露面手工拌麵料理

營業中

休息中

今日咁岩喺灣仔見完客，行開見到一間手工麵店，就入去試試新野先。我哋入去嗌咗兩個涼拌，分別係麻辣雲耳同埋雞絲粉皮，麻辣雲耳個辣度非常之香，而且辣汁唔會話搶喉，而且係重蒜，所以我哋極為鍾意。雞絲粉皮呢就有滿滿麻醬，每一條雞絲同粉皮都被滿滿嘅麻醬包住，真係超級幸福，重點係四十零蚊，但非常之大碟，我哋兩個完全係食唔晒，性價比極高。因為我哋叫左個套餐，所以主食揀咗滷肉飯，滷肉飯完全係台灣嘅味道，另外一個主食就係醉雞，雞肉非常滑溜，酒味唔會太過重，所以仲可以保留雞嘅香味。見到隔離枱食緊個蟹粉撈手工麵，於是我哋又叫一碗嚟試吓，滿滿嘅蟹粉湯撈落去手工麵度，蟹粉湯入邊十分足料，超級多蟹肉，而且個蟹粉好香，真係驚喜之作。