雲來軒 (已結業)

今晚同朋友來尖沙咀食中菜，好不容易訂到呢間係棉登道的雲來軒，餐廳入面大而寬敞，今晚满座，客人超多，好熱鬧。日本花菇雞腳燉螺頭，$68/位，用功夫湯的茶壼裝，好特別，倒落茶杯慢慢飲，熱熱而香濃，味道清甜，煲得好入味，雞腳同螺頭咬落好軟稔。水芙蓉蒸明蝦球，$168, 好亮澤的鮮黃色，加上有蔥粒的綠色點綴，賣相吸引 欠汁底係好滑溜的蒸水蛋，入口即溶，蛋味濃郁，蝦球彈牙爽口，鮮甜美味。金磚豆腐，$78, 份量好多，有9件，即製夠熱，皮脆內稔，豆腐滑溜而香濃，加有七味粉調味，味道好夾。亞保脆皮三黃雞，半隻，$198,雞肉嫩滑多汁，新鮮幼嫩，皮的光澤鮮艷，咬落卜卜脆。海鮮兩面黃，$147,面餅炸得好香脆，麵質幼身爽脆，加上清淡的欠叶同蝦肉雜菜等，味道好夾。陳皮紅豆沙，$58/碗，係必食之選，原來紅豆粒都溶晒係湯到，飲落好滑溜濃厚，加上香醇的陳皮味，令紅豆沙的香甜味更加突出。

公司周年慶時曾在此包場，第一次試的時候已經眼前一亮，尤其是甜品陳皮燉梨真教人念念不忘，今次為它再次光顧。這個茶位$12/位，前菜就$20/碟，跟外面酒樓差不多價錢。椒鹽雜菌：外層粉漿很薄且脆，雜菌有肉汁，不會炸得太乾，但凍了外皮就十變腍，味道比較一般。柚子脆蝦球：炸蝦球外層粉漿很薄，蝦球大粒，一啖都吞不下，蝦肉新鮮彈牙，但最特別都是個柚子醬汁，清新的柚子香味，帶點酸甜，令蝦球增添不少風味。冰荷濃醬脆皮安格斯牛仔腩：牛仔腩應是原條沾上粉漿炸好再切片，外層香脆，腩肉又腍且不油膩，肉質濃郁，加上咖哩醬汁，十分惹味。陳皮燉梨：原個去皮去核雪梨，加上川貝及陳皮一起燉，止咳化痰且滋潤，陳皮清香雪梨清甜，必食甜品。

約了朋友去這間以陳皮為名的雲來軒食晚餐。這裏的招牌菜式有很多，當然以陳皮為最出名。先來的前菜腰果魚仔，送酒一流。金磚豆腐在網上見多人推介所以點了試試，果然是必食之選，豆腐外層炸得香脆，裏面十分嫩滑，真是要輕輕夾起。拖地蜜汁黑豚肉燒味的叉燒多要食半肥瘦才夠嫩腍，但這個叉燒厚切成寸厚，中間肥油很少，基本上啖啖肉，肉質非但不鞋，還又鬆又腍，而且蜜汁味甜度適中，燒至外層有蜜味焦香。秘製日本黑蒜醬鮮露荀紅皮炒飯以為是普普通通的一個炒飯，其實黑蒜味完全唔蒜，反而帶點香甜，而且醬油味道很鮮，炒飯飯粒爽口且分明。陳皮紅豆沙以三十年陳皮煮成，陳皮味道甘香，平時的紅豆沙有粒粒紅豆，但這個一粒紅豆都無，因為真係成了紅豆《沙》，非常濃稠且陳皮及紅豆香味濃郁，是我食過最好味的一碗，果然是招牌貨。

尖沙咀鐵路出口不遠處，但因分叉多較複雜，所以小心走了冤枉路。日本花菇雞腳燉螺頭 Hkd 68原盅雞湯熱騰騰從陶瓷壺倒出，湯頭清澈無油，入口鮮甜潤肺，湯香甜而鮮香。螺肉咬下彈牙爽口，花菇大而軟腍。花旗參石斛燉龍躉頭尾 Hkd 78同樣以陶瓷壺盛湯，花旗參味濃郁，配上藥材石斛香，湯頭已濃郁豐富，再以龍躉頭尾燉，更添鮮味。蒜茸粉絲蒸日本特大元貝 Hkd 88x2整隻元貝肉厚身大隻飽滿，咬下肉質緊緻細嫩，質感彈牙爽口，鮮甜美味。粉絲多而入味，濃度適中。奇香粉絲蟹煲 Hkd 328醬汁奇特有趣，味道酸酸甜甜，粉絲及蟹肉均入味十足，粉絲量多即使掛滿醬汁但不會粘撻，蟹肉彈牙爽口，鉗大而厚肉。靈芝野菌燒豆腐 Hkd 138醬汁濃度及稠度剛好，豆腐滑嫩，入口豆香重帶菌香。川貝冰糖陳皮燉原個雪梨 Hkd 5x原個雪梨去核清甜燉至軟腍，糖水甜度屬全糖程度，甜而潤肺。

