靚煲皇 (已結業)

約左舊同事食飯, 近佢公司所以去左呢邊搵食. 上網睇左一輪, 見呢間除左打邊爐之外, 夏天原來仲有小菜, 而且花款較多, 價錢唔貴幾吸引. 鹵水拼盤, 主要係豬頸肉, 牛展, 鵝翼, 紅腸. 豬頸肉同牛展鹵得夠腍夠入味, 肉質保持軟嫩, 食落無渣. 鵝翼富鵝肉鮮味, 唔會太咸.馬來胡椒蝦, 一上枱已經聞到陣陣胡椒香味, 每隻大蝦都沾滿濃濃既醬汁, 一啖入口好惹味, 蝦爽口彈牙, 好有馬來亞風味.起初以為呢度打邊爐出名, 原來小菜款式都唔錯, 下次人多可以試試魚鍋.

行完奧海城諗住返旺角果邊搵飯食, 行到天橋見到呢間靚煲皇, 記得上年食過都唔錯, 見時間尚早唔洗等位, 一於再encore. 好彩早黎, 大約7點已經坐滿晒人.睇睇餐牌, 除左打邊爐之外, 仲有多款小菜. 夏天最啱食魚鍋, 泰式烏頭用左大量莞茜, 香料調味, 清得黎帶泰式口味, 好開胃且鮮味突出. 魚肉嫩滑唔多骨, 肉厚夠飽滿. 配料既秀珍菇亦都吸收晒魚湯既鮮味.泰式椰香雞, 椰味濃郁夠creamy, 雞肉腍身而嫩滑, 且吸收晒椰汁香味, 汁仲可以撈飯, 味道不錯.

我先唔講食咩，就由飯後果講起。最貼心嘅係，食完晚飯仲有新鮮香甜嘅飯後果菠蘿送，菠蘿賣相一上到黎好得，有點意想不到，""冰震菠蘿""。此菠蘿並不簡單，重點是上面茶有蜜糖醬，而且好冰凍新鮮，好香好甜！叫左個生菜包同埋炸蝦球👍👍泰味生菜包真是值一讚，香料味道層次非常豐富，我食到有香茅、辣椒、洋蔥、青檸汁等等……將肉碎一齊炒到火喉剛剛好，存有少許酸辣的肉汁，食完後一定要自己返屋企試整至得😜而蝦球都唔錯，第一次見會連埋d脆脆一齊炸，口感係有空氣既脆，食到我shop shop聲！

呢度有得揀小菜、雞煲打邊爐，我地最後揀左食麻辣雞煲，但打邊爐等緊之際都忍唔住叫個招牌菜:博多蝦餅! 蝦餅上桌已經熱辣辣，一咬落去重要脆卜卜，朋友都聽到佢鏗鏘既聲而味道好適中，蝦味好出沒有一絲給人食麵粉既感覺!醬料同一般打邊爐醬料一樣，冇咩特別!但有碟少少既前菜(沙葛、菜脯、蜆)就好野味，酸酸辣辣!食食下雞煲就到啦，叫左小辣，但辣椒比我想像中多，重要好大條但個味好濃同有好多配料，雞亦都好爽口所以就算辣我都食到停唔到口!之後配料叫哂d自家製既野， 有手包雲吞、水餃，手打墨魚滑，四寶丸！全部都好新鮮， 墨魚滑好彈牙，竹輪墨魚膠好特別，估唔到獅子狗同墨魚咁夾，雲吞裏面有蝦有肉，重有好多蝦籽我地係宵夜時段黎食，重有足球直播，岩哂男士們，但係女仔就未必岩啦

天氣咁熱叫左個酸菜盤烤魚醒下胃，條魚幾大條下，又夠厚肉，蕃茄同酸菜釣味一D都唔膩，豆卜吸曬D湯，好正！個蝦都唔錯，十分新鮮，蝦肉好爽甜，用返個酸菜湯底，鮮上加鮮。扇貝oK啦，唔算好大隻，幾鮮味。價錢又唔貴喎一人都係一百蚊。

