露面手工拌麵料理

營業中

休息中

露面手工拌麵料理聽個名都知出名當然食麵啦今次難得同朋友出咗灣仔行街就近近哋試咗呢間餐廳啦.呢間餐廳食物選擇都唔少主打麵食方面亦有擔擔麵、蛋麵、biang biang麵菠菜麵及白布湯闊麵選擇.油潑辣子魯肉biang biang嚟到當然要食個麵先啦今次就點了來自陝西嘅biang biang麵口感爽口豐富且相當掛汁而佢嘅魯肉及自家製油潑辣椒醬香辣惹味，魯肉肥瘦得而一齊食都好正.雞絲粉皮接住就叫了呢個雞絲粉皮望落都相當足料而雞絲與青瓜絲一併混芥香麻醬真係好夾味道清爽惹味.白菜豬肉水餃最後呢個水餃亦都出色白菜豬肉份量相當足料水餃皮亦很簿身食完相當滿足

大閘蟹時間又到，自己好想食，可惜屋企人唔鍾意食大閘蟹，上網搵吓搵吓見到香港都有幾間食蟹黃麵，算可以頂到條大閘蟹引，灣仔呢間小店價錢比較合理，所以特登走去試試。我見佢有好多唔同食物，午餐都係幾十蚊左右，但因為我特登上嚟試蟹黃麵，所以點都要試吓，另外喺餐廳見到一碗燉湯都係$38 ，咁抵又叫埋嚟睇吓咩料，一個人食午餐百幾蚊，好似有少少奢侈，不過返工咁辛苦真係要氹吓自己。蟹黃面好大碗，蟹黃成大碗太誇啦，連埋蔥同埋醋一齊食，非常好味，蟹黃好惹味，啲汁撈晒落啲麵條上面，好香蟹黃味好鮮味。清燉雞湯好足料，飲得出冇味精，個湯好清甜好有雞味，每碗湯入面都有幾舊雞同埋d菇，唔止解渴仲非常好味，$38真心抵。

自從食過佢嘅🦀蟹皇拌麵之後一直心心念念❤️ 終於捉到朋友陪我去再食😂🦀鎮店蟹皇拌麵$98秋天是食蟹的季節🍁一大碗鮮甜嘅蟹黃放在眼前，怎麼可以不吃😍😍😍成為招牌菜是有道理的😆蟹黃中加入很多蟹肉，鮮甜味美，別忘了沾醋🥰.🥟粒粒巴蜀大雲吞（5粒）$35雲吞超大一顆，皮薄餡靚❤️唔洗浸湯一樣好味🥣不得不提佢嘅秘製辣椒油🌶 好惹味😋唔夠的話可以再加😎.🐓芥香麻醬雞絲粉皮$42薄薄的粉皮口感煙靭，絲絲雞肉好新鮮，沾麻醬很清新好吃🤗 份量超多，撈醬果陣要小心處理，唔好俾美食跌落枱呀😖.🥟韮菜豬肉水餃（5粒）$30就咁簡單嗌個韮菜餃都好味😋主要係皮夠薄夠滑，菜同肉都新鮮，口感細緻☺️.🥟椒香麻辣湯小雲吞（10粒）$40食完大雲吞仲要食埋小雲吞先完滿☺️呢款嘅特色係碗麻辣湯🌶辣度唔高，食開小辣應該都可以應付😏 但就好香胡椒味😚非常喜歡💕

今日去修頓球場行表演前到附近吃個簡單晚餐，今日天氣轉涼特別想吃一碗熱騰騰的面。走到莊士敦道見到一間門前有5-6人排隊等短，原來是一家叫「露面」的手工拌麵料理，原來係人氣餃子店餃掂嘅新line，一於試試。當是正值晚飯時間所以坐得有點擠迫，十分受歡迎。餐廳主打拌麵及湯麵，麵底有五款選擇，包括擔擔麵、蛋麵、biang biang麵、菠菜麵及大熱的白布湯闊麵！《油潑辣子魯肉biang biang $55》biang biang麵來自陝西，傳統會較厚身同粗，而餐廳就稍作改良後比較薄身及幼身，口感輕盈，但保持有咬口及掛汁。此麵加入滷肉及自家製油潑辣辣椒醬，香辣惹味！看似份量不多，但男士食用絕對有飽肚感！《七彩雞絲伴冷麵 $55》色彩繽紛夠吸引，冷麵彈性十足，有嚼勁。七彩分別有青瓜、胡蘿蔔絲 、黃蘿蔔絲、捲心菜、木耳及雞絲，伴上胡麻醬實在惹味醒胃。《蜂蜜百香果茶 $24（凍）》清甜解渴。《野生松茸鮮雞湯 $38》夠熱，湯香濃夠清潤，無味精，啖啖松茸鮮雞香！天氣涼了，飲後很暖身！《香糟豬手 $55》豬手富輕輕酒香，保持爽口，皮厚骨大。《雞絲粉皮 $42》粉皮口感清爽，與雞絲與青瓜絲一併混芥香麻醬好惹味

