隨變火鍋

營業中

休息中

好新淨！吧台打邊爐，岩曬啲單身狗我地我4個人叫左隨變麻辣雞煲 小辣 一隻雞 $258隨變雞煲唔同平時個啲重慶雞煲 佢唔係先食左雞煲汁再加湯架，佢係直接用麻辣湯加雞煲汁做既湯底，勁正！！我地唔想太辣怕好油簡左小辣，但都幾辣，好野味！！雞件係未熟，自己慢慢煮，唔會overcook!頂級手切牛頸瘠（大）$308超靚油花！仲有牛肉玫瑰花哈哈！牛味重，肉質靚，值呢個價！我地都試左佢啲串燒燒白膳、燒鯖魚一夜情 燒雞腎燒芝士年糕全部都岩岩燒起辣口，當中推介燒芝士年糕！招牌手打咸蛋黃豬肉丸$68呢個有咸蛋黃既豬肉丸比起普通豬肉丸貴，我地好好奇就叫黎試下，估唔到都幾夾，提昇左豬肉既鮮味！手工魚皮餃$32份不可錯過手工雲吞$32份煎午餐肉$32份一份係4件，岩岩好！三種都有質素，唔係係街買，睇得出係手做！金菇$20份即炸響玲$32半碟 仲熱架！芋絲$32有14舊好多！索曬雞煲汁正到呢！隨變粉$28呢個好特別呀，食之前同煮之前完全想像唔到佢既口感係點佢唔會變透明，但唔可以煮太耐，會爛，比起著通薯粉，佢冇咁索汁，但係佢口感似甜品個啲河粉，小小彈牙，推薦大家試！仲會有個里比你裝住煮唔會搵唔番，好細心！紫背天葵，

今日放工約咗朋友一齊去銅鑼灣是一間火鍋店，佢個名叫做隨變火鍋。佢位於銅鑼灣中心嘅地帶，位置方面，而這幢大廈係新開嘅，所以入邊嘅裝修同埋環境都非常之舒服。入到去，發覺好特別嘅一切，呢間火鍋店除咗食火鍋之外，原來都可以叫串燒，有見及此，我哋就叫咗一個燒雞軟骨同埋燒豬頸肉。燒雞軟骨笑得非常之香脆，豬頸肉就用咗佢哋鋪頭特製嘅燒烤汁，非常之香，估唔到一間火鍋店入邊竟然會有咁高質嘅串燒。到主菜啦，首先我哋叫咗一個雞煲，雞煲我哋叫咗不辣，所以食入口入面好香，唔會流晒汗。食完雞煲之後，我哋火鍋主菜就嚟啦，首先有美國安格斯牛肉，呢一種牛肉唔會有太多脂肪，所以擺落火鍋入邊滾兩滾，就食得，而且肉質非常之好。另外我哋都有叫到象拔蚌，象拔蚌超級新鮮。至於其他火鍋配菜方面，我哋就叫咗一個新鮮有膏鵝腸，三色手打丸，裏面包括墨魚丸，蝦丸，同埋豬肉丸。每一粒都新鮮彈牙，另外我哋有叫到炸魚皮，香脆可口。我哋仲叫咗蟹粉流沙丸，一咬一口嘅時候，蟹粉全部流晒出嚟，好正啊！仲有好新鮮嘅西洋菜餃同埋雲吞王，炸響鈴等，配埋個出前一丁，簡直成餐飯就100分了。總括而言，呢間火鍋店價錢唔算太貴，埋單每人大約$300左右，但得到嘅質素就係

在這個星期日的晚上，我和朋友在銅鑼灣看完電影後，選擇了在附近嘆個火鍋。我們大約八點入座，比想像中少人，搭配着海景，也算是鬧市中的一點寧靜。餐廳主打雞煲，但因為我們不算肚餓，所以只選擇了一些普通火鍋材料。這是蕃茄湯底，也頗鮮甜的然後我們叫了肥牛、蟹丸、生蠔等等火鍋材料，尙算新鮮。只是個肥牛切得比較厚，要有點牙力才食到。我們還叫了一個鮮爽黃喉，一開始不知道是什麼，但原來是豬的心血管內壁，食落脆脆的，頗得意的口感。（下面的圖就是黃喉，看起來就很平平無奇的）我和朋友吃完後的結論是 下次可以再來嘗試他的雞煲，畢竟是其主打。他還有些菜或湯底寫的是「隨變」，我想類似是「是日精選」吧。下次可以一試！

