阿叔泰麵 (西菁街) (已結業)

星期六特登入元朗去試一試個船面, 個位置幾入 ,係車房附近。間餐廳新裝修企理, 講番正題,餐牌選擇唔算多, 船面有牛豬羊, 我就點左豬用,加一杯凍泰茶。 其實飲品真係唔錯, 有曼谷Chatramue個種味道,8 9成似,份量我就嫌少左d, 都廿幾蚊杯,好快飲晒。面個味道正常偏淡,可能要歡迎合番港人口味,我配金邊粉,辣道就要靠側邊既調味料調較, 上台時係唔辣, 同其他船面比較,就岩晒怕辣既朋友。

好耐都無寫食評，今次又係特意支持小店，所以又開始寫下，雖然昵間店食物選擇唔多，但比佢店內的有趣壁畫吸引，所以就打電話訂定位。一到步門口已經有不少人等位，老闆出來非常有禮貌話今天的食材唔夠，所以只可以做埋已拎籌的三枱客人，我地話已打電話定枱，老闆就入廚房睇下足晤足夠材料做埋我地，好彩可以做埋我地這枱客，等候嘅時候，老闆很有禮貌和耐性幫我們落定單，等我們有位時就可以早D有得食😋3式雞翼拼盤3式有酸辣凍雞翼、香茅魚露雞翼和紅咖哩雞翼。我比較喜歡紅咖哩和香茅魚露雞翼，因為非常惹味香囗火辣阿嫂青木瓜沙律青木瓜好爽囗，已叫少辣，不過都好辣😂牛肉船麵湯底味道好濃，牛肉丸彈牙，牛腩亦好淋，配上香脆炸豬皮，好味。豬肉船麵豬肉丸彈牙，好香肉丸味👍🏻雞肉船麵這個麵我無試，所以比唔到意見😂阿萊燒豬頸肉豬頸肉好淋，亦帶點爽囗，可能肥肉比較多，所以食落有點油膩。有趣壁畫，裝修簡單又舒服😌直得一讃係每位店員和老闆都很有禮貌👍🏻👍🏻

見某媒體介紹元朗以船麵做主打的ASOK, 專登同朋友一試究竟.. 😛 大概晚上八點去到要排十位左右, 希望好味值回票價吧, 塊板話晚巿最後40碗 !餐牌簡而精, 主推四款麵 一目了然, 可後頁追加小吃飲料選左牛肉船麵, 湯頭標榜用牛骨煲成好深色, 味道好濃但飲完返屋企都無口渴應該就無味精 ! 入面有炸豬皮, 牛腩, 肉丸, 可以選麵底, 原來河粉是一大片不似平時一條條的, 幾有特式絕對值得一試。唯份量偏小男生未必夠飽 😜三色雞翼都幾抵食 !

第一次黎食阿叔船麵，好期待呀唔知泰唔泰因為3點先去到只係要等7張枱等左半個鐘入得咁我地2個人就叫左牛肉船麵同埋豬肉船麵老實講餸係普通,湯底係好好味牛肉船麵有牛腩同牛丸 豬肉船麵有豬肉片同豬肉丸仲叫左個三色雞翼，分別係酸辣（係泰式鳳爪果個味），紅咖哩雞翼（唔辣既），香茅雞翼（讚！）咁我覺得最好食係香茅雞翼好好食下次可以叫全碟香茅雞翼青檸梳打就無味唔知係咪唔記得左加糖水比我掛哈哈哈...整體上都ok會再有下次

前幾天在網站有廣告見到，所以知道有這間餐廳！所以今天得閒來試一試，lunch 時間好多人，門口也有不少人排隊，一位容易等位🤣不用等太耐！我點了一碗牛肉船麫（金邊粉）另外可以㨂米粉，河粉，粉絲的，碗麪有牛腩，牛丸，芽菜，花生碎，炸豬皮（好好吃）另外我叫了一碟香茅雞翼！平時去泰國餐廳我通常叫炒金邊粉，今次這款船麵也好好吃，麫覺得少了些！下次來會試埋豬肉船麫！阿叔好細心，（應該是老闆）我一個人搭枱（四人枱）同三人坐，我坐外面，筷子其實我也有少少不好意思拿，正好想拿，叔叔就幫我在隔離枱拿！仲有我坐在收銀前，叔叔找錢時，都會同客人講招呼不到，幾熱誠！

