雲來軒 (已結業)

朋友之前講過呢間餐廳 行開tst又經過呢頭 就上來睇下好好彩有卡位 因為眼見系圓枱多方便一家人食飯即刻點左二個湯 竹笙海皇羹 好足料啊 鮮味十足再點左個花旗參燉龍躉頭尾 個賣相好得意 中式茶壺咁 但啲湯keep到個溫度 一杯一啖好滋味叫咗佢哋嘅王牌金磚豆腐超級推介 真係做到外脆內嫩個皮脆卜卜入邊個豆腐超滑 食完一啖有一啖再叫咗另一個小食 瑞士即磨咖啡雞轉彎職員會係你面前淋咖啡系面 雞翼都好入味最後叫咗30年新會陳皮紅豆沙 已經冇紅豆係入邊因為已經溶哂 個人對紅豆沙冇特別喜好 但朋友就話好好味下次再帶爹哋媽咪上嚟食

前菜腰果討好脆香起食欲😋何謂美食？除了裹腹，吃後有種小欣喜跟幸福，吾稱之為美食，食材本身不一定是價值連城的佳餚，但得有令人滿足温暖的味道。蒜泥白肉88精緻的白肉卷得彬彬有禮，清新爽口的沙律菜令蒜味份外突出，入口芬芳逼人。拖地蜜汁黑豚肉128此高級叉燒，當之無愧成為豬肉烹調後的佼佼者。顏色，光澤，口感，肥瘦，醬汁之準成度，都相當具吸引。吃時，唇齒間會滲透著蜜糖的甜味，而其本身又掩不住烤爐炭火烘焙岀的焦香，仔細嘴嚼更是鬆化無比，熱騰騰每天新鮮現做，乃是無人能擋的滋味。安格斯牛河148河粉炒得發令而不油膩，有少許黑椒調味的牛肉口感嫩，是按紋理切割的效果，安格斯較一般的肉多了一份重重的肉香及濃郁味。食後感：環境舒適，食物服務水平均高。

今日同朋友去左尖沙咀食飯，大家都贊成食中餐，上網搵左一間中菜館，地點係K11附近。餐廳雲來軒，環境幾舒服而且店員服務都好好架！我地叫左幾個小菜！大漠風沙鮮蟲草牛肉卷！朋友大讚好食！牛肉好鬆軟多汁完全唔會乾，調味濃香醬汁味道非常香口滋味，牛肉包上鮮蟲草，入口比金菇更佳，更爽口！一口一件大家好快就食哂啦！金磚豆腐，豆腐香軟滑溜，中間綿綿的口感極滿足，外層金黃香脆，咸香味道剛剛好！冰荷濃醬脆皮安格斯牛仔腩，牛腩好鬆軟，每件入口即化，牛肉極是香味濃郁，外層脆口完全唔油膩，可以配上旁邊的沙爹醬一齊食，味道好夾架！水芺蓉蒸明蝦球，蛋白蒸好放底，入口極滑，大蝦好爽甜，賣相好精緻呀！之後我地再叫一個日本黑蒜鮮露筍紅皮炒飯，炒飯咸香得宜唔會好油膩，粒粒香口，加上黑蒜食落極惹味！我地再加叫左兩個糖水，川貝冰糖陳皮燉原個雪梨，入口好滋潤架！甜度又唔高！朋友叫左一個陳皮紅豆沙，入口夠香甜豆味好濃郁！我地食完都超滿足！

今晚同屋企人去左尖沙咀食飯，早早去雲來軒訂左位，因為今日屋企有壽星女！7點鐘準時到達餐廳，人客都已經6成滿，環境寬敞幾舒服架！我地叫左幾個餸！金磚豆腐，香脆豆腐入口好滑溜，外層炸到脆卜卜，入面好滑好軟綿綿，調味好香口咸香得宜，完全唔會淡口！大漠風沙鮮蟲草牛肉卷，用上牛肉包上新鮮蟲草花，入口牛味特濃好滋味，肉質鬆軟香嫩肉汁好豐富！蟲草花用料比用金菇更加華麗，口感更佳！賣相仲好精緻！冰荷濃醬脆皮安格斯牛仔腩，旁邊醬汁有啲似沙爹醬好滋味！牛仔腩肉質好鬆化，入口半油香肉味濃郁，入口即化極是驚喜！外層香脆入口完全唔油膩！水芺蓉蒸明蝦球，蛋白底好滑溜，而且加上數隻大蝦球，賣相好吸引！蝦肉夠爽甜新鮮！日本黑蒜鮮露筍紅皮炒飯，好正！！炒飯唔油粒粒有咬口，加上微微香蒜味，超香口！份量好大夠飽肚！最後加點兩個糖水，川貝冰糖陳皮燉原個雪梨和陳皮紅豆沙！糖水好滋潤完全唔會好甜！今晚晚餐非常驚喜滿意呀！

