靚煲皇 (已結業)

站在店前望入去覺得很普通的一間打邊爐的舖,由於實在已肚餓了,吾想再周圍行去揾食,故決定一試。點知一試難忘,叫左個花膠海參靚雞煲,一上煲,入眼就覺得煲內的材料全部都是經過精心擺放的,完全是㙯術品,花膠及海參很多,4個朋友一齊食,人人都食到,湯低很清甜,聽師傅講是用豬骨煲足1日1夜煲到奶白色,所以絕對夠世火喉,👍👍而個煲已包半隻雞,啖啖肉而且很滑。手打蝦滑,超正,非常新鮮,食落口仲好札實及彈牙。鳳城水餃,又係超正,無得輸,用原隻蝦做餡,而且D蝦仲非常新鮮,加埋D鮮肉碎簡直完美的配合。頂級手切肥牛,雪花均勻,肉質鮮味,非常推介。

早兩日係旺角行去奧海城途中見到呢間靚煲王 位置的確有點不起眼不過見openrice都幾多人讚 無理由唔試下今晚約左吹水團一齊十下十下先係云云湯底中 我地㨂左艇王扇貝煲足料喎 大大隻扇貝無吹水 重有蠔添👍🏼食材都幾新鮮同幾多款 好少見到餐廳會放得咁整齊牛魔王少不了叫霜降牛粒 擺得好吸引細細粒好易熟 入口軟林牛味濃👍🏼重有手打墨魚丸同蝦丸 大大粒勁彈牙 一啲都唔弱架 而且價錢合理 $88only!而且啲侍應姐姐超友善 不停咁幫我地加湯令我地可以開懷大食 正👍🏼

以前就話打邊爐係冬天先會做既活動，仲要一大班人，依家都唔使唱呢支歌仔，好多人都會夏天開住冷氣打邊爐，連所店仲推出一人一煲，咁就唔使就天氣同人數啦，本人都好鐘意火鍋，不過食來食去都只鐘情果幾款XD今日朋友帶左我去呢間，我食過附近嗰間打邊爐，呢間就冇試過。那駝鳥肉比較少脂肪，所以如果餐廳有我都會叫呢個取代牛肉。原本以為好多，因為睇落都好似一座山仔咁，但原來下面有好多椰菜絲，感覺被似人呃。雲吞有8大粒，呢個叫正路，其實得8粒但俾咁大隻碟裝，睇落就好小家，但味道係ok 既。不過店員態度差，收碟、上菜好慢，睇落好似好忙咁，其實又唔係真係好多人。整體價格比較貴，試過就算。

打邊爐食得多，但無嘜邊間可以做到食材嘅質素同服務咁正！認食又認歎嘅朋友極力介紹吓，一於就約埋D friend去見認吓！位置離旺角就遠咗D，都要行約十分鈡，不過唔緊要，為咗去歡同食靚野，都要去！行到間舖門口，有D怪怪哋，講真睇落D格局同環境，唔似係食好嘢既地方喎！抱主個心態係「事蛋」啦，横點都嚟咗，照試吓啦！點知點完個煲同D配料一上枱後，我哋對眼就俾個煲同D配料吸引住！我哋四個人叫咗個：細靚煲皇，D元貝大粒到呢……，頂級手切肥牛，靚到成件藝術品咁，瀨户蠔，D蠔又係肥肥大大咁，生猛蝦，隻隻又大大隻，手打四宝丸，粒粒都係大大粒……全部都係落足料！剩係眼前一亮，對我嚟講，緊係唔夠啦！一放入口食落，就不得了、不得了、不得了……個湯底好鮮甜，D元貝同豬骨好鮮甜，D肥牛同D蠔好鮮香，D蠔香到想生吃(當然要煮熟啦)，D蝦同D丸夠實、勁新鮮……服務超殷勤，唔駛叫，密密咁清枱面同清骨碟，有酒店級的一流既服務！靚煲皇唔係食枱布嘅地方，而係用心泡製食材嘅專門食店，食物質素同友善殷勤服務，致係佢賣點！要歎、要食物質素既我，一定會再約朋友再嚟歎過！

