阿叔泰麵 (西菁街) (已結業)

坐了🚇大半小時的車程入到元朗逛街，我們先到一間阿叔泰麵試試🍜這間店舖之前都有朋友介紹過它的迷你船麵食。餐廳裝修富有泰國🇹🇭色彩，牆身繪有泰國人像，天花板採用一些雨傘☂️作裝飾，另外點麵食紙也非常簡單。我們分別叫了一碗豬肉🐖米粉及牛肉🐂船麵，份量確實很迷你吃兩啖已吃完，配料方面有通菜、炸物、肉丸及牛肉。紅咖喱雞翼，炸得香口，肉質細嫩。酸辣凍雞翼，外皮帶點微辣，肉質味淡、嫩滑。篤篤炸丸，細細粒彈牙，沾些酸甜醬吃，非常滋味。香茅斑斕特飲和泰式奶茶，我較為欣賞佢杯泰式奶茶🥤茶味香濃甜度充足

<<生在美食天堂，點可以唔識食>> <<I born in Paradise of Food，why not explore deeper?>>今次黎到元朗食一食下午茶見到某某報導有間隱世船麵（因為真係要行好遠先去到）因為下午茶關係，有迷你船麵供客人挑戰。所謂挑戰，就係鬥食得多。可一不可再～迷你船麵，如果大家想食得飽就唔好點，因為份量細得驚人，貪好玩都可以既普通～紅咖哩雞翼，調味無咖哩味，微辣，肉質還好普通～酸辣凍雞翼，沒有過激調味，肉質梅梅地，三思三思了總結裝修：藝術家牆身設計，座位分隔舒適服務：偏慢，但態度好，可能下午茶時間

今天我都這一間店，一進來的環境10分漂亮，顏色繽紛，感覺很有心思的設計，而且廁所指示牌也是泰文的。我們點了一個套餐，是一個牛肉船麵和一杯泰或奶茶。奶茶麵甜度剛剛好，不會套甜，而且有很香的茶味，套餐加飲品可半價，即是$12。船麵睇落啲湯濃郁，而且多配料，賣相不錯。飲一下湯就整個口都充滿船麵的味道，而入面麵加了很多通菜去配搭，牛方面最少有5件牛腩，而且每一件都軟熟又入味，是不錯選擇。牛丸即有4粒左右和一大埋芽菜。整碗的份量不太大，剛剛好足夠一個人的份量。另外，我們亦點了一個層層疊的船麵，有豬牛雞選擇，但每碗好像一口就食完的大少，對於$15來說，實在太貴了，寧願正正經經點一碗船麵食。

最近期極具人氣🔥嘅泰式🇹🇭船麵店，是的，麵控🍜又再一次遠征試試。據說老闆太太是泰國🇹🇭人，主打幾款船麵包括「牛🐮：牛丸、牛腩」「豬🐽：豬肉丸、豬肉片」「雞🐔：雞搥、雞腎」餸料相當吸引😏，加上用牛骨淆製比較濃郁而無味精嘅湯底，仲有芽菜、通菜🥬等配料，已經相當匹配👍🏿，碗面上仲有幾片炸豬皮，實在正到不行🤡，喜歡的一定會愛上。麵屬正常份量，建議選粉絲比較容易索湯😏！小吃試咗「香茅雞翼」略嫌入味不夠，較為遜色。整體來說服務及食物也很滿意🤡

椰青一般，泰檸茶一般。雞面，豬肉面也是鞋鞋地（其他0k）, 不會再去。但裝修也見心思。如果小情侶小朋友不是太奄尖的，也可以去。附近好多停車埸亦有泊車表位。最方便是可以用支付寶。

呢排開咗好多泰式船麵店，呢間風格比較特別，唔係以泰國裝修為主題，反而係漫畫元素比較重，入到去好似去咗個小朋友遊樂園，咁連筷子都係彩色㗎！🌈我哋叫咗個雞肉船麵，同埋牛肉船河。牛肉船河有牛腩同泰式牛丸，配料都算多。湯底有少少藥材味，不過都係偏甜，河粉好快就淋，冇咩口感。雞肉船河嘅雞肉係雞鎚，另外有雞腎，醃料好輕手，隱約食到有浸雪藏味，而且同湯底完全唔夾，好奇怪😂 粉麵我轉咗做泰式粉絲。口感好似韓式薯粉，配呢個湯底係越食越奇怪。炸豬皮完全冇油香，同泰國嘅正宗炸豬皮差好遠，講真，我寧願佢唔落🙈青木瓜沙律隻碟好有泰式風味，個啲材料同醬汁就喺香港風味。個沙律汁都係甜嘅，辣嘅只係上面嘅辣椒籽，不過同醬汁完全唔夾😂😂 生嘅長豌豆，好難食，得草腥味，可能我唔識欣賞啦🙈 豬頸肉來講呢，應該係全香港食過最難食嘅頭三，完全冇燒烤嘅香味同熱力，醬汁碟又細同深，份量又小，頸肉就切到好大塊，根本就蘸唔到，倒晒喺頸肉上面又會變咗唔夠分🤷🏻‍♀️ 希望店主會見到呢個食評，好好改善。想配合香港人口味，但係味道又做得唔好，亦保留唔到正宗嘅泰式風味，係好難會令人想一再味。

