隨變火鍋

營業中

休息中

個人推介指數分8.5(10分為滿分) - 筆者已很少再食任食火鍋, 不能說我要求高, 只是年紀漸長, 要食就食好一點精一點, 次數就可以減少, 這才能繼續享受餐桌之樂. 這所火鍋點不論在環境, 食材和創新也各有特色, 還有串燒供應, 價錢也不昂貴,  絶不是芳間一些火鍋店, 動不動就要吃數千元. 今天我會一行四人為了商量四月份日本之旅, 經朋友介紹, 我們四人來到這所火鍋店, 好好享受一餐.這裡除了有舒服的卡坐外, (能欣賞窗外美景), 不講不知道, 還有BAR枱也能吃火鍋, 獨自或和情人在BAR枱火鍋, 好不有型. 未上火鍋, 我們先來些串燒為胃部打打底.最令我印象深刻的是串燒雞皮, 老實說真的又脆又香, 又沒半點油膩. 不過呢, 一串便夠了. 少吃多滋味.那燒鱔外脆內軟, 非常惹味, 唯調味可以減少一點.炭燒豬頸肉味道就岩岩好, 不用點任何醬汁, 內裡已十分JUICY,我和友人送着啤酒來食, 談天談計劃聯誼也相當合適火鍋準備開始, 先看看醬料吧, 這裡的醬料吧相對簡單, 除了沙爹醬, 麻醬, 辣椒, 蒜蓉和蔥花等外, 最令我興奮的是有陳醋雲耳, 這食物對血壓高人仕很好, 又好食又健

一出就聞到好香既燒烤味道，見到d串燒都好想食旁邊有個酒吧區，店鋪當然有啤酒飲，而且可以在吧枱食火鍋雞煲，雖然無選擇坐哩到，但覺得幾特別既然串燒咁香，當然要order黎食，內蒙羊肉串$28，有兩串，羊羶味濃，肉好淋燒豬頸肉$58，肉質爽，外皮帶點微微焦香，有少少脆口調味料區選擇左酸湯豬肚雞煲$288，足料，雞件份量都幾多，豬肚都唔錯隨變粉$28，唔知係咪店鋪自家制作，不過真係幾好食，而且抵食炸響玲$64，共8條，好粗大，並非一盒盒在街市買到果d白柏葉$22，同樣都好爽口不可錯過手工雲吞王$96，哩個咁長既名在餐牌的確係咁寫，所以我都唔錯過點一碟食下，確係不錯，餡料足，有大隻蝦肉，外皮軟手打三寶丸$138，共3款，每款有4粒，每款丸都好彈牙脆鯇片$78，賣相美觀，肉質鮮美，骨刺唔算多，容易食這餐真係好滿足好豐富，食物價格屬於中上，如果覺得價錢略貴，可在10點後入場有85折

店鋪裝修得感覺高級，職員服務亦非常有禮，帶入座時就會經過哩個吧枱，除左供應一般飲品之外，亦有生啤可以選擇，吧枱亦有放置左個爐，可以坐係到食雞煲都得。醬料要親自出去自助區果到加醬，有雲耳可以無限任食，當開胃前菜都唔錯。(一隻雞)酸湯豬肚雞煲($288)，湯底唔會過酸，有雞又有豬肚，覺得好抵食。(大)頂級手切牛頸脊($308)，牛肉切得厚度適中，食落有口感，肉脂比例7：3，肉質好腍，份量都幾多。燒牛舌心($48)，重牛既香味，好爽口。一夜情($28/2隻)，即雞翼夾芝士腸，配搭上幾新穎，口感層次又幾特別，選擇左辣味更加好食。手打墨魚滑($88)，肉質彈牙。隨便粉($28)，這個必定要食，外表似闊條麵，浸2分鐘就夠，麵條好滑，質感結實爽口。蟹粉流沙丸($96/碟)，入面蟹粉飽滿。即炸響玲卷($64/碟)，即炸係最正，新鮮又大件，最喜歡浸一浸半脆半腍既口感。金菇($20/份)，食返d疏菜，處理得乾淨，最尾落鍋就最好，因為可以索晒湯汁既味道。荔枝味雪米糍，每位免費送一粒。