收咗工後約朋友行街，行到大約八點我哋去搵嘢食，喺登龍街嗰度見到一座大廈, 入去睇下有咩餐廳，我哋見到有個名特別吸引叫做隨變火鍋, 喺登龍街18號V Point 23樓全層 ，咁樣我哋就上去試下， 當我哋出到𨋢見到嗰餐廳嘅佈置覺得好華麗，好有格調。侍應姐姐就安排座位畀我哋坐，我哋攞起餐牌問侍應有什麼好介紹，我哋都鍾意食辣嘢， 但太辣就 唔得。所以侍應介紹咗一個回味香辣雞煲，微辣嘅。 佢哋有個自助 醬料吧 ， 咁我自己整咗一份特別嘅醬料 。當個香辣雞煲嚟到嘅時候，已經聞到好香嘅味道。之後，當侍應打開個煲蓋嘅時候， 雞湯嘅香味撲到我面上，就係我哋想要嘅味啦。立刻試下啲雞先，好嫩滑同辣味非常夾， 唔使 用醬料都得👍🏻😘。 其中我點咗個頂級手切牛頸脊， 侍應提點我哋，想食到最好味嘅就唔好太熟。出名嘅雲吞皇， 又大粒，蝦又爽。蟹粉流沙丸， 蟹粉熱辣辣。 之後叫個三色手打丸， 個賣相非常之靚味道又好又彈牙。 仲有手打墨魚丸， 好正😘🥰， 出面其他餐廳會加好多粉就唔爽。 再點唐生菜同枝竹。 估唔到兩個人都可以食到咁多嘢， 好似仲有啲未飽嘅感覺， 最後我哋加咗個日本和牛 ， 肥度剛好 ，好有牛肉味，加

同幾個老友係銅鑼灣時代廣場行街，行到有啲肚餓，就問吓佢地不如食埋飯先走啦，佢地提議話不如行過去燈籠街嗰度揾嘢食，有朋友介紹係嗰邊有間火鍋店啲食物好正。問清楚位置後，一行4人就去咗位於 銅鑼灣登龍街18號V Point 23樓全層 嘅店舖名稱叫隨變火鍋，入到去覺得環境唔錯，坐位都好舒適，侍應放低幾張点菜紙比我地選擇火鍋湯底及食物配料，朋友要咗一個原味鸡煲做湯底，原味鸡煲嘅雞都有好多件，鮮味十足， 配料就要咗頂級手切牛頸脊，牛肉味濃厚，淥一陣再沾少少汁，入口美味非常，招牌手打墨魚丸，墨魚丸好彈牙 ，不可錯過手工雲吞皇，雲呑皇嘅蝦非常大隻，，唐生菜， 枝竹，枝竹同生菜吸收咗啲雞煲嘅味，好好食， 招牌手打三寶丸， 招牌手打蝦丸，蝦丸同三寶丸都保持水準， 飲品要咗青島啤酒，火煱配啤酒真係冇得輸，飲飽食醉後，朋友話下次可以再來過。

天氣凍凍地，最啱就係去打邊爐。銅鑼灣新開張，之前都有聽人介紹過佢嘅雞煲好出名，所以今次決定去試吓😊鴛鴦鍋都唔使加錢，所以揀咗個隨變火鍋同埋豬肚雞鍋，因為我同朋友都鍾意食辣，所以選咗中辣，不過都幾辣㗎😁😁食物方面叫咗一份白栢葉，都幾爽脆韭菜餃，好足料，入面好多韭菜😊打邊爐一定要食肥牛，叫咗一碟大嘅安格斯肥牛，睇見個樣都覺得靚，唔會太肥，而且厚切👍👍芝士腸同薯仔片，食物有得揀一份或者一碟，少人食都唔怕，因為一份得四粒，我覺得好好，可以試多啲嘢🤣煎午餐肉同埋響鈴，吸咗個湯底，好入味好好食😁餐廳送嘅雪米糍，一人一粒，打完邊爐食雪米糍，正👍