話說之前幾次都是來這邊打邊爐，今次嘛，很想吃點新的，就相約知己來吃小菜。不用多說啦，又是「靚煲皇」喔。再三光顧是因為…..這邊的食物質素真的很好，而且店員的招呼亦相當不錯~事不宜遲，去文~靚煲皇小炒王 ($98)小炒王的花款還真多喔，這是用上了魚乾、炸芋頭條、腰果、蝦仁等食材去炒，鑊氣跟鹹香味均十足，入口相當豐富的，每一種食物都在口裡散發住獨一無二的香氣。加杯啤酒，令我忍不住吃完一口又一口啦。紅燒乳鴿 ($88)這隻中乳鴿，太好吃了吧，皮脆肉嫩，乳鴿皮烤得香脆可口，而且咬落啖啖肉，肉跟肉之間還有點點肉汁的，令人驚喜，也令人回味，每口均是滿滿的幸福感。吉列墨魚餅 ($88)拿拿拿，不能少看它嘅。這個墨魚餅屬於推介好物之一，入口先是鬆脆的外層，咬落便見真章，是彈牙的墨魚餅。炸墨魚餅的有淡淡的香氣，在口腔裡滿溢，叫人喜歡。泰味生菜包 ($68)在一間比較中化的餐廳，吃到色香味俱全的泰國菜，實在很驚喜~生菜相當新鮮，肉碎的辣味很足夠，就這樣空口食已經十分惹味了，放到生菜中一起食用，口感相當豐富，先是吃到爽口清甜的生菜，之後就是香辣惹味的肉碎，而且肉碎肥的地方一點也不覺我它討厭，反而香得有點令我

好多人可能會為左一個甜品慕名而來， 但我就為左e一個手切肥牛而黎啦， 上次同朋友嚟嗰啲一間靚煲皇之後其實我覺得佢哋嘅煲唔止靚咁簡單， 佢哋嘅湯佢哋嘅鍋材料十足鮮味無窮， 而佢哋嘅手切肥牛更加係一絕， 油花分佈平均牛肉味十分濃郁， 雖然話係肥牛但絕對沒有坊間的肥牛的肥肉那麼肥肥， 小妹極度害怕坊間的肥牛的肥膏， 一大片肥牛中只有2，3 cm是牛肉的肥牛確令人可怕， 雖然沒有一大層肥高但靚煲皇的肥牛， 有分分佈平均極為爽口嫩滑好食當然我哋有叫其他嘢食啦， 其實打邊爐我都好少食肉真係特登嚟靚煲皇食肥牛架， 所以點左好多豆腐冬菇雲耳淮山呢啲比較素嘅食材， balance一下肉嘅感覺不過真心一句如果姐姐嘅態度可以好少少會令我哋食嘅時候更加開心， 可能因為姐姐好忙好忙十分忙， 令到姐姐是不是既態度都有點覺得匆忙粗魯同埋唔係幾禮貌， 咁我個人有好公平嘅我為咗食而嚟又唔係為左service要有service就唔理旺角呢啲地方啦

早排父親節，當然要同父親去食餐好既。前排有朋友食過呢間靚煲皇話唔錯，介紹我黎識下d小菜，唔講唔知原來呢間專食打邊爐有小菜食。紅燒乳鴿：真係唔可以唔讚下呢到個乳鴿，賣相細細隻，但係好多肉，d肉質仲要好嫩好滑，外皮脆卜卜，擺上台熱辣辣之餘仲要唔多油，而且d淮鹽係佢地自己整既，好有心機。老闆話整乳鴿個師傅以前係沙田雍雅山房到做嫁，我就唔識喇，但父親個表情就好欣賞。椰香雞：呢個椰香雞好香椰汁味，但食落d汁又唔會好杰，d雞好大件，可能係岩岩食完個乳鴿，相比之下呢個雞d肉質就比較老，但其實已經好唔錯，只係個乳鴿太好食。馬來胡椒蝦：呢個蝦未擺上台，姐姐行緊埋黎已經聞到好香胡椒味，擺上台已經見到碟邊好多朝椒粒，開頭仲怕會好辣，點知食落唔算好辣，仲好香胡椒味，蝦既肉質都彈牙而且鮮甜，食得出係新鮮蝦黎既。唔試過真係唔知呢間打邊爐原來有小菜，而且質素咁好，不過老闆話小菜係季節性，只係做到11月咋。同埋我見到隔離店有冰震木瓜甜品，已經決定下次再去試下喇。