一去到見到有酸菜盤烤魚，仲話店長推薦既咁緊係叫黎試下，魚係先烤過再放到酸菜湯度煮，夾開魚肉見到有啲魚油流出黎，肉很厚，無乜細骨，隨便一夾就係一大塊肉，魚肉鮮嫩夾著清香既酸菜味道，很喜歡大大粒既炸蒜，粉粉的好香蒜味。食完魚繼續用返啲魚湯黎打邊爐，頂級手切肥牛一上枱，嘩！真係眼前一亮，牛肉很厚身，份量亦多，肥瘦分佈均勻，好似雪花咁，我將肥牛輕輕拖至7，8成熟，入口勁多肉汁，嫩滑、牛味很濃。再黎就係手打蝦丸同墨魚丸，都幾大粒，平時係出面食果啲只係細細粒，呢度差不多一粒等於人地二粒，蝦丸咬落去都有好多切碎既蝦肉粒，鮮味。而墨丸QQ的比蝦丸更彈牙，非常新鮮。

今日天氣好熱，下午同好友出了旺角shopping後 , 本身唸住到旺角街市那邊搭車回家。但見時間不早，大家都開始肚餓，所以決定在附近找找有咩好食！我倆沿著路邊行，轉了個彎俾我哋發現了這間小菜坊。我倆先叫了一個小食泰式蝦球嘩！睇見蝦球金黄色的外表就已經好吸引，仲配上酸酸甜甜的泰式醬汁，一點也不覺含油，真的好好味！熱騰騰的蝦球，咬落去表面脆卜卜，而內裡肉質好彈牙，啖啖蝦肉，好喜歡喔！還有叫了一個回味咕嚕肉和一碗白飯二人分。好大碟ar！ 而且特別在於係用迷你的新鮮菠蘿鋪砌而成的，底部還有紫色生菜伴碟。賣相好吸引！用新鮮的菠蘿來做菜，真的好香甜！而且咕嚕肉肉質軟滑，還有其他的配料也很新鮮香甜。叫了這兩個醒胃菜式，每人半碗白飯真的不太夠！所以我們添多了一碗飯，哈哈哈！最後店員還送我倆各人一枝冰鎮菠蘿清甜解渴！~P.S 原來那些特式小菜只限季節供應的！要找時間快d再去試試其他菜式先！

發現了一間餐廳不單只可以打邊爐出色，小炒菜式更精緻 ！而且仲見到門口有多種香料種籽種植我就叫咗一個泰皇式烏頭魚鍋～烏頭又大又肥美！肉質結實嫩滑鮮甜！加上多種香料，有香芧、南薑、芹菜、辣椒、莞茜、青檸檬汁、魚露、冬菇……，加上肉碎上湯！更能帶出味道！要嚟送飯更一流！叫咗一個小炒王～餐廳落足本錢，很豐富！有魷魚腰果，芋頭絲，蝦，蒜芯！味道清新得嚟又香口！腰果又脆！蝦又爽！再嚟一個博多蝦餅～賣相有些像錦鹵雲吞，原來係用蝦肉同麵粉搓成嚟炸！外脆內軟！不肥膩！配上 wasabi 沙律醬！不過，小炒不是四季都有架！所以襯住有既時候一定要多試不同款式

夏日熱辣辣，熱辣辣，好熱好熱係旺角睇完戲，友人即刻問我食咩好... 實情係旺角食嘅嘢我已經食到厭了，但諗起塘尾道嗰邊以前好似有唔少餐廳，亦都好多年冇去嗰頭食過，印象中都係去過一次，今次就去一轉睇下有冇收獲啦…去到時間尚早，6點半，但d餐廳已經開得7788，見到呢間靚煲皇門口有咁多雜誌介紹，我有d興趣。友人心諗咁熱仲打邊爐？傻嘅，人地有小菜食架！一望張menu, 好快我就揀左d小菜食，主要都係揀d酸酸甜甜嘅菜，夏天易入口丫嘛！果然俾我發現驚喜首先點左呢個：五柳香魚，估計係黃花魚黎五柳即係五種伴菜啦，主要都係紅黃青椒，洋蔥酸菜等。個醬汁係夏天絕配，甜酸味好搶口，愈食愈想食，送飯食仲特別開胃！魚嘅皮煎得好香口，魚肉嘅質感都幾滑，食材本身應該唔係cheap嘢，入口軟熟皆因條魚多新鮮重口味口水雞出場夏天食辣對我黎講係必然嘅事，因為出一身汗個人特別爽的碟雞都幾大碟，份量都幾足，特別想講一講佢d香料，香料搶口得黎仲好搶鼻。雞肉好嫩，皮又薄，冇過多嘅脂肪。泰式蝦球雖然餐廳係中菜廣東菜為主，無諗過泰式嘢都唔錯，什至做得比一般嘅泰國餐廳有心。蝦球彈牙，蝦肉料多，加上個甜酸汁，更為野味。其實，廚師有無心機煮

