雲來軒 (已結業)

一家人食飯，今次我地揀左尖沙咀呢間雲來軒，呢度出名三十年陳皮，點都要試下我地叫左醒胃話梅雞、皇牌燒鵝、新會陳皮香酥骨、金磚豆腐、黃耳百合野菌炒斑球、杞子花膠濃湯浸時蔬、海鮮兩面黃，鮑魚粒福建飯。燒鵝皮脆，肥油多左少少，味香肉嫩，好快就清左半碟金磚豆腐炸得香口，豆腐嫩滑話梅雞同香酥骨，帶有梅味同陳皮味，幾令人開胃既餸菜，不過家人不太接受梅味，食既朋友要注意喔。至於個杞子花膠濃湯浸時蔬，花膠有點腥，致整個菜都帶有腥味，可惜。整體餸菜均有水準，朋友家人聚會都係好選擇遠年陳皮紅豆沙係即叫即煮，紅豆已成沙，陳皮味濃郁，大家一定要留肚試喔