✿╮❤╭✿✿雜感女生 好味日記✿˚*•✰。靚煲皇．情迷小炒王。✰•*˚✿✿舌尖上的MK✿✿❤餓底飯聚❤❤很久沒吃港式小菜特意與朋友去旺角小店聚聚吃個豐富又特別的小菜味道靚煲皇是一家有戶外與室內的小店既有球賽可看亦有好吃小菜今次一試小炒王令人回味泰式椰香雞雞肉厚身而香滑，汁汁更是一流入口就是豐富的泰國風味香茅提升了味道層次，奔馳在汁汁配白飯之中紅燒乳鴿保持水準之作，第一口吃原味，香！第2口，放些五香淮鹽再咬一口，更有另一番風味！泰皇式烏頭魚鍋 大條又多肉，魚湯滾起後一定要先喝頭啖魚湯非常酸香開胃，白飯要多碗！靚煲皇小炒王 有韭菜、腰果、蝦仁、魚乾仔、大魚乾等等，香氣十足又夠鑊氣，本小姐覺得是最最最好味的風情！香港人最愛！驚喜：免費甜點西瓜、密瓜等時令水果，變成有心的波波入口有薄荷香氣適合炎夏消暑之作，好清涼入心！

一家三口好耐未去過旺角, 阿女行完朗豪坊後建議去食靚煲皇, 佢阿媽諗都唔諗就應承佢！之前經經過幾次, 見到都好多人, 但大熱天時食火鍋真係有啲保留！😉😉坐底無耐, 色澤鮮艷的火锅醬料已放枱, 睇見到相当吸引😜跟住老闆介绍嘅招牌靓煲皇一打開蓋已觉香氣撲鼻, 一睇就知道用足料, 肉類有原隻新鲜元貝、干鱿魚、虾干、豬骨；而配有多種素菜如红籮白、翠玉瓜、甜玉米及蔬菜。此煲應名為浓湯魚村七彩香軟豬骨鍋👍👍👍 豬骨煲食得多, 但如此有創意相信老闆一定花過心思, 而最神来之筆我認为源自那干鱿魚, 使得那湯鮮甜中帶浓香嚐過两碗湯後, 再慢慢逐一吃各样食材, 好明顯湯底肯定老火, 扇貝必然鲜甜, 最意外的那玉米甜到我要連食三舊！其他火锅料選擇很多, 但因三个人淨係佪煲都可以飽你七成, 所以只点了我致愛的蟹子手打墨魚滑和阿女致愛的鲜淮山！同样地食材賣相已相当有質素！墨魚滑口感非常鮮嫩, 味道很鮮甜！淮山除了它独特的口感外, 勝在養胃補氣係火锅嘅首選配菜👍👍👍

之前朋友推介，襯住呢日父親節，帶左呀爸一家四口黎呢間靚煲皇食飯。呢到鋪面唔算好大，但乾淨企理，燈光都幾光猛，坐得好舒服。招牌靚煲皇：一擺上台賣相就已經好吸引，有8大隻扇貝係面頭，湯底有大量豬骨。老闆仲好親切咁介紹我地飲左頭啖湯先，味道好鮮甜，好濃郁豬骨味，可見湯底一定煲左好耐，好用心。和風野疏盤：見到既時間真係嚇一跳，疏菜既種類好多，大約有8-9款，雖然每款既份量唔算好多，但係食完發覺岩岩好，而且廚房師傅非常用心，擺得好靚好吸引。極上肥牛：呢碟肥牛望落去已經好想食，肉同肥好均勻，食落好d肉質好嫰好淋，而且唔會太薄無咬口，仲有少少牛蘇味，完全無雪味，證明真係好新鮮，唔係冰鮮野。一家四口食到既野唔多，今次只係叫左2個配料，但係呀爸非常滿意，仲話下次一定要再黎食多次，要試埋其他配料咁話喎。

