛丸同蟹籽墨魚丸又係好彈牙爽口.花膠件大大片, 豐厚飽滿, 食左補充晒D骨膠原.鮮炸響鈴就咁食都非常脆口, 淥三秒吸收晒D豬骨湯精華更加好味.台灣鴨血王口感夠晒滑溜, 但質感唔會好易散開, 非常讚.
繼續閱讀
冬天來臨 最緊要就係約埋三五好友一齊打邊爐 專登由沙田出旺角食靚煲皇 因為對靚煲皇嘅味道念念不忘 雖然係街邊鋪 但係味道及服務卻不輸五星級酒店👍🏿👍🏿我哋嗌咗藥膳醉雞煲 湯底特色，好香花雕酒和藥材味，同個鮮嫩雞肉配合相當好！店主話呢啲係出名嘅「三黃雞」，用嚟打邊爐最適合，雞肉非常柔嫩和滑口，雞味豐富，一啲都唔油膩，煲除咗香味之外，嗰味暖湯好滋補，所以我哋好快搏命飲晒個湯，就算飲完再加嘅湯都係藥材雞湯，唔似出邊淨係水去加落個湯底！飲完湯之後轉身即時溫暖晒🥰🥳講返嘢食先， 本地手切肥牛非常新鮮，牛味豐富， 十分有咬口，肉質非常鮮嫩，係屬於高檔次的肥牛肉，牛白肉（牛胸爽）喺出邊是十分難吃到的，主要原因是在牛的部份十分稀少，牛尾濃郁，入口有索索聲的爽口感覺，所以是我們首選的，可惜今晚鮮牛脷已經賣晒，下次一定要叫埋新鮮牛脷，響鈴卷是即叫即炸的，唔似出邊一盒盒包裝嘅響鈴，非常香脆，最能吸收湯味！！！最最最重要嘅就係服務態度喇！一入到去，店員即刻過嚟招呼我哋，嗰陣時鋪頭依家full晒，但係都係好熱情，並沒有因為full晒而黑口黑面，好親切，我哋要求好多，但係店員都係滿足晒我哋嘅要求👍🏿👍🏿👍🏿問我哋有冇黎食過 我地答佢梗係有啦 食返尋味！！！仲會主動幫我哋抹台保持戰場潔淨🤣🤓最後還叫了油麥菜！梗直係打邊爐嘅好拍檔呢度好多煲，我下次嚟一定要再試，譬如嗰個五指毛桃椰青雞煲，隔籬枱嘅客人，一開就聞到好香椰香味，好吸引，下次約埋朋友一定要再嚟試，真係好有實力的火鍋店，怪不知佢哋開咗20年啦！🥬十分推薦大家過黎食 湯好飲 嘢好食 服務態度好 乾淨兼衛生 唔知點解 一黎靚煲皇食嘢就好輕鬆 將所有煩惱嘢拋之腦後👍🏿👍🏿👍🏿一個字 正！！！
繼續閱讀
話說早兩日我出咗旺角靚煲皇食野，食到反屋企就已經眼訓到不得了，都唔得閒上梨打食評，係今日先突然醒起😂不得不讚下啲員工服務好好，街邊店舖食嘢，有種五星級酒店的感覺😂服務好周到👍🏻啲員工都好好吹！！講反食物先，果日嗌左個麻辣雞煲，啲雞好食过以前，香过以前，最衰同行既朋友唔太食得辣，所以只能嗌少辣，如果唔係大辣一定不得了食物方面呢，我就唔介紹太多啦，因為都係啲大路野，不過呢，不得不講下炸響鈴同鴛鴦滑，仲有手切肥牛我喺香港我食甘多次火鍋既炸響鈴，十间有十间都係啲盒裝版既比客，但咧间靚煲皇既響鈴係即叫即炸既，上枱都仲係熱辣辣，真係唔洗點湯，就甘放落口都好好食至於鴛鴦滑呢，佢真係好有蝦同墨魚味，而且好彈牙，唔似街市買食落食口粉果啲，值得一試👍🏻個手切肥牛真係要講，真係好好笑，碟野一梨既時候，我问过啲員工，點解甘似機切甘,個樣完全唔似手切既，因為真係好平面😂佢地答我既係真係手切，甘我地咪試下啦，不過當食落口既時候就知道係手切口，機切果啲入口係好韌，因為機切係切唔晒啲纖維，同埋煮會好散，但手切就因為時間比較長，所以啲纖維可以切得徹底，入口好重牛味，亦都好易咬，好味😋我地五個人去，埋單都係三百幾蚊一位，性價比真係高，不過兩個人去食就可能會貴少少啦，始終我地多人去食，啲價錢平均少少😂不過整體上都可以接受，下次可以去試埋羊腩煲，同埋藥膳雞煲😋