去開元朗買嘢，入去西菁街搵嘢食，食埋晚飯先，見到有一間新開嘅泰國麵館，鋪頭門口幾有泰國特色，一於去試吓先！裝修係用潑水節做牆身裝飾，樓頂爆滿大大細細的雨傘，感覺好清新，餐牌食物種類不算多，但全部都係泰國街頭船河風味，牛肉船麵$58，個湯底好濃，而且湯底感覺唔肥膩，湯底係用新鮮牛骨製成，唔怪之得咁好飲，牛腩鬆軟及牛味濃吾So及配合細細粒彈牙牛丸，感覺置身泰國一樣！雞肉船麵$52，三隻入味嘅雞鎚及雞腎、泰國炸豬皮、芽菜、通菜、花生粒，更加地道，而且泰國粉絲彈口幼細，大家不妨試吓，正，香芧魚露雞翼$46,有六隻，雞翼每隻適中，肉質入味柔嫩，非常香濃既香芧魚露味，風味十足，服務、味道、環境、價錢，地方，親民中上，下次再食其他

見九龍城玩潑水節玩得咁開心，都好掛住泰國🇹🇭美食，船麵都算係泰國嘅代表之作，之前喺泰國食過都好回味😋😋最近呢間阿叔泰麵都好hit 🤤就試下拉🤭店舖座位不多大概20個座位左右啦，我到嘅時間尚早唔使等位😬店舖裏面嘅裝修都很有泰國特色☂️☂️仲掛住水槍同播住泰國音樂🇹🇭呢種環境當然要飲番杯泰國啤酒啦🍺🍺全面有四款，豬、牛、雞、冬陰公。河粉有啲似我哋嘅陳村粉，都幾大碗了很多牛肉豬肉丸，加咗花生碎九層塔通菜，最緊要個湯底好鮮味，仲有豬油渣最出色👍👍唔覺唔覺成碗湯飲晒，湯底做到濃而不膩😋😋雞肉船麵，用了雞鎚同雞腎，幾特別喎😍喺香港好少會用呢個配料。搭配湯底反而唔錯，金邊粉細細條吸晒湯嘅精華😌小食叫咗碳燒豬頸肉好香好juicy 好林！點埋泰式醬汁更加惹味，不太辣食完好滿足，幾十蚊人頭消費來講都算係好抵食👍

去過泰國旅行後, 愛上了泰式船河, 早年在香港好少見的, 可幸最近越開越多, 連元朗都有得吃, 十分方便。趁今日放假, 來這裡食個河, 再行行街。泰國飲品給我的印象很甜, 不過甜的東西本來就討好, 偶爾喝一下可以接受, 這杯泰式奶茶甜度不算太過火, 夠香夠濃夠奶味, 也很冰涼, 夏天飲一流。第一次來一定選牛肉船麵, 和泰國吃到細細碗的不同, 變成了大碗版本, 一碗已經好夠飽。主要材料有牛腩和牛丸, 牛腩做得很用心精緻, 每一件都煮得很軟腍入味, 有點中式牛腩的感覺, 而牛丸是泰國版細粒的, 很爽彈, 湯底清甜夠味不會太鹹, 可以喝光的味道, 還有少許通菜和炸豬皮, 整體味道蠻正宗的。喜歡這裡的河粉, 是大塊的款式, 泰國吃到的也是這樣, 有米香, 滑溜, 份量多到吃不完。$58一碗大大碗泰式好味船河, 幾抵食, 所以這裡客人甚多, 往來不絕, 店員雖然繁忙, 服務也不錯, 好生意的小店呢, 自己也覺得是可以一再吃的船河。

近期喺IG見到朋友食元朗一間船河，新開嘅餐廳，泰國愛好者梗係要嚟食下啦！元朗西菁街，好容易搵到，七點食飯時間已經有人等位，入到去鋪頭感覺好乾淨，而且裝修係用咗潑水節做裝飾，感覺好清新，雖然餐牌食物種類並不算太多，但求精。牛肉船麵$58，湯底好濃，而且好清新唔肥膩，湯底係用新鮮牛骨製成，牛腩鬆軟及啖啖牛味重，仲有細細粒嘅彈牙牛丸，感覺好地道！雞肉船麵$52，有三隻入味嘅雞鎚，雞腎配合泰國炸豬皮，好懷念泰國旅行，泰國粉絲及米粉都好出色，粉絲彈口幼細，米粉幼滑！香芧魚露雞翼$46,雞翼每隻大細適中，肉質柔嫩而且唔熱氣，每啖雞翼滲透鹹鹹香香嘅香芧魚露味，風味十足！味道環境價錢親民中尚，泰國風味十足推介推介

