192
4
11
港鐵灣仔站 B2 出口, 步行約3分鐘 繼續閱讀
電話號碼
23684011
23681114
營業時間
今日營業
11:00 - 23:30
星期一至日
11:00 - 23:30
付款方式
現金
食評 (215)
等級7 2021-07-16
464 瀏覽
平日下午金鐘睇完醫生,金鐘餐廳又貴,選擇又少,行去灣仔揾食絕對是好選擇。一個人揀間細細粉趟麵店,位於灣仔的【露面手工拌麵料理】 麵店裝修簡約,最特出是這個用霓虹光管招牌,旁邊的幾句字都很窩心呢。 餐牌第一頁道出老闆的心聲,不只是一間麵店,正確是一間有故事的麵店。餐提供多款自製手工麵,有四款麵: 蛋麵、Biang biang 麵、擔擔麵及菠菜寬麵。餐牌上有介紹這款面的特點,好貼心!下午茶餐選擇不豐富、價格又不是超優惠。其實在主餐牌挑選價格差不多,彈性比較大。主餐牌見到這個【野生松茸鮮雞湯$38】圖片非常吸晴!! 小編已經下定決心order 這個滋潤一下。Oh, 呈上的【野生松茸鮮雞湯】跟圖片相差甚遠,有點失望……松茸片份量多,松茸菇菌鮮味突出,入口味道帶甜,補身湯水多喝無妨,只是跟圖片相差甚遠而已。【傳統開揚蔥油拌麵$38】上海的蔥油開洋拌麵是沒有蔥的,蔥在熬蔥油的時候把蔥白蔥綠慢慢地熬到酥爛到顏色轉焦,精華全部融入蔥油內。蔥有著多層次口感,美味,如果多D就好。乾大蝦仁叫開陽,份量不多味道被葱油蓋去。麵條佰自家製都叫爽口。 繼續閱讀
(以上食評乃用戶個人意見 , 並不代表OpenRice之觀點。)
我喜歡吃麵多過飯,屬於唔臭米氣的類別,而各種粉麵當中,口味傾向比較嫩滑的,近年在灣仔找到一家叫「露面手工伴麵料理」的小店,尤其喜歡這兒的 biang biang 麵,因為既滑且大片又掛汁,口感相當好。「露面」的麵全部手工製造,不落味精,吃得出是新鮮製品,除了我最喜歡的 biang biang 麵之外,亦有蛋麵、擔擔麵、菠菜寬麵,不過我始終認為 biang biang 最好。價錢相宜,尤其推薦午市限定一人拌麵套餐,因為其實全日都可以點選。一人拌麵套餐 $82一人拌麵套餐,指定項目自選一碗拌麵、一份小食及一杯飲品,只售$82,今晚我追加野生松茸鮮雞湯,需加$18。油潑辣子滷肉 biang biang 麵這是我必點項目,實在出色。麵質幼嫩順滑、長而有力,入口富嚼勁,沾了辣汁潤澤惹味,辣度可以選擇少、中或大,少辣的確非常輕微,相信中辣亦可接受。切粒半肥瘦滷肉相比肉碎有口感,醃得非常入味,但不會覺得濃郁,因為鹹甜味道平衡恰到好處,肉汁亦豐富,滷肉混進菇粒,味道同樣豐富,成功添變化。麻辣雲耳香而不痹的醬汁配合爽脆雲耳,唔錯。 野生松茸鮮雞湯無味精老火湯,飲得過,件雞依然完整,不過已經無味,需蘸醬汁才可口。同伴選擇一人拌飯,同樣是$82。祕制香槽醉豬手滷肉飯菠蘿青檸蜜豬手富輕輕酒香,保持爽口,皮厚骨大。滷肉飯之滷肉與我的滷肉 biang biang 麵相信相同,只不過沒有添上油潑辣子而已,味道差得多所以好食。菠蘿青檸蜜一般水準。另外兩款小食值得推薦:皮蛋豆腐 $35超滑豆腐,組合調味皆適當。瑞士雞翼 $36甜鼓油的味道,非常入味,雞皮有點脆,肉嫩夠熱,有水準。 小店如一般的粉麵店,光猛簡單的佈置,最有趣是自信心爆棚,四處可見吃碗好麵的陳述及標語,有趣的。 整體平均分:3.5   繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-28
138 瀏覽
今天路經灣仔的這條街,見到食店門面貼了一張Mirror海報,即刻停低看看,估計店子老闆是其粉絲!? 還掂一場嚟到就入去幫襯。食店係叫「露面手工拌麵料理」,主打食手工麵,我見到menu有Biang Biang面覺得幾特別,原來係出自陜西,經改良後變得更加薄更加軟,所以叫了個「啖啖酸菜魚套餐」配Biang Biang面再加飲品,份量十足,成碗酸菜魚有好多金魚肉,其實齋睇已經流口水,食落酸酸辣辣特別好胃口,Biang Biang面果然夠軟身,不過要快啲食,如果唔係啲面會黐埋一齊。「鎮店蟹黃拌麵」夠曬排頭,一大碗蟹粉,而面就分開上,再配一小碗醋,先嚐一口夠濃,真係唔知道要用幾多蟹肉來炮製,之後將蟹黃慢慢放在面上撈勻嚟食又是另一番風味。「秘製香槽醉豬手」香槽即係酒,豬手爽口,而且有淡淡酒香,拿來送酒係一絕。「極品陳年陳皮龍鳳檸蜜」飲落喉嚨好舒服,口腔回甘,如果熱飲效果更好。今次食麵有好嘅體驗,印象良好,納入翻食名單。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-14