『做人呢～最緊要係開心，你餓唔餓呀？我煮碗麵俾你食啊 』一句說話，帶嚟滿滿嘅窩心💛令我更想好好記錄嚟過依到食碗麵；秋涼緊喺食蟹嘅好時節🍁🍂店員推介～～🦀鎮店蟹皇拌麵$98🍜用上海麵沾上滿滿嘅蟹肉蟹膏，超滿足💛拆蟹肉工序繁複唔係周圍都食到，更顯性價比高秘製香槽醉豬手$55 🐖外皮爽滑口感彈牙，酒香足夠非常入味，而且份量好多，依個絕對係必點👍🏻巴蜀粒粒大雲吞同韭菜豬肉水餃，2款嘅皮都夠薄，韭菜豬肉水餃韭菜夠多，好鐘意大雲吞，假如你鐘意小雲吞，餐廳都有供應咖

露面手工拌麵料理 - 午餐set既menu野生松露鮮雞湯非常足料 係有種家既感覺🥰祕制香槽醉雞🐣佢依個醉雞既濃味調得非常好好鍾意佢既酒香味 唔會太過重雞肉都非常滑溜麻麻辣辣牛展biang biang麵🍜原來佢係陝西麵既改良版~加上係手工做嘅食落就覺得麵身其實有d似刀削麵因為個種粗度差唔多咬落都幾煙韌加埋辣醬汁一齊食 不錯 值得推薦！酸菜魚BiangBiang 麵🍜酸菜湯就辣左少少🥵配料有鯇魚 芽菜 白蘿蔔條

大家千祈唔好去呢間食！！我尋日（18/10/2021）lunch堂食等野食期間，遇著三隻大強！係大強唔係小強！諗返起都毛管動！一隻係腳邊行過，一隻係牆上行走，另一隻無神神跳係隔我兩個位既女士既餸上！當時即刻有姐姐來用毛巾整死哂佢哋！我亦即刻起身話要轉外賣拎走。幸好無肚痛，但唔會再去食！！！🙀😱🤮因為唔平兼無時間轉另一間，所以我唯有求神拜佛轉外賣無事無相無片，因為嚇到驚魂未定兼只想盡快俾錢走，信不信由你！

平時經常路過呢間拌麵店，但一直未試過，今日同同事講起食蟹，大家都覺好麻煩😂😂，如果有拆咗肉就好😂😂！跟住就諗起呢間有蟹皇拌麵，就即刻去試試先😋。前菜叫咗香槽醉雞，酒味香且帶甜，雞肉嫩滑，皮薄唔肥膩可以一嘗😂，份量二人食剛剛好👍講返主角招牌蟹皇拌麵，麵質煙韌有彈性，而蟹皇師傅非常之重手，有一大碗，而且蟹皇同蟹肉都非常多，味道鮮濃，拌麵一齊食味道好啱數，個汁分量之多到最後可以當湯飲😂😂。另外見有近兩年大熱嘅酸菜魚，又叫來比較一下，套餐可揀飯或biang biang麵，我哋揀咗麵。麵有少少似刀削麵+台式粗麵？好爽滑！湯同麵係另外上，食幾多夾幾多落湯，唔怕浸腍。酸菜魚湯，有少辣酸味適中，多配菜，重要係有加芫茜！總覺得酸辣麻辣一定要加芫茜先啱味道☺️，魚片都幾多，無骨嫩滑無腥味。跟餐仲有飲品送，CP值都幾高。另香芋鮮奶都幾好飲，order時要少甜少冰又真係做到，鮮芋頭係打成茸，無加色素，味道天然唔太甜，同鮮奶攪拌均勻後，有啲似奶昔，good👍