市面上既雞煲多數都係乾炒完個雞煲另外再上湯底比你打邊爐, 但隨變火鍋呢度係有得比你揀, 可以麻辣湯雞煲或者乾煲(即係乾炒左d 麻辣雞先再轉湯底打邊爐)有d 人比較鍾意坐吧枱, 而呢度既吧枱都可以比你食雞煲, 串燒同飲生啤架我地2個人就叫左一個微辣既湯雞煲, 半隻雞既份量都多架, 而佢係主打三黃雞, 平時食開果d 冰鮮雞完全冇得比即炸響鈴卷, 係好香脆既, 不過有d 油膩, 有得一碟或者一份咁叫, 唔洗驚2個人食唔晒嘛食得麻辣湯底, 一定要配鴨血先正, 不過要慢慢等d 湯底煲先可以入晒味手打墨魚丸, 魚皮餃, 芝士腸, 牛栢葉就中規中矩啦, 普通火鍋都會有既野個隨變粉就有驚喜既👍煮2分鐘左右已經食得, 而且又吸湯又滑又煙韌埋單果陣先知原來10點後宵夜時段更加有85折優惠, 下次可以夜d 黎食😂

今日放工，去咗銅鑼灣新開嘅隨變火鍋打邊爐，試吓佢，因為有好多朋友都覺得呢間打邊爐係超級好味。一嚟到我哋先叫咗兩份串燒，一個係雞軟骨一個係燒豬頸肉，雞軟骨超級香脆，好似響日本居酒屋叫嘅一模一樣，燒豬頸肉燒得啱啱好，唔會過硬，配上他們自家製嘅燒烤醬料，估唔到一間火鍋店入邊竟然會有好好味嘅串燒。跟住就到主菜啦，我哋識嗌左一個干鍋醬雞煲，呢個雞煲係唔使用火鍋熱住嘅，佢會煮好咗送上嚟，雞煮到啱啱好，唔會過熟，鮮嫩可口。而且我哋叫咗唔辣，入口非常之香。之後先來一個美國安格斯牛肉，牛嘅脂肪分佈得非常好，唔會個過肥都唔會過廋，擺落個爐入邊浸下即刻食得。再嚟我哋叫咗個有膏嘅哦腸，非常之鮮嫩，滾兩滾，即刻食得。之後我哋嗌左三隻手打丸，有墨丸蝦丸同埋豬肉丸，非常之新鮮。再嚟我哋有叫到流沙蟹粉丸，炸魚皮，同埋西洋菜餃。每一個火鍋配料都非常之精緻，完全唔係出邊任食打邊爐可以媲美到。另外我哋仲叫咗雲吞，響鈴，出前一丁同埋象拔蚌，埋單先至每人大約$300左右，如果大家離開銅鑼灣的話可以嚟呢一度試一試。

約左朋友食飯，兩條佬去打邊爐吹下水的確唔錯。搵左間有串燒有火鍋既，去到先發現可以食埋雞煲。坐底既時候比佢包紙巾吸引左，好少見咁好會提供Tempo。燒手工雞皮，又脆又軟，咬緊既時候仲會有啲油出返黎，並唔係乾哂。孜然牛肉串，好香孜然味，肉都好腍又有肉汁。回味香辣雞煲，我地只係叫左微辣，廢事太辣飲好多野。雞都滑，食胸都唔會太嚡。湯都好濃好夠味。奇脆炸魚皮，就咁食都脆，浸一陣湯索埋啲湯更加好味。鮮爽黑柏業，好大塊，煮完無乜縮水而且好爽口。頂級手切牛頸脊，雪花紋路好靚，食落好腍好香肉味，手切當然係唔同啲。不可錯過手工雲吞王，多蝦好足料，成粒都好飽滿，皮仲要夠薄。棍打牛筋丸，好彈牙，多汁同有牛味。

