露面手工拌麵料理

營業中

休息中

大閘蟹時間又到，自己好想食，可惜屋企人唔鍾意食大閘蟹，上網搵吓搵吓見到香港都有幾間食蟹黃麵，算可以頂到條大閘蟹引，灣仔呢間小店價錢比較合理，所以特登走去試試。我見佢有好多唔同食物，午餐都係幾十蚊左右，但因為我特登上嚟試蟹黃麵，所以點都要試吓，另外喺餐廳見到一碗燉湯都係$38 ，咁抵又叫埋嚟睇吓咩料，一個人食午餐百幾蚊，好似有少少奢侈，不過返工咁辛苦真係要氹吓自己。蟹黃面好大碗，蟹黃成大碗太誇啦，連埋蔥同埋醋一齊食，非常好味，蟹黃好惹味，啲汁撈晒落啲麵條上面，好香蟹黃味好鮮味。清燉雞湯好足料，飲得出冇味精，個湯好清甜好有雞味，每碗湯入面都有幾舊雞同埋d菇，唔止解渴仲非常好味，$38真心抵。