餐廳：露面手工拌麵料理 (灣仔)地址：灣仔莊士敦道55號地下A號舖呢間開咗接近一年嘅露面手工拌麵料理 @biangbiang.noodle 主打北方、陝西一帶嘅手工拌麵🍜，適逢大閘蟹季節，今次喺比佢哋聞名已久嘅平民價蟹皇拌麵吸引而過去，我唔客氣喇😻餐廳牆上嘅一句「做人呢 最緊要係開心 你餓不餓呀 我煮碗麵俾你食啊」令我入到嚟即刻捉到兩個重點：開心同食嘢😎，及時行樂真喺好重要，等我享受吓當刻嘅美食先😋✝️鎮店蟹皇拌麵 $98餐廳每日朝早就將大閘蟹嘅蟹粉拆出嚟🦀，再用大閘蟹殼炒出蟹油，整成一大碗超足料、勁量級、絕無偷工減料嘅蟹皇🤤，聞到都覺得香，成碗倒入自家打製嘅陽春麵中間撈勻，加埋少少蟹醋去吓油膩感同驅吓寒，creamy得嚟帶有香濃蟹粉香同陣陣醋香，真係超抵食，貨真價實👍✝️一人拌麵套餐 $82餐廳午市仲推出限定一人套餐，一個價錢就可以享受到一份拌麵、一份小食同一杯飲品；或者一份主食、一碗滷肉飯同一杯飲品。揀咗呢個人手製造嘅純手工台式滷肉拌麵，當中加入秘製滷肉醬汁、花椒等作調味🍴，滷肉份量仲唔少，食落惹味，不過個人覺得有少少油膩🤏，而小食就要咗個麻辣雲耳，飲品就叫咗菠蘿青檸蜜🍹，食完都幾飽肚

餐廳主打拌面及湯麵，感覺很棒，面底種類很多款，所有面類都是自家尋找專門研究，天然沒梘水味，價錢合理，有興趣要吃。香糟豬手真正做法是把香糟加上十種以上的香料吊起，滴漏糟汁再以水和酒調開，所以吃起來味道有點似滷水汁的變奏，鹹香裏混有香料味和酒味。這店棒，實在不錯～容易咬的要吃下去喔～ 擔擔面、蛋面、biang biang面、菠菜面～無論那個口味也迎合。青檸蜜，也要一吃～坊間好多都沒有味道，而這裡青檸味清甜，蜜香，回甘潤口不是澀味。酸菜魚面以泡椒、辣椒及花椒調味，加上高湯燒煮酸菜、魚片而成。配上面，味有魚肉之香，擔擔面很惹味。用平民價錢也吃到酸菜魚面！真的棒 油撥辣子魯肉biang biang面滷肉及自家製油潑辣辣椒醬，香辣惹味，一吃喔～

今日咁岩喺灣仔見完客，行開見到一間手工麵店，就入去試試新野先。我哋入去嗌咗兩個涼拌，分別係麻辣雲耳同埋雞絲粉皮，麻辣雲耳個辣度非常之香，而且辣汁唔會話搶喉，而且係重蒜，所以我哋極為鍾意。雞絲粉皮呢就有滿滿麻醬，每一條雞絲同粉皮都被滿滿嘅麻醬包住，真係超級幸福，重點係四十零蚊，但非常之大碟，我哋兩個完全係食唔晒，性價比極高。因為我哋叫左個套餐，所以主食揀咗滷肉飯，滷肉飯完全係台灣嘅味道，另外一個主食就係醉雞，雞肉非常滑溜，酒味唔會太過重，所以仲可以保留雞嘅香味。見到隔離枱食緊個蟹粉撈手工麵，於是我哋又叫一碗嚟試吓，滿滿嘅蟹粉湯撈落去手工麵度，蟹粉湯入邊十分足料，超級多蟹肉，而且個蟹粉好香，真係驚喜之作。

露面 - 性價比醫肚之選 適合三五知己吃飯的好地方前兩日同朋友黎到灣仔想尋覓可醫肚嘅餐點。我地行入一間叫「露面」嘅餐廳坐低，店內環境比較闊落，而員工態度都好友善，我地嗌左店內比較招牌嘅食物。油潑辣子biangbiang麵（小辣） $55之前係其他地方都食過呢種biangbiang麵，但係呢次帶俾我截然不同的口感體驗。作為陝西傳統嘅麵食，呢種麵一般而言係偏香辣及微甜嘅，呢種口感對於油潑辣子嘅用料同麵條嘅麵質十分講究。我同朋友都唔太食得辣，所以嗌咗小辣諗住俾胃舒服啲。嗌餐約莫十分鐘後油潑麵上檯，油潑辣子用咗肥瘦相間嘅肉作為用料，入口肉香味四溢。值得一提嘅係辣味同甜味中和得幾好，唔會彼此蓋過味道。口感都較綿密厚實，令人有種啖啖肉嘅感覺。麵質亦都非常彈牙，比較有咬口，連埋啲汁一齊下肚，唇齒留香。鎮店蟹黃拌麵 $98蟹黃拌麵係間鋪頭嘅招牌，先講個麵質，非常有咬口偏向北方口味。重點係個蟹黃，分量足足有成碗，入面有蟹黃、蛋黃、蟹肉同醬料，而蟹黃睇上去個比例就偏多，加上成碗金黃色淨係個賣相已經令人食指大動了。蟹黃質地厚身，撈埋啲麵食落口感有少少似日式沾麵，食落好有滿足感。入到口，蟹香十足，每舊蟹黃蟹肉