去完朗豪坊血拼濕平，都要搵下野食醫肚，來到了這間餐廳，通常都是打邊邊，我地一於唱反調，試下食小菜！！好耐無食過乳鴿啦，咁就一於叫紅燒乳鴿！ 乳鴿皮十分脆口，可知真係落足火候，食落口有肉汁流出黎，少有地燒到外皮脆同時不會肉質乾曾曾！同伙計傾開計先知，原來整乳鴿個師父係以前沙田 「雍X山房」到做，唔怪得在下呢個沙田友總覺得似曾相識的味道～哈哈！ 跟住仲叫左個咕嚕肉，一黎到……誇張到呢…竟然用半個迷你波羅挖芯黎做底盤，然後係用返個波羅的肉黎炒咕嚕肉，賣相真係好好！ 第一次食用新鮮波羅肉黎炒咕嚕肉，無咁甜，的確配合得唔錯～咕嚕肉都好嫩滑，炸得脆口，即淋上醬汁也不會淋曬，好好味，好開胃。 最後朋友叫左個廣島蠔，一煲裡面有十幾隻，蠔係先炸左，之後再炒。 炸粉唔厚，炒左都仲有D脆口感覺，蠔都幾新鮮！的確唔錯唔錯！ 證明我地唱反調食小菜係無選擇錯！我竟然食左兩碗飯黎送～ 從伙計口中得知，呢D小菜直到11月就停止供應，原來係季節限定～睇黎11月前要黎食多次啦～

位於朗豪坊附近的靚煲皇 ，以為只有煲吃嗎？不是哦。今次來不是吃煲煲，而是吃小菜，據老闆說是夏季限定餐牌！餐廳的裝修帶點地道香港大排檔風味，餐牌有多種食物，火鍋，小菜都可供選擇！一場來到和家人相約，要食好點吧！泰式椰香雞$88先上台的椰香雞，是全晚我最愛兼推介的菜式！充滿椰香的香味香氣撲鼻，令我馬上胃口大開。先看看內裡有什麽，包括例牌的雞件，大量香茅，香菇等。飮一口椰湯，充滿椰奶的感覺，很喜歡。馬上點了白飯一碗，伴上椰奶，非常滿足。雞件嫩滑入味，不錯的。泰味生菜包$68份量不小的肉碎，可包起約十個生菜包，性價比足。肉碎炒得肉粒分明，肥瘦適中，配上辣椒，甚為惹味。博多蝦餅$68看來不太特別的蝦餅，吃下脆卜卜。 彈牙的蝦肉薄薄一片，沒有一般炸物油膩膩的感覺，但建議趕快吃，不然會有小靭身。醬汁才是精髓所在，帶小許芥末，令炸餅 味道豐富。知道為什麽叫博多嗎？因為九州人會把餘下的沙律菜沾上芥末醬進食，不防試一試。紅燒乳鴿$88價錢超值的乳鴿平價不貴，老闆說每日約只有5隻供應，不防先打電話來預約。幸好我能吃到。 招牌菜式果然不錯，外脆燒至香脆，肉質嫩滑。切成四件，一咬便肉骨分離，帶小咸，媽媽很喜歡。

事關…小妹很久沒有跟家人一起晚飯了，難得有時間，很想跟他們一起打打邊粒爐，所以就想起這裡，這是位於旺角的靚煲皇喔，已忘了是第三還是第四次來光顧啦，除了食物之外，還喜歡這邊的服務員夠親切，個個都很好的呀。就看看今次一家人來這邊吃了甚麼吧~靚煲皇 ($78/細)今次該是第三次吃啦，依然令人期待。靚煲皇煲滾後那香噴噴的味道叫人興奮，入口清甜可口，湯的味道在口腔中並久久不散，令人回味。呀，家人總是喜歡把所有的食物掉入鍋裡，說感覺很豐富很開心的，呀……還好啦，吃得心就好啦~生猛海蝦 ($48)海蝦放上了大概30秒就可以食用了，脫開蝦殼之後，大大隻的，鮮味且彈牙兼可口的蝦肉，令人喜歡。墨魚竹輪 ($58)竹輪本是普通的那種，但釀入墨魚之後，竹輪卷變得大不同啦，墨魚本來很彈牙，煮完之後，入口先食到清甜的竹輪，再吃到彈牙的墨魚，口感豐富，層次亦有所提升。美國蛹蠔 ($168)在我們面前即時開封的蛹蠔，全部大大隻，蠔味濃郁，湯底的鮮甜味道滲入在蛹蠔當中，令人停不了一隻又一隻的放入口裡。魔芋絲 ($18)這個份量比想像中還要多，相比起別的火鍋店，這邊十分化算。魔芋絲本身十分清淡，吃的是它爽口彈牙的口感。這