活躍於不同媒體的黃亞保師父是雲來軒行政總廚兼老闆，專長研究 Fusion 粵菜，對食材有堅持，品質有要求外還謝絕任何添加劑，今天跟一班為食朋友到來，友人第二次到來，店子特別另外設計餐單，非常期待。先來頭盤五星報喜，個人位上，由左邊起食先，涼拌海蜇花厚身有口感，配上自製豆瓣醬同日本麻油調味很醒胃。蒜泥白肉精緻，黑魚籽溏心蛋嫩滑。黑豚肉是「雲來軒」其中的主打食材，黑豚肉叉燒厚身肉嫩，少許筋膜位更添咬口，好吃。麻醬淮山，選用山東鐵棍淮山，配上特製麻醬，開胃又爽口。 店員送上紫砂茶壺，原來是雲來軒的功夫湯，斟到茶杯上飲用，保持溫度，未飲已聞到香濃的螺頭湯味，老胡同陳皮扁豆黨參燉螺頭，壺壺足料，鮮味夠火候。友人嚐到另一壺味道有所不同，似乎真的是每壺獨立燉煮。 水芙蓉蒸明蝦球是友人指定要 encore 的菜式，鮮蝦爽口加上藏紅花作點綴，但亮點是用梭羅魚湯蒸的蛋白，極之細嫰滑溜，加上有機甘筍汁，這碟水芙蓉是雲來軒的得獎手工菜，師傅手勢果然了得。 鮑汁燴原隻二十八頭花膠扒，份量十足，鮑汁味濃，膠質重，有黏口感，滋陰養顏。 沙巴龍躉斑兩食，黑松露雜菌蘆筍炒球，賣相有氣勢，黑松露味道不搶

一家人食飯，今次我地揀左尖沙咀呢間雲來軒，呢度出名三十年陳皮，點都要試下我地叫左醒胃話梅雞、皇牌燒鵝、新會陳皮香酥骨、金磚豆腐、黃耳百合野菌炒斑球、杞子花膠濃湯浸時蔬、海鮮兩面黃，鮑魚粒福建飯。燒鵝皮脆，肥油多左少少，味香肉嫩，好快就清左半碟金磚豆腐炸得香口，豆腐嫩滑話梅雞同香酥骨，帶有梅味同陳皮味，幾令人開胃既餸菜，不過家人不太接受梅味，食既朋友要注意喔。至於個杞子花膠濃湯浸時蔬，花膠有點腥，致整個菜都帶有腥味，可惜。整體餸菜均有水準，朋友家人聚會都係好選擇遠年陳皮紅豆沙係即叫即煮，紅豆已成沙，陳皮味濃郁，大家一定要留肚試喔

在尖沙咀要找處好地方同家人聚餐，當然去OpenRice 攞啲意見，發現有間「雲來軒」獲得很多讃賞，大明星都幫嚫，所以一個月前就訂枱及預訂咗皇牌燒鵝及一口燒腩仔，期待着這項「飯聚」活動。當晚訂了6點鐘，但5點40分已到，所以被安排坐在可轉成房間的位置，比較寬敞。除了預訂的燒味，我們亦點了金磚豆腐、奇香粉絲蟹煲、白王羅漢齋、鮑魚粒福建飯，以及遠年陳皮紅豆沙一窩及壽桃包。每碟餸送上枱時都熱騰騰的，金磚豆腐外皮香脆，裡面的豆腐十分嫩滑，半隻皇牌燒鵝及丁方一口燒腩仔不肥不膩，皮脆肉嫩。最有驚喜是奇香粉絲蟹煲，煮蟹的醬汁甜甜甜辣辣，蟹肉又鮮甜，送飯一流，食到連手指都舔埋，十分滋味！其他的主菜及炒飯都很有水準。最後就係品嚐遠年陳皮紅豆沙，見到紅豆沙內有一陳皮絲，我本人就覺得一般。結帳只是千七元左右，相當合理。離開時若7:45，見到全場已坐滿，每枱食客都食得很高興。整體而言，一頓很滿足的晚餐，抵雲來軒得到咁多支持及讚賞。