今次黎到v point試下呢間新開既餐廳，睇中佢10點後宵夜時段仲有85折，另一吸引既地方係有生啤飲，本想一試，可惜朋友唔飲酒，唯有作罷一入餐廳就發現比一般雞煲店更企理和寬敞，坐窗邊仲可以睇到海景呢間餐廳有好多唔同口味既雞煲，今次就試咗較少見的養生雜菌雞煲個湯飲落有濃濃既鮮味，又唔會太咸，一人飲咗兩三碗先夠喉我地凈係叫咗半份雞，但分量都好多，仲有好多雜菌。雞肉直接從煲度撈起就食，豉油都唔洗點已經好夠味，味道比起坊間一啲單靠調味既雞肉更好。火鍋配料方面，我地叫咗一份日本和牛擺碟好靚，每一塊牛肉都滿佈雪花，食落更係嘩一聲，近乎入口即溶，口感軟熟，絕非普通肥牛可比擬，必食之選之後仲嗌咗一份墨魚丸，食落好彈牙，又係足料之作。不得不提既就係高水準串燒我地試咗日本和牛、燒牛舌心、羊肉串同雞軟骨和牛半肥半瘦，食落滿口油香，連唔食脂肪的朋友都忍唔到口其他燒物味道亦不錯，唔會被過多調味粉掩蓋食材味道。最有驚喜既係燒芝士年糕，大大粒，超煙韌，一咬落去就滿口都係滿滿嘅芝士，濃香得來卻唔會膩，十分值得一試鍋後一點甜呢間餐廳整體水平都不錯，值得再來

今日黎到登龍街食飯，見到呢個熟悉既名字，隨變雞煲。就咁上左黎食啦😁一開始會有小食，涼伴秋耳口感不錯👍🏻係自助醬料區仲有得添食😋一開始我地叫左啲串燒，羊肉同牛肉串都燒得剛剛好，肉質鬆軟，味道都好好。之後有燒雞皮同多春魚，多春魚燒得剛剛好，唔會好乾，同埋佢地都好大條。另外雞皮燒到脆卜卜，油脂飽滿。最後我地仲叫左牛舌心，係我今晚覺得最好食既野，牛舌大大片，但好軟熟又不失彈性，係我食過最好食既牛舌之一。接著落黎到主角，雞煲煲底好大個，雞肉煮到剛好熟，雞胸依然彈牙唔會柴，洋蔥好甜，成個煲味道濃郁。食完煲雞打邊爐當然要叫肥牛啦，呢到肥牛好多選擇，但我地今日決定叫特級本地牛，口感一流，肉味充足，廚師仲同我地講，每日入貨量少，保證日日新鮮。手打墨魚丸雪白煙靭，好彈牙呀。即炸響玲，浸湯一流。呢到仲有多款蔬菜，皇帝菜等比較少見既都有。食左一陣呢到都爆晒場，見到吧枱都有人坐，以為係食下串燒飲下生啤，點知原來個個位都可以叫雞煲👍🏻總結呢到店員服務態度積極，環境整潔，串燒係意想不到既美味。 臨走時見到10點後入座仲有85折！ 值得一試。

要變丶未變，可能是現今香港社會最大的問題！要變，就去變！要轉型，從來都難，習慣了的comfort zone ，一下只要 改變丶 放棄既定嘅模式， 不是每個人都能 那麼容易地適應 。。。所以我很喜歡餐廳的名稱：隨變火鍋， 一切都可以「隨心而變」。 是的，要作出改變，最重要就是從自己的心境 開始求變丶 繼而從自己的行為模式上開始作出改變。。。就像今天，我們訂枱是book了八時半吃火鍋， 但我們提早了半小時便到達了餐廳， 侍應說今天 餐廳全滿了，不能提早入座 ，但我們也不想呆等半小時， 這時侍應提議我們不如就在吧檯吃火鍋， 我們覺得這也是一個不錯的建議， 便即與決定一試！坦白說，這是我一生人第一次在吧檯吃火鍋， 但很快我便發現 ，因為bar枱的位置較高，而且偏安一隅， 加上我們坐在高凳上 ，真的是「高高在上亅， 感覺有點高人一等！再者， 這個位置的油煙相對較少，通風良好， 吃完整晚火鍋，也沒有染上一身油煙味， 感覺不錯！ 原來肯跳出comfort zone ， 生活。。。有時是會有無盡驚喜的 。 誠意推薦你。。。吧枱食火鍋 😊大家也值得一試。從餐牌上面看到，餐廳 提供的食品，種類十分多元化，