1260 瀏覽
比起食飯,我更鐘意食麵經過灣仔見到呢間以手工拌麵的餐廳,價錢又相宜,入去試一試先呢度既招牌麵,有個好得意既名,  問左待應姐姐,原來讀 BIANG 係一種陝西的麵,BIANG 字就係當地既讀音~今日同女女黎,叫左2個麵同一個小食,但最後都食唔哂... 因為除左價錢抵食,份量都唔細。姐姐推介我呢個油撥辣魯肉麵 $55辣度有得揀架。因為第一次食,試左少辣。感覺下次再食可以再加辣魯肉亦做好出色,揀的豬肉肥瘦適中,魯汁肉惹味,菇粒仲好滑又入哂味Biang Biang 麵係手工麵,麵身較闊,但唔厚, 入口幾滑,又有O趙頭,仲好飽肚。而且手工麵仲好掛汁,每條都沾滿醬汁~女女近期愛食瑞士雞翼 ($58) ,估唔到呢D咁有家鄉風味的食店都有得點雞翼夠入味,D麵撈埋瑞士汁,非常惹味~叫左一個芥香麻醬雞絲粉皮,因為怕芥醬辣,姐姐幫我改做麻醬, 小朋友都食到。粉皮非常有驚喜,又薄又滑又彈牙,同坊間個D好唔同配青瓜,雞絲和麻醬食,非常清新的口感特別適合呢個炎熱的夏日而且42蚊的價錢,份量勁多,真係抵食又好食。推推推~24蚊的特飲菠蘿青檸蜜和蜂蜜百香果,前者味道偏酸,後者較香甜,水準不過不失~餐廳裝修幾有心思,坐得舒適,仲幾有香港特色要讚下呢度既姐姐好好人,招呼週到,有問必答,又有耐性,成餐飯都好滿意 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-13
2091 瀏覽
那晚尋找晚餐處時發現專門製作手工拌麵的餐廳,自家製麵條需時需技巧,現時已少之有少,遇到應該要支持一番,毫不猶豫便與男朋友進內品嚐。漆黑的街道上那光亮的招牌確實耀目,內裡主要以淺木色為主,裝橫簡單簡約,感覺隨意舒適。餐廳自家製麵款有四款包括蛋麵、Biang Biang 麵、擔擔麵及菠菜寬麵,可選擇湯麵或撈麵烹調方法,除麵食外還提供小食及雲吞,喜歡撈麵的我決定主攻撈麵,加小食作點綴。點選了餐廳的招牌撈麵試試,食法也相當獨特。白雪雪麵條幼細軟腍,附上一湯碗呈蟹膏橙色的蟹湯及淅江醋小碟。將所有湯汁倒進麵碗,沉澱在蟹湯底的蟹肉絲剛好從碗底倒至麵上,撈勻後整體有如麵糊,醬汁以雞湯作基礎,帶有蟹膏味與蟹汁精華香,每嗒可嚐到蟹肉絲增加口感,蟹味更濃郁!添加少許醋後那酸甜味中和了雞湯味,味道更融和。粉麵呈扁狀而幼細,加上軟腍的質感容易吸收湯汁,麵粉味絕不會蓋過醬汁同時更特出蟹鮮味。四大片牛展厚切放於麵上,經醃製後,滷汁完全融入於牛展中,相當入味!還有一層薄薄的滷汁獻包裹著牛展,醬汁豐富口感濕潤。Biang  Biang麵寬而厚,口感十足有嚼勁。辣油撈勻整碗麵,麻而不辣,麻辣麻痹感停留於口腔,並在口喉已止步,更有愈食愈辣的趨勢,寬厚的麵條加重麵粉味,加上麻辣止於表面,令麵條、麻辣油及牛展味道未能融為一體,三者味道非常獨立。大約為四分一隻白切雞,溫度屬涼快雞肉以不冰實,肉質尚算嫩滑,脂肪比例較少,花雕酒味能浸透於每件雞件中,醃製入味十足,但略嫌花雕酒汁偏甜,覆蓋了花雕酒的酒香。此「輕量級」魯肉飯比我倆想像中份量為多,是男士也會食飽的份量,五花肉較一般魯肉飯之肉丁大粒,可看到脂肪與瘦肉層次分明,較杰身的魯汁有香濃醬油及花椒八角味,唯獨肉汁味不甚突出,惹味感減少。無想到「輕量」魯肉飯是如此重量級,由其各人肚子內已有一碗拌麵打底,最後大家也捧著肚子離開。整體評語:味道-四款餸菜與醬汁味道均算香濃,當中蟹皇撈麵中的蟹皇汁與醋的配搭令味道更完滿.服務-店員好客親切,不時溫馨提示趁熱進食,還根據食物待涼與味道濃淡程度建議進食的先後次序,希望我倆能品嚐到每樣食物的最佳狀態.衛生-所有碗碟也乾淨整潔,沒有黏感也沒有留下食物殘渣.環境-枱與枱之間尚算寬敞,環境寧靜舒服.抵食-食材與用料並不吝嗇,由其蟹皇撈麵中的蟹肉更可稱為豐富,飯麵類份量亦比想像中多,收費亦只是正常餐廳一碗麵的價錢,所以抵食指數甚高 繼續閱讀
(以上食評乃用戶個人意見 , 並不代表OpenRice之觀點。)