聽食過嘅朋友介紹講話幾好食，我就特登同老公去食一次睇下係咪真係好食啦。間鋪嘅地址還好，唔算偏僻，喺千色商場步行3分鐘左右就到。一去到見到環境細細，但係都滿座，坐低之後，見環境個裝修幾好，整得幾特別！我地食左店鋪推介既牛肉船麵、豬肉船麵、香茅魚露雞翼小食，同埋飲左杯青檸梳打，我地覺得杯嘢飲就正正常常，但船麵同雞翼，真心覺得好味！船麵湯底濃郁得黎帶d甜味，都好足料，而份量對於我地黎講係好足夠嘅。下次會想試吓佢講咩炸肉丸。好少可以喺香港食到好味嘅船麵，總括黎講，值得推介。

睇介紹覺得船麵呢樣野幾新鮮，所以就黎試下，位置都唔算難搵。內籠裝修都算幾靚，不過就得幾張枱，但就好彩唔洗排隊。Menu 上既野食唔算多，但我覺得對小店黎講係一種好處，主要有4種面，小食同埋飲品。而今次我地專登黎食船麵，當然要叫！！！我地order 左牛肉船麵同雞肉船麵兩款口味。牛肉船麵牛肉夠淋，d 麵食落口感似食金邊粉咁。湯底好濃，個人覺得不錯。雞肉船麵雞肉都好嫩，而且佢仲有隻碟仔俾你裝雞骨，非常貼心。

睇到元朗竟然有泰國船麵食，當然要去試下。店內裝潢都幾有新派泰國感覺，好多牆上繪圖，感覺好有活力。船麵有三款選擇，牛肉、豬肉同雞肉。唔食船麵的話，仲有冬蔭功湯麵的選擇～～佢麵類選擇有米粉、金邊粉、河粉同粉絲，最搞笑係有泰國米飯🍚的選擇，即係變成湯飯～～我最後點左牛肉船河，佢既河粉好得意，同我地平時食既河粉好唔同，好似蒸腸粉攤開咁闊，食落去質感好滑。配菜有牛丸、牛腩、油渣條同通菜，湯底算係幾普通的牛骨湯而且有點太甜，而且同我平時食開的船麵湯底相比無咁濃郁而且香料味不夠重。味道唔係唔好食，只係唔算好正宗的船麵。

今日話說睇左某假期既廣告就特登返入元朗食飯，一心期待佢有個優惠，可能係自己唔夠細心，原來特價優惠只適用於平日3-6點，禮拜五六九點至11點🤷🏾‍♀️咁冇優惠都照食啦，其實本身價錢都OK，一般粉面價格，份量都足料，可能比廣告吹虛得太好味，食落同自己想像中都有大分別。豬肉船麵（叫左粉絲底）唔知係臨收舖定還是係點，塊豬肉煮得有啲老，粒豬肉丸係OK嘅，但略嫌湯底比較少，而且啖湯佢哋標榜係牛骨整嘅，但係唔知點解最後啖湯有啲怪🤷🏻‍♀️唯獨是比較出色嘅係塊炸豬皮，食一次就夠啦。青木瓜沙律個沙律係夠辣嘅，但係舊蕃茄同啲配料有啲Hea🤦🏿‍♀️如果係講到自己咁正宗係泰國人整，點解連粒花生都要冇花生味🤷🏾‍♀️而且份量都比較少，整體上仲有好多進步嘅空間。酸辣凍雞翼呢個係我唯一一個冇影相嘅食物，因為已經差到唔值得去影，一碟有六隻，但我哋只係食咗兩隻，因為雞翼上枱嘅時候本身已經好爛，師傅好似完全冇揀過咁，雖然佢係凍雞翼，但係呢種硬嘅程度完全未能接受，而雞翼入邊完全沒有味道，完全好似浪費左$42🤦🏿‍♀️唯一會讚嘅就係老細嘅服務態度，因為係埋單俾錢嘅時候都會問你味道如何，我都有如實同老細反映以上嘅問題，希望下次再幫襯嘅

泰國餐廳就有好多，但專注淨係食船麵就少之又少。 元朗竟然有間新開張嘅泰國船麵， 作為地膽嘅我梗係要去食下啦內裏嘅油畫可愛別緻， 好有動感，感覺開心和好有年青嘅感覺， 當堂覺得自己好似後生咗。泰國打拳褲都有兩條做擺設， 夠曬霸氣牛肉船麵牛肉份量多，肉質比較淋身重牛味，肉丸夠彈牙，湯底帶些少甜味而且唔會太鹹，真係幾岩我口味。燒豬頸肉燒到金黃色，肉質鮮嫩，厚度適中唔會太韌， 再配上辣汁，非常惹味。泰式奶茶味道同係泰國飲既一樣，香滑而且唔會太甜，如果可以多小小冰會更好。餐牌簡而精， 價錢也大眾化， 簡直係人氣之選