尖沙咀一向都多野食, 今晚決定要去食下中菜🤤日本花菇雞腳燉螺頭湯 - $68唔講都唔知呢個茶壺裝既係一碗湯😂個湯非常足料無味精👍不過要小心個壺好熱🙈金磚豆腐 - $78一碟10件既金黃色金磚豆腐, 好適合一大班人一齊食, 脆炸既外皮加上入面嫩滑既豆腐, 口感非常獨特😍水芙蓉蒸明蝦球 - $148賣相非常討好, 水芙蓉入面唔知係豆腐定滑蛋定係兩樣都有😂總之就係勁香滑, 配埋新鮮大蝦球, 爽甜感十足👍亞保脆皮三黃雞(半隻) - $198雞皮用豉油製過再燒到香脆, 香脆外皮加埋鮮嫩雞肉, 呢個配搭非常正, 一放入口隨即雞油四溢, 齒頰留香🤤海鮮兩面黃 - $148勁脆既麵餅, 淋上汁加海鮮, 或者分開食都得, 脆得黎唔會冇晒味道😂份量都好多😍遠年陳皮紅豆沙 - $58呢個紅豆沙我最欣賞👍紅豆打磨到好細好滑, 幻想下個口感就好似芝麻糊咁, 但係紅豆味😂😂加埋陳皮都好夠味👍🤤

花菇雞腳燉螺頭，功夫茶壺/杯上，每人一壺唔洗爭，足料，螺頭砌了粒，有約5-8粒，螺肉亦已煲得很腍，雞腳修了指甲，老火湯熬得長時間，一咬開雞腳骨便變了骨，湯很清甜入味，無味精。新會陳皮香酥骨，是餐廳的其中一樣拿手菜，排骨炸得鬆軟，外皮炸粉薄薄的一層，炸得酥脆，送飯一流。另外點了炸豆腐都好味，這裡的炸物幾得。杞子花膠浸娃娃菜，湯底奶白色，加上花膠來煮，雖然花膠size不大，但也食到少少花膠的厚度。陳皮紅豆沙，用上新會三十年的陳皮，濃香陳皮的甘香味，紅豆已磨成沙，口感會較杰身，雖然紅豆沙是熱食，但食完口腔內會有一股冰涼的甘味感覺。臨走才見到外賣袋寫住是藍帶餐廳，人均$300食到藍帶都算抵。

素聞尖沙咀棉登徑這間雲來軒的粵菜不錯，加上女朋友突然想吃雞，一於來試試手勢。餐牌選擇繁多，除了有傳統粵菜之外，還有不少fusion中菜。金磚豆腐看似平凡的炸豆腐，一入口卻令人驚喜萬分，裹住豆腐的一層脆漿厚薄得宜，鬆化香脆，入口不油不膩，豆腐件件口感外層爽脆且內裡軟嫩，恰到好處。豆腐上面撒的椒鹽鹹鮮香辣俱全，刺激味蕾，十分惹味。醒胃話梅雞以熱烘烘的石窩盛載，香氣撲鼻令人食慾大增，話梅醬汁酸甜適口，醬香馥郁，醬汁特別醇厚和味，滲透骨肉，雞肉嫩滑而不失自身的雞味，吃來有齒頰留香之妙，真是色香味俱全。秘製日本黑蒜醬鮮露荀紅皮炒飯炒飯爽而不乾，潤而不油，醬香鑊氣都恰到好處，露荀及豬腩肉大小切得堪比米粒，混和米飯炒透入味，每一啖都滋味豐美，也有口感與味道變化不一的驚喜，刀章、調味、火候掌握俱見工夫。遠年陳皮紅豆沙陳皮年份越遠，香味越甘醇，更會有一股清和幽香，紅豆沙是正宗傳統的做法，紅豆去皮做沙，故此見沙不見豆，幼滑順喉，口感味道絕非時下食肆那些推芡的紅豆湯可比。