放假諗住無咩特別，去到邊食到邊，就見到呢間價錢相宜，食拌麵既餐廳，就入去試吓啦🤩午餐有個午餐set既menu:🌟一人拌飯 $82🌟我就揀咗食拌飯，因為比佢哋既豬手吸引住🤪餐牌上有兩款豬手，分別係秘制香槽醉豬手同香辣豬手，諗咗一陣就揀咗前者，味道係平時食既醉雞味道，只係轉咗豬手，不過呢度既酒味無咁濃郁，上面有數粒杞子點綴一下，顏色顯得無咁單調🤤拌飯餐就跟一個滷肉飯，裡面仲有半色滷水蛋，滷肉味道香濃軟腍，唔會過咸同埋會食到啲一粒粒既香料😅野生松茸鮮雞湯 (原盅) +$18見就咁飲一盅湯都要$38，跟餐淨係加$18，就試吓先，好足料既湯配料，溫度好熱，應該係成盅燉住，然後再拎出嚟，連個蓋都好熱，味道好清甜滋潤☺️🌟一人拌麵 $82🌟朋友就揀咗鮮茄牛腩拌麵，麵方面係手工麵，分別有四款可以揀：蛋麵、擔擔麵、Biang Biang 麵、菠菜闊麵；朋友鐘情擔擔麵就照揀返擔擔麵，我下次嚟食要試吓佢哋出名既Biang Biang麵先得😆btw朋友覺得麵質比較淋身，硬身返少少會比較好，配料係用新鮮既蕃茄，牛腩肉質軟腍而不韌🤩小食就揀咗手拍小青瓜，爽口開胃，不錯既前菜👍🏻🌟滑溜溜香芋鮮奶 +$14🌟跟餐加$1

露面手工拌面料理今日約咗個好朋友去咗灣仔行吓街食吓嘢，行行吓攰當然就係搵嘢食啦，去推介話附近有間唔錯嘅拌麵好想試吓，見到入邊都好多人一定係唔錯先多人選擇淡淡魚肉酸菜魚果然同菜式名一樣係超多魚肉，湯底都幾濃郁酸菜超多，配細嘅幼面絕對一流野生蟲草鮮雞湯呢個燉湯係朋友叫嘅，湯底超級嘅好飲鮮雞湯嘅鮮味同蟲草嘅味，絕對係補身鎮店蟹黃拌麵朋友叫咗個鎮店蟹黃拌麵，上枱都已經覺得好有氣勢，佢哋嘅蟹黃係超級嘅豐富有口感，加上伴麵黎食絕對係冇得輸極品陳年龍鳳檸蜜食完咁多知音嘅嘢當然又係要叫番杯補身嘅靈物啊，用上陳年嘅陳皮再加上檸檬，絕對係補身之選整體佢哋真係做咗一啲好特色嘅料理絕對係灣仔獨特

今晚放工來到修頓附近食麵，舖面好光猛，睇落好乾淨。平日晚7點左右直接行入去搵位坐就ok。鮮茄牛腩拌麵（$55），牛腩炆得好林，有少少筋，好易入口。腩汁好有誠意，有骨膠原嘅口感。🤣 最緊要係汁夠多，夠撈碗麵。蕃茄都唔少，蔬菜來講已經好足夠了。蔥花好多，成碗撈暈來食就啖啖都有野咬了。🤣油潑辣子魯肉biang biang 麵（$55），Biang biang麵聽落好搞笑，原來係改良版嘅陝西麵，仲要係手工做嘅，聽落好有誠意。🤣 麵身似刀削麵個種粗度，咬落煙韌，亦都沾到好多辣醬汁一齊食，值得推薦！我揀左個小辣試一試，佢係麻辣，好香好好食，連唔識食辣野嘅我都入到口。 魯肉粒都係好林好入口，肥瘦得而，仲有啲菇仔撈左係入面，好豐富的。怕唔夠飽，叫多碟小食 芥香麻醬雞絲粉皮（$42），雞絲好多，啲肉滑滑的，青瓜絲都算多，粉皮偏粗身，夠薄，撈麻醬食一流。👍飲品我就要左杯菠蘿青檸蜜（$24）少甜，清清甜甜嘅，適合天口熱時飲，入面仲有啲菠蘿渣咬下。🤣朋友個杯係滑溜溜香芋鮮奶（$28），口感真係非常滑溜，好香芋頭味，而且一啲都無想像中咁濟，好快就啜晒落肚。🤣總結：我哋兩個人都食得好飽，好滿足，會再複桌。