這晚和親戚們吃飯，立即便想到靚煲皇的小菜，份量夠大之餘價錢又夠實惠，於是便提早訂位。訂位時竟然忘記預訂紅燒乳鴿，原來每日只做五隻。因為功夫多，又要長時間鹵和風乾，才可以紅燒，所以一早被人訂光了，唯有下次才試。博多蝦餅（$68）是日本九州的傳統地道小食，脆香可口，蝦的香味散發口中，非常特別。泰皇式烏頭魚魚鍋（$168）入口熱辣辣，酸酸甜甜帶點香茅和其他香料味道，很開胃的。馬來胡椒蝦（$98）胡椒蝦蓋上勁多胡椒，蝦肉大隻肥美，入口刺激惹味。花膠肉絲羹（$118）相當足料，有花膠、海參、肉絲等，味道可口。泰味生菜包 （$68）這個泰味生菜包是店內近來很受歡迎的，肉碎惹味可口，風味十足，包住生菜食清新可口。招牌小炒皇（$98）穫氣十足，炒得乾爽之餘又夠惹味，伴酒一流！泰式椰香雞（$88）香濃的椰汁味道配上鮮嫩滑溜的雞件，非常入味。最後甜品還有冰鎮菠蘿，擺碟精美的菠蘿鮮甜多汁，清涼解渴，最岩做飯後甜品。店內有足球直播，最岩約埋三五知己一齊吹下水，飲下啤酒，享受一下美食。而家店內仲做緊夏天優惠，惠顧滿400就會送價值$600豪華郵輪船飛一張！因店鋪細，好多食物都係如精緻小菜都係期間限定限出品，過左

之前去過靚煲皇食小菜食乳鴿，朋友都話好味，一直都好想試下佢的打邊爐，今日同朋友一齊行街想食打邊爐就諗這間，點知住係大角咀朋友都話食過吾錯，所以今日專登諗住行完街街去5個女人打邊爐先，去到其實都已經十時都爆晒而出面都坐滿人真誇張，好彩打左去訂位就可以立即入座。胡椒豬骨鍋….之前朋友已經食過一次話推介好味道，所以今次再叫多次先…黎到香噴噴的胡椒香已十分吸引，沒想到入面竟然有類似豬軟骨和豬手豬骨，好驚喜！～食落去豬軟骨好㵉身好有胡椒味道，而加上辣更香口，大家都忍吾住每人都飲左2碗先想加湯，而且加左湯之後味道沒有因而太淡，十分驚喜的鍋。白魚蛋，餃，野菜菜籃，新鮮准山….菜都好新鮮而份量都吾少，准山煮熟之後吸晒胡椒香原來咁好味….但一定要睇住剛熟便可，因為太熟會爛冇咁好味。餃大大隻而且食落去材料足好香豬肉香，原來都係自家制，怪不知係king size啦。貢丸，包芝心丸，雪花肥牛，蝦餅….蝦餅夠熱度而且好香蝦味又脆口，最好係吾會食到成口油，其實蝦餅仲有一個醬汁，原來係芥辣沙律醬，味道好到呢….少少辣口但又香蝦味，必食好味，當問想知醬汁邊度買原來又係自制，絕對係有心的小店。雪花肥牛份量都不少和食落都

在旺角看完電影有點餓，有朋友提議去靚煲皇宵夜，我跟他說 5月天氣炎熱，不要打邊爐吧。誰知他竟然帶我去吃小菜。泰式蝦球蝦球炸得金黃香脆，內層的蝦肉爽口彈牙，吃畢不會有口渴喉乾的情況，完全沒有油膩感。泰式烏頭魚鍋烏頭魚用明爐上，可以保存著溫度。烏頭魚本身骨不算多，魚肉夠厚又滑溜，味道鮮甜，清甜的魚汁配上少許酸甜的湯汁，細火慢煮的明爐烏頭是我全晚的最愛。紅燒乳鴿乳鴿沒有過多的油脂，肉質偏爽，不過肉汁都不少，點少許椒鹽伴食更惹味。但記得趁熱吃，否則外皮不夠脆。以為靚煲皇只是打邊爐，沒想到宵夜也不錯，而且更有足球賽事直播，熱愛足球的男士又多一間餐廳選擇了。另外消費滿＄400會送郵輪船飛優惠券一張，雖然我用不著，但轉送給有需要的朋友也不錯。