雲來軒 (已結業)

聽就聽得多，食就未試過，終於約左幾個同事星期六晚去試菜星期六、日晚飯分兩段時間，第一轉6-8,第二轉8-10,我哋選左6-8,有某些餸菜要預先預訂，我哋訂左皇牌燒鵝和茶壺湯(日本花菇雞腳燉螺頭)其餘餸我哋就在當晚入座時再選，入到去個環境好舒服，好好坐，等齊人我哋就選菜，有好多餸選擇真係太吸引，唔知選乜好，最後選左以下幾款：皇牌燒鵝唔係頂級好味，但都算中上，食落啖啖肉，冇肥膏，調味幾好，唔點酸梅醬已好味，點左更加正，酸梅醬，掂！唔能夠頂級既原因我覺得係皮與肉中間欠左少少肥茶壺湯(日本花菇雞腳燉螺頭)個湯賣相好似飲功夫茶，用茶壺上，個湯好熱而且好濃入面湯料好淋。拖地蜜汁黑豚肉真係冇得頂大細味道適中，唔太鹹唔太甜，入口即溶金磚豆腐睇賣相其實係同普通椒鹽豆腐冇分別，不過食過先知道同一般有乜分别咬落去外皮薄而脆，內裏豆腐嫩而滑，出面做唔到噤既口感檳城棒棒骨四方盒棒棒骨係豬肉好彈牙嫩滑，個咖喱汁好正可以將四方盒切件用來索咖喱汁食，如果想完全用盡個汁，可以叫個白飯撈汁，就真真正正用盡醒胃話梅雞話梅味入晒雞肉，酸酸味味，越食越開胃呢個餸可能用石窩上，過左一個鐘d雞和個窩還有煙和熱能保持食物温度杞子花膠

嚟雲來軒食飯確係一個唔錯嘅體驗。Serve 嘅係一般嘅廣東菜，但經過師父嘅用心製作之後都非常令人驚嘆，佢嘅湯水就係一個非常好既例子。勢估唔到湯水係用茶壺上，仲配埋小茶杯比你倒落去享用。呢種飲湯嘅方法真係一試難忘！除咗感覺比較雅緻，茶壺本身亦可有助保持湯水嘅溫度唔易變冷。湯羹都唔錯嘅，飲落去非常足料，完全感受到師父嘅用心。而我最鍾意嘅就非『金磚豆腐 』莫屬，不過記住小心燙口！裡面嘅豆腐做得非常滑口，嫩滑嘅程度簡直比得上豆腐花，認真手藝了得！如果你有機會嚟呢到，一定要試下，否則你會後悔一世架！基本上餐單上隨便點一道菜都很好，係好難得架，所以唔洗講你都知我哋另外點咗嘅『咖喱牛』同炒飯同樣好味道！『咖喱牛』嘅表面炸得十分鬆脆，但師傅仍然有辦法令牛肉保持幼嫩，點埋咖哩就更香口！就咁食又得，配炒飯食又係另一種風味。有種感覺好應該下次帶爸爸媽媽嚟試下，除咗傳統做法，粵菜都可以有好多花款！

電視節目介绍30年陳片红豆沙，好雀躍想試。因地點關係始终無選佢，破軍話當日day我，尋遍高級酒店中菜廳，都無位，案件又重演。記起這裏，心知地方一定無5星咁grand, elegant , 一般酒樓格局，我們去尾房，清静，打開餐牌，相幾靚，平日午時套餐幾底$78。蒜泥白肉$78，食評好多讚，6件，賣相靚，白肉卷沙律菜，我覺豬肉肉質一般，蒜蓉醬帶辣，缺蒜容香，回顧夜上海的好些。茘枝柴燒鵝飯$68,聽個名都興，茘枝柴燒是香甜，燒鵝皮薄脆，肉質味都唔錯，但聞唔到茘枝柴特有香味，米飯唔夠香，唔係高級的，比較喜歡雙喜樓的燒鵝。石窩义燒包，肉都ok即一般，包質都是都係一般。主角出場，陳皮紅豆沙，侍應叫攪吓底，陳皮絲是底，攪起陳皮香，想陳皮有沒有一起㷛？紅豆係經攪拌機磨碎，無口感，個人喜歡紅豆㷛爛，有小小嚼頭，佢又無蓮子百合，無這些綠葉，我覺差咗，唔係咁喜。破軍食完叫走，我話嘆吓先，佢話有乜好嘆，望吓窗簾布，咁醜樣，我覺無嘢，叫我望出窗口，咁又是核突，出面是舊樓冷氣機，叫我看櫃，門框，殘舊，走時出面有些地下汚糟。