今日同爸爸媽媽到元朗買嘢，媽媽話聽佢啲朋友介紹 ，有間泰式船麵，一於黎試下先~小店裝修好特別，有泰國風情畫的感覺。餐牌主打船麵，當然要點船麵來吃，我們三人每人點一個，媽媽就想要辣一辣，點了冬陰功~每款麵都可選配米粉，金邊粉，粉絲和河粉。牛肉麵， 一上枱傳來很香的味道，應該是由濃郁的湯底傳出的。牛肉麵有新鮮牛腩，牛丸。牛丸小小粒很彈牙，牛腩軟淋，配上牛骨濃湯一絕。豬肉船麵， 我最喜愛炸豬皮，脆脆香口的，為這麵增添了色彩。冬陰功湯麵，香香辣辣的，十分醒胃~

元朗出名係美食之都，有着各式各樣嘅餐廳小食！都係非常吸引！吸引左好多唔少住九龍港島區嘅人都會慕名而來！最近開咗一間泰國特色船面，最近好多香港人好鍾意去泰國旅行！船面仲係必食，所以難得有一間專食船面嘅泰國餐館一定要試吓！船面方面有牛腩配牛丸 （如果有九肉就更好啦），豬肉片配豬肉丸同埋雞髀配雞腎！選擇都算係唔錯，應有盡有！飲品方面都係以泰國特色嘢飲為主，有泰國奶茶，睇色水已經知道係正宗泰國奶茶😍仲有青檸梳打👍🏼豬頸肉燒得幾好食，唔會太乾而且配有醬汁！好岩口味😋

美食林立嘅元朗又多左間唔同特色嘅小店，阿叔船麵，一睇就知主打船麵，裝修亦都好靚🤣主打嘅麵食有4種，價錢亦差不多有各種小食，飲品亦都多元化酸辣凍雞翼擺盤好吸引，對比色令我地食慾大增。雞翼皮爽脆，雞肉入味，如果肉質再嫩啲就正牛肉船麵一黎到已經好香，好足料，有牛丸牛腩同炸豬皮等等。 牛腩夠淋又半肥瘦，食落有少少入口即溶嘅感覺，湯底濃而不膩，正呀！🐱 飲品叫咗熱檸蜜同泰式奶茶，檸蜜一嚟到就好香，飲落好舒服;泰式奶茶飲到好多種唔同香料嘅味道，亦都好平衡，對於港式奶茶控嚟講嘅我，都覺得好掂😻埋單146，都幾抵食

有聞喺西菁街開咗間新嘅泰國麵店，睇相個湯底嘅顏色真係十分似樣，啲小食雞翼仲有幾隻味道，一直都躍躍欲試，今日係機會喇。麵店門外有個歐多牙位，方便鍾意一路食麵一路食煙嘅朋友。餐廳嘅裝潢相當有特色，牆上係色彩豐富嘅璧畫，以深淺木色為主色調嘅枱櫈，枱面嘅架撐，同埋嗰隻銀色嘅鐵匙羹，都幾有泰國feel。雞肉船麵，雞肉船面揀咗粉絲底，碗麵嚟到先呷一啖我期待已久嘅湯底，湯底有好香濃嘅肉味，個味道有少少似肉骨茶，不過係香濃肉汁版；餸菜方面嘅雞肉係雞腿，雞腿索盡湯汁嘅精華，幾鍾意佢除咗雞肉之外仲有幾嚿雞腎；另外麵上面嗰幾舊脆卜卜類似豬油渣嘅物體亦係神來之筆，少少地幾舊，就令到個麵生色不少。豬肉船麵，豬肉船麵嘅配料除咗豬肉片之外仲有豬肉丸，豬肉丸嘅size同味道同上次去泰國食過嘅有九成像；而個湯底就同個雞肉船麵一樣，都係咁香濃好味，我將個豬肉船麵整色整水，加咗枱面嘅泰式辣椒同埋白醋，成個食法又唔同咗，酸辣嘅味道令個船麵有住更強烈嘅泰國風味。三色雞翼拼盤，三色雞翼分別係酸辣凍雞翼，香茅魚露雞翼同埋紅咖哩雞翼，酸辣凍雞翼個味道有啲似泰式鳳爪，重點係隔離嗰啲醃菜，酸酸甜甜，十分惹味；香茅魚露雞翼個香茅味如果再強

泰式小炒比時食得多，但係湯麵就比較少見。今日就去左元朗千色附近既阿叔泰麵試下新口味。叫左一碗豬肉船麵，佢既湯底係話用牛骨熬成既，飲落都幾有鮮味幾開胃唔錯。我本身就唔係幾接受金邊粉既味道，所以就配左河粉。河粉係一片片既而唔係平時麵檔食果隻，食落就好滑，掛左更多既湯。配料係好有豬味既豬肉片同埋豬肉丸。總體黎講好有係泰國路邊㰙檔坐低食野既感覺。推薦！