銅鑼灣出名多野食，就放假未到 Friday 都 happy Thursday，來呢度之前遠想不到火鍋店有超棒的雞煲食材之餘仲有 bar 枱飲生啤食串燒。隨變雞煲係 V point 既23 樓，時代廣場行過黎都好近，因為有 book 枱(而家香港食野唔 book 真係等勁耐) 所以侍應好快招呼左我哋坐底。環境光猛乾淨，值得一提呢度服務幾周到，換碟同加湯都完全唔使叫，一睇到你有需要就會自己主動做，另外有位似係老細既師傅同我哋介紹牛肉同埋食法，好細心丫😃煲揀左隨變麻辣雞煲，因為第一次點都要食佢個招牌菜既，雞煲唔係出面啲乾鍋上加湯，而係本身已有湯咸度適中，加上大量厚切洋蔥，大蔥，青椒出左個甜味，雞肉好嫩，其實個沙煲真係好保溫，所以建議一食得就熄左爐先，食完啲雞再開爐6其他食物。唔多講其他邊爐野，重點係個特級本地手切鮮牛肉(大) $408，肉味超濃，因為有厚度口感超好，肥瘦適中，師傅話用清湯或菇湯打最好食，而且只要淥一淥就可以起，真係堅正的，牛魔王實好滿足。菜方面皇帝菜比起一般火鍋店提供既更幼嫩，但香味濃，食得出係靚貨，冇渣。講完火鍋呢 part 就真係要講串燒，點解一間雞煲既串燒仲好食過居酒屋

情人節一定唔會食大餐，唔想俾人鋸到一頸血，所以一早同老公傾好去食雞煲，諗住肯定唔駛同人爭！點知我錯了～～～ 好彩一早book 定位，黎到呢間雞煲已經好多人等緊！！！揀呢間雞煲係因為佢除左打邊爐之外仲有串燒食！唔駛咁單調！一坐低就每枱有一包！岩哂我呢d 一食辣野就成頭汗嘅人！好貼心地有不同辣度選擇，我地揀左麻辣雞煲。見到人地食乾撈果d 都好香好正咁！！仲有大量串燒choice!乜醬都有任君選擇！絕對唔孤寒👍🏻👍🏻👍🏻主角終於黎到！！ 一開始見到咁多湯以為會好淡，但原來勁入味，但又唔會好鹹！一路食，再滾埋其實邊爐料都好有味，拎返黎果碟醬料都無點過咁滯～～正！食食下雞煲，串燒就到：雞泡魚乾，燒得岩岩好，送酒一流！羊肉串！好香好惹味～～扇貝係我fav! 仲加左大量粉絲蒜蓉，好好味呀！！！最後食埋邊爐配料，岩岩好！凍豆腐墨魚丸幾爽口～必食韭菜餃，好味又足料！埋單$700 倒再送兩粒雪糕！ 好滿足嘅情人節晚餐！唔貴又好食，d 野足料夠哂飽！

一行四人係銅鑼灣揾食，經朋友們推介去左燈籠街 Vpoint 23樓嘆火鍋，不過今次呢間店原來除火鍋外還有燒烤同乾鍋食架！一入門口已見到有吧枱位置，之後係全層有卡位有四人位，窗外夜景更吸引。我們坐下諗緊食乜， 老公就講尖沙咀食過乾鍋覺得好滋味，所以分享時朋友們都話要試試喎！就係咁我地當日就 order左，隨變干窩醬雞煲(半隻) $238 微辣，店員話還送多個湯底添，價錢也可接受。店員還送上涼菜 ~ 涼伴黑木耳超入味口感爽脆！干窩醬雞煲熱辣辣出晒煙，賣相吸引，色澤香味撲鼻，個汁先係主角加埋雞嫩滑嘅雞，洋蔥，椰菜，椰菜花同年糕煮，真係好夾好濃味惹味非常，尤其用上年糕配濃汁微微香辣，煙韌口感超出色！干窩醬雞煲還會送個湯底比客人架 ! 鮮肥鵝腸無得輸，如果鵝腸無肥就食唔到鵝油香，爽口帶點甘香。其他丸類同餃類都多，我揀左棍打牛筋丸，鬆化多汁，非一般雪藏貨色, 餃子選左手工西洋菜餃，平時少食到也不錯！野生靚竹笙 $98頂級手切牛頸脊 $308油花均勻，灼兩灼軟滑牛味濃！即叫即燒當然要 order些比男士送下酒啦燒雞軟骨，雞皮，雞腎 點都可少。燒雞泡魚魚干跟蛋黃醬