雲來軒 (已結業)

今日同朋友去左尖沙咀食飯，大家都贊成食中餐，上網搵左一間中菜館，地點係K11附近。餐廳雲來軒，環境幾舒服而且店員服務都好好架！我地叫左幾個小菜！大漠風沙鮮蟲草牛肉卷！朋友大讚好食！牛肉好鬆軟多汁完全唔會乾，調味濃香醬汁味道非常香口滋味，牛肉包上鮮蟲草，入口比金菇更佳，更爽口！一口一件大家好快就食哂啦！金磚豆腐，豆腐香軟滑溜，中間綿綿的口感極滿足，外層金黃香脆，咸香味道剛剛好！冰荷濃醬脆皮安格斯牛仔腩，牛腩好鬆軟，每件入口即化，牛肉極是香味濃郁，外層脆口完全唔油膩，可以配上旁邊的沙爹醬一齊食，味道好夾架！水芺蓉蒸明蝦球，蛋白蒸好放底，入口極滑，大蝦好爽甜，賣相好精緻呀！之後我地再叫一個日本黑蒜鮮露筍紅皮炒飯，炒飯咸香得宜唔會好油膩，粒粒香口，加上黑蒜食落極惹味！我地再加叫左兩個糖水，川貝冰糖陳皮燉原個雪梨，入口好滋潤架！甜度又唔高！朋友叫左一個陳皮紅豆沙，入口夠香甜豆味好濃郁！我地食完都超滿足！