同屋企出街食飯, 佢地最鍾意地道野, 可能夠人情味, 所以黎左呢間好多讚既靚煲皇, 打邊爐或者小菜都有. 佢地既小菜唔似一般廣東菜, 帶點星馬泰口味, 要左個胡椒蝦, 蝦入口肉厚而鮮甜, 爽口. 胡椒味好香好濃, 帶點辣, 好惹味.仲有小炒皇, 炒得唔油夠香口. 好多一條條既魚乾, 九菜花等好有咬口, 清新爽甜.椰香雞, 椰汁味幾重, 夠香移滑. 雞肉軟腍入味, 夠滑, 夠晒泰式風味.

早前同幾位朋友去食晚餐，坐底無耐就有一碟花生，又脆又香口，咸味調味得岩岩好。令人食唔停呀根手就叫左個生菜包，生菜幾新鮮，脆口，無苦味而啲料小小辣味，又香，食落好似有香茅既味道，又係一味食到食唔停，食過番尋味既小菜之後再叫左隻雞，全名唔記得但係係辣既，辣得黎又好惹味調味得宜，唔會太咸又唔會太過太過辣而且肉身係全熟得黎又好嫩身非常好食，下次再去必食最後，就叫左個我最愛既乳鴿外皮脆，肉身無雞咁嫩口，但又好有口感而且，胡椒粉聽聞係大廚自己炒既怪唔得咁香口啦😂 小辣又香另外，職員亦都好好態度，又好笑容

收左工同埋同事一齊食飯, 黎左呢度打邊爐, 雖然天氣熱, 但呢度冷氣夠, 所以完全唔係問題.打邊爐最佳配搭就係肥牛, 呢度係手切, 脂肪均勻, 紋理清晰. 淥一淥好快熟, 手切入口特別彈牙, 腍身夠嫩滑, 牛味濃郁.仲有海蝦, 隻隻都手指咁粗, 晶瑩剔透. 食落爽口彈牙, 鮮甜味突出, 口感不錯.呢度有幾款出名既湯底, 不過最鍾意豬骨湯底夠濃郁, 加埋肉類, 海鮮鮮味, 食完無口乾. 而且呢度加湯唔係加滾水, 唔會無晒味.

約埋幾個朋友飯敍, 好多地方都有時限, 所以諗住過少少近旺角街市呢邊食. 靚煲皇之前食過, 一於訂定位再黎. 因為呢個時段唔祗打邊爐, 仲有小菜. 要左個小炒皇, 夠鑊氣唔油膩. 九菜花夠新鮮爽口, 仲有蝦, 魚乾, 腰果等. 炒得乾身更覺惹味.泰式烏頭魚鍋, 魚夠大條肥美, 魚肉軟腍夠滑溜. 簡單既配菜烹調, 已食到魚既原汁原味, 魚湯滾起更覺鮮味.仲未夠喉, 飲啤酒最啱配鹵水野, 要多個拼盤, 鹵得入味咸度適中.

之前黎過呢度食小菜不錯, 今日響旺角做完野, 同同事一齊過黎再食. 有戶外室內位置, 夠通爽. 好彩時間仲早未洗等位.睇睇餐牌有D咩先, 仍然有打邊爐款式, 不過天氣較熱, 所以選擇食小菜類, 係夏天先有既款式.同事係海上人, 所以要左盤酸菜烤魚, 啱晒佢口味. 上枱已聞到酸菜既香味, 配料非常多, 特別惹味. 魚係先煎過再放魚湯烤, 所以烤左一段時間魚都唔會散晒. 一啖入口魚肉保持軟嫩, 新鮮唔腥. 配搭酸菜唔會搶走魚既鮮味, 仲好醒胃.