應該銅鑼灣開咗間高質素嘅火鍋餐廳，價格都幾性價比，佢哋喺佐敦有分店，餐廳主打唔同嘅鍋，可以隨自己口味，款式都幾多元化水煮魚，酸菜魚，雞煲，各式各樣嘅火鍋湯底，都有得選擇。除咗雞煲之外仲有啲燒烤所以我哋今次就點左黎試吓，款式真係非常多元化。我地點左年糕雞翼同埋牛舌，鮮果年糕非常之軟淋，有口感。另外雞翼入邊內有乾坤，而且去咗骨，非常特別，啱晒我呢啲比較懶唔鍾意食論骨嘅人。另外傲視都有驚喜質素非常唔錯。我哋就點左酸菜魚鍋入邊嘅酸菜非常多，魚嘅份量都唔少，一邊其中一大特色我覺得就係佢嘅米粉，平時米粉煮耐左會非常淋，同埋一夾就散，但係呢度保持到佢既口感，仲可以掛湯。另外佢嘅酸菜魚都非常之滑，再加埋勁多嘅酸菜好嘢味啊。我哋另外點左少少配菜最有驚喜嘅就係佢驚牛丸，爽之餘又彈牙，而且每一粒嘅大小都均勻。鴨血就係我平時食火鍋必點㗎啦呢度竟然有，有時出去好多港式火鍋都剩係得朱紅，所以呢一度嘅配菜真係幾多款式。臨走仲會送上雪糯米糍做甜品，好貼心而且餐廳可以望到海景啱晒一家人或者情侶小倆口望住海景邊飲邊食，店員嘅服務態度都好好，而且上單速度都快！下次再同朋友試過啦

隨變燒烤湯雞煲 $198一般食雞煲都係乾鍋，但呢到有個特色，係有湯的雞煲。可以一邊食雞，一邊打邊爐，雞有足半隻，好肉地唔錯架。湯底多多料到，除左辣椒，仲有洋蔥、青椒、芹菜、大蔥等等，香氣十足。可以一邊食雞，一邊打邊爐，幾好。中山脆骨腩 $78厚肉、爽脆、加上冇乜骨的腩位，配合麻辣湯，一片接一片，痛快 ！ 皇帝菜 $20份量不多，但相對地，收費亦唔貴，啱曬D鐘意每樣少少又食多幾款的人。湯底叫左小辣，食雞或其他配料的時候尚可以；但一配蔬菜，真的超辣，小心小心。紐西蘭肥羊$98肉質鮮嫩，加上有羊羶味，勁鐘意，啱曬羊怪。最怕食羊冇羊味，不如不吃，愛羊人仕，應該明白我講乜。手打墨魚丸$48食得出係新鮮手製的，有墨魚的口感，並非一般貨式。如非已經飽飽地，應該會試埋佢個手打蝦丸呀baby ~v~燒雞腎 $30好味，熱辣又大份，雞腎爽脆得來又夠淋，矛盾的好滋味。可樂 $15燒雞軟骨 $22香脆的雞軟骨，有居酒屋食到的水準，建議大家一定要試一試，咪走寶。燒多春魚 $38又係好正的一碟，火候控制得啱啱好，表面香得來又唔會乾。正！1664 $78多春魚送啤酒真的一流， encore 了！自成一角的串燒 co