約咗朋友係尖沙咀食晏，朋友揀咗雲來軒！原來喺棉登徑，第一次嚟到感覺地方舒服，招呼不差！食物質素也不錯。滿意結帳離開！但行到街尾取車時候！驚嚇終於出現！見到幾個着廚房制服嘅人，坐晒係地下唔食煙飲嘢，隨處拋煙頭及吐痰，本來不知道那些人是那一間餐廳嘅員工，只心想咁唔衛生，最衰就係有人竟然更將煙頭拋向我車上面！即是火滾！細問之下原來竟然間係剛才食飯嘅雲來軒廚房員工！即時感覺反胃，終於明白什麼叫做金玉其外！敗絮其中，唔會再有下次

話說雲來軒老闆兼總廚保哥，之前被邀請到比利士做菜，以啤酒配中菜，於是我跟保哥約定，我也要一嘗比利士啤酒晚宴。一向保哥D食物都十分美味，從不擔心。當晩食物除了十分好食之外，還感受到他們份外用心。上菜時，菜式外觀已十分吸引，好像藝術品一樣。味道方面，用料配搭特別，好像 fusion 菜，尤其那碟比利士藍青口，一般我們會用白酒煮，但今次用中式煮法，以蒜蓉豆豉兜炒，青口不但炒到剛剛熟，非常嫩滑，醬汁索晒入青口裡面，十分好食。另外，我最欣賞那碟栗子炆米鴨，我一向不吃栗子的，但今次太好味了，栗子又軟熟又入味，當然米鴨又香又嫩又有栗子味，超讚啦！還有，那松茸竹笙花姑湯，用料十足，湯香滿溢，充滿房間，味道又鮮又甜。整晚的食物都十分出色，外觀吸引，真的做到色香味俱存。

試咗雲來軒兩次，一次飲茶一次食晚飯都覺得好滿意同好食。不過第一次行會有啲蕩失路因為佢個地方係一條細路入面。尖沙咀你講個價錢都可以接受。行去開尖沙咀都會繼續幫襯呢間👍🏻👍🏻👍🏻

最初友人提議到這店食晚飯慶生，我毫不猶豫便贊成，因我一早已聽聞這間店，很想找機會品嚐。但忘記當天有煙花看，仲要剛剛踏正封路時間，我們好不容易才到達這店 -_-店內人不多，環境較寧靜。我們叫了金磚豆腐、懷舊鬼馬龍皇卷、亞保脆皮三黃雞半隻、杞子花膠濃湯浸菜苗、避風塘芙蓉茄子、漁家濃湯野菌斑粒米窩及萬壽椰香菓。金磚豆腐，外脆內軟，很香口。懷舊鬼馬龍皇卷 (伴意大利黑醋)，我們稱呼它做「油炸鬼」。因是用油炸鬼包蝦膠及咸蛋黃，再配上意大利黑醋，外脆內彈牙。亞保脆皮三黃雞半隻，我們被名稱欺騙了。以為是特色的雞，早知就叫醒胃話梅雞，起碼都會醒胃吧。杞子花膠濃湯浸菜苗，這碟菜我最喜歡，因清清淡淡，好味！避風塘芙蓉茄子，這道菜都很特別，香口的茄子，再沾上汁，份外惹味、特別！漁家濃湯野菌斑粒米窩，由於小朋友愛吃湯粉類，所以就點了這個。清清地，沒想到很多料，很特別。萬壽椰香菓，椰子及木瓜的合成品，很清新。踏正八點，夠鐘就趕我們走。幸好侍應提議轉角位可以看煙花，我們便急不及待前往。