在尖沙咀豚王附近的雲來軒, 朋友介紹說很好吃, 酒樓有很多得獎菜式, 每款都很想吃, 而且酒樓服務不錯,很久未吃過這麼好吃的中菜,第一道菜是日本花姑雞腳燉響螺頭湯用茶壺裝起來, 裡面有花姑,雞腳,響螺頭,雞腳一咬已碎,真的是老火湯,湯的味道帶有很濃的姑味, 沒有加味精, 真才實料金磚豆腐外皮非常香脆,帶有椒鹽味,不厚粉,豆腐軟滑,新會陳皮香酥骨,排骨加上陳皮醬,酸酸甜甜很開胃,陳皮味不重,排骨香口,熱騰騰的杞子花膠濃湯浸時蔬, 湯底很鮮味, 蔬菜鮮甜, 花膠養顏,水芙蓉蒸明蝦球蝦球新鮮爽口彈牙, 黃色芡下是蛋白, 滑得像豆腐花

去到尖沙咀搵中食O既中菜真係話易唔易, 話難唔難今次朋友就介紹我去哩間雲來軒, 一間好出名O既新派中菜咁多名人O既合照..睇黎真係靠得住好彩有卜到位....入面坐無虛席黃金豆腐外脆內軟勁香口, O岩哂小朋友陳皮骨用張木台仔做碟, 幾特別炸到好鬆脆食落去超勁陳皮味終於食陳皮O既人一定唔可以錯過話梅雞用個石鍋滾住咁上酸酸地幾開胃XO醬炒牛河牛肉幾林都幾夠獲氣最後就係三十年陳皮紅豆沙個碗都大大隻字寫住認真霸氣紅豆沙入面冇紅豆衣, 食落幾舒服陳皮又會回甘, 唔錯

棉登徑有好多日本菜就好多人識 小徑的一端 有一間 名氣十足的粵菜唔係朋友帶我來 我都未必留意到平日晚上 都好多一家大小 有老有嫩 來食飯人多到 連走廊都做埋卡位睇左好耐餐牌 最後就叫幾個 招牌菜 先要個金磚豆腐 皮脆和結實 完整 長輩話無街市豆腐的酸味 好正加上上面的 椒鹽炸蒜 好惹味  天氣炎熱，好想食d 水果／酸甜味的肉類都係廣東菜的 招牌配搭 非常開胃第一個係 招牌 陳皮骨 陳皮味好濃郁 甘香 雖然係炸肉 但食落 有甘涼 不覺熱氣加埋個 梅醬 果皮味更突出不過 最驚喜竟然係 伴碟的 新鮮菠蘿又甜又多汁 食左唔會痕 跟住有另一個招牌 話梅雞 話梅的鹹酸味都係個芡到雞肉不會有過重的話梅味用石鍋上 d醬仲煮緊 雞肉有保溫 不會過熟 主食叫了 安格斯牛河河粉炒得 乾身柔軟牛肉也很淋 食完d 開胃的肉類再食多兩碗炒河都ok最後當然要食埋 30年陳皮紅豆沙陳皮切到超幼 師傅刀功好犀利紅豆沙 d 豆都煲到變茸 今餐食左咁多陳皮 即刻覺得無咁悶熱 和飽滯

一家人在尖沙咀行街行到肚餓，當然要醫好個肚，先可以繼續行啦，而且有大有細，食中餐就最好，坐定定飲杯茶叫餸慢慢食，不用急急腳上 Openrice 找了一會，見到這間「雲來軒」和我所在的位置較近，不用多想一於這間吧，大家都肚餓了。芥末墨魚仔 $108芥末墨魚仔淺靑草色的芥末汁，把墨魚仔完全包圍賣相當吸引，入口感覺清新一陣不太濃烈的芥末味在口腔內打轉，墨魚仔口感爽脆配合得宜。金磚豆腐 $78金磚豆腐，一片片的金磚豆腐材料簡單，卻盡顯廚師功力，每一片都切得非常完美，大小均等每一片都炸到外脆內軟，火喉十足。皇牌燒鵝 半隻 $308皇牌燒鵝，皮脆肉鮮嫩味道調得剛好，不會死鹹把鵝肉的鮮味搶走。領奬水芙蓉蒸明蝦球 $148領奬水芙蓉蒸明蝦球，底層是蛋白蒸得非常幼滑，面層放上熬制好的魚湯，再加上鮮甜爽口彈牙的明蝦，實在鮮上加鮮。