繼續閱讀
呢排凍左好多 今日同男朋友去旺角行街 行到夜晚七點幾 覺得好肚餓 問男朋友食咩 我話好鬼凍啊 佢就提議不如去食打邊爐 我就即刻上到去OpenRice我睇吓有咩好食 一搵火鍋店 就彈咗呢間靚煲皇出嚟 又近喎 就即刻打電話book位 問完店員 仲有位 就馬上行過去 我哋喺朗豪坊行過去5分鐘左右就會度 一條路直過 好方便又好搵 一坐低店員就攞咗一樽熱茶過嚟 出面又大風又凍 有杯熱茶飲下 成個人都暖曬🫢店員好熱心 問我哋有冇嚟食過 我哋話冇 佢就推介左呢個靚煲皇俾我哋試吓🤭咁佢就幫我哋落咗個煲先個煲一上 個煲一滾 哇 個湯香到 好香豬骨湯 我哋即刻畢咗一碗嚟飲下 煲湯豬骨味好重 又有啲胡椒味辣辣地 一啖湯落去 成個人個暖笠笠 再試下啲豬骨先 入邊有筒骨啱晒我鍾意食骨髓 仲有啲豬軟骨 豬手 最重要係有五隻扇貝 啱晒我男朋友鍾意食海鮮😋😋飲完淡湯 d生料就陸陸續續咁上 打邊爐一定要有牛肉啦 叫咗一碟細極上肥牛 聽店員講 係安格斯 啱晒我呢啲鍾意食肥肥地既人 因為我好怕啲牛太瘦 唔夠肥就會唔夠牛味 所以呢款啱晒我 又重牛味 又滑 雖然細極上已經好足料 但係真係唔夠喉 就再試埋個手切 聽店員講係本地鮮牛頸脊 好重牛味 本人同男朋友都係牛肉狂👍🏻😹後生仔女一定鍾意食響鈴啦 呢度啲響鈴係即叫即炸 唔係一盒盒嗰啲 一上嘅時候好香 即刻夾一嚿 放入湯入邊吸一吸啲湯先 仲叫咗個太極鴛鴦滑 係蟹子蝦滑同黑松露墨魚滑溝埋 啲黑松露味好香 唔係假嗰啲 啲蟹子一粒粒咬落去一粒粒爆珠 叫多碟野菜籃 入邊有幾種菜 就唔使揀食咩菜 又可以一次過食幾款 正🙌🏽 兩個人真係食唔晒 啲嘢都好足料 我哋係追求高質素嘅食物，所以願意付出高啲價錢去食好啲，好過食埋啲價錢雖然平，但係唔入得口嘅垃圾食物 要真係講多次 個湯真係好好飲 好好飲 好好飲 重要嘅嘢要講三次🫣🫣啲牛真係好有牛味 食得出係好新鮮 🫡下次一定會再嚟食過👍🏻👍🏻
繼續閱讀
前兩日 經過橋底 愁緊食咩 咁啱見到有間雞煲同打邊爐 望落去好似幾正 於是就入左去 入到去勁多人 但係d員工都係好有耐性招呼我地入座（因為我哋7-8個人 唔似其他鋪 間鋪好多人仲有人黎 就黑口黑面 比曬眼色）佢哋嘅嘢食好新鮮 好好味 完全係當日入貨 當日賣 冇凍過嘅味或者雪櫃味 手切牛肉非常正👍🏿 牛肉味非常濃厚 仲有小小彈牙 我哋嗌咗個招牌靚煲皇湯底 因為有扇貝 蝦乾 乾鮮魚片等等 扇貝好新鮮 生勾勾 路過廚房嘅時候仲見到師傅開緊扇貝 扇貝入面嘅炸魷魚干好好味👍🏿最重要嘅就係肥鵝腸 平時我係出面都唔夠膽嗌肥鵝腸 因為好驚唔乾淨 嗰日係我個frd要食 我有嘗試阻止過 但係最後都係嗌咗 肥鵝腸一上到嚟令我眼前一亮 非常之乾淨 冇污糟嘢 冇異味 老細👨🏻🦰話 鴨腸入貨返黎 用人工手洗多幾次 嘢食好食之餘 d服務態度仲好好 會主動幫我地加湯 全程好熱心 雖然帶著口罩 但係都感覺到佢哋面帶笑容 好和善仲好有耐心聽我哋嘅要求 因為我哋加咗好多次單 嘢食好乾淨 員工都係一樣 我見佢哋一晚換咗幾對手套 廚房d師傅個個帶曬手套 老細都好好人 過黎同我地傾計 問我地嘢食好冇食 仲請我地飲2支杯酒 非常之nice 下次仲會過黎食！！！
繼續閱讀