上星期book定位，以為星期日飲茶會好多人，去到得一半滿，不過朋友約出來傾下計、飲個茶食過飽，由環境、坐位到人流都好舒服。晚飯吃過幾次、飲茶第一次，朋友好期待，因為樓下好多明星相，問我d點心係咪好正，我都未食過😁。推介下生煎叉燒包，個底煎得好香脆、叉燒醬同叉燒好味；鮑魚燒賣，如圖所示一隻鮑魚仔肉質唔韌容易入囗，其他都可以。當然這裏要介紹紅豆沙，說是陳年陳皮製成，全部已經變晒沙，朋友食覺得似芝麻糊，鍾意食有一粒一粒嘅紅豆，我個人覺得味道唔錯，重點當然是吃陳皮，甜度啱啱好。

又到雲來軒!第一次去雲來軒是因為家人生日，當日亦有幸與主理人見面，得到「樓梯壽桃」。今次再次到訪當然要試試其他美食啦!今次六人晚飯共點了六餸一湯，雖然無主食，但都飽到攬住個肚走!當然要講講用功夫茶壺裝住的功夫湯啦，日本花菇雞腳燉螺頭湯十分足料！每次先將湯倒入功夫茶杯，再一啖吞入肚，湯味香濃但不膩，可以一直添湯；而且茶壺裝住的湯十分保溫，即使過了二、三十分鐘再飲都不會變成西式凍湯^^再要好好讚揚懷舊濟公焗蟹蓋，先不提整隻蟹蟹肉豐富，光是三十年陳皮絲的香味都令人想encore!連自己本來不太喜歡陳皮都食了好幾勺!不過因為當日太懶，不想一直動手，所以只吃了一件蟹鉗...最後我想說說它的金磚豆腐！每到一間有椒鹽豆腐或相類似小食的餐廳，我都好愛點這道菜！出於私心我又點了...但一點都不失望！剛放到桌上超級新鮮，外脆內軟，一咬下去不小心就會燙到舌頭；那個就是我^^不能每道菜盡錄，但記憶深刻的這幾道都想記低。期待第三次到訪～

星期五晚，與兩位好友聚餐，晚餐分兩個時段，我們選擇了18:00-20:00這個時段。六點三上到去，只有一、兩枱客，而直到我們用餐完畢，總共都只是大概得十枱、八枱客。由於我們就坐在收銀處前方，而侍應們空閒的時候，就一排兩三個的挨著收銀處，站在我們前面閒聊，整頓晚餐就好像不停有人望着我們吃，很不自在。😐我們當晚叫了：日本花菇雪蓮子燉花膠(3客)金磗豆腐話梅雞柚子蝦球荷葉飯食物質素很好，豆腐很脆很香口，蝦球肉厚爽口，話梅雞帶微微酸甜，頗特別！荷葉飯夠足料。再講服務！當我們商量緊叫什麼餸菜時，有一位疑似女經理，貼在我們枱邊，笑容可掬地聽我們商量，老實說，我並不想她聽到我們怎樣商量如叫炒菜不抵吃，叫肉好過，諸如此類，我唯有笑著和她說，“得架喇，我地自己睇睇先！”。她才停止觀察我們😔當我們食到大約七點半，有侍應問我們要不要甜品，我們回答不用了。過了幾分鐘，有第二個侍應走過來問要不要甜品；然後再過了幾分鐘，又有第三個侍應問要不要甜品。想點呀？問三次！😒之後，隨即是趕客時間！(當時未夠7:45) 侍應無端端拿著帳單，放在枱面，暗示請我們埋單！朋友們向侍應說，我們睇睇張單先，侍應𠵱𠵱哦哦低沉地好像說夠鐘