行過登龍街見到竟然開左間新既火鍋店，個名仲好得意，隨變火鍋，英文係as you like~~門面乾淨企理，入到去極具空間感，落地大玻璃，有靚景又坐得舒服，侍應全部都好有禮貌。角落有個小小既吧台，可以食下串燒或者同朋友happy hour, 想既話仲可以打埋邊爐添。坐低有驚喜，送紙巾，岩哂成日出街唔記得帶紙巾既我😛少有講究環保既餐廳，用紙飲管，加分！呢間火鍋店特別之處在於，除左雞煲同普通火鍋，仲提供涼菜同串燒，岩哂為食既朋友仔。我地揀左個小辣涼拌萵荀先，香辣爽口👍湯底就蕃茄同酸菜，相對黎講，蕃茄比酸菜較為出色，鮮甜惹味，可以當湯飲呀！加埋d莞茜一齊煲，超級好味😋火鍋配料都好新鮮，花甲鮮甜彈牙，紐西蘭羊卷肉好好食，要讚一讚黑松露蝦滑，好強既黑松露味道，肉質可口，feel到係新鮮打出黎。食完火鍋，心思思想試下d串燒要左象拔蚌仔同白鱔。唔錯喎，味道能比美出面專食串燒既地方！總括黎講，頗滿意今次既食物，走果陣侍應仲話俾我地知下次黎10點後宵夜時段有85折優惠，一定會encore!

前排睇電視見到介紹，所以今日就book左位黎食！室內環境都幾舒服～首先會有個餐前小食，酸酸甜甜既木耳，開胃又好味！《藍妹洛神花果茶》$26酸酸甜甜，完全係自家製冇加糖，解辣一流🌶《隋變麻辣雞煲》半隻$198呢個係招牌雞煲，就係非常特別嘅濕雞煲，本身已經有湯～我地叫左微辣，岩晒食辣初學者👶🏼 雞肉極嫩滑，本身擔心唔會有平時炒既雞煲咁入味，點知絕對唔會，雞肉非常入味請冇咁油膩👍🏻《響鈴卷》$32吸晒微辣湯底👅《隋變粉》$28呢個粉都幾特別，之前未見過，熟左之後有小小半透明，有啲似薯粉，但更加煙韌！《頂級手切牛頸脊》小$188睇紋路都個呢個真係頂級牛肉！肥脂分布平均，未到入口即溶，但非常軟腍，牛味都幾出～呢度有金菇、凍豆腐同埋韭菜餃，個人最推薦韭菜餃！皮薄但唔易爛，涵料調味得岩岩好👍🏻《手打墨魚丸》$48係食過最彈牙既墨魚丸！！呢度嘅串燒都絕對唔惹小！不過叫咗小辣，對我呢啲食辣BB班來講就真係辣左啲《牛油燒香菇》$18牛油味就真係食唔到，可能因為辣味完全蓋過左，不過香菇都幾多汁！《燒雞泡魚干》$48朋友就覺得有少少略嫌唔夠乾身，但我覺得啱啱好，如果太乾身就會韌～《燒牛舌心》$48呢個一定要嗌

潮流愛吃雞煲，朋友仔也不例外，養生雜菌雞煲，湯底鮮甜美味，兼且不油膩而份量十足，有多款雜菌、杞子和鮮淮山肥牛肥美手打黑松露蝦丸非常彈牙、蝦味重聖子鮮甜美味，可以話係刺身級般甜美有前菜任添加，而飯後甜點也不錯室內環境設計也別出心裁，劃分了bar 台，可以食串燒和雞煲，哈哈😄，還可以飲生啤原來宵夜時段10點後有85折優惠，wow!除了雞煲，還有惹味的串燒牛舌爽口、白鱔厚肉多汁

朋友慶祝生日飯有估不到的精彩，干田雞窩脆卜卜，海膽好大件新鮮外觀已經巧吸引火鍋配料同樣新鮮，牛肉也很吸引見到已經想即刻食還有燒烤即燒熱辣辣款式太多未能品嚐晒，下次一定再來試未完的故事