母親節梗係要食餐好今次就帶阿媽和屋企人去我認為好好味既雲來軒食一餐需然係貴d，但質數有保證，本來想自己散叫，但見個套餐d餸幾吸引，就叫左半席五福臨門再加多個遠年陳皮香酥骨首先送上個前菜：雲來迎賓五福臨門，賣相精緻涼拌海蜇花：比其他店舖食到既爽囗芥末墨魚：芥末小辣而香，墨魚彈牙，青瓜爽脆蒜泥白肉 ：蒜味香，白肉厚薄適中胡麻淮山：好香麻醬，淮山爽脆蜜汁黑豚肉：黑豚肉厚切，入口香甜腍滑原鼎瑪卡石斛燉花膠，花膠和雞腳都好腍滑，湯入口味濃而鮮自家製黑蒜醬鮮露筍炒和牛粒，露筍鮮嫩爽脆，和牛粒嫩滑美味領獎水芙蓉蒸日本帶子，睇賣相係靚，食完後真係值得攞奬，蛋入囗超滑，而帶子蒸得剛剛好唔老唔硬，帶子味道鮮甜適中柚子脆蝦球，賣相真係唔使講，蝦肉大而彈牙，柚子醬甘甜，另蝦球更加味美清蒸沙巴龍䠢，魚唔太大條，蒸既時間又啱啱好，所以入口非常嫩滑，唔鞋又唔硬鮮蟲草花杞子濃湯浸翡翠，杞子味甜，蟲草花爽囗，白菜仔腍甜，菜湯幾清甜脆皮三黃雞，皮薄香脆，雞肉嫩滑蝦頭油紅皮炒飯，賣相特別，食落味美非常，炒飯炒得好乾身三十年新會陳皮紅豆沙，真係冇得輸，好香陳皮味，紅豆沙入口感覺到佢既起沙情況，而且味道唔太甜，非常適中，超正！

大廚經常上電視，又風趣又直接，所以就上網searech吓資料，引起興趣去試， 5月6號星期日去食晚飯， 早上打電話嚟預約 接聽電話嘅都好有禮貌好有耐性， 下星期母親節嘅關係所以5月6號呢一個星期日就冇餐牌菜單叫只係有一張係餐廳規定嘅菜式， 點咗，淮山麻醬， 蒜泥白玉 ，墨魚仔wasabi，炸豆腐， 川貝燉雪梨， 荷葉飯， 陳皮酥香骨。 坐嘅位置就近廚房，所以清潔阿姐姐經常就推車出出入入經過我身邊掉碗碟非常之嘈吵， 最主要 突然之間咳嗽打乞嗤她都唔會用手掩住口鼻感覺好唔衛生。 服務員三五成群企喺度傾計 ，趙香口膠感覺好似去咗茶餐廳， 放食物上枱的時候服務員個口都係趙下趙下香口膠。食物方面， 金磚豆腐好滑， 陳皮酥香骨 好香好味好特別值得一試， 其他嘅菜式都係一般。 本身睇到介紹都有啲食物想order, 可惜佢係規定咗餐牌變咗我的選擇就少咗， 只能跟隨設定 餐牌內選擇。 服務員態度 真的有待改善 清潔姐姐員工必須要教導佢衛生常識。

雲來軒在總廚寶哥Paul Wong 的領導下在眾多粵菜酒樓之中突圍而出，皆因菜式夠創意而味道亦不錯，希望能保持這樣的水準，企穩陣腳！花膠雞腳响螺湯，用紫紗壺和杯一套齊上，既能保暖也有特式，客人可以慢慢倒湯落小杯來喝，甚有心思，讚👍！大蝦蒸蛋，看似普通，但是入口之後才發覺蝦鲜甜爽脆，非急凍貨式，疍非常嫰滑，証明大廚功夫到家，讚👍！陳皮香酥炸肉排，外面酥脆，𥚃面肉質稔滑多汁，配鮮波蘿條來吃，又要讚！👍😋😋😋 即磨咖啡淋在豉油雞翼上來吃，竟然有意外驚喜，👍有創意，讚！😋黑蒜紅皮炒飯，有誰能想到將飯粒堆砌成金字塔般上碟？真好玩！👍😜比較失望的係那隻逺年陳皮炆米鴨，肉吾夠稔，又無陳皮香味，失色🙃👎🏻！