一大班朋友慶祝生日或者時節，我小粉姐都係比較鍾意坐圓形大枱食中菜多過西餐，因為大家圍埋一齊食飯感覺更close~我地今日揀左於尖沙咁綿田徑一間亳不起眼既半私房菜館'雲來軒'！要食雲來軒既朋友記得要訂位，呢度經常都高朋滿座～除左訂位之外，如果要試呢度既特色招牌名菜亦都要係訂位時特別預先order~ 好似湯呀、燒鵝、腩仔、陳皮紅豆沙等等，全部唔order定都會隨時冇得食😌而我地就一早預先訂左一個招牌靚湯'花膠雞腳螺頭'，先唔好講味道，剩係個造型都夠曬正，個湯係每位一份，師父用一個個中國紫紗茶壺載住，飲時要自己倒出黎，據說咁可保持溫度，令湯唔會變凍。一飲落口就感覺到個湯充滿骨膠原，而且經過老火烹調，所有的材料既精華都出曬黎，鮮甜到極點！正😎👍🏻飲完個湯後就開始食另外兩個預先訂左既必食之選'燒腩仔'同'脆皮燒鵝'，呢兩個燒味同一般街舖食既味道完全不能相比，燒腩仔的肥肉、瘦肉同脆皮完全全分開，咬落去可清晰感受到三種層次香脆、鬆化、爽口！而脆皮燒鵝係全日之最👍🏻從飽滿度可以睇得出係岩岩燒起，色澤非常之靚，皮真係好脆，燒鵝肉又香又嫰滑一d都肥，加埋特製嘅醬汁然後淋上師父秘制既燒汁，再點上酸梅醬，完全

昨天晚上和家人一起試一試這間頗為多讚賞的餐館，大致上食物一般,唯一是炸豆腐真的可以一讚。但是所謂招牌菜的30年陳皮紅豆沙是最差，價錢貴份量少，最重要是我們全家人老中青吃完後都覺得成肚風😩😩😩

雲來軒一直想試好耐，不過位置真係太唔方便一值都無試，難得今日有時間，就決定去試下。雞腳燉螺頭用紫砂茶壺燉湯，配以茶杯飲湯，有心思。辣椒絲豉油用來食湯渣。湯大概有7-8茶杯份量，飲落會有濃既雞味配以淡螺香味，好飲，有一點咸，不過唔似味精既咸，似雞油過多引起。雞腳燉到淋身，燉頭爽口無沙，不錯。黑醋雲吞雲吞炸得好脆，重要既係佢一的都唔油，抵讚，重點在於黑醋配上雲吞比想像中好食，可以減少炸雲吞既油膩感，更加上黑醋既酸味，令雲吞味道更豐富，做到黑醋比較杰身，方便沾抵讚。不過性價比較低。蝦餃皮薄，蝦與肉比例份量合適，咬落有啖啖爽口既蝦肉口感，味道有蝦鮮味而唔會比肉味蓋過，好食。流沙奶皇包一碟4個，竟然係2個炸2個蒸，估佢唔到。炸既外皮係脆而不油，奶皇香而有蛋味，但經過過火既炸唔再流心，哂左。相對蒸既奶皇包，包身鬆軟，配以香滑既流奶，正。唯一唔好就係流奶唔夠多。牛肉球牛肉球口感一流，爽口但唔會太實既感覺，奈何最重要既牛肉味唔見左，最差既一個點心。三十年陳皮紅豆沙陳皮味對鍾意食陳皮既人黎講唔夠濃，對唔鍾意食既人又會覺得太重口味，唔拖唔水咁。紅豆沙本身杰身，真係一碗紅豆沙唔係紅豆水，紅豆亦都有足夠香味，

如果你覺得OpenRice 嘅食評幫到手，咁你就錯了。 九流服務，一流價錢! 如果係美X皇宮嘅價錢，你可以食倒三餐。 如果你有錢冇訂洗，那這家九流飯店好適合。 一句到尾，錢只放在宣傳，不在食材！

今日黎到食左六個菜，推薦叉燒，厚身得黎又唔硬，份量剛剛十幾磈，半肥瘦，蝦球蒸水蛋值得一試，如果加碗白米飯一流。是日糖水係紅豆沙，好食，紅豆碎到成碗沙一樣，不太甜，好味。