跟三五知己聚聚，所以隨意地點選了位於銅鑼灣的「隨變」，本以為只是一間普通的雞煲店，但後來才發現，原來「隨變」一點兒都不隨便！認真製作，材料頂盛，價錢公道！談到裝潢，尚算不錯，企理整齊，打破以往對雞煲店(嘈&雜)的觀念，而且靠窗位更是對著維多利亞港，相當高級！更設有醬料自助區，醬料由自己話事。我們所選擇的雞煲是招牌隨變麻辣雞煲(微辣)，然後再點其他配料。「隨變」雞煲的食法卻令我有點兒驚喜，以往我們都要吃清煲內的雞，餐廳才會在煲內加湯，變成火鍋。但這裡的雞煲，是「一邊雞煲一邊火鍋」，雞的味道卻沒有被火鍋的湯底沖淡，十分濃郁惹味。頂級手切牛頸脊（$188）手切牛頸脊真無得頂！牛味濃郁，肉質嫩滑，入口即溶！新西蘭羊肉卷（$198）相比牛頸脊，羊肉質感比較彈牙有口感，羊味不會太羶，易入口。三寶丸包括墨魚魚滑、蝦滑、蟹子滑，口感彈牙，但請注意，吃下去時可能會有噴汁的情況發生哈哈。炸午餐肉原來是如此美味！平日都會以午餐肉為火鍋的配料，但炸過然後再下鍋煮是如此有口感，炸過後更鎖肉汁。看見每桌都有柯打隨變粉，可知這是多麼的招牌貨，形狀像河粉，粗粗的，腍腍的。紅薯粉也是不錯的選擇，一樣有吸收濃湯精華的功效

台灣朋友來港過年,想試一試香港的火煱跟台灣有什么分別,已問了他台灣沒有雞煲的,就帶他到香港出名的隨變食雞煲因為我同朋友都唔食得辣,所以點左半隻原味清湯雞煲雞煲好香濃,雞件十分多而且好滑,即場有生猛海鮮$70朋友很喜歡吃鵝腸,點了一份有膏鵝腸很乾淨,很爽口$48 手打墨魚丸,一客有4粒,很彈牙$26 鮮魚付,很香軟本地手切鮮牛,看上圦也知十分靚入口即溶,肥瘦適中台灣朋友仔讚嘆不絶,用料足味道好,真心無介紹錯!!!

今日收工就同朋友去左銅鑼灣買野，之後就去左幢食肆新商廈到搵野食。係樓下見到有間叫As You Like幾得意，而且天氣涼涼地，食下火鍋又幾合我意。 唔洗等好耐就可以入座，啲位都坐得幾舒。因為朋友唔多食辣得，所以揀左個原味清湯雞煲。滾起左我飲 左一碗，超甜而且好香雞味，同埋啲雞好滑。響鈴卷出黎嗰時都feel到啲熱氣散出黎，真係新鮮炸出黎， 配埋香甜濃郁既雞湯，正!手工雲吞入面啲餡好滿，蝦味剛好。 牛筋丸幾彈牙，味道唔錯。粟米蓮藕餃甜甜地又有啲爽爽地既野，幾新奇。 魚腐好厚，韌韌地幾有咬口，一啲都唔覺粉。安格斯肥牛油脂唔多，牛味甚重，煮完都好腍，一啲都唔嚡。白柏葉煮一陣就食得，好爽口，只係比較細舊，煮完縮咁啲水。