早幾個月同朋友路經店舖問口,見到呢個小店,不起眼,在元朗茜菁街尾,比較隱祕,但裝修好精緻,牆上的壁畫十分搶眼,好有親切感,上次食完真係覺得十分好食,湯底香濃,十分入味。今曰收工專登再去,大約離屋企行十分鍾左右,十分方便今曰—個人去,比上次多左好多人,門口排隊,大約等左十分鍾左右上次食左豬麵,今次試下牛麵,更加好味,湯底肴得好入味,配河粉,個河粉超滑同上次—樣叫左個魚露雞翼,好出色,好嬾滑,再配個青檸梳打,好滿足侍應不算多,但勝在快手快腳,落完單,好快就上餐,服務周到，底讚

元朗都有船麵食！呢間阿叔泰麵獨沽一味只賣船麵同少少小食，呢日就特登同男友去試下！小店人氣好旺，630pm已經坐滿人，大概等咗10min就可以入座啦！揀咗一碗牛肉船麵($58)同一碗雞肉船麵($52)。每碗船麵都有炸豬皮，賣相正宗，而且可以自選麵條。牛肉船麵有新鮮牛腩同牛丸，不過牛腩份量好少，牛丸亦細細粒唔夠彈牙，肉味一般，反而我欣賞個金邊粉夠咬口，唔會太淋，麵質唔錯。湯底亦飲得出有誠意，用牛骨熬成，無味精，味道鮮甜。雞肉船麵有三隻雞槌同雞腎，份量比較足，感覺性價比較高，哈哈。河粉好滑身，亦唔會太淋，麵質確係幾好。我哋仲試咗三食雞翼拼盤($58)，三款雞翼包括：紅咖喱、香茅魚露同酸辣凍雞翼，味道特別。我最鍾意食香茅魚露雞翼，充滿香茅香味，雞翼亦嫩滑juicy。酸辣凍雞翼係好開胃嘅小食，酸酸辣辣，非常過癮，不過我唔太食得辣，食到後期真係有D辣。

去元朗搵隱世泰式船麵。佢嘅位置比較偏僻，從地鐵站要行一段路先至搵到。門面同鋪內嘅空間都比較細，大概坐到20人到啦。好彩今晚唔算太多人，一入去就有位坐啦。點左佢最出名嘅牛肉金邊粉，加枝象啤。麵到啦，見到個湯底啲顏色都幾深色，應該都真係幾濃味嘅。至於餸方面就有牛腩，炸豬皮，芽菜，同埋三粒豬肉丸。湯底味道偏甜帶點辣，都幾濃味嘅，真係唔錯。至於牛腩亦忟問好淋，不過就唔係太入味啦。豬肉丸尚算爽口彈牙，其他配料就不過不失啦。如果吃得辣嘅朋友可以再加多啲辣椒粉增加刺激感。整體來講前面都幾特別嘅值得一試。

呢間餐廳好似半年前開始有啲雜誌、網上推薦咁，時不時都會見到facebook有介紹，咁啱朋友話想試下船麵，於是搵個星期六試下佢先。基本上船麵有三個口味（豬、牛、雞），我就揀左牛肉，有幾嚿牛腩同幾粒豬肉丸，揀配河粉，唔係平時食開一條條果隻而係一片片咁，口感好軟，唔洗點咬咕一聲吞左咁。牛腩好普通，同街邊牛腩河啲牛腩冇咩分別，湯底就非常之甜，坦白講就真係唔太啱我口味了。泰國街邊幾廿baht碗真係好食好多，可惜最近都唔得閑去泰梳乎下啦朋友嗌既雞肉口味menu話會有雞槌同雞腎，雞腎完全唔見影，得三隻食落好咸既雞槌。飲品嗌左香茅斑蘭特飲同椰青，前者好甜，真係泰國口味，而椰青應該係今餐我地最滿意既一樣了，表現正常，夠凍呀！坐得唔算特別舒服，好彩下午茶時間先去幫襯，唔洗排隊，要排隊食既話應該唔太開心總括黎講，冇下次。

船麵聽了很久一直未有時間去一試，終於平日下午來品嚐一下了！因為不想人多所以選擇了平日，原來用openrice 可以用優惠價買$100優惠卷而且可以即時用👍🏻我們兩個人叫了牛肉船麵、豬肉船麵⋯還可以半價叫飲料⋯叫了泰式奶茶、香茅班蘭特飲👍🏻味道不錯！好有泰國當地飲的味道！另外還叫了三式雞翼併盤（酸辣凍雞翼、香茅魚露雞翼、紅咖哩雞翼）又幾好味喎！怪不得每枱都叫👍🏻店內裝潢也很漂亮，很有東南亞feel~~雖然店員都比較年輕，但也挺有禮貎的！不錯！