尋晚經歷1. 一坐底，見啲餐具有漬。有啲有隔夜餸幾粒喺碗度。2.叫左個懷舊蟹煲，阿部長落完單，出埋單。然後竟然幾分鐘後返過嚟同我地講，呢個菜已冇做一段時間。3.要求等齊人（差一個未到）先上菜，係做到。不過部長好心急出菜。有一個人行上嚟，話已經有位，嗰個人都未行埋過嚟，阿部長又冇問我地，就即刻話「齊人喇，可以上菜」，不過，嗰個人唔係我地等緊嘅人。4.叫個乜乜花膠湯浸蔬，已經要求要菜心。最後嚟左個係白菜（我地同枱係有人唔食白菜）。問阿部長，佢答話，廚房做嘅時候冇晒菜心，所以轉左。Orz，點解唔過嚟講番？同時，我地見到隔離枱食緊碟清炒菜心。5.個紅皮炒飯，我去茶記食個楊炒，比佢重多料。鰂魚涌茶記50有找兼有野飲。佢要$148。

之前試過中午飲茶，覺得好正，見環境唔錯，又多明星幫襯，所以約個客嚟食鬼佬鍾意Trailor made menu，經理好細心幫我set咗個餐前菜有胡麻鮮淮生、燒腩仔、椒鹽魚，每樣一件，不多不少，夠就得，燒腩仔五層肉，勁好食試了個茶壺湯，係響螺煲花菇，紫砂茶壺保溫、隔油，個湯好甜，鬼佬對呢個湯讚不絕口鮑魚炆得好入味玻璃蝦球，蝦肉脆口彈牙上湯杞子花膠浸時蔬因鬼佬想試港式地道菜，所以加咗客叉燒、燒鵝，係黑毛豬叉燒，入口勁冧，燒鵝係店名菜，廚房每日即燒，超香經理話必食甜品，又係鎮店之寶，三十年陳皮紅豆沙總括來說，呢間真係食得過，堅正，鬼佬食得開心又滿足，張單即晚簽成

来雲來軒食飯下数次，食物質數不容至疑，出品精美。味道一流。今日一行7人叫了份6人餐。之前食過包餐有6罐汽水和啤酒任擇、如常点4啤酒2汽水，服務員說現在只提供汽水，不能換啤酒，啤酒$48細支裝，這酒家氣量真小啊，很不爽。有朋友帶了红酒慶生，在這帶自來酒要收$100閞瓶费啊。通常经理看情况都會簽免開瓶費，但這邊的服務員說要通知寶哥，收到他的指示才可做事，老板日理萬機這麽小事還要理，哈哈。有名氣的酒家上菜速度奇快，半席菜一邊叫慢上，但菜一直来，好像要趕客走一樣，菜肴凉了味道總是欠佳。半席酒菜约$3000消费，碟也不來換一次，鮑魚海參上菜，每位派上刀义但又不換碟服務欠奉。這價錢在外面還有很多好質素的酒家撰擇。

已經嚟過N次，次次都好有水準。今日一班同學團拜，為免太嘈，訂咗間房開飯。有幸見到總廚，當然誠邀佢發扳，試盡招牌美食。首先上嘅係五式頭盤，黃金豆腐外脆內軟，淮山爽甜清新，叉燒入口即溶，蒜泥白肉惹味開胃，芥末魷魚醒神吸引。頭盤已經色香味俱全，營養師叫控制飲食的忠告，一早拋諸腦後。螺頭燉湯好飲不在話下，話說呢度嘅陳皮骨，除咗用特別方法醃製，仲先蒸後炸，確保入口不會肥膩，再加上幾十年嘅陳皮香味四溢，每一次上菜都係即刻清碟！唔講唔知，好多人都忽略咗陳皮骨嘅伴碟——新鮮菠蘿。菠蘿條蘸陳皮醬，基本已經可以係一碟小菜！係大家享受陳皮骨之際，最好就搶菠籮條啦。今餐每一樣菜式都非常特別，而且超級好味，侍應的服務也很好，最重要係臨尾嘅陳皮紅豆沙，為成餐飯畫上完美的句號。

這晚有很多人食生日飯，整晚不停地播著生日歌！總共5次！非常應節，今天也是初七人日啊！還是農歷年期，只有新春菜式同酒席！不過可能都爆場，菜式都要等一段時間才到呢！蒜泥白肉：橙色的醬汁，以為不是太辣，少年太年輕，原來是慢慢在口中散發著辣的味道，不是麻辣般刺激，是慢慢走出來的辣味！黑松露蘆筍炒帶子：一般菜式不過不失陳皮骨：香口！還有陳皮醬加點！炸豆腐是這店最出名！當然必食！外脆內軟！正呀！這個雞是什麼名當不記得，整體不這不失！最後當然必食30年陳皮紅豆沙！仲有燉雪梨🍐，這個比出面的糖水店出色很好！下要encore