係times sqaure睇完戲，又係時候搵餐廳醫肚朋友想食雞煲，原來v point開咗隨變嘅分店，即刻上去試啦！上到去已經坐滿哂，員工安排我地坐吧枱位。原來都幾方便，嗌串燒又可以即刻出比我地。一黎就嗌咗個露荀填肚先，以為會好辣，但都接受到。嗌多個燒牛肉串燒食，加咗孜然粉燒，都唔會un。雞煲我地嗌咗小辣。上到黎都真係幾辣，但比佢麻得幾爽！雞肉都好滑，一路食一路麻住條利中間嗌多咗份雞泡魚乾。哩個真係必叫！好推介！拎黎送酒更加好！燒得好香，最特別係個醬，係有d wasabi味，成件事好夾，十級推介！響鈴好新鮮，唔會淋哂，索哂d醬湯好正！牛栢葉同油麥菜都好掛湯，第一次兩個人食得哂咁多響鈴哩個和牛真係好重牛味，真係有啲接近入口即融嘅感覺。就咁睇啲油脂分佈同顏色係正值得一讚嘅係佢地係用紙飲管，有考慮我地嘅方便，又環保！仲每枱送一包tempo紙巾，service抵讚！

「隨變火鍋」近期落戶銅鑼灣「食街」登龍街的V Point，由於是新的銀座式大廈，裝潢極新，樓底夠高，亦設落地大玻璃，極具空間感，少部份座位更能望到海景。餐廳在晚上10時後更提供宵夜85折優惠...... 近門口位置有一排吧枱，邊飲生啤、邊食串燒、邊食雞煲，特別有種中西合壁的感覺。內蒙羊肉串 ($28/2串): 內蒙式的醃料味道偏重，咸辣並重，反而羊羶味較少，整體較香口。燒牛舌心 ($48/串): 牛舌心乃牛舌最爽嫩及肉味較重的部位，預算容許的話，必吃這個。隨變麻辣雞煲 (微辣) ($198/半隻): 與一般雞煲不同的是這並不是乾鍋，反而是加了湯煮的雞煲，那當然濃郁的醬料加湯後會變得稍淡，但也能吃得出醬料本身的味道蠻討好，雞肉微辣，肉質亦夠嫩，建議點小辣起 / 減少湯的份量。頂級手切牛頸脊 ($308/大): 肉色鮮紅，脂肪比例稍多，肉味適中，油花亦香，整體味道合理，但此價錢份量應增多一點。招牌手打三寶丸 ($138/12粒): 三款手打丸分別是蝦丸、墨魚丸及豬肉丸 — 肉丸爽滑而富肉汁，蝦丸味鮮，豬肉丸的肉味亦香，比想像中好吃。

隨變火鍋以前在佐敦都很常去吃，知道銅鑼灣開左新分店，位於銅鑼灣登龍街的V Point大廈23樓，當然要拜會一下。這裡環境比佐敦店更舒適，坐位空間寬敞闊落，非常整潔。我們因為訂了位的關係，被安排坐於餐廳角落的靠窗2人枱位置，私隱度極高，亦可以正對街外夜景，位置極佳。餐牌非常多選擇，單是雞煲就有7款，最出名當然是隨便招牌雞煲系列，很多人分不清隨變麻辣雞煲、饞咀麻辣雞煲跟回味香辣雞煲的分別，我就介紹一下～隨變麻辣雞煲就是有麻有辣，饞咀麻辣雞煲就是加強版，味道更重，比一般的醬汁重。回味香辣雞煲就是只有辣沒有麻，大家可以根據自己口味選擇。我們點了隨變麻辣雞煲（一隻）雞煲$258，配料加入了大量的乾椒、麻子、洋蔥、青椒、芫茜等配料，一到來已經香味十足，剛開始吃會覺得味道較淡，不過味道慢慢就出來了。雞件肉質嫩滑有雞味，而且很入味，一咬下去都是麻辣香，非常惹味！我們還點了些其他火鍋配料，包括: 鮮魚卜、鹹蛋豬肉丸、野生靚竹笙、牛栢葉、煎午餐肉、皇帝菜及非常有特色嘅隨變粉，兩個人吃得有點多，哈哈。鮮魚卜$88魚卜完整一個個，來到再用竹櫼弄破，方便煮熟。口感膠質非常重，爽口煙韌，沒有腥味，處理得很好，很鮮