家人做節最好的選擇就是酒樓，而位於這間尖沙咀棉登徑的＂雲來軒＂質素高環境光猛整潔還有卡位選擇😊服務員態度和藹可親，換骨碟勤快態度認真，值得一讚👍🏻加拿大焗龍蝦伊面(芝士碎上）$398焗龍蝦伊面剛剛焗起熱辣辣香噴噴，例牌一份分量足，龍蝦啖啖肉新鮮彈牙，芝士汁掛在每條伊麵上，伊麵不會煮的太糊爛，味道混合得非常好😋金磚豆腐正宗外脆內嫩，不要太心急一啖咬落去非常燙熱，個芯非常滑溜窩粑士多啤梨骨上碟排列得精緻，窩粑脆口，士多啤梨甜絲絲的像拔絲的感覺，沒有油膩感避風塘芙蓉茄子茄子賣相吸引，外表像椒鹽九肚魚，內裏非常軟熟加上用了芙蓉汁，將避風塘的熱氣中和，令人愛不釋手🤗

尖沙咀向來唔不乏美食，但好多人以為淨係得西餐日本菜值得去食，但其實中菜餐廳亦有唔少值得推介。黎到位於棉登徑嘅雲來軒，旺中帶靜嘅地方，最好慢慢品嚐各款菜式。先有呢味XO醬蘆筍炒斑塊，斑塊先走油，再加上配料去抄，穫氣十足，食落特別香口!　而加上XO醬，微微嘅辣味無奪走斑塊嘅鮮味，反而令整碟餸菜味道層次更提高添！除此之外，呢度最出名就係陳皮，所以必然要一試呢味新會陳皮香酥骨，將排骨香炸，燴入陳皮碎上菜，品嚐時仲有秘制陳皮醬，陳皮味道十足，而香酥骨香口入味，可以食到平時唔太常見嘅菜式，絕對值得推介!

今晚，又係外出同朋友聚會既大日子，我地黎到尖沙咀棉登徑既《雲來軒》。黎到樓下，見到周圍都泊滿車，已經估到一陣會好多人。上到樓，場面就如店名一樣客似雲來，不過《雲來軒》既擺位設計好，枱與枱留有空間，唔會太迫。我地被安排坐係卡位，坐得非常舒服。未人齊，我地食住餐前小食先，炸腰果同吻魚仔乾，腰果香，吻魚仔乾脆。終於人齊，開始點菜，我地點左名廚亞保靚湯，今晚係紅蘿蔔冬瓜肉排雞湯。湯水鮮甜無比，加上天氣咁熱，食冬瓜就岩哂時候。份量都好足，我地4個人，每個人都可以翻添，有個朋友仲飲左3碗，我地連湯渣都食埋。之後我地點左金磚豆腐、話梅雞、雪山花之戀同埋懷舊雜菜煲。上菜速度都快，我地傾左一陣計，已經陸續上菜。金磚豆腐表面炸得脆，內裡軟滑，口感非常特別。話梅雞有別於一般做法，汁液比較多，即刻叫左2個白飯撈汁，味道調得岩岩好，唔咸唔淡，雞亦嫩滑。雪山花之戀好似賽螃蟹，味道較淡，但係加埋合桃，就會有又香又脆又滑既效果。懷舊雜菜煲，自己覺得係食材處理得好，菜洗得乾淨無沙，最怕菜有沙影響食慾。原本仲想叫燒腩仔，可惜已經賣哂。不過唔緊要，呢餐已經好滿足，又可以見到班朋友傾下計，過左個開心既夜晚。

好耐無嚟過，再嚟嘅印象係，餐廳開始有點舊了，另外員工禮貌好得誇張(不是說以前不好，只係現在好得厲害)午時套餐78加一，此地方此酒家真的很化算。先有一碗亞保湯，清得很，淡得嚴重的木瓜清甜味，內見有合桃，還好像有海參片。然後一碗切雞河粉，湯底還是較為清，但這碗雞油香濃，還不錯。河粉爽滑，吸湯，喜歡那種切得粗幼不一的凌亂。雞件咸味入肉，不會太鞋，還可以，配蔥油更好。跟餐的兩款點心，我吃了菜苗餃，餡料味道不錯，可是皮蒸得太軟了。另外那個蔬菜是菜心，但不知道為什麼有陣微微的燶味。另外點的XO醬凰爪，味道也不錯，就平常的味道，反而芋頭卻有Xo香。椒鹽魷魚鬆，吃著就是不同，後來發覺應該是墨魚來的，但很好吃，彈牙鬆軟，鮮味更突出。